Ajiya 10

1 A̱tsuma̱ a Kasariya vuma na a̱ tsu Ée Kaniliya da̱na̱ ta̱ pe a̱tsuma̱ a yali ya̱ a̱soja, u da̱na̱ ta̱ a̱tsuma̱ a̱ A̱soja a Italiya. 2 A̱yi vuma va̱ a̱Éula̱ Éa. U ta uwwusa wovon wa̱ A̱sula̱, a̱yi na̱ muwun ma̱ yi suru. U tsu kambusa ta̱ ama a na a̱ ri ni ili shi. U tsu yuwusan ta̱ avasa kuci a̱ tyo a̱ A̱sula̱. 3 Urana u ro, zuzu na̱ rumu taêatsu vu ulivu, reve we ene malingata ma̱ A̱sula̱ a alanga e eteshe a̱tsuma̱ a alavu alavu, u ta̱wa̱i uba̱ta̱ wa̱ yi, adansa, “Kaniliya!" 4 Reve u zuwaa yi esu a̱tsuma̱ o wovon, reve u damma, “Zagbain nye i Éa?” Reve malingata ma̱ A̱sula̱ ma damma yi, “Avasa a na vaa yuwusan ni ikambi ya alambi a na vaa yuwusan u rawa ta̱ a̱ ma̱ka̱ka̱n ma̱ A̱sula̱. Gogo A̱sula̱ a uwwa ta̱ avasa a̱ wu. 5 Gogo lyungu ama a̱ êya̱wa̱ Japa tsa̱ra̱ e Ée Simo za na ee Éesu Bituru. 6 Za na cuêwain o uêwa wa̱ Simo za na aa yuwusan yozu vu kwan, za na uêwa wa̱ yi u ri zuzu na̱ mala." 7 Ana malingata ma̱ A̱sula̱ ma na ma yuwaan niyi adanshi ma̱ ka̱ra̱i, reve u Ée agbashi e re a̱ yi, na̱ soja ro, za na a uwwusa wovon wa̱ A̱sula̱, a̱tsuma̱ a aza a na a yuwusaan yi ulinga kuci. 8 Ana u damma nle iliêi suru, a̱vu u lyungu le a̱ êya̱wa̱ Japa. 9 Ana usana u tawai, cina urana u rawa a aci, agbashi a Kaniliya a̱tsuma̱ a mmalu, ÉaÉa a rawai zuzu na̱ lyuciêi. A̱vu Bituru kumba o uêwa wa zuva tsa̱ra̱ u yuwan avasa. 10 Reve wu uwwa ambulu, hali u ciga u lyuwa ilyalya. Agba ele pe a̱tsuma̱ e ifoÉi yi ilyalya, a̱vu we ene alavu alavu. 11 Reve we ene zuva kpa̱tuêwa̱, ni ili i ro a̱ cipusa̱ oroci a aapalutsu o umuna ne elentsu a̱ na̱shi uguzu a̱ tyo e iÉa. 12 A aapalutsuêu cuêun vi inama suru a̱ ta̱ pe: inama ya ana a̱ na̱shi, ni inama yi ika̱ta̱pu, na̱ nnunu. 13 Reve wu uwwa uÉyo adansa yi, “Bituru, êyon vu paÉa, reve vu tama." 14 Reve u damma, “Zagbain, oêo! A wuma u va̱ koto n tama cuêun va̱ yi shi, adama a na a̱tsu tsu tsu ta̱ na̱ Wila̱ u na tsu tama le shi, adama a na a̱ ti idaba." 15 Reve uÉyoêo u dammisa yi, “She vu yuwan mawasan na̱ A̱sula̱ wan. Nu u damma u tu ulobonu she vu damma u lamba ta̱ ulobonu wan." 16 U tsura̱ ta̱ alavu alavu o ndolo toto utaêatsu. Reve a paluêushi aapalutsuêu a̱ tyo zuva. 17 Bituru da̱na̱ ta̱ a majiyan, ko cuêun va alavu alavu e ne Éa we enei. Reve ama a na Kaniliya lyunguyi a rawa a̱ lyuciêi, reve e ece uêwa wa̱ Simo. Ana a rawai, a̱vu e isawan mishin o una̱ntsu. 18 A̱vu a yuwan a̱zoêwa, e eceshe ko Simo na a̱ tsu Ée Bituru cuêwan ta̱ uba̱ta̱êa̱. 19 A mantsa ma na Bituru da̱na̱i a majiyan ma alavu alavu o ndolo, reve Ruhu damma yi, “Ama a taêatsu a Éa ndolo e izami ya̱ wu. 20 êYon vu cipa̱ vu kuru le. She vu lyawa ookolo a̱ wu a̱ êyon wan, adama a na a̱mu Éa n lyungu nle." 21 Reve Bituru cipa̱ u cina amaêa, a̱vu u damma le, “A̱mu ÉaÉa i ri e izami. Nye i zuwai i ri azama mu?" 22 Reve a damma yi, “Yaliâ  ya̱ a̱soja ya̱ Roma Éa, za na a̱ tsu Ée Kaniliya lyungu ntsu. Vuma va̱ a̱Éula̱ Éa, za na a uwwusa wovon wa̱ A̱sula̱. Aza a Israêila suru a ta yuwusan adanshi a saêani a aci a̱ yi. A̱yi Éa malingata ma̱ A̱sula̱ ma dammai u lyungu tsu uba̱ta̱ wa̱ wu vu ta̱wa̱, tsa̱ra̱ wu uwwa ili i na vaa damma." 23 Ana Bituru uwwai ne, reve u uwato le o uêwa, reve u ca le uba̱ta̱ u na aa asa. Bituru êya̱wa̱ ta̱ uba̱ta̱ wa Kaniliya Ana usana u tawai, reve a̱ ka̱ra̱ suru, a̱vu nron mi Itoni n ro a̱tsuma̱ a Japa e shewun yi. 24 Reve a rawa Kasariya nu usana. Reve Kaniliya da̱na̱ a pura le, a̱vu u banu edenge a̱ yi na̱ nêutsa̱ ma̱ yi. 25 Ana Bituru uwai o uêwa wa̱ yi, reve Kaniliya ka̱Éa̱to e iÉa a̱ ma̱ka̱ka̱n ma̱ yi. Reve u teme a yuwusaan yi a̱ga̱nda̱. 26 Reve Bituru damma yi, “êYon mishin a̱mu fo vuma Éa." 27 Reve u êyon a yuwunlai adanshi waêa, reve a uwa uba̱ta̱ u na ama o ro a̱ ri uÉolotowu. 28 Reve Bituru damma le, “I reve ta̱ a na Wila̱ u tsu u putsaa ntsu a na tsaa yuwan ndammulai na Atakpaci. Amma A̱sula̱ o roco mu ta̱ she n Ée za ro za babu akiza wan, ko za vi idaba wan. 29 Ana i lyunguwa̱ numu n ta̱wa̱, n ta̱wa̱ ta̱ babu usa̱n. Gogo damma numu ili i na i zuwai i lyunguwa̱ numu." 30 Reve Kaniliya damma, “Rana na̱shi na ka̱ra̱i, a̱mu a̱tsuma̱ a avasa a mantsa ma na n tsu yuwusan. Reve me ene vuma mishin a̱ ma̱ka̱ka̱n ma̱ va̱ wotowu ni itana a madala. 31 Reve u damma mu, ‘Kaniliya, a uwwa ta̱ avasa a̱ wu, A̱sula̱ e reve ta̱ a na vaa casu alambi ili. 32 Vu lyungu ama a̱ êya̱wa̱ Japa e Ée Simo za na a̱ tsu Ée Bituru. U cuêwan ta̱ o uêwa wa̱ Simo, za na aa yuwusan yozu vu kwan, za na uêwa wa̱ yi u ri zuzu na̱ mala.’ 33 Koto a jima shi a na n lyunguwa̱ nuwu, a̱vu Éa nda vu ta̱wushi babu usa̱n. A̱tsu Éa nda a̱ ma̱ka̱ka̱n ma̱ A̱sula̱, tsa̱ra̱ tsu uwwa ili i na Zagbain damma nuwu vu damma tsu suru." 34 Reve Bituru yuwaan le adanshi a na, “N gura ta̱ reve gogo, A̱sula̱ a̱ ri na aÉangulu shi. 35 U ciga ta̱ vuma na a uwwusa wovon wa̱ yi a̱tsuma̱ e iÉa suru, vuma na a yuwusan isaêani i na A̱sula̱ a cigai. 36 I reve ta̱ ikaka i na A̱sula̱ a̱ lyunguwa̱yi aza a Israêila. U damma le ta̱ Alabari a Saêani o ta̱ lo, na̱ nden mo okolo e Yesu Zamawawa, za na a̱yi Éa Zagbain vi ili suru suru. 37 I reve ta̱ cine ili i ndolo i farai a̱tsuma̱ a Yahuda suru. Yahaya damma ta̱ vuma suru a̱ rumbu yi, ili i ndolo suru i fara ta̱ diga Ga̱lili. 38 Yu uwwa ta̱ alabari e Yesu vuma va Nazara, ununa A̱sula̱ a sukuma niyi na̱ Ruhu va Akiza, reve u ca yi ucira. Yesu da̱na̱ ta̱ a̱ ka̱nda̱ruwusa̱ a yuwusan ulinga u saêani. U wawusa ta̱ aza a na Mekerenkesu ma zuwai elime, adama a na A̱sula̱ o to oÉolo na̱ a̱yi. 39 “A̱tsu waru tse ene ta̱ ne esu a̱ tsu ili i na u yuwain suru a̱tsuma̱ a̱ Urishelima ni iÉa ya aza a Israêila. ÆaÉa waru a vara niyi zuva va akpata. 40 Reve gba A̱sula̱ a̱ êya̱sa̱n yi o urana wa taêatsu, reve u lyawa yi u roco aciya̱yi uba̱ta̱ wa ama. 41 U roco aciya̱yi uba̱ta̱ wa ama suru shi, amma a̱ tyo ya̱êa̱ tsu, a̱tsu na A̱sula̱ a Éangwai tso oêwo alingi a̱ yi. Tsu lyuwa ta̱ tsu sowo oÉolo na̱ a̱yi ana u êyoyin a̱tsuma̱ a̱ a̱kwa̱kwa̱. 42 U damma tsu ta̱ tsu yuwaan ama alajiya, tsu damma waru a̱yi Éa za na A̱sula̱ a zuwai u geêeto aza a wuma na̱ a̱kwa̱kwa̱. 43 Ama̱sula̱ suru a yuwan ta̱ adanshi adama a̱ yi, a na za na cayi okolo e ekere a̱ yi u ta̱ tsura̱ gafura vu unusu a̱tsuma̱ a ala a̱ yi." 44 Bituru a̱tsuma̱ a adanshi, reve Ruhu va Akizaâ  cipa̱a̱ aza a na a̱ da̱na̱i a uwwusa adanshi a̱ yi suru. 45 A̱za̱ e Itoni a Yahuda, aza a na a̱ ta̱wa̱i oÉolo na̱ Bituru a uwa ta̱ asalama a na e enei Atakpaciâ  fo a̱ tsura̱i uneêe u Ruhu va Akiza. 46 A uwwa le ta̱ a yuwusan adanshi ne elentsu o ro, a casu A̱sula̱ tsugbain. Reve Bituru damma, 47 “Nanza ta̱ lo za na aa gura putsaa a̱ rumbu ama a nda a̱ mini? Ele Éa nda a̱ tsura̱i uneêe u Ruhu va Akiza cine a̱tsu tsu tsura̱i." 48 Reve Bituru damma a yuwaan le urumbusu a̱tsuma̱ a ala e Yesu Zamawawa. Reve a pati yi u da̱nu ne ele rana meketeci.