John 17

1 Iesu mo vere la hinau sei moiso, mo tarÌa sahe aulu na tuka, mo verea mara, “Tamaku, pongi atu mo mai vara o tahe na hijan Natum aulu matan vara Natum i erÌi tahe na hijam aulu. 2 Ale matan ko sile na suiha isaku moiso vara a aulu na tamlohi tari matan vara a pa sile na mauri tui isan la haratu ko lo sileau hinira. 3 Mauri tui enia vara la levosahiho vara engko hasem God vararÌuhu, ale vara la levosahi Iesu KrÌisto, haratu ko lo rÌulea. 4 Enau na vujangi la tamlohi nike na varama vara nom rÌuhurÌuhu mo sohena sava matan na vai vevuhi na hinau tari ko lo taura isaku vara a vaira. 5 Nake Tamaku, o mele taheau na noku suiha aulu peresiho na tuka i sohen haratu mo lo toho isaku tiroma varama mo sopo lo tapulo. 6 Enau na vereuliho isan la tamlohi atu, engko ko lo sileau hinira na varama vara la pa levosahiho. Enira nom, moiso ko sileau hinira, ale la lo oloolo na nom reti. 7 Nake, la levosahia vara hinau tari ko sileau enira la tai isam. 8 Na vere na noku tamlohi moiso na sava ko lo vereau hinira vara a verea, ale la lavia. La levosahia mo rÌuhu vara enau na tai isam, moiso la rasua vara engko ko rÌuleau na mai. 9 Na lo usiusi matara, pani mo sopo matan la haratu non varama. Noku tamlohi enira nom, ale na lo usiusi matara matana. 10 Hinau tari noku, enira nom moiso, ale na lavi na oloolo tavera matan la lo vereuliau. 11 I pa sopo tuai enau a sopo mele toho na varama, pani enira la lo pa toho na varama, ale enau na lo mai isam. Tama Tapu o pa tingira hin suiham atu ko lo silea isaku. Moiso la pa matea peresira hasera sohen engko peresiau rÌa matea. 12 Hin rani atu na lo toho peresira, na lo tingira hin suiha atu ko lo sileau hinia. Na lo kilaura, ale mo sopo te vonara hatea i tihai, pani tamlohi atu matea purongo sei mo lo vano na komo matan vara Retitapu i pa masese. Psa 41.9 13 Na lo mai isam, pani na lo vere la hinau nike nake na lo toho na varama vara noku tamlohi, la pa erÌi avulahi tavera soheku matana. 14 Na silera na nom reti moiso, ale tamlohi non varama la rÌohu hinira, matan enira la sopo tamlohi non varama, mo soheku, la rÌohu hiniau matan enau na sopo non varama. 15 Tata, na sopo usiho vara o lavi narÌihi na noku tamlohi na varama, pani vara o tingira matan Tiapolo. 16 Enira la sopo non varama, sohen enau na sopo non varama. 17 O tapuhira na retivararÌuhu, nom reti enia vararÌuhu. 18 Enau na lo rÌulera vara la vano isana tamlohi rÌalihi na varama sohen engko ko rÌuleau. 19 Enau na tapuhiau haseku vara a vai na masalom purongo, matan vara la pa erÌi hitevosahia, ale la mai tamlohi non retivararÌuhu. 20 Enau na sopo usiusi matan la noku tamlohi nike hasera, pani na lo usiusi mata tamlohi tari sei la pa tau na nora rasua hiniau na sava la pa lo verea mataku. 21 Na opoia vara enira mo isoiso la pa matea peresihira hatehateahi, sohen enau na lo matea peresiho, ale engko ko matea peresiau. Na opoia vara la pa matea peresirÌa, matan vara tamlohi hin varama nike, la pa rasua vara engko ko rÌuleau. 22 Suiha rÌuhurÌuhu atu ko lo sileau hinia, na pete silea isara moiso, matan vara la pa matea sohen enrÌa rÌa matea, 23 enau hinira, ale engko hiniau, matan vara la pa matea na hinau tari, matan vara tamlohi na varama la erÌi levosahia vara engko ko rÌuleau, ale ko lo opoira sohen ko opoiau. 24 Tata, na opoia vara la haratu ko lo sileau hinira, la pa toho peresiau na jara na lo toho ea, matan vara la pa erÌi hite noku oloolo tavera atu sei ko lo sileau hinia, matan ko opoiau hin pongi atu varama mo sopo lo toho. 25 Tata ko vokevoke, hina purongo vara tamlohi na varama la sopo levosahiho, enau na levosahiho, ale la tamlohi nike la levosahia vara engko ko rÌuleau. 26 Ale enau na verea isara vara engko ko sohena sava, ale a pa mele verea isara vara opoia atu ko opoiau hinia, i pa toho isara, ale enau a pa toho hinira."