John 8

1 Pani Iesu mo hahau mo vano na vutivuti la tovia Vuti talu Olive. 2 Ale na rÌalavuho jea mo mele vano na Temple. Vao tamlohi la lo mai isana, mo sakele mo pa lo tapulo vujangira. 3 Ale Pharisee peresi na tamlohi vujangi mata leu la mai isana la taurilati na harÌai matea la vileia mo lo juruvi peresi na tamlohi matea mo sopo tuana. La vaia mo turu na livuha vao, 4 ale la verea isan Iesu lara, “RÌabai, harÌai nike la taurilatia mo lo vaivaileu peresi na tamlohi matea mo sopo tuana. 5 Leu non Moses mo vujangia vara harÌai sohen haranike la pa parumateia! Pani, engko ko verea sohena sava?” Lev 20.10; Deut 22.22â24 6 La usi retiusia sei matan vara la vaihite Iesu vara sava reti i pa verea, ale la pa tau na talai hinia. Pani Iesu mo rautoho sivo atano, mo tapulo uliuli na varangona na lepa. 7 La lo area hin retiusia sei matan harÌai atu, moiso mo turu mo verea mara, “Vara te vonamim mo sopo lo vai te hehe hin te rani, enia i parua tiroma!" 8 Ale mo mele rautoho mo mele uliuli na lepa. 9 La tamlohi atu la rovo hinia hatehateahi, vajiahara la tiroma. Hitahu Iesu enia harÌai atu purongo la pa lo toho atu. 10 Iesu mo turu mo usi harÌai atu mara, “Tamlohi tari la haipu? Mo sopo tea vara i sile na talai isam?" 11 HarÌai atu mo rÌaramia mara, “Mo vono, tija.” Ale Iesu mo verea isana mara, “Enau sohena, a pa sopo sile na talai isam. O vano natu, ale nake o sopo mele vai na hehe!" 12 Moiso Iesu mo mele retireti isana tamlohi, mo vere mara, “Enau malarani mata varama! Vara ha usuriau, ha pa sopo hahau na rÌorÌoha, ha pa lavi na malarani sei mo sile na mauri." 13 Pharisee la reti isana lara, “Engko, ko lo vereuliho hasem, ale sava ko lo verea mo sopo vararÌuhu!" 14 Iesu mo rÌaramira mara, “Hina purongo vara na lo hase vereuliau, sava na lo verea mo vararÌuhu matan enau na levosahi na jara na tai ea, ale enau na levosahia vara na lo vano epu. Pani kamim ka sopo levosahia vara enau na tai epu teni sava jara na lo vano hinia. 15 Kamim ka lo ari na tamlohi na kilakilau nona tamlohi purongo, pani enau na sopo ari tea. 16 Pani vara a sile na aria, aria atu i pa tataholo matan mo sopo enau haseku a pa vaia. Pani enau Tama sei mo lo rÌuleau kama pa turu na jara matelete purongo. 17 Na nomim Leu la ulia lara, vara tamlohi tupra rua la vere na hinau matelete moiso mo vararÌuhu, o pa erÌi rasua. Deut 19.15 18 Enau na lo hase retivuhesiau, ale Tama sei mo lo rÌuleau, enia mo lo retivuhesiau." 19 La usia lara, “Tamam mo lo toho epu?” Iesu mo rÌaramira mara, “Ka sopo levosahiau teni Tamaku! Vara ha pa lo levosahiau ha pa levosahi Tamaku." 20 Iesu mo lo vere la reti atu hin rani atu mo lo vujangi hin jara atu tamlohi la lo tau mamahuni na nora silesilea hinia na Temple. Pani mo sopo tea i taurilatia matan pongina mo sopo lo mai. 21 Mele vahatea Iesu mo verea isara mara, “Enau a pa malue, ale kamim ha pa aleau, pani kamim ha sopo erÌi vano na jara enau na lo vano ea, moiso kamim ha pa mate na nomim hehe matan God i pa sopo rÌomira." 22 Tamlohi tavera nona Jew la usiusira lara, “Avei, mo lo vai na rÌomina vara i pa vilimateia hasena matan enia mara, ‘Ha pa sopo erÌi usuriau ha vano hin jara atu enau na lo vano ea!’ teni sava?" 23 Iesu mo rÌaramira mara, “Kamim matan atano, pani enau na tai aulu. Kamim mata varama, pani enau mo vono. 24 Na pete verea isamim moiso vara ha pa mate na nomim hehe vara ha sopo rasua vara enau haratu sei mo lo toho jejeu, ha pa mate na nomim hehe." 25 La usia lara, “Engko hare?” Iesu mo rÌaramira mara, “Sava na lo verea isamim na pete verea isamim moiso na pongi tiroma. 26 Hinau matuvana a erÌi verea isamim matan vara a ari kamim matana, pani haratu mo lo rÌuleau, enia mo vararÌuhu, ale sava hinau mo lo verea isaku enia natu, na lo verea isana tamlohi na varama." 27 Tea mo sopo lo levosahia vara Iesu mo lo vere na hinau matan Tama. 28 Iesu mo mele verea mara, “Hin pongi atu vara ha tahe Natun Tamlohi, ha pa levosahia vara enau natu, haratu mo lo toho jejeu. Ha pa levosahia vara enau haseku a pa sopo erÌi vai te hinau haseku, na lo vere na sava purongo, Tama mo vujangiau hinia. 29 Haratu mo rÌuleau, enia mo lo toho peresiau. Tarea na lo usuri na masalona, ale enia i pa sopo tinarÌihiau." 30 Hin pongi atu Iesu mo lo vere la hinau sei, tamlohi matuvana la tau na nora rasua hinia. 31 Ale Iesu mo verea isana tamlohi tavera nona Jew atu la rasua ea mara, “Vara ha lo oloolo hin na noku vujangi, ha pa noku tamlohi usuri vararÌuhu, 32 ale ha pa levosahi na retivararÌuhu, moiso retivararÌuhu atu i pa teri kamim." 33 La rÌaramia lara, “Kamam mahapin Abraham tataholo! Kama sopo lo slev isan te tamlohi hatea, ko pa verea sohena sava vara kama pa materi?" 34 Ale Iesu mo rÌaramira mara, “VararÌuhu na vere kamim hinia, haratu mo lo hehe enia slev non hehe! 35 Slev mo sopo toho na lolo vao ima matea jejeu, pani Natuna i pa toho jejeu. 36 Ale vara Natuna i vai kamim ha materi, ha pa materi vararÌuhu. 37 Na levosahia vara kamim mahapin Abraham, pani ka lo opoia vara ha vilimateiau matan noku reti mo sopo toho na maurimim vararÌuhu. 38 Enau na lo vere kamim na sava Tamaku mo vujangiau hinia, mo sohen kamim ka lo vai na sava tamamim mo lo vujangi kamim hinia." 39 La tamlohi atu la rÌaramia lara, “Abraham enia tamamam.” Iesu mo rÌaramira mara, “Vara kamim natun Abraham, ha pa vai na sava Abraham mo lo vaia. 40 Pani kamim ka opoia vara ha vilimateiau matan na lo vere kamim na retivararÌuhu God mo sileau hinia. Abraham mo sopo vai te hinau sohena. 41 Pani kamim ka lo vai na hinau tataholo sohen tamamim mo lo vaia.” Ale la rÌaramia lara, “Pani kamam kama sopo natu malele! Kamam tamamam matea purongo, kama natun God!" 42 Iesu mo rÌaramira mara, “Vara God enia tamamim, kamim ha pa opoiau matan enau na tai isan God. Enia mo rÌuleau, ale enau na sopo mai na masaloku haseku. 43 Mata sava ka sopo erÌi levosahi na sava na lo verea isamim? Ka opoia vara ha peropero na sava na lo verea isamim? 44 Tamamim enia Tiapolo, kamim ka lo vai na masalona. Pongi tiroma enia tamlohi vilimatei na tamlohi, ale enia tamlohi halu. Mo sopo te hinau vararÌuhu hinia. Enia mo lo vere na masalona purongo, ale hinau tari mo verea enira halu. Mo sopo vara enia tamlohi halu purongo, pani enia tina halu. 45 Pani hinau tari na lo vere kamim hinia la vararÌuhu, pani kamim ka pa lo rÌohu vara ha rasuau. 46 Te vonamim i erÌi verea vara na vai te hehe? Vara na vere na vararÌuhu, ka sopo rasuau mata sava? 47 Haratu enia non God i pa tapurongo na nona reti, pani kamim ka rÌohu vara ha tapurongo matan ka sopo non God." 48 Ale tamlohi tavera nona Jew la verea isan Iesu lara, “Kamam kama vararÌuhu hin haratu kama verea vara, engko mara Samaria matea, ale tanume sasati matea mo lo toho hiniho!" 49 Iesu mo rÌaramira mara, “Mo sopo te tanume sasati hiniau! Enau na lo oloolo hin Tamaku, pani kamim ka rÌohu vara ha oloolo hiniau. 50 Enau na sopo opoia vara a lavi na oloolo mataku haseku, mo vono, pani matea enia mo opoia vara a lavi na noku oloolo, ale enia natu, haratu i pa sile na aria. 51 VararÌuhu na vere kamim hinia, vara ha oloolo na noku reti, ha pa sopo erÌi mate!" 52 Tamlohi tavera nona Jew sei la lo toho atu la lo tapurongo hinia lara, “Nake natu, kama levosahia vara tanume sasati matea mo lo toho isam. Abraham mo mate moiso, ale la prÌovet atu tuai sohena. Mo sohena sava natu, ko pa verea vara, la haratu la lo oloolo na nom reti, la pa sopo erÌi mate? 53 Engko ko aulu ko jeu tamamam Abraham? Enia mo mate, ale la prÌovet atu tuai sohena la mate. Engko ko rÌomi vara engko hare?" 54 Iesu mo rÌaramira mara, “Vara enau a lo hase tahe hijaku aulu, hijaku i pa sopo aulu vararÌuhu. Tamaku natu, enia mo lo tahe na hijaku aulu, enia haratu kamim ka lo tovia nomim God, 55 ka lo verea, pani ka sopo levosahia vararÌuhu. Vara enau a verea vara na sopo levosahia, enau a pa tamlohi halu matea sohemim kamim mo isoiso, pani enau na levosahia, ale na lo vai na sava mo lo verea. 56 Tamamim Abraham mo avulahi tavera matan mo hite na noku pongi pala, ale mo avulahi matana." 57 Ale la tamlohi tavera nona Jew atu la verea isana lara, “Pani engko taunim mo sopo lo tikeli ngavulu lima (50)! Ko pa hite Abraham sohena sava?" 58 Iesu mo rÌaramira mara, “VararÌuhu na verea isamim, Abraham mo sopo lo vora, enau na lo toho moiso, enau haratu mo lo toho jejeu." 59 La rongo nona reti atu, la vilevilei vatu vara la pa paru Iesu, pani mo luhu hinira, ale mo malue hin Temple atu.