Luke 2

1 Hin pongi atu, supe nona mara Rome, enia Augustus, ale mo verea mara la evi vevuhi na tamlohi rÌalihi na jara tari sei enia mo lo tauri na suiha hinira na varama. 2 Harihi enia tiroma evi na tamlohi hin pongi atu Quirinius, tamlohi aulu matea mara Rome mo lo aulu hin Syria. 3 Ale, tamlohi tari la vano na jarara tataholo vara la pa sile na hijara ea. 4 Ale Joseph mo malue Galilee na taon matan Nazareth mo sahe na taon non pin supe David sei Bethlehem na jara matan Judea, matan enia tahisan supe David, 5 vara i tau na hijana peresi Mary, harÌai atu sei mo tauhoroa moiso mata lahi, ale mo tau natuna. 6 Ale hin pongi atu la pa lo toho atu, nona rani mo mai vara i lavilavi. 7 Ale mo vasui natuna vora tiroma lamane matea. Mo leputi mamahunia na ruru, ale mo taua sivo na puhoro rÌuvu hana maji palovati, matan mo sopo te mele masapa na lolon ima malele atu nona tamlohi la lo hahau. 8 Hin vutepongi atu, hin jara atu, na pahisan taon atu, tavui sipsip hai la lo toho saovi na pulara sipsip na jara rÌuvurÌuvu tavera. 9 Ale la pa hutura purongo, angelo non God matea mo pala isara, ale meran God mo merasahira, ale matahu mo sohoni vevuhi na epera. 10 Angelo atu mo verea isara mara, “Ha sopo matahu, matan enau na lavi na retirÌuhu mata avulahi tavera matea vara a silea isamim sei i pa nona tamlohi tari. 11 Matan, nakerihi, natirihi matea mo vora isamim na taon non supe David, enia KrÌisto sei i pa juri na tamlohi, norÌa Moli. 12 Ha pa erÌi hitevosahia sohen harihi: ha pa hite na pipi matea, la leputia na ruru la taua mo lo juruvi na puhoro rÌuvu hana maji palovati." 13 Ale, la pa hutura, vao angelo vuro na tuka la pala vahatea na harÌin pa angelo atu, ale la lo hasohaso God lara, 14 “Hasohaso i sahe isan God na jarana aulu jea na tuka! Ale na varama, tamata i pa toho isan la haratu God mo avulahi hinira." 15 Na rani la angelo atu la malue isara la sahe na tuka, la tavui sipsip atu la lo vereverea isara lara, “Ale rÌa vano, rÌa vano Bethlehem vara rÌa hite hinau sei Moli God mo lo vererÌa hinia." 16 La tamlohi atu la vano vilavila la tapai Mary enia Joseph, ale pa natirihi atu mo lo juruvi na rÌuvu na puhoro matea. 17 Lara la hitea, la vereuli na sava pa angelo atu mo lo verea isara matan natirihi atu. 18 Ale tamlohi tari sei la rongo la retireti atu, la marÌurahi tavera na sava la tavui sipsip atu la verea isara. 19 Pani Mary mo tau mamahuni la hinau nike na rÌomina, ale mo lo rÌomrÌomira. 20 Ale pa la tavui sipsip atu la mele hilu vano isana pulara sipsip, la lo tahe na hijan God, ale la sile na hasohaso isana mata sava la rongoa, ale sava la hitea sohen la verea isara. 21 Mo kakau na halimaravtolu rani, vara i lavi na nona tairÌalihi, ale la tau na hijana vara Iesu, hija atu sei angelo atu mo lo silea tiroma moiso Mary mo pa tau natuna. 22 Ale mo kakau na rani mata malamalai matan vara i vai Joseph enia Mary la vokevoke usuri na Leu non Moses, la lavia mo sahe Jerusalem mata silea isan Moli God 23 sohen la ulia na leu non Moli God lara, ‘Lamane vora tiroma tari sei la malue na pangen tinara tiroma, enira la tapuhi non Moli God.’ Exo 13.2â12 24 Ale la sile na malamalai usuri na sava leu non Moli God mo verea vara la vaia, ‘vomahe i rua teni te wepe i rua.’ Lev 12.2â8 25 Ale hin pongi atu, mara Jerusalem matea, hijana Simon, enia tamlohi tataholo matea, ale rÌomina mo rÌilangi mata lotu tarea. Mo lo kilau matan Jujuri non Israel, ale Tanume Tapu mo marÌivisia. 26 Tanume Tapu mo vujangia hinia moiso vara i pa sopo mate vavano i tikeli pongi atu i hite KrÌisto non Moli God. 27 Ale Tanume Tapu mo vai na rÌomina vara i vano na lolo Temple, ale na rani taman Iesu enia tinana la lavia mo sinai matan vara la vai na posposi sei leu mo opoia, 28 mo tulia, ale mo sile na hasohaso isan God mara, 29 “Moli God, nake natu, na levosahia moiso vara o erÌi majinga hiniau nom volitusi, vara a mate na tamata matan nom retitauhi isaku mo masese, 30 matan mataku mo hite na nom Jujuri moiso, 31 ko tatamahunia mata tamlohi tari, 32 enia malarani matea mata vuhesi God isana tamlohi rÌorÌoha tari, ale mata hasohaso nona nom tamlohin Israel." 33 Taman Iesu enia tinana la marÌurahi tavera na sava mo verea matana. 34 Ale Simon mo lerÌuhu hinira, ale mo verea isan tinana Mary mara, “God mo virÌoni natirihi nike, vara i pa vai na tamlohi matuvana Israel la jovi, ale i pa tahe na tamlohi matuvana hinia, enia i pa matamata matea tamlohi la pa verelejlejia, 35 matan vara rÌomrÌomi nona tamlohi matuvana la pa mavuhesi, ale ko hitea, sita vuro i pa hoti na maurim tataholo." 36 PrÌovet harÌai matea mo lo toho atu hijana Anna, venatun Phanuel tavtavuin Asher. Enia mo vajiaha sasati moiso, mo lo toho peresi tuana mata tauni mo limaravrua purongo hin la rani atu mo pa lo harÌai maevo, 37 moiso mo lo toho sohena harÌai malepu matea mo tikeli na taunina mo ngavulu limaravtolu mo vati (84). Enia mo sopo lo malue hin Temple atu, mo lo lotu God na nona tapuhoro na hanhani peresi na nona usiusi tarea na rani peresi na vutepongi. 38 Ale mo sinai tataholo hinira atu, ale mo tapulo vere meje isan God. Mo retireti matan natirihi atu isan la haratu sei la lo kilau toho matan rani atu vara God i pa volituhu Jerusalem hinia. 39 Ale na rani Joseph enia Mary la vai vevuhi na sava leu non God mo opoia, la mele vano na jarara Galilee, na nora taon matan Nazareth. 40 Natirihi atu mo ulua, mo mai mo rÌilangi, ale rÌomina mo marÌivi na lelevosahi. Ale rÌomrÌuhu non God mo lo toho isana. 41 Na tauni hatehateahi tamana enia tinana la lo sahe Jerusalem mata Hanhani mata Passover. 42 Ale hin rani atu Iesu taunina mo tikeli mo sangavulu rÌomana mo rua, la mele sahe usuri na posposi sohen la lo vaia tarea matan Hanhani atu. 43 Ale na rani Hanhani atu mara mo isoiso, na malele la lo mele mule, uluvou atu Iesu mo pa lo toho Jerusalem. Tamana enia tinana la sopo levosahia, 44 pani mata rani matea la rÌomrÌomia vara mo lo hahau peresi na vaora, pani mo sopo tuai la tapulo alea isana tahisara peresi na tapalara na malele, 45 ale lara la sopo hitea, la mele hilu la vano vara la alea Jerusalem. 46 La alea, ale na hatolu rani la pa tapaia na lolo Temple, mo lo sakele na livuha tamlohi vujangi ea, mo lo tapurongo isara, ale mo lo usi na retiusia. 47 Ale tamlohi tari sei la rongoa la marÌurahi tavera na nona lelevosahi peresi na nona rÌarami reti isara. 48 Ale tamana enia tinana lara la tapaia, la hutura tavera hinia. Ale tinana mo verea isana mara, “Natuku, mata sava ko vailehilehi kamam sohena? Enau tamam kama aleho vavano rÌomimam mo jovi tavera!" 49 Ale mo verea isara mara, “Ka lo aleau mata sava? Ka sopo levosahia vara enau a pa lo toho na iman tamaku?" 50 Pani la sopo levosahi na rÌaramin reti atu sei mo verea isara. 51 Ale mo usurira la sivo Nazareth, ale mo hase taua na ruhuruhu limara. Ale tinana mo tau mamahuni la hinau nike na rÌomina, ale mo lo rÌomrÌomira. 52 Ale Iesu mo ulua mo mai tamlohi, nona lelevosahi mo ulua, ale mo ulua na rÌomrÌuhu non God peresi na rÌomrÌomi nona tamlohi tari isana.