Philippians 2

1 Matan ka lo sorÌotahi hin KrÌisto, vara te nomim retituetueni, teni ka nanau matan nona opoia mo lo toho isamim, teni ka tapala peresi na Tanumena, teni te opoia na mapumim teni te rÌomopoia, 2 ha marÌivisi na noku avulahi sohen harihi: rÌomimim i matea, ha opoiopoi kamim, mapumim peresi na rÌomimim i matea na sava ha pa vaia, 3 ha sopo vai te hinau matan ka opoia vara ha pa jeu na tinapua, teni ha vai na hinau na rÌomaulu, pani na posposi rÌomatano, ha rÌomrÌomi na tinapua i jeu kamim. 4 Kamim hatehateahi, ha sopo rÌomrÌomi kamim hasemim purongo, pani na hinau i pa rÌuhu isana tinapua. 5 RÌomimim i pa sohena rÌomin KrÌisto Iesu, 6 hina purongo vara tiroma enia God tataholo, enia mo sopo rÌomrÌomia vara i taurilati rÌomrÌomi atu vara enia God, 7 pani mo hasena taua sivo atano mo mai sohena volitusi matea tataholo, ale mo vora mo mai mo sohena tamlohi purongo, 8 ale mo hasena taua sivo atano, ale mo oloolo mo kakau na nona mateia, mateia atu enia mateia sasati mata talai na talopeilopei matea. 9 Matan haratu, God mo tahea hin jara atu mata lavi na oloolo tavera jea, mo silea hin hija atu mo aulu jea mo jeu na hija tari, 10 matan vara na hijan Iesu, tamlohi tari la pa papaohi, la haratu la lo toho na tuka, na varama peresi na jaran la haratu la mate na lolo varama, 11 ale meme tari la pa taviti vara Iesu KrÌisto enia Moli, hasohaso tari i pa sahe isan God TamarÌa matana. 12 Matana, la tapalaku rÌuhurÌuhu hin rani atu na lo toho peresi kamim ka lo oloolo tarea, ale nake, matan na sopo toho peresi kamim, i pa mele rÌuhu vara ha lo kilau mamahu vara ha vai na vavahinau nona tamlohi sei God mo jurira na posposi matahu peresi na savaravara, 13 matan God hasena sei mo lo vavahinau hin kamim, mo vai kamim vara ha avulahi vara ha vavahinau i usuri na sava mo opoia. 14 Na vavahinau tari ka lo vaira, ha sopo ngutungutu teni ha vasvas, 15 matan vara i pa sopo te hinau vara tamlohi tinapua la erÌi tuvai kamim hinia. Ha toho na mauri vokevoke, i sohena natun God na livuhan pina haluhalu sei mo hehe, ale kamim ka lo mera sohena majou na varama. 16 Ha taurilati reti atu mo sile na mauri, matan vara a pa erÌi retihapahapa hin pongi atu non KrÌisto, vara noku vavahinau isamim la sopo vano hina purongo, 17 pani hina purongo vara mauriku i sohena wai malamalai matea, ale i vano peresi na nomim rasua isan God, enau na avulahi vara a silea vara enrÌa tolu rÌa pa avulahi jara matea. 18 Ale mo rÌuhu vara ha avulahi matana sohena, ale ha avulahi peresiau. 19 Na lo rÌomtoho vara a pa rÌule Timothy i vano isamim i pa sopo tuai, vara Moli Iesu i tinarÌihia, matan vara enau sohena a pa rongo i rÌuhu vara a rongo te sorasorahimim. 20 Matan mo sopo tea nike, rÌomina i tavera matamim sohen Timothy, matan enia mo opoia vara ha lo toho i rÌuhu. 21 Matan tamlohi tinapua mo isoiso la lo ale na masalora purongo, mo sopo masalon Iesu KrÌisto. 22 Pani kamim ka levosahi mamahuni na posposi rÌuhu non Timothy moiso, matan enia mo lo tueniau sohen natuku matea tataholo na vavahinau mata RetirÌuhu. 23 Matana, na lo rÌomtoho vara a pa rÌulea nohorihi, pani a pa hitea vara i pa sohena sava isaku tako. 24 Ale hin Moli, na levosahia mo rÌuhu vara i sopo tuai enau sohena a pa mai. 25 Pani na lo rÌomrÌomia vara a pa mele rÌule Epaphroditus vano isamim. Enia voraiku, tapalaku na vavahinau, ale tapala tamlohi vuro matea mata rasua, ale nomim vaharÌule, haratu ka lo rÌulea isaku vara i tueniau nike. 26 Matan enia mo opoia vara i mele hite kamim, ale mo rongo mo sati matan ka rongoa vara enia mo rojo, 27 vara rÌuhu enia mo rojo, mariviti vara i mate, pani God mo rÌomopoia, mo sopo isana hasena, pani enau sohena, mo sopo opoia vara i vaiau a rongo i sati aulu na noku rongo sati. 28 Matan haratu, na avulahi vara a mele rÌulea vano isamim, matan vara ha pa avulahi vara ha mele hitea, ale enau rÌomiku i sopo mele kaka hajavua hinia. 29 Ale, ha mele lavia mai isamim na hijan Moli na avulahi tavera. Ale mo tataholo vara ha sile na oloolo isana tamlohi sohena, 30 matan mariviti i mate mata vavahinau non KrÌisto, matan mo harÌehi na maurina vara i vai vevuhi na nomim vavahinau sei ka sopo erÌi vaia isaku.