1 Peter 3

1 Ale sohena, harÌai lahi ha toho na ruhuruhu suihan tuamim, hina purongo vara la sopo oloolo na reti non God, la pa rasua, mo sopo matan te reti ka verea, pani hina posimim purongo, 2 vara la hite na nomim posposi vokevoke matan ka matahun God. 3 Ha sopo rÌomrÌomia vara sava ka vaia na epemim purongo i pa vai kamim ha rÌuhu, vara hinau sohena peri vulu teni, tau na hinau la vaia na gold, teni ka ruru na ruru rÌuhu, 4 pani ha rÌomrÌomi na sava mo vai kamim ka rÌuhu na lolo mapumim i pa sopo erÌi rÌovo sohena posposi rÌomatano, ale posposi malum, enira la rÌuhurÌuhu jea na nahon God, 5 matan tuai mo sohena, harÌai tapu enira la haratu la lo rÌomtoho hin God, enira la hasera vaira la rÌuhu na nora posposi oloolo isana tuara, 6 sohen Sarah mo oloolo hin Abraham mo tovia mara ’noku tamlohi tavera’. Ale kamim ka mai venatuna tataholo vara ha lo vai na hina rÌuhu, ale ha sopo matahu, ha turu rÌilangi vara la ngurunguru hin kamim hin te hinau mo sopo tataholo vara ha vaia. 7 Tamlohi lahi, sohena, ha toho peresi na naroumim, pani ha sopo rÌomaliho vara enira la sopo rÌilangi sohemim, pani la malum matan enira harÌai. Ha sile na oloolo isara matan enira sohemim, la lavi mauri paro atu God mo silea moiso, vara i vono, God i pa sopo rongo na nomim usiusi. 8 Ale isoisona, kamim mo isoiso, ha matea na rÌomimim, ha rÌomrÌomi na tinapua, ha opoiopoi kamim na rÌomopoia, ha rÌomatano, 9 ha sopo kele na posposi sasati teni te retileji, mo vono, pani ha lerÌuhu, matan God mo tovi kamim vara ha pa lavi na nona lerÌuhu. 10 Matan Retitapu mo verea vara, ‘Vara tea mo opoia vara i opoi na mauri, ale i hite na rani rÌuhu, i pa isoiso na nona retiretileji, ale i isoiso na nona retiretihalu; 11 i pa vaharÌi na posposi hehe, ale i vai na vavahinau rÌuhu, i pa ale na tamata, i tutunguia. 12 Matan, matan Moli la lo kilau la haratu la tataholo, ale perona la lo roi na nora usiusi. Pani Moli mo lo turuleji isan la haratu la lo vai na hehe.’ Psa 34.12â16 13 Ale hare natu, i pa komo kamim vara ka opoia rÌilangi vara ha vai na posposi rÌuhu? 14 Pani hina purongo vara ka lo lavi na rani rÌilangi mata nomim posposi tataholo, God i pa lerÌuhu hin kamim matana. Ha sopo matahunira teni ha rÌomkaka. 15 Pani ha vai KrÌisto i Moli na maurimim, ale ha tatamahu tarea mata ha rÌarami tea vara i usi kamim hin te retiusia vara ka lo rÌomtoho hinia mata sava. 16 Pani ha vaia na posposi malum peresi na oloolo tavera, ha turu rÌilangi na posposi rÌuhu matan vara tea i veresatihi kamim matan te nomim vavahinau rÌuhu sei ka vaira hin KrÌisto, ale la pa mahanuhanu matana. 17 Vara masalon God mo sohena, mo mele rÌuhu vara ha lavi na rani rÌilangi mata nomim posposi rÌuhu ka lo vaira, mo jeua vara ha lavia mata posposi hehe. 18 Matan KrÌisto sohena, mo lavi na rani rÌilangi na rani mo mate, mata norÌa hehe vahatea mata rani tari, enia mo sopo lo hehe hin te rani, pani mo mate mata tamlohi hehe matan vara i erÌi lavirÌa rÌa mai isan God. Epena mo mate, pani mo mele turu, mo mauri na suihan Tanumen God. 19 Ale hin suihana sei, mo sivo mo retivujavujangi isana tanume tamlohi sei God mo lo taurilatira na varama mata mateia, 20 isan la haratu sei la sopo oloolo hin God na pongi tuai sei God mo lo saovira hin rani atu sei Noah mo lo voro na botina. God mo juri na tamlohi mo limaravtolu purongo hin wai tavei tavera atu. 21 Wai tavei atu, enia tovongi matea mata malele paptijo vara i juri kamim usuri na suiha sauteterahi non Iesu KrÌisto. Paptijo enia tovongi matea mo sopo hoje narÌihi na lumi epemim purongo, pani mo sohena rÌomtauhi rÌuhu matea ka lo vaia na rÌomimim rÌuhu isan God. 22 Ale KrÌisto sei mo sahe na tuka, mo lo tauri na suiha non God na tavaluna, ale angelo peresi la haratu la lo tauri na suiha peresi la haratu la rÌilangi, enira mo isoiso la lo toho na ruhuruhuna.