Galatians 3

1 Kamim mara Galatia, ka rongorongo vono! Sava tamlohi natu, mo mahuhi kamim? Na levosahia vara na vujangi mamahuni na rÌarami mateia non Iesu KrÌisto na nona talopeilopei, mo memera isamim moiso. 2 Na opoia vara a usi na retiusia matea isamim tiroma. Ka lavi na Tanumen God matan ka vai na vavahinau mata leu, teni matan ka rongo na RetirÌuhu, ale ka rasua? 3 VararÌuhu, ka rongorongo vono sohen haratu natu? Ka tapulo na mauri rasua na Tanumen God, pani nake ka rÌomrÌomia vara ha pa tataholo na nahon God na nomim vavahinau? 4 Ka lavi na rani rÌilangi tavera moiso mata retirÌuhu, mo sopo matan vara i pa vano hina purongo teni ka lo rÌomrÌomi purongo hinia? 5 Ale, haratu sei mo lo sile kamim na Tanumena, mo vai na hinau marÌurahi matuvana na nahomim matan ka lo vai na vavahinau mata leu, teni matan ka lo rasu na retirÌuhu sei ka rongoa? 6 Hin malele nike Abraham sohena mo ‘rasu God, ale God mo verea vara enia mo tataholo na nahona’. Gen 15.6 7 Ha levosahi mamahunia vara la haratu la rasu God, enira natun Abraham tataholo. 8 Ale Retiulia mo retitauhi hinia tuai mara, God i pa vai na tamlohi rÌorÌoha la tataholo na nahona mata rasua. Retitapu sei mo retivujavujangi na RetirÌuhu tuai isan Abraham mara, ‘Hiniho a pa lerÌuhu na mara jara tinatinapua tari’. Gen 12.3; 18.18; 22.18 9 Ale mo sohena natu, la haratu la rasu KrÌisto, la lavi na lerÌuhu peresi Abraham, tamlohi rasua sei tuai. 10 Matan tamlohi tari sei la lo turu rÌilangi na nora vavahinau mata leu, la lo toho na ruhuruhu lesati moiso, matan Retiulia mara, ‘Lesati i pa toho isana tamlohi tari sei la sopo usuri vevuhi na hinau tari na lolo Puku mata Leu la ulia’. Deut 27.26 11 Nake mo memera purongo, vara tea i sopo erÌi mai tataholo na nahon God, matan vara mo lo oloolo na Leu, matan ‘Tamlohi sei la tataholo na nahon God, la pa mauri na rasua’. Hab 2.4 12 Pani malele leu mo sopo sohena malele mata rasua, matan Retiulia mo verea mara, ‘Vara tea mo opoia vara i tapai na mauri matan mo lo usuri na leu, i pa oloolo vevuhi na leu tari na maurina’. Lev 18.5 13 KrÌisto mo volituhurÌa hin lesati atu leu mo lo silea, ale enia mo mai lesati matarÌa, sohena Retiulia mo verea mara, ‘Lesati mo lo toho na tamlohi tari sei la taua mo sevu aulu na vipahai mata talai’. Deut 21.23 14 Matan vara hin KrÌisto Iesu lerÌuhu God mo retitauhi hinia isan Abraham, i pa pala isana tamlohi rÌorÌoha, matan vara rÌa erÌi lavi na Tanume Tapu sei God mo retitauhi hinia na rasua. 15 La vorai peresi na vevorai, a pa vai na tovongi matea na posposi tamlohi. Vara te tamlohi la retitauhi hin te hinau moiso, mo sopo tea i erÌi topea teni i mele tau te hinau aulu hinia. 16 Ale la retitauhi atu God mo verea, mo verea isan Abraham peresi na mahapina. Mo sopo verea vara, ‘peresi te mahapina tinapua’ sei mo lo rÌarami na vao matuvana, mo vono, mo lo rÌarami matea purongo mo verea mara ‘peresi na mahapim’ enia KrÌisto. Gen 12.7 17 RÌarami noku reti sei mo sohen harihi: Leu sei, mo pa pala tauni mo ngavulu sangavulu vati mo sangavulu tolu (430) mo usuri la retitauhi sei, i sopo erÌi tope la retitauhi sei God mo vaia tiroma moiso isan Abraham vara la mai hina purongo. 18 Matan, vara rÌa erÌi lavi na vua retitauhi non God mata rÌa lo usuri na leu, ale vua retitauhi mo sopo mele mai mata retitauhi, pani God mo silea isan Abraham na malele retitauhi matea. 19 Vara sohena, God mo sile na Leu mata sava? God mo pa tau na leu mata hehe, vara i toho i tikeli rani atu mahapin Abraham sei God mo retitauhi hinia i pala. Ale God mo sile na leu isana angelo vara la pa silea isan Moses, enia haratu mo lo turu na livuhan God peresi na tamlohi. 20 Ale rÌa levosahia vara tamlohi matea i pa turu na livuha tamlohi mo rua sei la opoia vara la vai na retitauhi matea, pani nike, God hasena mo vai na retitauhi isan Abraham. 21 Vara sohena leu mo horo na retitauhi non God? Mo vono, matan vara te leu hatea la silea vara i erÌi sile na mauri, ale tamlohi la pa erÌi mai tataholo na nahon God matan vara la lo oloolo hin leu atu. 22 Pani Retitapu mo vereulia vara, enrÌa mo isoiso, rÌa lo toho na ruhuruhu suiha hehe, matan vara vua retitauhi mata rasua hin Iesu KrÌisto, i pa mai isan la haratu la rasua. 23 Ale rasua mo pa mai isarÌa sei, leu mo lo taurilatirÌa moiso, mo tapovirÌa mo tikeli rani atu God mo vujangi na malele mata rasua. 24 Ale matana, leu atu mo lo kilaurÌa mo sinai mo tikeli rani atu KrÌisto mo mai, matan vara rÌa erÌi mai tataholo na nahon God na rasua. 25 Pani nake, matan rasua mo mai moiso, rÌa sopo mele toho na ruhuruhun tea, 26 matan hin KrÌisto Iesu, kamim mo isoiso ka natun God mata rasua. 27 Matan kamim matuvana ka paptijo hin KrÌisto, ka ru KrÌisto na maurimim. 28 Matan haratu, mo sopo te Jew teni te tamlohi rÌorÌoha, teni slev, teni te tamlohi purongo teni te lamane teni te harÌai, matan kamim mo isoiso ka matea hin KrÌisto Iesu. 29 Ale vara kamim non KrÌisto, kamim ka mahapin Abraham, la haratu sei la pa lavi na vua retitauhi.