Galatians 5

1 KrÌisto mo terirÌa vara rÌa materi jejeu. Ale ha turu rÌilangi hinia, ha sopo tinarÌihia vara ha mele mai slev nona leu. 2 Ka hitea, enau Paul na verea isamim, vara ha lavi na tairÌalihi matan vara ka rÌomrÌomia vara i pa vai kamim ha tataholo na nahon God, vavahinau non KrÌisto i sopo erÌi tueni kamim. 3 A mele vereulia isamim tari sei ka lavi na tairÌalihi vara kamim ha pa oloolo vevuhi na leu tari matana. 4 Kamim sei ka lo opoia vara ha oloolo na leu, matan vara i vai kamim ha tataholo na nahon God, ka lo hase langahi narÌihi kamim isan KrÌisto, ale ka jovi narÌihi na rÌomrÌuhu non God. 5 Matan enrÌa sei Tanume Tapu mo lo mauri isarÌa mata rasua, rÌa lo kilau toho mata retitauhi sei vara God i pa vairÌa rÌa tataholo na nahona. 6 Matan hin KrÌisto Iesu, tairÌalihi teni tea vara mo sopo tairÌalihi, enia hina purongo. Pani hina aulu mata rasua, enia vara opoia i vujangi na vavahinau tari. 7 Tiroma ka lo vano mo rÌuhu moiso. Hare mo posi na rÌomimim, mo vai kamim ka sopo mele usuri na retivararÌuhu? 8 God sei mo tovi kamim, mo sopo posi na rÌomimim sohena. 9 Ha levosahi retireti sei la verea lara, ‘Wai vahona makomona purongo, i pa erÌi vai na mit tari la hohona’. 1Co 5.6 10 Hin Moli, na levosahi mo rÌuhu vara, rÌomirÌa i pa matea na hinau tari, ale vara ha levosahia vara sava tamlohi natu mo lo tikauleji kamim, i pa lavi na talai non God. 11 La vorai peresi na vevorai, vara a pa lo retivujavujangi vara ha pa tairÌalihi sohena hai la verea vara na lo vaia, mata sava natu Jew la lo tipahiau? Matan la lo rÌohu hiniau, mo vujangia vara na lo retivujavujangi na talopeilopei non KrÌisto. 12 Na opoia vara la haratu sei la lo vai na rÌomimim la lo kaka, la lo opoi jea vara ha tairÌalihi, mo rÌuhu vara la hase votaira. 13 La vorai peresi na vevorai, God mo tovi kamim moiso vara ha materi, pani ha lo kilaua, ha sopo usuri na masalo varama, pani na nomim opoia, ha lo kilau mata masapa vara ha tueni na tamlohi rasua tinapua. 14 Matan leu tari rÌa erÌi verera vara la vere na leu matea purongo, ‘O opoi na tinapua sohen ko lo hasem opoiho.’ Lev 19.18 15 Pani vara ka lo hatihati kamim hasemim, ale ka lo rÌolomi kamim hasemim, ha lo kilau matan posposi sei i pa erÌi vaikomokomo kamim hasemim. 16 Pani na verea vara ha hahau usuri na Tanume Tapu matan vara ha sopo mele usuri na masalo varama. 17 Matan masalo varama mo rÌohu hin la hinau atu Tanume Tapu mo opoia. Ale Tanume Tapu sohena, mo rÌohu hin la hinau atu, masalo varama mo opoia, matan enira la meresahi isara hatehateahi, ale matana, mo vaia mo rÌilangi vara ha vai na sava ka opoia. 18 Pani vara Tanume Tapu mo lo tiroma hin kamim, kamim ka sopo toho na ruhuruhu leu. 19 Vavahinau mata masalo varama la memera purongo sohen harihi: mauri maji, rÌomrÌomi hina lumiha, posposi mo lumiha jea, 20 lotulotu vono, majaputu, valum lolokoru, vasvas, mereimerei, lolokoru patum, rÌomrÌomi hasem na hinau tari, patumasa, rÌomrÌomia vara vaom hasena purongo la tataholo, 21 rÌomusuri, putu na wai rÌilangi, la matavuhi mata lavilavi na tinapua, ale mele hinau tinatinapua sohera. Na lo mele retirÌoarÌoahai kamim sohen na retirÌoarÌoahai kamim tiroma moiso, vara haratu mo lo vai la hinau sei, enia i pa sopo unu hin mauri atu God mo aulu hinia. 22 Pani, vua Tanume Tapu mo sohen harihi: opoia, avulahi jea, tamata, rÌomperavu, rÌomrÌuhu, posposi mo rÌuhu, o vai na sava ko retitauhi hinia, 23 posposi malum, o hase taurilatiho i rÌuhu. Mo sopo te leu mata i pisuhi na posposi sohera. 24 Ale la haratu la tamlohi rasu non KrÌisto Iesu, la vosae na masalo varama peresi na nona opoia sasati, peresi na nona rÌomrÌomi lumiha na talopeilopei. 25 Vara rÌa lavi na Tanume Tapu, rÌa pa hahau usuri na Tanume Tapu. 26 RÌa sopo pohapoha, teni rÌa lo vaivairÌa teni rÌa lo mereimerei hinirÌa.