Romans 3

1 Vara mo sohen haratu, sava mo rÌuhu natu vara engko Jew matea? Teni sava natu mo rÌuhu na tairÌalihi? 2 VararÌuhu, God mo lerÌuhu na Jew na malele matuvana, tiromara enia God mo sile na nona vereulia isara. 3 VararÌuhu, tatuara la tope na nora retitauhi, pani nora posposi mata tope na retitauhi i pa vai na retitauhi non God i vano hina purongo teni i vono? 4 I vono! Tamlohi tari enira tamlohi halu, pani God mo lo vararÌuhu, sohen la ulia vara, ‘Nom reti la vujangia vara engko ko tataholo, ale engko o pa jeu na nora retituvai na court’. Psa 51.4 5 Pani vara hai la lo verea lara nora hehe mo sile God na masapa vara i pa vujangi na nona posposi tataholo, rÌa pa rÌarami rÌomrÌomi atu sohena sava? Vara mo sopo tataholo vara God i sile na nona talai lolokoru mata hehe isara teni mo vono? Na lo retireti usuri na rÌomrÌomi tamlohi nahai. 6 I vono! Vara sohena, God i pa erÌi ari na varama sohena sava? 7 Pani tea la pa verea vara, ‘Vara noku halu mo lo vujangia vara reti non God mo vararÌuhu sohena sava, ale mo lo lavi na hasohaso matana, mata sava natu, na lo lavi na talai sohena tamlohi hehe matea?’ 8 Ale mata sava rÌa sopo erÌi verea vara, ‘Mo rÌuhu vara rÌa vai na hina sasati matan vara hina rÌuhu i erÌi mai matana.’ Matan tea la lo retirÌerÌen hin kamam lara kama lo vujangia sohena. Pani hara talai sei God i pa silea isara matana i pa tataholo. 9 Nake i pa sohena sava? Kamam Jew kama rÌuhu kama jeu na tinapua teni mo vono? I vono, matan rÌa pete vujangia moiso vara tamlohi tari, Jew teni tamlohi rÌorÌoha, la lo toho na ruhuruhu suiha hehe, 10 mo sohen la ulia vara, ‘Mo sopo tea i tataholo, mo vono, mo sopo te hatelete. 11 mo sopo tea i lelevosahi; mo sopo tea i lo ale God. 12 Tamlohi tari la vaharÌi hinia, enira mo isoiso la sopo mele rÌuhu matan te hinau; mo sopo tea i vai te hina rÌuhu, mo vono, mo sopo te hatelete.’ Psa 14.1â3; 53.1â3 13 ‘Nora retireti mo rÌanga sohena pona taptap roi matea; la vai na memera la halu.’ Psa 5.9 ‘Nora reti mo sohena poison mata mata sasati mo lo toho na jingora.’ Psa 140.3 14 ‘Jingora mo marÌivi na lesati peresi na lolokoru.’ Psa 10.7 15 ‘La tamlohi akerihi la tatamahu moiso mata vili na tamlohi; 16 Sava jara la vano hinia, la vaikomokomoa, ale rongohaji mo vora, 17 ale malele mata tamata enira la sopo levosahi te hinau hinia.’ Psa 59.7â8 18 ‘Mo sopo te matahu matan God na nora vavahinau.’ Psa 36.1 19 Ale nake rÌa levosahia vara sava hinau leu mo verea, mo verea isan la haratu la lo toho na leu matan mo vai na tamlohi tari la tapanono, ale mo vujangia vara tamlohi tari na varama la pa toho na ruhuruhu talai non God. 20 Matana, mo sopo te tamlohi vara i erÌi tataholo na nahon God matan enia mo lo usuri na leu. Matan leu mo sile na lelevosahi mata hehe. 21 Pani nake, malele tamlohi mata la mai la tataholo na nahon God mo lo toho na jara tavera, pani leu mo sopo toho na lolona, o pa hitea vara Leu non Moses peresi na retireti nona prÌovet la lo vereulia 22 sohena sava God mo lo vujangi na nona posposi tataholo na malele rasua. Tamlohi tari la tau nora rasua hin Iesu KrÌisto la mai la tataholo na nahon God matan God mo sopo ase na tamlohi, 23 matan tamlohi tari la lo vai na hehe, la toho asau na hina rÌuhurÌuhu sei non God hasena, 24 ale God mo avulahi vara i vai na tamlohi la tataholo na nahona na nona rÌomrÌuhu purongo, mo vaia na malele mata volituhu hin KrÌisto Iesu, 25 enia sei, God mo taua na nahorÌa, rÌaena mo volituhu na talai lolokoru non God mata hehe, ale rasua enia malele sei tamlohi la erÌi lavi na vuan vavahinau sei. God mo vujangia vara posina mo tataholo matan enia mo sopo sile na talai mata hehe tari isana tamlohi sei la vaira tuai. 26 Nake mo vaia matan vara i vujangia vara nona aria mo tataholo, ale mo tataholo vara enia i vai na tamlohi la tau na nora rasu hin Iesu, ale la mai la tataholo na nahona. 27 Ale, hare natu i erÌi retihapahapa i verea vara mo tataholo mata nona vavahinau? I pa sopo tea! Mo mai mata sava leu? Matan rÌa lo oloolo na leu? Mo vono, pani matan rÌa usuri na leu mata rasua. 28 Matan kama lo verea vara tamlohi la mai la tataholo na nahon God mata rasua, mo sopo matan la lo oloolo na leu. 29 Pani God enia God nona Jew purongo teni mo vono? Enia God nona tamlohi rÌorÌoha teni mo vono? Enjora, enia God nona tamlohi rÌorÌoha, 30 matan God enia mo matelete. Enia i pa vai la haratu la tairÌalihi peresi la haratu la sopo tairÌalihi la tataholo na nahona mata rasua. 31 Ale, vara mo sohena, rasua mo vai na suihan leu atu mo isoiso teni mo vono? Mo vono, matan kama lo verea vara leu mo tataholo.