Guyeiti 129

1 Tɛɛ wo guyei. Kaite mà loungo ziɛgi zu ti laalɛɛni bù, Izilayɛle lɛ naa ma ʋolu, é bo, 2 kaite mà loungo ziɛgi zu ti laalɛɛni bù, kɛlɛ ti la zobo sɔlɔɔni mà. 3 Ti kuɠui wolini pòluʋɛ, eɠɛ nu a ɠɛ kpalagi wolizu. 4 Ɠɔoɠɔ GALAGI zɔlegɛ, é faa ɲɔu ɠɛ nuiti ta-ɠaluiti suleʋeleʋeni mà. 5 Ti unfe, ti ɠula ʋolu, niiti kpein ti Siyɔn wɔinzeɠezu. 6 Ti ɠɛ eɠɛ pɛlɛ ɠɔma lufai, é vɔɔzu, aisa é ʋa wɔɔlɔ, 7 nii molo leʋe nui la yeelaavega su, ta molo ɠili nui la gilia ba ga ma ɠili. 8 Teʋe nuiti ti mina ɠɛ ma: «Ɠɔoɠɔ GALAGI ná-tuyai mɔɔ wo ma! Gá tuya loozu wo ʋɛ, Ɠɔoɠɔ GALAGI laaseigi zu!»