1 Timothy 5

1 O sopo hapuhi na tamlohi taunina mo jeu na taunim, pani o usia i rÌilangi isana sohen ko lo vaia isan tamam, ale o retireti isan la haratu taunira mo sopo lo jeu na taunim sohena tasim. 2 Isana harÌai taunira la jeu na taunim, o retireti isara sohen ko lo retireti i rÌuhu isan tinam, ale o retireti i rÌuhu isana harÌai taunira la sopo jeu na taunim sohena vetasim, ale o sopo sile na masapa isam hasem mata o rÌomlumiha hinira. 3 O sile na oloolo isana harÌai malepu la haratu la harÌai malepu vararÌuhu, harasei mo sopo te tinapua vara la pa lo kilaura. 4 Pani vara te harÌai malepu te natura teni nona vajiaha mo lo toho, mo rÌuhu vara enira la vujangi na nora rasu na vavahinau mata la kilaua sohen harÌai atu mo lo tapna kilaura tiroma, matan God mo avulahi hin posposi sei. 5 HarÌai malepu vararÌuhu mo sohen harihi, mo lo toho hasena, ale enia matea mo tau na rÌomina isan God tarea, ale posina enia mata usiusi mata tuetueni na rani teni na vutepongi, 6 pani vara te harÌai malepu mo lo rÌomrÌomia enia hasena, mo lo mauri, pani mo mate moiso. 7 O retileu hin la hinau nike isara matan i pa sopo te masapa vara tamlohi la pa pisuhira. 8 Pani vara tea mo sopo kilau na tahisana, ale aulu hin haratu, mo sopo kilau la haratu na lolo imana, mo vaharÌi na posposi rasua, posina sei mo sati mo jeu la haratu la sopo rasu God. 9 O tau na hija harÌai matea na pepa sei mo verea vara sava harÌai malepu natu, vao kalesia i pa tuenira, hijan haratu purongo mo lahi vahatelete, ale taunina mo jeu mo ngavulu limarave. 10 HarÌai atu tamlohi la lo verea tarea vara enia harÌai matea mo lo vai na vavahinau rÌuhu, ale vara te natuna, mo kilau mamahunira la mai la tavera, ale tarea mo avulahi vara i lo lavi na vinano la mai na imana, ale posina mo lo sile na oloolo isana tapuhi tinatinapua non God, mo avulahi vara i hoje na palora, ale mo tau na rÌomina vara i vai na vavahinau rÌuhu tari. 11 O sopo uli na hija harÌai malepu la sopo vajiaha matan masalora mata lahi mo jeu na rÌomira vara la usuri KrÌisto, ale la pa rovo hinia matana. 12 Matana, talai i pa mai isara matan la tope na nora retitauhi isan KrÌisto vara la pa sopo mele lahi. 13 Mo sopo haratu purongo, pani la harÌai maloko vari purongo, la lo hahau rÌalihi na jara la vavano na ima tinatinapua matan vara la aleale retireti. Enira la sopo vai na posposi mata maloko vari purongo, la lo sorasora tamlohi, ale la lo tau na ngalsura hin te hinau mo sopo te nora hinau hinia, ale la lo verea te hinau la sopo tataholo vara la verera. 14 Ale na lo verea vara i pa mele rÌuhu jea vara harÌai malepu la sopo vajiaha la mele lahi, la mele vasusu moiso, la kilau mamahuni na imara, ale la sopo sile na masapa isan norÌa meresahi teni te masapa vara tea i retirÌerÌen hinirÌa matara. 15 Matan hai la vano la posi moiso, la usuri Setan. 16 Pani vara te harÌai rasua te harÌai malepu la lo toho na vaona, i pa lo kilau mamahunira vara la sopo tau na tetehi isana vao kalesia atu, matan vao kalesia la pa lo kilau la haratu la harÌai malepu vararÌuhu. 17 Na tavaluna, patu tamlohi rasua la rÌuhu mata tiroma na vao kalesia, mo tataholo vara ha volira i vaha rua, sohen la haratu la lo voko rÌilangi na nora retivujavujangi peresi na vujangi. 18 Matan, Retitapu mo verea vara, ‘Na rani buluk mo lo savahi na patu wit, ha sopo lasi na jingona vara i sopo erÌi hani te wit makomo atu’. Deut 25.4 Ale mo mele verea vara ‘Mo tataholo vara tamlohi voko i lavi na volina’. Lk 10.7 19 Ale, o sopo tapurongo tiroma isan tea vara mo tuvai na patu tamlohi rasua matea, pani vara tamlohi mo rua teni mo tolu, la levosahia mo rÌuhu vara tuvai atu mo tataholo, ale nake o erÌi tapurongo hinira. 20 Vara te patu tamlohi rasua hatea mo lo usuri na nona hehe, o hapuhia na naho tamlohi rasua tari matan vara enira mo isoiso la pa matahu matana. 21 Na nahon God peresi na nahon KrÌisto Iesu peresi na angelo God mo virÌonira, na lo sile na retileu isam vara o taurilati la retileu tari sei na lo verea isam vara o sopo opoi na tatuara purongo, ale o sopo vai te hinau na posposi tametame! 22 Ale o sopo vilavila vara o tau na limam hin te tamlohi matan vara o tahea vara i vai na vavahinau non Moli, o pa levosahi mamahuni na posina tako, vara i vono engko o pa hase komoho na nona hehe. O lo toho na mauri vokevoke. 23 Ale o sopo inu na wai purongo, pani o lo inu na waen makomona matan pangem peresi na nom rojoa sei la lo toho isam. 24 Hehe nona tamlohi hai la malue na jara tavera la tiromara na rani mata aria, pani te hehe nona tamlohi tinapua, la pa pala hitahu. 25 Mo sohen haratu isana vavahinau rÌuhu nona tamlohi, la memera purongo, pani vara la sopo pala tako, pani la pa pala hitahu.