2 Corinthians 5

1 Matan rÌa levosahia vara eperÌa nike na varama rÌa lo toho hinia mo rÌovo â vara rÌa mate rÌa pa malue hinia â rÌa levosahia vara jararÌa matea mo lo toho na tuka na epe matea matan tui tui sei tamlohi la sopo voroa na limara, pani God hasena mo vaia matarÌa. 2 RÌa lo malokoloko hin eperÌa nike nake, ale rÌa lo kilau toho matan rani atu sei God i pa ru na epe matan tuka hinirÌa sohena ruru paro. 3 Matan rÌa pa sopo toho sohena tanume mo sopo te epera, pani rÌa pa ru na epe paro matan tuka. 4 EperÌa nike nake la lo mate, la vairÌa rÌa rongohaji ale la puhonirÌa, pani mo sopo matan vara rÌa opoia vara rÌa mate ale rÌa sopo lavi te epe hatea. RÌa opoia vara rÌa unu na eperÌa paro matan vara mauri tui atu i rÌolomi eperÌa tuai nike. 5 God hasena mo tatamahunirÌa matan la hinau akerihi, ale mo silerÌa na Tanumena sohena sope volirÌa tiroma na hinau tari i pa silera hitahu. 6 Ale matana, tarea rÌa lo rÌomrÌilangi, hina purongo vara rÌa levosahia vara rÌa lo toho nike na varama na eperÌa nakerihi, rÌa sopo lo toho peresi Moli, 7 matan nake, rÌa lo mauri na rasua, mo sopo na sava rÌa lo hitera. 8 VararÌuhu rÌa rÌomrÌilangi, ale rÌa levosahia vara i pa mele rÌuhu vara rÌa erÌi malue hin la epe nike matan vara rÌa pa toho na jararÌa na tuka peresi Moli. 9 Hina purongo vara rÌa lo mauri hin epe nike teni vara rÌa mate rÌa malue hinia, rÌa lo tau na rÌomirÌa hinia mata i lo vai Moli i avulahi tarea. 10 Matana enrÌa tari rÌa pa turu na nahon KrÌisto na nona jara sakele mata aria vara i arirÌa. RÌa pa lavi na sava mo tataholo isana usuri na sava rÌa vaia mo rÌuhu teni mo sati hin eperÌa nike na varama. 11 Matan kama levosahi matahu tavera akerihi mata aria non KrÌisto, enia mo vai kamam kama voko rÌilangi vara kama reve na tinapua isana. God mo levosahia vara kama lo vararÌuhu, ale na lo rÌomtoho vara kamim sohena ka levosahia. 12 Kamam kama sopo mele vaihitea vara kama hase tahe kamam, mo vono. Kama lo vere kamim hin la hinau nike matan vara ha erÌi hapahapa hin kamam, ale matan vara ha erÌi rÌarami la tamlohi vujangi haluhalu atu sei la lo reti mangisi na nora vavahinau purongo, pani la sopo verea vararÌuhu vara enira la sava tamlohi. 13 Matan vara tea la hitea vara kama rongorongo vono, enia matan vara kama pa sile na hasohaso isan God hinira. Ale vara kama lo vai na hinau tataholo, enia matan vara i tueni kamim. 14 Matan opoia non KrÌisto mo lo halo kamam, matan kama levosahi mamahunia vara KrÌisto mo mate mata tamlohi tari: ale matan hinia tamlohi tari la mate. 15 Ale enia mo mate mata tamlohi tari matan vara la haratu la lo mauri la pa sopo mauri nora hasera, pani la pa mauri non haratu sei mo mate matara, ale God mo sauteterahia na mateia. 16 Matan haratu nake, kama sopo mele kilau na tamlohi usuri na rÌom tamlohi. Tuai na lo rÌomrÌomia sohena hin KrÌisto vara enia tamlohi matea purongo. Pani nake noku kilakilau mo sopo mele sohena. 17 Mo rÌaramia vara la haratu la mai kalesia hin KrÌisto la mai tamlohi paro. La sopo mele sohen tuai, matan mauri tuai mo tihai, ale mauri paro mo tapulo moiso. 18 La hinau tari nike la tai isan God sei mo sari tamata peresi na tamlohi na varama hin KrÌisto, ale enia natu mo sile kamam na vavahinau mata tau na tamata. 19 Matan rÌa erÌi verea vara hin KrÌisto, God mo sari tamata non varama vara i mele tapala peresia. Mo sopo mele evi na hehe nona tamlohi, ale mo sile kamam na retisohai mata sari tamata. 20 Matan haratu, kamam kama vaharÌule non KrÌisto, ale hin kamam, God mo lo usi kamim rÌilangi sohen KrÌisto hasena mo lo usia vara ha sari tamata peresi God! 21 Matan God mo vai KrÌisto sei mo sopo hehe hin te rani, mo mai norÌa malamalai mata hehe, matan vara hinia, rÌa pa erÌi mai rÌa tataholo na nahon God.