John 9

1 Iesu mo pa lo hahau, ale hin rani atu mo hite na tamlohi matea mo vora mo matavuso moiso. 2 Tamlohi usuri non Iesu la usia isana lara, “Avei, Tija, mata sava tamlohi nike mo vora matana mo vuso? Mata nona hehe teni hehe non tamana enia tinana?" 3 Iesu mo rÌaramira mara, “Mo vono, mo sopo mata nona hehe teni hehe non tamana teni tinana. Pani matan mo matavuso, ha pa erÌi hite God i vai na matamata tavera hinia. 4 Nake mo lo rani, rÌa pa vai na masalon haratu mo lo rÌuleau. Pongi mo lo mai, ale i pa sopo tea i erÌi vai te vavahinau hinia. 5 Ale nakerihi na pa lo toho na varama, enau na malarani mata varama." 6 Iesu mo vere reti atu moiso, mo litovi na lepa, mo hoi na lepa peresi na litona, ale mo jarai makamaka atu na matan tamlohi atu. 7 Ale mo verea isana mara, “O vano, o hoje narÌihi na lepa na paltungu Siloam!” Tamlohi atu mo vano na paltungu Siloam, rÌaramin hija atu enia ‘Haratu la rÌulea’. Hin rani atu mo hoje narÌihi na lepa moiso mo erÌi kilau, ale mo mule. 8 Hin rani atu tahisana peresi la haratu la hitea la lo usiusira lara, “Avei, tamlohi sei natu, enia tamlohi sei tarea mo lo sakele mo lo usiusi teni mo vono?" 9 Tatuara lara, “Enia natu, tamlohi atu!” Ale tatuara lara, “Mo vono, pani mo sohen tamlohi atu.” Pani tamlohi atu hasena mo verea mara, “Enau sei, tamlohi atu!" 10 La usia lara, “Pani nake, ko pa kilau sohena sava?" 11 Mo rÌaramira mara, “Tamlohi matea hijana Iesu, mo vai na makamaka mo jaraia na mataku, mo rÌuleau vara a vano a hoje narÌihia na paltungu Siloam. Vahatea atu na vaia na erÌi kilau." 12 La usia lara, “Mo lo toho epu nakerihi?” Mo rÌaramira mara, “Na sopo levosahia." 13 Hin rani atu Iesu mo vai tamlohi atu mo rÌuhu na lepa peresi na litona, enia Sabbath matea. Tahisana la lavia mo vano isana Pharisee. 15 Pharisee la mele usia vara mo pa kilau sohena sava. Tamlohi atu mo rÌaramira mara, “Enia mo jarai na lepa na mataku moiso na hoje narÌihia, ale nake na erÌi kilau." 16 Tatua Pharisee la verea isana lara, “Tamlohi nike, mo sopo tai isan God matan mo lo tope na Sabbath!” Pani tatuara la verea lara, “Sohena sava natu, tamlohi hehe matea i pa erÌi vai te matamata tavera sohen harihi?” Ale matana, Pharisee la patumasa, 17 la mele usi tamlohi atu lara, “Pani engko ko rÌomia vara tamlohi atu mo vaiho ko kilau, enia hare?” Mo rÌaramira mara, “Enia prÌovet matea!" 18 Pani la tamlohi tatavera atu nona Jew la rÌohu vara la rasua vara tamlohi sei natu, matana mo matavuso tiroma. Ale, la vaharÌule matan tamana enia tinana. 19 Ale, la mai moiso la usira lara, “Haranike natu, enia natumim sei ka verea vara mo vora mo vuso? Sohena sava mo pa kilau nake?" 20 Tamana enia tinana la rÌaramira lara, “Kama levosahia vara enia natumam, ale kama levosahia vara mo vora mo vuso, 21 pani kama sopo levosahia vara mo pa kilau sohena sava, teni hare mo vaia vara i erÌi kilau. Ha usia isana! Enia mo tamlohi moiso, ale enia hasena i pa verea." 22 Tamana enia tinana la verea sohena matan la matahuni na nora tamlohi tatavera nona Jew. Matan nora tamlohi tatavera la hatihia moiso vara la pa tipahi te tamlohi na nora ima lotu vara la lo verea vara, Iesu enia KrÌisto. 24 Tamlohi tatavera la mele tovi pa tamlohi sei mo vuso tiroma mo mele sinai, la verea isana lara, “O reti tataholo na nahon God vara o pa vere na hinau vararÌuhu! Kama levosahia vara Iesu enia tamlohi hehe matea." 25 Tamlohi atu mo rÌaramira mara, “Na sopo levosahia vara enia tamlohi hehe teni mo vono. Na levosahia vara tiroma na vuso, pani nake na kilau." 26 La usia isana lara, “Mo vai na sava isam? Mo vai mamahuni na matam sohena sava?" 27 Tamlohi atu mo rÌaramira mara, “Na pete verea isamim vahatea moiso, pani ka rÌohu vara ha tapurongo. Ka opoia vara a mele verea mata sava? Kamim sohena ka opoia vara ha mai na nona tamlohi usuri?" 28 La kalia moiso, ale lara, “Engko nona tamlohi usuri! Kamam tamlohi usuri non Moses! 29 Kama levosahia vara God mo reti isan Moses, pani kama sopo levosahia vara harakerihi mo tai epu." 30 Tamlohi atu mo rÌaramira mara, “Kamim ka tinapua! Tamlohi atu mo vai mamahuni na mataku, pani kamim ka sopo levosahia vara mo tai epu! 31 RÌa levosahia vara God mo lo tueni la haratu la opoia, ale la oloolo hinia. God mo sopo tueni na tamlohi hehe. 32 Tuai jea na tapulo varama mo tikeli nake hare mo rongoa vara te tamlohi mo mele vai mamahuni te tamlohi mo vora mo vuso vara i kilau. 33 Vara tamlohi atu i sopo tai isan God, i pa sopo erÌi vai te hinau hatea sohen harihi." 34 La rÌaramia lara, “Tarea engko ko tamlohi hehe na rani ko vora mo tikeli nake. Engko ko rÌomrÌomia vara o pa erÌi vujangi kamam hin te hinau hatea?” Ale la pulahi narÌihia la tipahia. 35 Iesu mo rongo hinau atu mo masese moiso mo vano vara i ale tamlohi atu, ale mo tapaia mo usia mara, “Engko ko rasu na Natun Tamlohi?" 36 Mo rÌaramia mara, “Moli, vara o vereau hinia vara enia hare, a pa tau na noku rasua hinia." 37 Iesu mo verea isana mara, “Engko ko hitea moiso, ale nakerihi enia mo lo retireti peresiho." 38 Tamlohi atu mara, “Moli, na rasua.” Ale mo papaohi mo lotua. 39 Moiso Iesu mo verea mara, “Na mai vara aria i mai na tamlohi na varama. Na mai nike, vara a roi na matavuso la kilau, ale vara a vai la haratu la erÌi kilau, matara la vuso." 40 Pharisee la rongo Iesu mo vere hinau atu moiso, la usia lara, “Kamam kama matavuso?" 41 Iesu mo rÌaramira mara, “Vara ka vuso i pa sopo te nomim hehe, pani nake matan ka lo verea vara kamim ka lo kilau, kamim ha pa lo toho na nomim hehe."