Philippians 1

1 Enau Paul peresi Timothy, kamam kama slev non KrÌisto Iesu, kama uli leta nike isana tamlohi virÌoni non God hin KrÌisto Iesu la lo toho Philippi, peresi la haratu la lo tiroma na tamlohi peresi la haratu la lo deacon ea. 2 RÌomrÌuhu peresi na tamata non God TamarÌa peresi Moli Iesu KrÌisto i pa toho isamim. 3 Vara na lo rÌomrÌomi kamim, tarea na lo vere meje isan God matamim. 4 Ale na rani na lo usiusi matamim sohena, na lo usiusi na noku rÌomavulahi, 5 matan kamim ka tapala na vavahinau mata RetirÌuhu, mo tapulo na tiroma rani mo tikeli nake, 6 Na levosahia mo rÌuhu vara haratu mo lo tapulo na vavahinau rÌuhu na maurimim, i pa lo vaia i tikeli rani atu Iesu i mele mai, ale i pa mai na isoisona. 7 Mo tataholo vara a rÌomrÌomia sohena matamim matan noku opoia matamim mo tavera jea, hina purongo vara na lo toho nike na ima rÌilangi teni vara a lo matahi na RetirÌuhu sei ka lavia, teni vara a lo vujangia vara enia mo retivararÌuhu, ale mata rÌomrÌuhu non God, enrÌa mo isoiso rÌa tapala matana. 8 God mo levosahia vara na lo opoi kamim, mo tataholo na opoia non KrÌisto Iesu isamim. 9 ale harihi enia noku usiusi: vara nomim opoia i pa lo ulua i tavera tarea, na lo usiusi vara ha ulua na nomim levosahi rÌuhu tari peresi na rongovosahi na hinau mo vararÌuhu, 10 matan vara ha pa erÌi rongovosahi na sava natu, mo tataholo vara ha vaia, ale matan haratu, ha pa erÌi toho vokevoke i pa sopo tea i tuvai kamim i tikeli rani atu KrÌisto i mele mai, 11 ale ha pa marÌivi na vua mata mauri tataholo sei mo tai isan Iesu KrÌisto, i pa vai na tamlohi la tahe na hijana, ale la pa sile na hasohaso isan God. 12 Ale la vorai peresi na vevorai, na opoia vara ha pa levosahia vara sava rani rÌilangi mo mai isaku nike, mo mai matan vara tamlohi matuvana la erÌi rasu na RetirÌuhu. 13 Ale matan haratu, tamlohi vuro tari non Supen Rome sei la lo kilauau nike, peresi na tamlohi tari la levosahia vara enau na lo toho na ima rÌilangi matan KrÌisto. 14 Matan na lo toho na ima rÌilangi nike, Moli mo vai na rÌomrÌomi nona vorai kalesia nike la rÌomrÌilangi vara la pa vereuli na Reti non God la sopo matahu matana. 15 VararÌuhu tamlohi hai la lo retivujavujangi hin KrÌisto na nora mereimerei, na nora rÌomaulu, pani hai la lo vaia na posposi tataholo. 16 La haratu hitahu, la lo vaia na nora opoia matan la levosahia vara enau na lo toho na ima rÌilangi matan na lo matahi na RetirÌuhu. 17 La haratu tiroma la lo retivujavujangi hin KrÌisto na rÌomaulu, rÌomira la sopo tataholo, la lo rÌomtau vara la pa mele vai na noku rongohaji i mele tavera nike na ima rÌilangi matana. 18 Pani mo sopo te hinau hinia. Hinau aulu hinia, enia vara tamlohi la retivujavujangi KrÌisto, hina purongo vara la lo vaia na nora tapnetano teni la vararÌuhu. Matan haratu na avulahi, ale a pa lo avulahi, 19 matan na levosahia vara nomim usiusi peresi na tuetueni sei Tanumen Iesu KrÌisto mo silea, sava mo masese isaku, isoisona God i pa juriau. 20 Na levosahia mo rÌuhu, ale na lo rÌomtoho vara a pa sopo vai te hinau vara i erÌi vaiau a mahanuhanu matana, pani na noku rÌomrÌilangi nake sohena tarea, a pa lo sile na oloolo isan KrÌisto na hinau tari na lo vaira, vara a mauri teni a mate. 21 Matan isaku, mauri enia matan KrÌisto, ale mate, i pa mele rÌuhu. 22 Vara a lo mauri hin epe nike, enia masapa vara noku vavahinau rÌuhu la pa vuaha. Pani na sopo levosahia vara sahara mo mele rÌuhu, 23 rÌomiku mo opoira enira rua. Na opoia vara a malue a toho peresi KrÌisto matan haratu mo rÌuhu jea, 24 pani i pa mele rÌuhu jea isamim vara a lo mauri. 25 Matan na levosahia mo rÌuhu vara a lo mauri, a erÌi tueni kamim mo isoiso, ale ha pa ulua na avulahi na nomim rasua, 26 matan vara ha pa hasohaso KrÌisto Iesu mata mo tinarÌihia vara a mele toho peresi kamim. 27 Hinau aulu enia harihi: vara ha hahau na malele mo tataholo na RetirÌuhu non KrÌisto, matan vara a mai a hite kamim teni vara a rongo te sorasorahimim, a pa levosahia vara ka lo turu rÌilangi jara matea sohena tamlohi matelete, mata matahi na sava RetirÌuhu mo vujangia, 28 ale ha sopo matahuni la haratu sei la nomim meresahi, matan nomim rasua enia i pa matamata mera matea isara mata vujangira vara maurira la pa sopo juri, pani kamim ha pa juri, harihi God i pa vaia. 29 Matan God mo taua vara ha pa sopo rasu KrÌisto purongo, pani vara ha pa lavi na rani rÌilangi matan KrÌisto, 30 matan na levosahia vara ka lo lavi na rani rÌilangi sohen ka hitea isaku hin rani atu na lo toho peresi kamim, ale nakerihi sohena na lo lavia na ima rÌilangi.