Galatians 2

1 Moiso, tauni mo sangavulu rÌomana mo vati mo vano moiso, enau Barnabas peresi Titus, kama sahe Jerusalem. 2 Na sahe matan God mo vujangia isaku vara a sahe. Enau tolu na tamlohi tatavera mata rasua kama hasemam sorasora matavuhi atu matan na opoia vara la levosahi mamahuni na sava na lo retivujavujangi hinia isana tamlohi rÌorÌoha, matan vara a levosahi tataholoia vara la majinga hinia vara i vono, noku vavahinau i pa vano hina purongo. 3 Pani hina purongo vara la levosahia vara Titus enia mara Greek matea, la sopo ngurunguru hinia vara i tairÌalihi, 4 mo sopo matan vara rÌomrÌomi atu i pa malue, pani matan hin matavuhi atu, matea mo lavi na vorai hai la sopo vorai vararÌuhu na norÌa rasua, la mai sohena tanume luhu, matan vara la erÌi levosahia vara nomam materi hin KrÌisto Iesu mo sohena sava, matan vara la erÌi tau kamam sohena nora slev na ruhuruhun nora posposi rasua, 5 pani kama sopo usuri na rÌomira, hina purongo vara enia mata makomo rani purongo, matan vara hina vararÌuhu mata RetirÌuhu i pa toho jejeu matamim. 6 Ale patu tamlohi mata vao kalesia atu, la sopo vere te hinau aulu na sava na lo retivujavujangi hinia. Ale na vere tataholoia vara na sopo rÌomrÌomi na nora hija tavera sohena patu tamlohi, matan God mo sopo tametame tea. 7 Pani la hitevosahia vara God mo tauau vara a pa retivujavujangi na RetirÌuhu, isan la haratu la sopo Jew, sohena mo tau Peter vara i pa retivujavujangi na RetirÌuhu isana Jew. 8 Matan haratu mo lo voko hin Peter mata nona vavahinau sohena vaharÌule isana Jew, enia haratu sei mo lo voko hiniau na nona vavahinau mata tamlohi rÌorÌoha. 9 Ale hin rani atu James, Peter, John, enira la lo kilaura sohena virÌa mata vao kalesia, enira la hitevosahia vara God mo tau na vavahinau rÌuhu na limaku usuri na nona rÌomrÌuhu. La tulahi enau Barnabas vara kama voko matea peresira, ale lara kama pa vano isana tamlohi rÌorÌoha, ale enira, isana Jew. 10 Hinau matea purongo la usia lara kama pa lo rÌomrÌomi na tamlohi tilavono, hinau atu natu na lo opoia mo tavera jea vara a vaia. 11 Pani na rani Peter mo mai Antioch, na reti isana na naho vao. Na reti rÌilangi isana mata sava mo lo vaia, matan sava mo lo vaia mo sopo tataholo. 12 Matan, tiroma moiso tamlohi hai Jerusalem, la pa pala la tai isan James, enia mo lo hanhani tolu na vorairÌa la tamlohi rÌorÌoha, pani na rani la pala, Peter mo turujuha hinira mo toho asau, matan mo matahuni la haratu la lo reti na tairÌalihi. 13 Ale tamlohi rasua Jew tari tinapua atu, la usuri na posposi tapnetano non Peter, ale Barnabas sohena, la tikaulejia mo usurira na nora tapnetano. 14 Pani nara na hitea vara la sopo usuri tataholoi na retivararÌuhu mata RetirÌuhu, na verea isan Peter na nahora enira mo isoiso nara, “Vara engko ko vora Jew matea, ale ko sopo mele usuri na posposi nona Jew, ale nake ko lo toho sohen na tamlohi rÌorÌoha, mata sava natu, ko lo vaihitea vara o vai la tamlohi rÌorÌoha nike vara la oloolo na posposi nona Jew sei, engko ko tinarÌihira moiso?" 15 EnrÌa rÌa vora rÌa Jew, rÌa sopo tai isana ’tamlohi hehe’ sei la tamlohi rÌorÌoha, 16 pani enrÌa rÌa levosahia vara tamlohi mo sopo tataholo na nahon God matan vara mo lo oloolo na Leu non Moses, pani matan nona rasua hin Iesu KrÌisto purongo. Ale enrÌa sohena, rÌa rasu KrÌisto Iesu matan vara rÌa pa tataholo na nahon God matan norÌa rasua, mo sopo matan rÌa lo vai na Leu. Matan tea i sopo erÌi tataholo na nahon God vara mo lo vai na leu. 17 Pani i pa sohena sava, vara rÌa lo aleale malele vara rÌa tataholo na nahon God mata rasua hin KrÌisto, ale rÌa vileiulia vara enrÌa rÌa pa lo tamlohi hehe? Korong KrÌisto mo vairÌa rÌa mai sohena ’tamlohi hehe’? Mo vono! 18 Matan, vara a mele turuhi na sava na vilijovjovia moiso, i pa vujangiau vara enau tamlohi tope leu matea. 19 Matan hin leu atu na lo usuria, na mate matan leu atu, matan vara a pa mauri hin God, enau na mate peresi KrÌisto na nona talopeilopei. 20 Nake mo sopo enau sei na lo mauri, pani KrÌisto enia mo lo mauri hiniau. Ale nake na mauriku na lo toho hinia na epeku, na lo mauri usuri na rasua hin Natun God sei mo opoiau, ale mo hasena silea mataku. 21 Enau na sopo vonavonan la haratu sei, la lo vai na rÌomrÌuhu non God sohena hinau purongo matea. Matan vara rÌa erÌi juri vara rÌa oloolo na leu, mo rÌaramia vara mateia non KrÌisto, enia mo sopo te hinau hinia!