Romans 7

1 Teni, ka levosahia la vorai peresi na vevorai vara, vara leu mo lo suiha purongo vara tamlohi mo lo mauri? Na lo retireti isan la haratu la levosahi na leu. 2 Mo sohena harÌai lahi matea, leu mo lo tauria vara tuana mo lo mauri, pani vara tuana mo mate, harÌai atu mo materi na leu mata lahi. 3 Ale vara tuana mo lo mauri, pani mo mele juruvi peresi na tamlohi tinapua, la pa verea vara enia harÌai vaivaileu matea. Pani vara tuana mo mate, harÌai atu i pa materi na leu, vara i vano isana tamlohi tinapua matea, enia mo sopo harÌai vaivaileu. 4 Mo sohena natu, la voraiku peresi na vevoraiku, kamim sohena, ka mate na leu peresi KrÌisto matan vara ha pa mai tamlohi non tinapua, haratu non KrÌisto sei God mo sauteterahia na mateia matan vara rÌa erÌi vua rÌuhu isan God. 5 Matan tiroma rÌa lo usuri na masalo varama, leu mo lo rÌohai na masalorÌa sei mo lo vua hehe, ale vuana enia mateia. 6 Pani nake rÌa materi na leu, matan rÌa mate peresi KrÌisto moiso, ale rÌa sopo mele toho na ruhuruhu suiha leu, matan vara rÌa erÌi volitusi isan God, mo sopo na malele mata oloolo na retileu la ulia tuai, pani na malele paro, hin mauri atu Tanumena mo lo silea. 7 RÌa pa verea sohena sava natu? RÌa pa verea vara leu enia hehe teni mo vono? Mo vono! Pani vara leu i sopo lo mai a pa sopo erÌi levosahi na hehe. A pa sopo erÌi levosahia vara rÌomusuri enia sava, vara leu mo sopo verea vara, ‘O sopo rÌomusuri’. Exo 20.17; Deut 5.21 8 Pani hehe mo lavi na masapa hin retileu atu, mo vaiau na vua na rÌomusuri tinatinapua matuvana. Vara leu i sopo lo toho, hehe i pa sopo mauri. 9 Tiroma na lo toho hin mauri atu na sopo levosahi na leu hinia, pani na rani leu mo pala mo pisuhi na hehe ale mo mera purongo vara hehe mo lo mauri hiniau, 10 ale mo tauau na ruhuruhu talai mata mate. Matan na vileia vara retileu atu sei mo lo retitauhi na mauri mo sopo silea, pani mo sile na mateia isaku. 11 Matan hehe mo lavi na masapa matea na retileu, hehe mo halhaluau, ale retileu atu mo viliau, 12 hina purongo vara rÌa levosahia vara leu tari la tapu, ale retileu enia mo tapu mo tataholo ale mo rÌuhu. 13 Ale ka hitea vara mo tataholo vara leu sei mo rÌuhu mo sile na mateia isaku? Mo vono! Hehe mo tauau na malele mata mate usuri na sava retileu sei mo rÌuhu mo vujangiau, matan vara hehe i pa pala hehe vararÌuhu, ale hin retileu sei, hehe mo pala mo sasati jea. 14 Matan rÌa levosahia vara leu enia mata i vujangi mauri atu God mo opoia, pani enau na lo toho hin mauri atu nona tamlohi sei mo lo toho na ruhuruhu suihan hehe. 15 Na sopo levosahia mata sava na lo vai na hinau na lo vaia. Matan na sopo vai na sava na opoia, pani na lo vai pa hinau sei na lo rÌohu vara a vaia. 16 Na levosahi mamahunia vara sava hinau na lo vaia mo sopo tataholo, enia mo vujangia vara na lo majinga vara leu enia mo rÌuhu. 17 Pani nake, mo sopo enau sei na lo vaia, pani hehe sei mo lo toho isaku. 18 Matan na levosahia vara mo sopo te hinau rÌuhu na loloku, na lo vere na masalo varama na loloku. Matan na opoia vara a vai na hinau mo tataholo, pani na sopo erÌi vaia. 19 Matan na sopo vai na sava hinau rÌuhu na opoia, pani tarea na lo vai na hina sasati sei na sopo opoia. 20 Ale, pani vara enau na lo vai na hinau na sopo opoia, enia mo sopo enau sei na lo vaia, pani hehe na loloku. 21 Ale na mauri na hitea vara na opoia vara a vai na hina tataholo, sasati mo lo kilau rÌorÌoiau. 22 Matan na loloku, enau na avulahi mo tavera jea na leu non God, 23 pani na hite na leu tinapua matea mo lo voko na epeku, mo lo valum peresi na leu mata rÌomiku, mo opoia vara a lo toho na ruhuruhu suiha leu mata hehe na epeku. 24 Enau tamlohi sasati matea! Hare i pa erÌi juriau na epeku sei mo tauau na ruhuruhun talai matan mateia nike? 25 Pani rÌa vere meje isan God hin Iesu KrÌisto norÌa Moli matan malele mo roi! Ale nake, enau na lo volitusi isan leu non God na rÌomiku, pani na loloku, na lo volitusi isana leu mata hehe.