Romans 4

1 Ale vara mo sohena, rÌa pa vere na sava matan hinau sei pirÌa Abraham mo vileia tuai? 2 Matan, vara Abraham mo tataholo na nahon God mata nona vavahinau, enia i pa hapahapa matana. Pani i sopo erÌi hapahapa na nahon God. 3 Retitapu mo vere na sava matana? ‘Abraham mo rasu God, ale God mo verea vara enia mo tataholo na nahona matana’. Gen 15.6 4 Ale isana tamlohi voko matea, volina mo sopo hina silesilea matea, pani enia voli nona voko. 5 Pani isan haratu mo sopo vai te voko, pani mo tau na nona rasu hin God sei mo erÌi vai na tamlohi varama la mai la tataholo na nahona, ale God mo verea vara rasua non tamlohi atu mo vaia mo mai mo tataholo na nahona. 6 Mo sohen supe David mo verea matan avulahi tavera non haratu sei God mo hitea vara mo tataholo na nahona, mo sopo matan te hinau enia mo vaia: 7 ‘Avulahi tavera isan la haratu God mo rÌomi na nora vaivaileu, ale mo tatavuhi na nora hehe; 8 avulahi tavera isan tamlohi sei Moli i pa sopo evi na nona hehe hin te rani.’ Psa 32.1â2 9 Avulahi tavera nike enia non la haratu la tairÌalihi purongo? Mo vono, avulahi sei enia non la haratu la sopo tairÌalihi peresi la haratu la tairÌalihi, matan kama lo verea vara, ‘God mo verea vara Abraham mo tataholo na nahona mata nona rasua purongo’. Gen 15.6 10 God mo pa vaia sohena isan Abraham sohena sava? Mo vaia tiroma teni hitahu moiso mo pa tairÌalihi? Mo sopo hitahu, pani tiroma na nona tairÌalihi. 11 Mo lavi na tairÌalihi sohena matamata matea mata vujangia vara enia mo tataholo mata nona rasua hin rani atu mo sopo lo tairÌalihi. Enia matan vara God i vaia i tama tamlohi tari sei la rasua, pani la sopo tairÌalihi, matan vara God i pa vaira la tataholo na nahona sohen Abraham, 12 ale mo vai Abraham mo taman la haratu la tairÌalihi, mo sopo mata tairÌalihi purongo, pani matan la lo hahau usuri na malele rasua non tamarÌa Abraham hin rani atu mo sopo lo tairÌalihi. 13 Matan retitauhi sei God mo silea isan Abraham peresi na taniana mo verea vara varama i pa nora, mo sopo mai mata leu, pani mata rasua sei mo vai na tamlohi la tataholo na nahon God. 14 Matan, vara la haratu la lo usuri na leu la lavi na vuan retitauhi sei, rasua enia mo sopo te suihana, ale retitauhi atu mo vano hina purongo. 15 Matan leu mo lavi na talai lolokoru non God mata hehe mo mai isana tamlohi, pani vara i sopo lo te leu, i pa sopo te hehe. 16 Mo pa sohena matan mo turu na rasua purongo, matan vara sava retitauhi mo verea, mo mai mata rÌomrÌuhu, mo turu rÌilangi mata taniana tari, mo sopo isan haratu mo lo usuri na leu purongo pani isan haratu mo rasua sohen Abraham mo lo rasua, enia tamarÌa enrÌa mo isoiso, 17 sohena la ulia vara, ‘Enau na virÌoniho vara engko o pa tama tamlohi jara matuvana’. Gen 17.5 Ale God mo hitea vara Abraham mo rasua vara enia i erÌi sile na mauri isana mate, ale mo retireti purongo ale hinau sei la sopo lo toho la pala. 18 Abraham mo lo rÌomtoho, hina purongo vara mo sopo levosahia vara i pa sohena sohena sava, pani mo lo rÌomtoho vara i pa tama mara jara matuvana usuri na sava God mo verea isana mara, ‘Ale taniam la pa matuvana sohena vitusarasara’. Gen 15.5 19 Nona rasua mo sopo jovi, hina purongo vara epena mo vajiaha mariviti i pa mate purongo matan taunina mo lo lavilavi na tauni mo ngavulu sangavulu (100), ale hina purongo vara Sarah mo aroaro. 20 Mo sopo rÌomkaka na retitauhi non God, pani mo ulua rÌilangi na nona rasua, ale mo lo sile na oloolo isan God, 21 mo levosahi mamahunia vara God i erÌi vai na sava mo retitauhi hinia. 22 Ale matan nona rasua atu, ‘God mo verea vara enia mo tataholo na nahona.’ 23 Pani reti sei akerihi, ‘God mo verea vara enia mo tataholo⦒ la sopo ulia matan Abraham hasena, 24 pani matan norÌa rasua sohena. God i pa verea sohena isan la haratu la lo tau nora rasua hin God sei mo sauteterahi Iesu norÌa Moli na mateia. 25 Enia, God mo silea mata norÌa hehe, ale mo sauteterahia matan vara i vairÌa rÌa tataholo na nahona.