1 Thessalonians 5

1 Ale nake, la voraiku peresi na vevoraiku rÌuhurÌuhu, kama sopo opoia vara kama uliuli isamim matan la rani sei, 2 matan ka levosahia mo rÌuhu moiso vara rani atu vara Moli i pa mele mai hinia i pa sohena tamlohi vavanaho matea mo mai na vutepongi. 3 Vara tamlohi la lo verea lara, ‘Tamata mo lo toho, ale rÌa tatamahu!’ Vahatea purongo, komokomo i pa jovi isara, sohena harÌi varihaji isana harÌai mata lavilavi. La pa sopo erÌi rovo. 4 Pani kamim la voraiku peresi na vevoraiku rÌuhurÌuhu, ka sopo toho na rÌorÌoha matan vara rani atu i vai kamim ha pa hutu kamim sohena ka hutu kamim na tamlohi vavanaho matea. 5 Kamim mo isoiso ka natun malarani, ale nomim hahau enia mata rani. EnrÌa rÌa sopo mata vutepongi teni mata rÌorÌoha. 6 ale matana, rÌa sopo sohena tatuara sei la lo juruvi, pani rÌa tatamahu, ale rÌa hase taurilatirÌa. 7 Matan la haratu la lo juruvi, la juruvi na vutepongi, ale la haratu la lo putu na wai rÌilangi, la putu hinia na vutepongi. 8 Pani matan enrÌa rÌa tamlohi mata malarani rÌa hase taurilatirÌa tarea, rÌa ru na rasua peresi na opoia sohena ruru mata tingting matea, ale nomim rÌomtoho mata juri i pa sohena hat matea mata vuro. 9 Matan God mo sopo virÌonirÌa vara i pa sile na nona talai lolokoru mata hehe isarÌa, pani matan vara rÌa lavi na juri hin norÌa Moli Iesu KrÌisto. 10 Enia mo mate matarÌa matan vara hina purongo vara rÌa lo kilau teni rÌa juruvi, rÌa pa toho peresia. 11 Matan haratu, ha retituetueni, ale ha tueni kamim hatehateahi sohen ka lo vaia nake. 12 Nake kama lo usi kamim la vorai peresi na vevorai rÌuhurÌuhu vara ha sile na oloolo isan la haratu la lo voko rÌilangi isamim, haratu la aulu hin kamim hin Moli, ale la lo retirÌoarÌoahai kamim. 13 Matan sava la lo vaia ha silera na oloolo tavera na opoia mata nora voko. Ale ha sopo vasvas peresi na tinapua. 14 Ale kama lo usia rÌilangi isamim la voraiku peresi na vevoraiku rÌuhurÌuhu vara ha retirÌoarÌoahai la haratu la maloko, ha retituetueni la haratu la matahu, ha tueni la haratu la sopo suiha, ha rÌomperavu isan tamlohi tari. 15 Ha lo kilau matan tea i sopo kele na hehe peresi na hehe, pani tarea ha vaihite vara ha vai na posposi rÌuhu isamim hatehateahi, ale isana tamlohi la sopo rasua. 16 Ha avulahi tarea, 17 ha lo tatamahu mata usiusi tarea, 18 ha vere meje mata hinau tari, matan harihi enia masalon God hin KrÌisto Iesu matamim. 19 Ha sopo vuni na hapu Tanumen God, 20 ha sopo hitelehilehi na sava tamlohi rasua tinapua mo verea vara Tanumen God mo vujangia isana. 21 Pani ha tapurongo hinia, ale ha vaihite na sava mo verea vara la vararÌuhu teni, ale ha taurilati na sava mo rÌuhu. 22 Ha toho asau na hinau tari la sasati. 23 Nake God mata tamata, enia hasena i pa vai kamim ha tapu vevuhi, God i pa vai mamahuni na tanumemim, na maurimim peresi na epemim matan vara la pa toho vokevoke, ale tea i sopo erÌi tuvai kamim hin te hinau na mele mai nona norÌa Moli Iesu KrÌisto. 24 Haratu sei mo tovi kamim enia i pa sopo erÌi tope na nona retitauhi, vararÌuhu enia i pa vaia. 25 La voraiku peresi na vevoraiku rÌuhurÌuhu, ha usiusi matamam. 26 Ha sile na retioloolo mata opoia isana vorai peresi na vevorai rÌuhurÌuhu tari. 27 Na lo retileu isamim na nahon Moli vara ha evi leta nike isana vorai kalesia mo isoiso. 28 RÌomrÌuhu non norÌa Moli Iesu KrÌisto i pa lo toho isamim.