Galatians 1

1 Leta nike, enau Paul na ulia, enau vaharÌule matea, pani mo sopo na rÌomrÌomi tamlohi teni tea la virÌoniau vara a vaharÌule, mo vono. Iesu KrÌisto hasena peresi God Tama la toviau, God sei mo lo sauteterahi Iesu na mateia. 2 Ale la vorai nike peresiau, kama sohai na nomam retioloolo isamim kamim vao kalesia na jara tari Galatia. 3 Na lo usiusi vara God TamarÌa enia Moli Iesu KrÌisto vara la sile na nora rÌomrÌuhu peresi na nora tamata isamim. 4 Iesu mo hase silea vara i mate mata norÌa hehe vara i jurirÌa rÌa materi na suihan sasati na varama nake, usuri na masalon norÌa God TamarÌa, 5 hasohaso tavera enia nona, mata rani tui tui tarea. Amen. 6 Na marÌurahi jea, matan vila rÌuhu purongo, ka rovo isan haratu mo tovi kamim na nona rÌomrÌuhu non KrÌisto, ale ka lo posi vano na retirÌuhu tinapua, 7 mo sopo mele te retirÌuhu tinapua, pani na levosahia vara tamlohi hai la vai na rÌomimim la lo kaka. La opoia vara la vai na retirÌuhu non KrÌisto i mele tinapua. 8 Pani vara kamam teni te angelo na tuka i lo retivujavujangi na retirÌuhu matea mo sopo tataholo hin haratu kama lo retivujavujangi kamim hinia moiso, talai tavera non God i pa toho isana. 9 Sohena kama pete verea tiroma moiso, ale na mele verea vara, tea mo lo retivujavujangi na retirÌuhu tinapua isamim, ale mo sopo na retirÌuhu sei ka lavia tiroma moiso, talai tavera non God i pa toho isana. 10 Ka rÌom vara na lo reti sohena matan vara tamlohi, teni God la avulahi hiniau matana? Teni ka hitea vara na lo vaihitea vara a vai na tamlohi la avulahi hiniau? Vara a lo vaihitea vara a vai na tamlohi la avulahi hiniau, i pa vujangia vara enau na sopo slev vararÌuhu matea non KrÌisto. 11 La vorai peresi na vevorai, na opoia vara ha levosahia vara RetirÌuhu atu na lo retivujavujangi hinia, enia mo sopo tai isana tamlohi. 12 Matan na sopo lavia isan te tamlohi teni tea mo sopo vujangiau hinia, pani na lavia matan Iesu KrÌisto mo vujangia isaku. 13 Matan ka rongoa moiso, vara mauriku mo sohena sava tiroma, na lo usuri na posposi rasua nona Jew. Ale sohena sava hin pongi atu na lo tipahi rÌilangi na vao kalesia non God, ale na vaihitea vara a komora. 14 Hin pongi atu, na lo sahe aulu jea na posposi rasua nona Jew, mo jeu na tamlohi tinapua la tautauniku na tahisamam, matan na lo turu rÌilangi na posposi nona tamamam. 15 Pani na rani na sopo lo vora, God mo tapuhiau moiso, ale mo toviau na nona rÌomrÌuhu, 16 ale enia mo avulahi vara i vujangi Natuna isaku, matan vara a pa retivujavujangi Iesu isana tamlohi rÌorÌoha. Ale na sopo vano vahatea vara a usi rongorongoa isan tea, 17 teni vara a sahe Jerusalem isan la haratu la vaharÌule tiroma hiniau, pani na vano Arabia, moiso na mele mai Damascus. 18 Ale tauni mo tolu la vano moiso na sahe Jerusalem vara a hite Peter, ale na lo toho isana mata rani mo sangavulu rÌomana mo lima (15). 19 Hin rani atu, na sopo hite te vaharÌule tinapua, pani James purongo, tasin norÌa Moli. 20 La hinau sei na lo ulia isamim na nahon God na sopo halu hinira. 21 Moiso na vano na lolon la jara tavera sei mo rua, Syria enia Cilicia. 22 Hin rani atu, vao kalesia hin KrÌisto la lo toho na vao kalesia tari Judea, la sopo lo levosahiau i rÌuhu. 23 Pani la lo rongo purongoi na sorasora la lo verea lara, “Tamlohi nike natu, tiroma mo lo tipahirÌa, pani nake mo lo retivujavujangi pa rasua sei, tiroma mo vaihitea vara i komoa." 24 Matan hinau atu, la lo sile na hasohaso tavera isan God mataku.