1 Timothy 6

1 Haratu la rasua, pani la lo slev, mo tataholo vara la sile na oloolo isana nora tamlohi tatavera tarea matan vara tea i sopo erÌi retisatihi na hijan God teni na vujangi rÌuhu. 2 Vara slev te nora tamlohi tatavera la vorai rasua, la pa sile na oloolo isara, matan enira la vorai rasua sohera, mo rÌuhu vara la vai na vavahinau rÌuhu isara, i jeu na tamlohi tatavera tinapua matan, enira la vorai rasua, ale God mo opoira. Reti Haluhalu Peresi Na Tavtav VararÌuhu Timothy o vujangi la hinau sei isana tamlohi, o verea rÌilangi vara la pa oloolo hinira. 3 Vara tea mo lo vujangi te vujangi tinapua, ale mo sopo majinga na reti tataholo non norÌa Moli Iesu KrÌisto, peresi na vujangi sei mo lo usuri na mauri God mo opoia, 4 tamlohi sohena, mo mangisi jea, mo sopo levosahi te hinau hatea. Mo opoia hajavua vara i lo sorasora hin te hinau tamlohi la sopo levosahia vara mo vararÌuhu teni mo vono, ale mo lo retireti na hinau matuvana mata vasi purongo. Posposi atu mo lo vaia mo vai na tamlohi la lo mereimerei, la patumasa, la retirÌerÌen, la rÌomrÌomi sati hinira, 5 ale tarea la vasvas peresi haratu rÌomira la lejileji, mo sopo te retivararÌuhu hinira, ale la rÌomrÌomia vara posposi mata mauri rasua mo sile na masapa isara vara la tavtav, 6 vararÌuhu, posposi mata mauri rasua i pa vai na maurim i tavtav, pani isan la haratu purongo sei tarea la sopo rÌomusuri te hinau tinatinapua, 7 matan rÌa vora lekoleko na varama, ale vara rÌa mate, rÌa pa malue lekoleko. 8 Pani vara te harÌa hanhani teni te norÌa ruru, rÌa pa avulahi matara, 9 pani la haratu la opoia vara la tavtav, la pa jovi na hina vaihite, ale masalora mo lihora na hinau rongorongo vono peresi na hinau mata komora purongo, ale hinau sei mo putehi na tamlohi na komokomo tavera. 10 Matan, opoia mata mania enia pulo hinau mata hina sasati tari. Matan masalo sohena, mo reve narÌihi na tamlohi hai na malele rasua moiso, ale la hase sarihira hin te rongosati matuvana. 11 Pani isam, tamlohi non God, o rovo hin la hinau sei. O tutungui na malele mata mauri tataholo, o tutungui na posposi atu God mo opoia, rasua, opoia, rÌomperavu peresi na rÌommalum. 12 O vai na valum rÌuhu mata rasua, o taurilati mauri tui atu God mo toviho hinia, peresi taviti rÌuhu atu ko vaia na naho tamlohi matuvana. 13 Na lo verea na nahon God sei mo lo sile na mauri isana hinau tari la mauri, peresi nahon KrÌisto Iesu sei mo vere na taviti rÌuhu mata retivararÌuhu na nahon Pontius Pilate, ale na lo verea vara 14 engko o pa taurilati retileu nike, o sopo malue narÌihi hinia i tikeli rani atu Iesu KrÌisto norÌa Moli i mele pala: 15 na nona rani tataholo, enia haratu mo avulahi mo tavera jea, ale enia hasena mo aulu na hinau tari, enia Supe nona supe, enia Moli nona moli. 16 Enia hasena, mo lo toho jejeu, mo lo toho hin memera tavera atu tamlohi la sopo erÌi mai mariviti hinia, mo sopo lo tea i hitea, teni tea i erÌi hitea. Isana, rÌa pa sile na oloolo, ale enia i pa lo tauri na suiha tui tui tarea. Amen. 17 Isan la haratu la tavtav nake na varama, o verea isara vara la sopo tau na rÌomira i sahe aulu teni vara la rÌomtoho na nora tavtav, matan rÌa sopo levosahia vara la pa toho i tikeli pangisa. Pani o verea isara vara la lo rÌomtoho hin God hasena, matan enia mo lo sile na hinau tari isarÌa matan vara rÌa avulahi hinira. 18 O verea isara vara la lo vai na hinau la rÌuhu, o verea isara vara la tavtav na nora vavahinau rÌuhu, la pa hansohai, ale na nora rÌomavulahi la tatamahu vara la asease na nora hinau. 19 Hin malele sei, la lo takonahi na tavtav tavera matara hasera, sohena pulo rÌuhu matea matan mauri atu mo lo mai, ale o verea isara matan vara la erÌi taurilati mauri atu, enia mauri vararÌuhu. 20 Timothy o matahi la hinau sei God mo lo silea isam moiso. O sopo usuri na sorasora vono teni te rÌomrÌomi sei la verea vara enia ‘hina lelevosahi’ 21 matan tamlohi hai la lo turu hinia la lo vano malue na malele rasua moiso. Noku usiusi vara rÌomrÌuhu non God i pa toho isamim isoiso.