John 15

1 Iesu mo verea isana nona tamlohi mara, “Enau asi grape vararÌuhu, ale Tamaku enia tamlohi isa. 2 Mo tai narÌihi vevuhi na rangaku sei la sopo vua hiniau. Pani hin haratu la lo vua, mo jalo na rangana vara i pa namaha i marÌivi. 3 Kamim ka vokevoke moiso mata sava na lo verea isamim moiso. 4 Ha toho hiniau, ale enau a pa lo toho hin kamim. Sohena ranga matea i sopo erÌi vua matan mo sopo sorÌotahi peresi na lahona, kamim ha pa sopo erÌi vua vara ha sopo toho hiniau. 5 Enau pulo asi grape, ale kamim rangarangana, pani vara kamim ha sorÌotahi isaku, ale enau a lo sorÌotahi isamim, kamim ha pa vua i marÌivi, pani vara enau a sopo toho isamim, ha pa sopo erÌi vai te hinau hatea. 6 Vara ha sopo toho hiniau, la pa pulahi kamim sohena ranga mahoa sei la takonahira, ale la pa sulira na hapu. 7 Vara ha lo toho hiniau, ale vara noku reti i lo toho hin kamim, sava ka usia Tamaku i pa vaia nomim. 8 Tamaku mo lo lavi na oloolo tavera hin malele sei, vara ha vua tavera ka lo vujangia vara ka noku tamlohi usuri vararÌuhu. 9 Na lo opoi kamim sohen Tama mo opoiau. Ha toho na noku opoia. 10 Vara ha oloolo na noku retileu, ha pa lo toho na noku opoia sohen enau na lo oloolo na retileu non Tamaku, ale na lo toho na nona opoia. 11 Na lo vere la hinau sei isamim vara ha pa avulahi tavera soheku. 12 Noku retileu na lo verea isamim nakerihi, vara ha opoiopoi kamim sohen enau na lo opoi kamim tiroma mo mai nake. 13 Mo sopo tea nona opoia i jeu haranike: vara tea i tau na maurina mata tapalana. 14 Ale kamim ha pa tapalaku vara ha lo oloolo na sava na retileu hinia isamim. 15 Slev la sopo levosahia vara nora tamlohi tavera mo lo vai na sava, ale enau na sopo mele retireti isamim sohena noku slev. Na tovi kamim tapalaku matan enau na vere vevuhi na sava Tamaku mo vereau hinia. 16 Kamim ka sopo virÌoniau, pani enau na virÌoni kamim matan vara ha pa vano ha vua na vua sei i pa lo toho jejeu. Ale sava hinau ka usia na hijaku, Tamaku i pa silea isamim. 17 Ale na retileu isamim vara ha opoiopoi kamim.” Tamlohi Varama La Pa RÌohu Hiniho Iesu mo verea mara: 18 “Vara tamlohi varama la rÌohu hin kamim, ha rÌomrÌomia vara la rÌohu hiniau tiroma. 19 Vara kamim tamlohi non varama, tamlohi hinia la pa opoi kamim. Pani kamim ka sopo tamlohi non varama, mo vono. Enau na virÌoni narÌihi kamim vara ha pa tau na varama na harÌimim, ale matan haratu, tamlohi non varama la pa rÌohu hin kamim. 20 Ha rÌomrÌomi na sava na lo vere kamim hinia moiso, ‘Slev mo sopo aulu i jeu na nona tamlohi tavera’. Jn 13.16 Vara tamlohi la vailejilejiau, la pa vailejileji kamim. Vara la oloolo na sava na verea, la pa oloolo na sava ka lo verera. 21 Tamlohi la pa vailejileji kamim matan ka lo lavi na hijaku, ale matan la sopo levosahi haratu sei mo lo rÌuleau. 22 Vara a sopo lo sinai a verea isara, enira la pa sopo ori na hehe, pani nake, la sopo erÌi verea vara mo sopo te nora hehe. 23 Haratu sei mo rÌohu hiniau, enia i pa rÌohu hin Tamaku. 24 Vavahinau sei na vaira, mo sopo lo te tamlohi i vaira hin te rani, vara la sopo lo hiteau a vai la hinau atu, la pa sopo ori na hehe, pani la hiteau na vai la hinau atu, ale la rÌohu tavera hiniau peresi Tamaku. 25 Pani matan sava la pete ulia na nora leu moiso i pa masese, ale mo verea mara, ‘Tamlohi la rÌohu tavera hiniau, pani mo sopo matan te hinau’. Psa 35.19; 69.4 26 Pani a pa rÌule na Tuetueni rÌuhu matea i pa tai isan Tama i sinai isamim, enia Tanumena, i pa vujangi na hina vararÌuhu mo malue isan Tama, ale Tanumena i pa vereuliau. 27 Ale kamim sohena, ha pa vereuliau matan kamim ka lo toho peresiau na tapulo noku rani nike."