Luke 1

1 Enau Luke, na uli reti nike isam tamlohi tavera Theophilus. Tamlohi matuvana la vaihitea vara la uli na sorasora mata sava mo masese isarÌa mo tikeli nake, 2 sohen la sorasora atu rÌa lavia isan la haratu enira la hitea na matara, ale enira la volitusi mata reti non God mo tapulo na tapulona. 3 Ale matana, enau sohena, mo tataholo vara a uli na hinau tari sei la masese na tapulona mo sinai nake isam tamlohi tavera rÌuhurÌuhu Theophilus, matan enau sohena na usuri mamahuni la hinau sei mo tapulo na tapulona, 4 matan vara o pa erÌi levosahi mamahunia vara la hinau sei la lo vujangiho hinira moiso la vararÌuhu. 5 Na rani non Herod supe non Judea, prÌis matea hijana Zechariah enia mo tai na vao prÌis non Abijah, ale narouna sohena, enia mahapin Aaron, hijana Elizabeth. 6 Ale la tupra rua sei maurira la tataholo mo rÌuhu na nahon God. La lo oloolo mamahu na nona retileu peresi na leu tari, ale tea i sopo erÌi tuvaira hin te hinau. 7 Pani mo sopo te natura matan Elizabeth mo aroaro, ale la vajiaha moiso. 8 Na rani matea, hinau matea mo masese isana hin rani atu mo lo voko peresi na nona vao prÌis na Temple non God. 9 Vao prÌis atu la virÌonia usuri na nora posposi mata virÌoni sohen la lo vaia tarea vara i unu na Temple non Moli vara i suli na hasori ea. 10 Ale rani tataholo mata suli na hasori mo mai, vao tavera mata lotu la lo pulutahi mata usiusi na jingoima. 11 Zechariah mo lo toho atu, ale angelo non Moli matea mo pala isana, mo turu na matua votavota mata suli na hasori. 12 Zechariah mara mo hite angelo atu mo hutua, ale matahu tavera mo sohonia. 13 Pani angelo atu mo verea isana mara, “Zechariah, o sopo matahu! Nom usiusi God mo rongoa moiso, ale naroum Elizabeth i pa vasusui na natum lamane matea, ale o pa tau na hijana vara John. 14 Ale i pa vaiho o avulahi, o avulahi tavera jea, ale tamlohi matuvana sohena, la pa avulahi na nona rani vora, 15 matan God i pa silea na vavahinau matea mo aulu jea. I pa sopo inu na waen teni te wai rÌilangi tinapua hin te rani, ale Tanume Tapu i pa marÌivisia i tapulo na lolo pangen tinana. 16 Ale enia i pa posi na natun Israel matuvana la mele mai isan Moli nora God. 17 Ale enia i pa vano tiroma hin Moli hin suiha atu Tanumen God mo silea isan prÌovet Elijah, matan vara i posi na rÌomrÌomi nona tama vara la rÌomrÌomi na natura, ale la haratu la sopo oloolo hin God la usuri na posposi nona tamlohi tataholo, matan vara i vai na vao tamlohi matea la tatamahu matan Moli.” Mal 4.5 18 Ale Zechariah mo verea isan angelo atu mara, “Avei, sohena sava natu a pa erÌi levosahia vara i pa sohen ko lo verea? Matan enau na vajiaha moiso, ale taunin narouku mo jeu na rani mata nona tatape moiso." 19 Ale angelo atu mo rÌaramia mara, “Enau Gabriel, haratu sei mo lo turu na nahon God, ale God mo rÌuleau vara a sinai isam vara a vereho hin retirÌuhu nike. 20 Ale nakerihi, o pa mengo, o sopo erÌi vere te reti vavano i tikeli rani atu i masese matan ko sopo rasu na noku reti, sei la pa masese na ranira tataholo." 21 Ale vao tamlohi la lo saovi Zechariah na jingoima, ale la lo rÌomrÌomia vara mo pa lo toma na lolo Temple. 22 Ale mara mo malue, mo sopo erÌi retireti isara, ale la hitevosahia vara God mo vujangia na hinau matea na lolo Temple, ale mo lo vai na matamata nakonako isara, ale mo sopo erÌi retireti. 23 Ale nona rani mata vavahinau mo isoiso, ale mo mele mule. 24 Hitahun la rani atu, narouna Elizabeth mo tau natuna, ale mo luhu mata vitu mo lima mara, 25 “Moli mo rÌomrÌuhu isaku, mo lavi narÌihi na noku mahanuhanu mata aroaro na tamlohi." 26 Elizabeth mo epe puhoni mata vitu mo limarave moiso, ale God mo rÌule pa angelo atu, Gabriel vara i sivo Nazareth, vanua matea hin Galilee, 27 mo sivo isana harÌai maevo matea hijana Mary. La tauhoroa moiso vara i pa lahi vano isana tamlohi matea hijana Joseph, enia mahapin Supe David matea. 28 Gabriel mo pala isana mara, “RanirÌuhu isam, engko harÌai matea God mo rÌomrÌuhu isam mo tavera jea! Moli mo lo toho peresiho." 29 Pani Mary, rÌomina mo tuturahi hajavua hin retireti atu, ale mo vaihitea vara i levosahi na rÌaramin retioloolo atu. 30 Ale angelo atu mo verea isana mara, “O sopo matahu! Mary, matan na masalon God mo opoia vara i rÌuhu isam. 31 Ale mo tapulo nake, o pa tau natum, ale o pa tape na lamane matea, ale o pa tau na hijana vara Iesu. 32 Enia i pa tamlohi aulu jea, ale la pa tovia Natun God, sei mo aulu jea. Ale Moli God i pa silea na suiha nona supe non tamana Supe David. 33 Enia i pa tauri na suiha vara i aulu na vaon Israel tui tui, ale i pa sopo te isoiso rani mata nona tauri na suiha." 34 Mary mo usia isan angelo atu mara, “Hinau atu i pa mai sohena sava, matan enau harÌai maevo matea?" 35 Angelo atu mo rÌaramia mara, “Tanume Tapu i pa mai hiniho, ale suihan God Aulu jea i pa hohoviho; ale matana, natirihi sei i pa vora i pa tapu, la pa tovia â Natun God. 36 Ale ko levosahia vara tahisam Elizabeth na nona vajiaha enia sohena, mo tau natuna lamane matea, ale vitu akerihi enia nona halimarave vitu isana harÌai matea la verea vara enia harÌai aroaro matea! 37 Matan mo sopo te hinau hatea i rÌilangi jea vara God i sopo erÌi vaia." 38 Ale Mary mara, “VararÌuhu enau harÌai slev non God purongo. Na opoia vara hinau atu i mai isaku sohena ko verea.” Ale angelo atu mo mele malue mo vano. 39 Hitahun rani atu, Mary mo vele sahe na jara vutivuti, mo sivo vila na taon matea na lolon jara matan Judea. 40 Mo unu na iman Zechariah, ale mo vere na retioloolo isan Elizabeth. 41 Ale Elizabeth mara mo rongo na retioloolo non Mary, pipi atu na lolona mo hisu, ale Tanume Tapu mo marÌivisi Elizabeth, 42 mo verea aulu mara, “Avulahi tavera jea isam mo jeu na harÌai tinapua. God mo lerÌuhu hin natirihi sei mo lo toho na lolom. 43 Ale enau hare vara tinan noku Moli i erÌi mai vara i rohiau? 44 Matan, vahatea purongo atu sei nara na rongo na nom retioloolo, pipi nike, na loloku mo hisu na avulahi. 45 Avulahi tavera isam matan ko rasu Moli vara i pa vai na sava mo verea isam!" 46 Ale Mary mo verea mara, “Na rÌomiku na hasohaso God mo tavera jea, 47 ale mauriku mo avulahi tavera hin God noku Jujuri, 48 matan mo kilau mai isaku nona harÌai volitusi atano, ale mo tapulo nake, mahapi tari la pa verea vara avulahi tavera mo mai isaku, 49 matan haratu sei mo rÌilangi jea mo vai na hinau tavera isaku, ale hijana mo tapu. 50 Ale nona rÌomopoia mo vano isana mahapi tari, isan la haratu sei la lo sile na oloolo tavera isana. 51 Enia mo vujangi na nona suiha, mo leputi jalajalai la haratu la mangisi na mapura. 52 Mo lavi narÌihi la haratu la lo tauri na suiha nona supe, ale mo tahe la haratu rÌomira la atano la sahe aulu. 53 Mo sohoni la haratu la marohati na hina rÌuhu, pani mo rÌule narÌihi la haratu la tavtav la vano lekoleko. 54 Mo tueni nona volitusi Israel, usuri na nona retitauhi mata nona rÌomopoia hinira, 55 matan mo retitauhi vara i pa rÌomopoi isan Abraham peresi na taniana na rani tui tui." 56 Mary mo lo toho atu isan Elizabeth mata vitu mo tolu, moiso mo pa mele mule vano na jarana. 57 Ale vitu non Elizabeth mo asi vara i lavlavi, ale mo vasusui na nona pipi lamane matea. 58 Ale tavtavuina peresi na tahisana la rongoa vara Moli mo rÌomrÌuhu tavera jea isana, ale la avulahi peresia. 59 Ale na halimaravtolu rani la mai vara la vai na nona tairÌalihi. Tatuara la lo opoia vara la tau na hijana vara Zechariah vara i lavi na hijan tamana, 60 pani tinana mo verea mara, “Mo vono, enia hijana John." 61 Ale la verea isan Elizabeth lara, “Mo sopo te tavtavuim hijana i sohen haratu!" 62 Ale la vai na matamata hai isan tamana na limara vara sava hija natu, enia mo opoia vara i silea isana. 63 Ale Zechariah mo usia vara la lavi te hinau mata uliuli hinia i mai isana, ale la marÌurahi tavera matan mo ulia mara, “Hijana enia John." 64 Ale vahatea purongo memena mo mele materi, ale mo retireti mo hasohaso God. 65 Tahisara tari la hutura, ale la matahu, ale sorasora atu mo rÌalihi vevuhi na jara tari na jara vutivuti Judea. 66 Ale tamlohi tari sei la rongora la sopo levosahia vara natirihi atu i pa sava tamlohi pavuho natu matan liman Moli mo lo toho hinia. 67 Ale tamana, Zechariah, Tanume Tapu mo marÌivisia, ale mo retimangovi mara, 68 “Hasohaso tavera isan Moli God matan Israel, matan nake mo rohi na nona tamlohi vara i jurira, 69 God mo silerÌa na Tamlohi Jujuri matea mo suiha tavera mo tai na iman nona volitusi supe David, 70 sohena nona prÌovet tapu tuai la verea 71 lara vara i pa jurirÌa isana norÌa meresahi, ale na liman la haratu sei la rÌohu hinirÌa. 72 Mo marÌivisi na nona retitauhi tapu sei vara i pa rÌomi na nomam pua, 73 retitauhi atu mo silea isan tamarÌa Abraham vara i pa vaia, 74 ale vara i jurirÌa isana norÌa meresahi, ale i pa tuenirÌa vara rÌa volitusi isana i sopo te matahu isarÌa, 75 na mauri tapu mo tataholo na nahona mata norÌa rani tari. 76 Ale engko natuku, la pa toviho prÌovet non haratu mo aulu jea; matan engko o pa vano tiroma hin Moli, mata vai mamahuni na malelena, 77 o pa vere na tamlohi sohena sava God i pa jurira matan i pa rÌomi na nora hehe. 78 matan norÌa God enia God mata rÌomi na tamlohi na nona rÌomrÌuhu, matan mai non nona Jujuri mo sohena alo mo vele aulu mo sinai isarÌa na tuka, 79 vara i mera isan la haratu la lo toho na rÌorÌoha, ale na liman mateia, matan vara i tiromarÌa na malele mata tamata." 80 Ale pa natirihi atu mo ulua, ale Tanume Tapu na maurina mo suiha, ale mo lo toho na tano koru mo tikeli na rani mata nona pala na naho tamlohin Israel.