Philippians 3

1 Mele hina tinapua la vorai peresi na vevorai, ha avulahi tavera matan Moli. Mo sopo te hinau hinia vara a mele uli la hinau sei na pete verea isamim tiroma moiso matan la pa turuhoro kamim. 2 Ha lo kilau la viriu sei, la tamlohi sasati atu la lo tai komokomo na epe tamlohi na tairÌalihi. 3 Matan enrÌa natu, tairÌalihi vararÌuhu, rÌa lo lotu na suihan Tanumen God, ale rÌa lo retihasohaso KrÌisto Iesu na sava mo vaia matarÌa, ale rÌa sopo mele tau na rasua na norÌa vavahinau, 4 hina purongo vara enau a erÌi tau na noku rasua na noku vavahinau sohera. Vara tea mo rÌomrÌomia vara i erÌi tau na nona rasua na nona vavahinau, enau na jeua, 5 enau na tairÌalihi na rani mo limaravtolu na noku pongi vora, enau na tavtavuin Israel, tavtavuin Benjamin, enau Jew tataholo, usuri na Leu, enau Pharisee matea. 6 Ale na rÌilarÌilangi na noku rasua, na tipahi na vao kalesia non Iesu. Ale usuri na leu tataholo rÌuhu, tea i sopo erÌi tuvaiau hin te hinau matana, 7 pani na noku kilakilau mata hinau vara la pa tueniau tiroma, nake matan hin KrÌisto, na hitera sohen hina purongo. 8 Aulu hin haratu, na levosahia vara hinau tari enira hina purongo na rani na lo kilau usurira peresi na hinau mo mele rÌuhu jea, enia vara a levosahi KrÌisto Iesu noku Moli, ale matan KrÌisto, na sopo mele tau na noku rasua na noku vavahinau tari, na hitera sohena utauta matan vara a lavi KrÌisto, 9 ale vara a pa toho isana, mo sopo matan na vai te hinau mo tataholo matan na lo usuri na Leu, pani vara a mai a tataholo na nahona mata noku rasua hin KrÌisto, hinau sei, God hasena mo verea vara enau na tataholo mata noku rasua hinia, 10 matan vara a levosahi KrÌisto peresi na suiha nona sauteterahi, ale na opoia vara a sorÌotahi peresia na nona rani rÌilangi, ale a sohena na nona mateia, 11 ale, matan la hinau tari sei vara enau sohena, a pa lavi na sauteterahi na mateia. 12 Na sopo verea vara na pete lavi la hinau tari atu moiso, teni vara God mo vaiau na tataholo vevuhi moiso, pani na lo tutunguia vara a lavi la haratu sei KrÌisto Iesu mo virÌoniau matara. 13 La vorai peresi na vevorai, na sopo verea vara na lavira noku moiso, pani hina aulu matea na lo tau na rÌomiku vara a vaia enia harihi: na sopo mele tauri na hinaun tuai, pani na lo kilau na hinau mo lo mai, 14 ale na lo tutunguia vara a kakau na isoisona, matan vara a lavi otori atu na tuka God mo toviau matana hin KrÌisto Iesu. 15 Mo rÌuhu vara enrÌa sei rÌa jea na malele rasua, rÌa lo rÌomrÌomi sohena. Pani vara kilakilau non tea mo sopo sohena, God i pa vujangia vara sava na lo verea mo tataholo isamim. 16 Hina aulu hin la hinau sei rÌa lavira moiso enia vara rÌa usuri na sava rÌa pete levosahia moiso vara la tataholo. 17 La vorai peresi na vevorai, ha pulutahi ha tutungui na paloku, ale ha kilau mamahuni la haratu la lo hahau usuri tovongi sei kama lo sile kamim hinia. 18 Matan sohen na pete verea isamim moiso, ale nake na lo mele verea isamim na rÌomsati, vara tamlohi matuvana la lo hahau sohena meresahi na sava KrÌisto mo vaia na nona talopeilopei. 19 Isoisona enia la pa hase komora, nora god enia masalora, la retihapahapa na nora vavahinau mata mahanuhanu, la lo tau na rÌomira na hinau mata varama purongo. 20 Pani enrÌa tamlohin tuka, ale rÌa lo kilau matan norÌa Jujuri i pa tai ea, enia Moli Iesu KrÌisto, 21 enia i pa posi na eperÌa la mai la tataholo na epena sei mo rÌuhurÌuhu jea, i pa vaia hin suiha atu sei mo lo vai na hinau tari la toho na ruhuruhuna.