Galatians 6

1 La vorai peresi na vevorai, vara tea mo jovi hin te hehe, kamim sei ka lo usuri Tanume Tapu, na posposi malum, ha tuenia vara i mele turu. Ha hase kilau mamahuni kamim, vara tea i sopo jovi hin hehe atu tamlohi atu mo vaia. 2 Ha tuetueni kamim tarea na nomim rani rÌilangi, ale vara ha lo vaia sohena, ka lo vai marÌivisi na leu non KrÌisto. 3 Matan vara te vonamim mo rÌomrÌomia vara enia te hinau hinia, pani mo sopo te hinau hinia, mo lo hasena halua. 4 Pani mo rÌuhu vara o hasem vaihite na nom vavahinau, ale vara mo rÌuhu, o pa erÌi mangisi matana, pani mo sopo mata vavahinau nona tinapua. 5 Matan enrÌa hatehateahi rÌa pa hase lavi na norÌa tetehi. 6 Mo rÌuhu vara haratu la lo lavi na vujangi mata reti non God, la voli la haratu la lo vujangira. 7 Ha sopo tinarÌihia vara tea i halu kamim. Ha sopo rÌomrÌomia vara God mo lo kilau purongoi na sava ka lo vaia, sava ka lo lavoa, ha pa hani na vuana. 8 Matan haratu mo lavo na masalo varama, hin masalo varama atu i pa lavi na vua mata komokomo. Pani haratu sei mo lavo isan Tanume Tapu, i pa lavi na vua mauri tui. 9 Ale mo rÌuhu vara rÌa sopo maloko mata vai na posposi rÌuhu, matan na pongina tataholo vara rÌa sopo maloko, rÌa pa lavi na vuana. 10 Ale, nake matan masaparÌa, mo rÌuhu vara rÌa vai na hina rÌuhu isana tamlohi tari, ale i pa mele rÌuhu jea vara rÌa vaia isan la haratu la rasua. 11 Ha hitevosahia vara na lo uliuli hin leta nike na leta hatehateahi tatavera isamim. 12 La haratu la lo vaihitea vara la vai kamim ha tairÌalihi, la lo vaia mata hinau matelete purongo, la matahu vara tea la pa tipahira matan vujangi sei vara talopeilopei non KrÌisto hasena, i erÌi juri na tamlohi. 13 Ale la haratu sei la lo vere na tairÌalihi, la sopo oloolo tataholo na leu tari. Pani la opoia purongo vara ha tairÌalihi matan la pa erÌi retipohapoha matana, ale la pa verea vara kamim nora tamlohi. 14 Pani enau, mo sopo te hinau vara a erÌi mangisi matana, pani talopeilopei non norÌa Moli Iesu KrÌisto purongo. Nona talopeilopei mo vai na masalo varama la mate hiniau, ale mo vaiau na sopo mele rÌomrÌomi na masalo varama. 15 Mo sopo te hinau hinia vara te tamlohi mo tairÌalihi teni i vono. Pani hina aulu enia vara mauri paro sei mo posi na mauri tamlohi. 16 Na lo usiusi vara rÌomopoia non God peresi na nona tamata, la toho isan la haratu la lo usuri mauri nike. Enira natu, Israel vararÌuhu non God. 17 Ale mo tapulo nake mo vano, na sopo opoia vara te tamlohi i vai na rani rÌilangi isaku, matan na lavi na matara maja na epeku mo vujangia vara enau tamlohi non Iesu. 18 La vorai peresi na vevorai, noku usiusi vara rÌomrÌuhu non norÌa Moli Iesu KrÌisto i toho isamim tarea. Amen.