1 Thessalonians 4

1 La voraiku peresi na vevoraiku rÌuhurÌuhu, mele hinau matea, hin rani atu kama lo toho peresi kamim, kama vujangi kamim vara ha pa hahau sohena sava na maurimim vara ha vai God i avulahi, ale ka lo usuria sohena. Ale nake na hijan Moli Iesu, kama vere kamim vara ha lo ulua i tavera hinia. 2 Matan ka levosahi vujangi atu kama lo taua na limamim moiso na suiha non Moli Iesu. 3 Matan masalon God mo sohen harihi, vara maurimim la vokevoke, ale ha toho asau na mauri maji, 4 ale vara kamim hatehateahi ha levosahi na malele mata hase kilau mamahuni na epemim na malele tapu vara tamlohi la pa hasohaso kamim matana, 5 mo sopo na masalo epemim sohena tamlohi rÌorÌoha la lo vaia. 6 Ha sopo vai te hehe sei isan te voraimim kalesia hatea, teni ha halua hin malele akerihi, matan God i pa sile na talai isana tamlohi sohena, vara la lo vai na hina sati sohen harihi, sohen kama pete sile na nomam retireti rÌilangi isamim matara moiso. 7 Matan God mo sopo tovirÌa mata mauri mo lumiha, pani vara rÌa hahau na mauri vokevoke rÌuhu. 8 Matan haratu, vara tea mo rÌohu hin la vujangi nike, mo sopo rÌohu na tamlohi, pani mo lo rÌohu hin God sei mo lo silerÌa na nona Tanume Tapu. 9 Nake, na posposi vorai la opoiopoira, kama sopo opoia vara kama mele uli te hinau isamim matana, matan kamim God mo vujangi kamim moiso vara ha opoiopoi kamim. 10 Ale vararÌuhu, kamim ka opoi na vorai kalesia tari rÌalihi Macedonia. Ale la voraiku peresi na vevoraiku rÌuhurÌuhu, sava ka lo vaia mo rÌuhu, pani ha mele ulua i tavera hinia. 11 Ha tau na rÌomimim vara ha usuri na mauri malum, ha sopo sohai na ngalsumim na hinau non tinapua, ha hani na masmasumim hasemim sohena kama verea isamim, 12 matan vara la haratu la sopo rasua la pa hitevosahia na nomim hahau, ale la hasohaso kamim matana, matan vara ha pa sopo rÌomtoho na tinapua. 13 La voraiku peresi na vevoraiku rÌuhurÌuhu, kama sopo opoia vara ha sopo levosahia vara i pa sohena sava isan la haratu la mate moiso teni vara ha tangi sohen la haratu sei mo sopo te nora rÌomtoho. 14 RÌa rasua vara Iesu mo mate, ale mo mele turu, ale rÌa rasua vara God i pa vai la haratu la mate moiso hin Iesu, la pa mai peresi Iesu. 15 Sohen Moli mo hase verea, kama verea isamim vara enrÌa sei rÌa pa lo mauri, vara rÌa pa toho i tikeli rani atu Moli i mele mai, rÌa pa sopo tiroma hin la haratu la mate moiso, 16 matan Moli hasena, i pa tai na tuka i sinai i ulo na retileu, peresi na leo supe nona angelo matea, ale peresi na roroa trumpet non God, ale la haratu la mate hin KrÌisto la pa turu tiroma. 17 Ale hitahun haratu, enrÌa sei rÌa pa lo mauri, ale rÌa pa lo toho, rÌa pa sahe peresira aulu na telangi vara rÌa pulutahi peresi Moli na masapa, ale rÌa pa toho peresi Moli tui tui. 18 Matana, ha retituetueni kamim hatehateahi hin la reti nike.