Ajiya 9

1 Shawulu lyuwa ta̱ elime a casu a̱za̱ e Itoni a̱tsuma̱lima̱ lon, adansa a na u to una le. Reve u êya̱wa̱ ya aabara a nan ganu, 2 reve u pati u ca yi mpepelime a̱ êya̱wa̱ a̱ a̱êisa̱ a̱tsuma̱ a Dimaska. U zamishi ta̱ uÉolu wa aci u le, tsa̱ra̱ nu u tsura̱ pe aza a na o toniyi Ure wu Zagbain u lyungwa̱ le, ali na̱ a̱ma̱ci, tsa̱ra̱ waru u ta̱wa̱ ne ele wunlu a akani a̱tsuma̱ a̱ Urishelima. 3 Ana u rawai zuzu na̱ Dimaska adama o ulinga u ndolo, babu usa̱n reve ekan o uta̱ Ée zuva u ka̱nda̱ruwa̱ yi. 4 Reve u riya̱ e iÉa, reve wu uwwa uÉyo, adansa, “Shawulu, Shawulu, cine tsa Éa voo Éongishi mu?" 5 Reve u damma, “A̱vu Éa zane, Zagbain?” Reve uÉyoêo u damma yi, “A̱mu Éa Yesu za na voo Éongishi. 6 êYon vu uwa a̱tsuma̱ a̱ lyuci ndeÉe, a ta damma wu ili i na vaa yuwan." 7 Reve nêutsa̱ mu mmalu ma̱ yi a̱ kuÉa̱ a yuwan adanshi, a ta uwwusa uÉyo agba e ene vuma shi. 8 Reve Shawulu êyon, ana u kpa̱tuêwa̱i esu a̱ yi u gura ene shi. Reve e reme yi ukere reve a̱ ta̱wa̱to yi Dimaska. 9 U yuwan ta̱ rana taêatsu urumba̱nu, u lyuwa shi agba u sowo shi. 10 A mantsaêa za vi Itoniâ  ro da̱na̱ ta̱ pe a̱tsuma̱ a Dimaska, za na a̱ tsu Ée Ananiya. Zagbain yuwaan yi ta̱ adanshi a̱tsuma̱ a alavu alavu, adansa, “Ananiya.” Reve a̱yi u usu, “A̱mu Éa nda Zagbain." 11 Reve Zagbaiêin damma, “êYon vu êya̱wa̱ o ure u na a̱ tsu Ée Ure u Mejege. Vu êya̱wa̱ o uêwa wa Yahuza ve ece ko vuma va Tarsu ta̱ pe za na ri na aala Shawulu. U ta̱ lo a yuwusan avasa uba̱ta̱êa̱. 12 N roco yi ta̱ alavu alavu a vuma na a̱ tsu Ée Ananiya a uwa, u zuwaa yi ukere adama we enishe ure." 13 A̱vu gba Ananiya usu u damma, “Zagbain n sowo ta̱ a uwwusa adanshi a vuma ndaêa o una̱ wa ama na̱ a̱bunda̱, adama e iwuya ya̱ a̱bunda̱ a na u yuwayin ama a akiza a̱ wu a̱tsuma̱ a̱ Urishelima. 14 A̱yi Éa nda nan ganu a gbagbain a ca niyi ucira u reme vuma na yuwain avasa a̱tsuma̱ a ala a̱ wu." 15 Reve Zagbain damma yi, “A̱vu de êya̱wa̱ adama a na a̱yi vuma na n Éangwai Éa tsa̱ra̱ u yuwan ulinga u va̱, tsa̱ra̱ u revetyo ala a̱ va̱ a̱tsuma̱ a Atakpaci, na̱ ngono, na aza a Israêila. 16 A̱mu na aciya̱va̱ n to roco yi cuêun va̱ a̱tsuma̱lima̱ a na woo sowo adama a ala a̱ va̱." 17 Reve Ananiya êya̱wa̱ reve u uwa o uêwaêa, a̱vu u canana ukere wa̱ yi a̱vu u juêwa̱n Shawulu, u damma, “Moron ma̱ va̱ Shawulu, Yesu Zagbain Éa lyungu numu a̱ tyo ya̱êa̱ wu. Yesu za na roco nuwu aciya̱yi o ure u na vu kuruyi. U ciga wu ta̱ tsa̱ra̱ vu da̱shi gura ene ure, reve waru o shiton wu na̱ Ruhu va Akiza." 18 Babu usa̱n reve ili i ro i riya̱ diga pe esuêu gashi a̱ka̱Éa̱, ÉaÉa we eneshi ure. A̱vu u êyon, ÉaÉa a̱ rumbu niyi. 19 Reve u lyuwa ilyalya ÉaÉa u tsura̱shi ucira. Shawulu yuwan ta̱ alajiya a̱tsuma̱ a Dimaska Reve Shawulu yuwan rana re oÉolo na̱ a̱za̱ e Itoni a na a̱ ri pe a̱tsuma̱ a Dimaska. 20 Babu a jima, ÉaÉa Shawulu temei alajiya e Yesu a̱tsuma̱ a̱ a̱êisa̱ a aza a Israêila, adansa Yesu Éa Mawun ma̱ A̱sula̱. 21 Reve aza a na a uwwa niyi suru a̱ ka̱ra̱ a asalama, adansa, “A̱yi nda a̱yi Éa vuma na unusai a̱za̱ e Itoni, reve waru u beteêwe le, ele aza a na e Éesu a̱tsuma̱ a ala o ndolo shi? U ta̱wa̱ ta̱ pa tsa̱ra̱ u reme le, reve wu nla̱ le na akani, reve waru u êya̱wa̱to le a̱ ma̱ka̱ka̱n ma nan ganu a gbagbain shi?" 22 Reve Shawulu da̱shi tsura̱ ucira a̱tsuma̱ a alajiya a̱ yi. Agba aza a Israêila a̱tsuma̱ a Dimaska a gura polo yi a adanshi a̱ yi shi, a na Yesu Éa Zamawawa va amayun. 23 Ana a yuwain rana meketeci, a̱vu aza a Israêilaâ  a yuwan ifoÉi i na oo una Shawulu. 24 Reve a̱yi wu uwwa ifoÉi i le. A zuwusa ta̱ esu e le usana nu ulivu o una̱ntsu wu ukari u lyuci tsa̱ra̱ o una yi. 25 Na ayin, a̱vu ojoro a̱ yi a tara yi, reve a̱ ta̱lyuwa̱to yi a̱tsuma̱ a aasaka na̱ wungu wu ukari. 26 Ana Shawulu ta̱wa̱i Urishelima, u yuwan ta̱ a̱tyo a na waa yuwan tsa̱ra̱ u Éolo aci no ojoro.â  A̱vu suru nle a uwwa wovon adama a na a̱ usu ko a̱yi oojoro a Éa shi. 27 A̱vu Banaba tara yi a̱ tyo uba̱ta̱ wa ajiya. Reve u damma le ununa Shawulu enei Zagbain o ure. Reve waru u damma le cine Zagbain yuwaan niyi adanshi, na̱ cine Shawulu yuwain alajiya adama e Yesu a̱ lyuci va Dimaska babu wovon. 28 Diga lo ÉaÉa Shawulu remei maêuwa na̱ wu uti oÉolo ne ele a̱tsuma̱ a̱ Urishelima. Reve u uwa alajiya a̱tsuma̱ a ala a Zagbain, babu wono babu wovon. 29 Reve u uwa a yuwusan adanshi na aza a Israêila a na a yuwusan Tsuheleni,â  reve u uwa mawasan ne ele. A̱vu a zamishi ure u na oo una yi. 30 Ana a̱za̱ a̱ yi a uwwai ili i na i ri pe, ÉaÉa a tara niyi a̱ êya̱wa̱ Kasariya a̱vu a tara yi a wantsun a̱ ka̱mba̱ Tarsu. 31 Mantsa mo ndolo ma Éa a̱za̱ e Itoni a Yahuda, na̱ Ga̱lili, na̱ Samariya, a̱ tsura̱i nden n lafiya. A̱za̱ e Itoni a̱ tsura̱ ta̱ ucira, reve a̱ da̱shi a̱bunda̱ ni ikambi ya̱ Ruhu va Akiza a yashi i na a̱ da̱na̱i a mmalu na̱ Zagbain. 32 Reve Bituru ka̱nda̱ruwa̱ uba̱ta̱ suru tsa̱ra̱ u ka̱lyuwa̱ le. A̱yi a̱tsuma̱ a̱ a̱ka̱nda̱riya̱, reve u ta̱wa̱ u cina aza a akiza a̱ lyuci va Lida. 33 A̱ lyuci ÉaÉa u cinai vuma ro za na a̱ tsu Ée Iniyasu na̱ mÉa̱la̱ n tsukutsuma̱ aêwan kunla̱. 34 Reve Bituru damma yi, “Iniyasu, Yesu Zamawawa ka̱mba̱to wu ta̱ gbaga. êYon vu kutsulu aavalu a̱ wu.” Babu usa̱n, reve u êyoshin. 35 Reve ama a Lida ni iÉa ya Sharana suru a vadala a̱ tyo uba̱ta̱ wu Zamawawa ana e enei Iniyasu a mmalu. 36 A̱tsuma̱ a̱ lyuci va Japa ka ro za vi Itoni da̱na̱ ta̱ pe za na a̱ tsu Ée Tabita a na Dokas na̱ Tsuheleni. Kaêa u zuwa ta̱ aciya̱yi u yuwan ulinga u saêani, reve waru u da̱na̱ a kambusa alambi. 37 A yashiêi u banakan ta̱, reve u kuwa̱. Ana a̱ sumba̱ niyi reve o voton yi a aasula a zuva. 38 Ana a uwwai Bituru ta̱ Lida, lyuci na ri zuzu na̱ Japa, reve a̱ lyungu ama e re a lyawa Japa a̱ êya̱wa̱ a damma yi, “Yuwan ankuri, ta̱wa̱ gogo, she vu jima wan." 39 Reve Bituru êyon u kuru le. Ana u rawai, a̱vu a̱ êya̱wa̱to yi a aasula a zuva. Nruna̱ suru e isawan ta̱ zuzu na̱ a̱yi, e mesun. Reve a uwa o rocosu a̱tugu na akapi e itana i na Dokas u yuwaan nle a̱yi oÉolo ne ele. 40 Reve Bituru uta̱a̱ le suru, reve u ka̱Éa̱to u yuwan avasa. Reve u vadala a̱ tyo uba̱ta̱ wa̱ a̱a̱kwa̱kwa̱êa̱, reve u damma, “Dokas êyon.” Reve u kpa̱tuêwa̱ esu. Ana we enei Bituru reve u êyon u da̱nu. 41 Reve Bituru cananaa yi ukere a̱vu u kamba yi tsa̱ra̱ u êyon. Reve u Ée a̱za̱ e Itoni oÉolo na̱ nruna̱, ÉaÉa u roco le a na Dokas ka̱mba̱i wuma. 42 Adanshi o ndolo a uwa ta̱ ba̱ta̱ suru a̱tsuma̱ e iÉa ya Japa. Reve ama a̱ a̱bunda̱ a vadala a̱ tyo uba̱ta̱ wu Zagbain. 43 Bituru yuwan ta̱ rana re a̱ lyuci va Japa, o uêwa wa̱ Simo za na aa yuwusan yozu vu kwan.