Romans 6

1 Ale nake rÌa pa vere na sava vara mo sohena? Mo tataholo vara rÌa lo vai na hehe i lo vano matan vara rÌomrÌuhu i pa lo marÌivi savulevule matana, teni mo vono? 2 Mo vono! I pa sohena sava natu vara enrÌa sei rÌa mate na hehe moiso, rÌa lo toho hinia? 3 Teni ka sopo levosahia vara enrÌa sei rÌa lavi na paptijo hin KrÌisto Iesu, rÌa paptijo hin na nona mateia? 4 God mo tavunirÌa peresi Iesu na nona mateia na rani rÌa paptijo hinia, matan vara enrÌa sohena, rÌa erÌi hahau na mauri paro sohen KrÌisto sei mo turu na mateia na mauri paro na suihan God Tama. 5 Matan, vara enrÌa rÌa sorÌotahi peresia na norÌa mate sohen na nona mate, rÌa levosahia vara rÌa pa sorÌotahi peresia na sauteterahi sohen na nona sauteterahi. 6 RÌa levosahia vara norÌa mauri tuai mo mate peresia na talopeilopei matan vara i tope na suihan hehe na maurirÌa, matan vara rÌa pa sopo mele slev isan hehe. 7 Matan haratu mo mate moiso, mo pete materi moiso na hehe. 8 Ale vara rÌa mate peresi KrÌisto, rÌa rasua vara rÌa pa mauri peresia. 9 RÌa levosahia vara God mo sauteterahi KrÌisto na mateia moiso, ale i pa sopo erÌi mele mate; mate mo sopo te suihana vara i erÌi aulu hinia. 10 Matan mateia atu mo mate hinia, mo mate vara i jeu na hehe, vahatea mata rani tari, pani mauri atu mo mauri hinia nake, mo mauri matan God. 11 Ale kamim sohena ha levosahia vara kamim sohena ka mate isan hehe, ale ka mauri matan God hin KrÌisto Iesu. 12 Matan haratu, ha sopo tinarÌihia vara hehe i aulu na epemim nike na varama, vara i vai kamim ha oloolo na masalora. 13 Ha sopo tinarÌihia vara te epemim la mai volitusi na hehe mata posposi mo sopo tataholo na nahon God, pani ha sile kamim isan God sohen la haratu sei God mo vaira la malue na mateia la mauri, ale ha sile na epemim isan God sohena volitusi mata posposi tataholo na nahon God. 14 Matan hehe i sopo erÌi te suihana vara i aulu hin kamim, matan kamim ka sopo toho na ruhuruhu leu, pani ka lo toho na ruhuruhu rÌomrÌuhu. 15 I pa sohena sava natu? Matan rÌomrÌuhu non God mo vairÌa rÌa materi moiso, mo tataholo vara rÌa hahau na hehe matan nake rÌa sopo toho na ruhuruhu leu teni mo vono? Mo vono! 16 Ka levosahia vara, vara ka sile kamim isan tea sohena slev matea, ha pa oloolo hinia ale ka slev isan haratu sei ka lo oloolo hinia. Vara ka slev na hehe, vuana enia mateia, vara ka slev mata oloolo hin God, vuana enia posposi tataholo na nahona. 17 Pani rÌa vere meje isan God matamim sei tuai ka lo slev non hehe, pani nake ka mai ka oloolo na mapumim na vujangi tataholo sei la silea isamim moiso, 18 ale nake, ka materi na hehe, ale ka mai slev non posposi atu mo tataholo na nahon God. 19 Na lo vere na tovongi na slev sohena matan vara i tueni na nomim lelevosahi. Matan sohen tiroma ka lo sile na epemim sohena slev mata hina lumiha teni vaivaileu sei vuana mo mele vaivaileu jea, ale nake ha sile na epemim sohena slev isan posposi sei mo tataholo na nahon God sei vuana mo lo vai kamim vara ha tapu na maurimim. 20 Na rani ka pa lo slev non hehe, ka sopo rÌomrÌomi na posposi sei mo tataholo na nahon God. 21 Pani vuana enia sava? Vuana mo sopo rÌuhu matan nake ka lo mahanuhanu matan la hinau sei ka lo vaira tiroma, matan isoison la hinau sei, enia mate. 22 Pani matan nake ka materi moiso na hehe, ale ka mai slev non God, vua ka lavia matana mo vai kamim vara ha pa tapu na maurimim, ale isoisona, enia mauri tui. 23 Matan voli hehe enia mateia, pani otori non God sei mo lo sile purongoia, enia mauri tui hin KrÌisto Iesu norÌa Moli.