Yahaya 10

1 A̱vu Yesu damma, “Amayun a Éa maa dansaa Éu, evu na̱ a̱za̱ a̱ nga̱la̱la̱i a Éa goon a tsu uwa ni isula wu uba̱ta̱ u na a̱ nla̱sa̱ ikyon, agba a tsu uwa nu una̱ntsu shi. 2 Za na tsu uwa nu una̱ntsu a̱yi Éa za va aguÉa e ikyoêon. 3 Za vi ipiri yu una̱ntsu tsu kpa̱tuêwa̱a̱ le ta̱. Waru ikyon yi za biti e reve ta̱ uÉyo wa̱ yi. U tsu Ée ta̱ ikyon ya̱ yi na ala e le reve a̱ kuru yi o uta̱. 4 Na̱ wu uta̱a̱ le suru reve u uwa elime e le, reve gba a̱ kuru yi adama a na e reve ta̱ uÉyo wa̱ yi. 5 Agba a̱a̱ kuru vuma ro shi, shede a suma yi, adama a na e reve uÉyo wa̱ yi shi." 6 Yesu yuwaan le ta̱ iroci i nda, agba a gura reve ili i na waa dansa shi. 7 ÆaÉa Yesu dammisai, “Amayun a Éa maa dansaa Éu: A̱mu Éa una̱ntsu wu uba̱ta̱ wi ikyon. 8 Ama a na a̱ ta̱wa̱i elime a̱ va̱ suru evu a Éa na̱ a̱za̱ a̱ nga̱la̱la̱i. Ikyon i poloo le atsuvu shi. 9 A̱mu Éa una̱ntsu, waru za na uwai nu uba̱ta̱ u va̱ a ta wawa yi. Waru u ta gura uwa wu uta̱ u tsura̱ anlya a na waa tama. 10 Vivu tsu ta̱wa̱ ta̱ adama wi iva̱ wu una waru u lungusa̱, a̱mu gba n ta̱wa̱ ta̱ n ca wuma adama a̱ tsura̱ wuma suru suru. 11 “A̱mu Éa za va aguÉa a̱ a̱Éula̱. Za va aguÉa a̱ a̱Éula̱ u tu ufoÉu u ca wuma wa̱ yi adama u geshe ikyon ya̱ yi. 12 Za na a tarai aguÉa u ri tsu za vi ikyoêon shi. Na̱ we ene mekerenkesu a̱ ta̱wa̱, u tsu suma ta̱ reve u lyawa lo ikyoêon. Reve mekerenkesu ma saÉa le a̱vu u beteêwe le. 13 Vumaêa u tsu suma ta̱ adama a na ulinga wa atsupu a Éa waa yuwusan goon. Agba ko ili i damaton yi ni ikyoêon shi. 14 “A̱mu Éa za va aguÉa a̱ a̱Éula̱. N reve ta̱ ikyon i va̱, cine Dada va̱ reve numu. Ikyon i va̱ waru e reve mu ta̱, cine n revei Dadaêa. N usu ta̱ n ca wuma u va̱ adama n kamba ikyoêon. 16 N ta̱ ni ikyon i ro i na i ri a̱tsuma̱ a aza a nda shi, waru n ciga n êyuwan n ta̱wa̱ ne ele fo. A ta uwwa uÉyo u va̱, reve suru nle o oêwo oÉolo a̱ ta̱ na̱ za va aguÉa a̱ ta̱. 17 “Dadaêa u ciga mu ta̱ adama a na n usu ta̱ n ca wuma u va̱, tsa̱ra̱ n ta̱wa̱ n ushiyisa̱ yi. 18 Ko za lo a usa mu wuma u va̱ shi. O ucigu u va̱ Éa n cayi. N ta̱ nu ucira u na maa ca wuma u va̱ waru nu ucira u na ma̱a̱ ushiyisa̱ yi, ununa Dada va̱ damma numu n yuwan." 19 Adama a adanshi a̱ yi o ndolo, reve aza a Israêila e remishe nwasanlai va̱ni le. 20 Ozo o ro le na̱ a̱bunda̱ a damma, “Otoni a̱ lima̱ a uwa yi ta̱, reve o oêwoto yi ajaarata. Adama a̱ nye yaa zuwusaa yi atsuvu?" 21 Ozo o ro gba a damma, “Vuma na otoni a̱ lima̱ a jaaratoi tsu yuwan adanshi ne tsunda shi. Otoni a̱ lima̱ a ta gura zuwa irumba̱ ye ene?" 22 A̱vu mantsa mo uta̱nu ma rawa, mantsa ma na a tsu yuwan A̱buki o Ucuwusan nu Ucasu wa̱ A̱a̱êisamapaÉa a̱ Urishelima. 23 A mantsaêa, Yesu shi ta̱ a mmalu uba̱ta̱ u na a̱ tsu Ée Ma̱kisa̱ ma̱ Sulemanu a̱tsuma̱ a̱ A̱a̱êisamapaÉa. 24 Reve azagbain a Israêila o Éoloto zuzu na̱ a̱yi, a̱vu a damma, “Cine tsa Éa va̱a̱ da̱na̱ a zuwusa tsu majiyan, zane Éa vu ri na amayun? Na̱ a̱vu ÉaÉa Kristi Zamawawaêa, vu damma tsu mejege." 25 Reve u usu, “N damma Éu ta̱ Ée agba i usu shi. Linga va asalama na maa yuwusan a̱tsuma̱ a ala a Dada va̱ o roco ta̱ ko zane Éa n ri. 26 Agba i usu shi, adama a na a̱Éu ikyon i va̱ i Éa shi. 27 Ikyon i va̱ i tsu uwwa ta̱ uÉyo u va̱. N reve le ta̱, ele waru a̱ tsu kuru mu ta̱. 28 N ca le ta̱ wuma u na woo koto shi, waru a̱a̱ kuwa̱ shi. Ko za lo aa gura usa le o ukere u va̱ shi. 29 Dada va̱ Éa ca numu ele. U laêa ta̱ koyan, waru babu za na aa gura usa le e ekere a Dada va̱. 30 Dadaêa na̱ a̱mu ili i ta̱ i Éa." 31 ÆaÉa waru azagbain a Israêila a tarai atali azama o una yi. 32 A̱vu u damma le, “N roco Éu ta̱ ili i saêani i na Dada va̱ lyungu numu n yuwan na̱ a̱bunda̱. Adama e ili ya asalama i ne i Éa i cigai i vuvara mu?" 33 Reve a̱ usu, “Tsu ciga tsu vuvara wu adama e ili i saêani i ro shi, amma adama a na vu yuwain adanshi a vamaâ  e ekere a̱ A̱sula̱. A̱vu vaÉilima̱ Éa, amma vu ka̱mba̱to ta̱ aciya̱wu una̱ta̱ na̱ A̱sula̱!" 34 A̱vu u usu, “A Éana ta̱ a̱tsuma̱ a̱ Wila̱ a̱ Éu a na A̱sula̱ a damma ta̱, ‘A̱Éu musula̱ n Éa.’ 35 Tsu reve ta̱ ili i na Adanshi a̱ A̱sula̱ a dammai suru wo oêwo ta̱ amayun babu ukotu. Reve A̱sula̱ e Ée ama o ndolo musula̱, ama a na u cayi ikaka ya̱ yi. 36 A̱mu gba, Dadaêa u Éangwa mu ta̱ adama o ulinga wa̱ a̱Éula̱, reve u lyungu mu a̱tsuma̱ o uvaÉi. Adama a̱ nye i Éa gba yaa dansa n ta yuwusan adanshi a vama e ekere a̱ A̱sula̱ o una̱ u na n dammai, ‘A̱mu Mawun ma̱ A̱sula̱ ma Éa?’ 37 Nna̱ maa yuwusan ili i na Dada va̱ ciga numu n yuwan shi, she i usu mu wan. 38 Amma na̱ n ta yuwusan ili i na Dada va̱ aa yuwusan, i usu mu adama e ili i ndolo, ko na̱ ya̱a̱ usu ili i na n dammai shi. Reve i reve amayun a na Dadaêa ili i ta̱ i Éa na̱ a̱mu, a̱mu waru ili i ta̱ i Éa na̱ Dadaêa." 39 Reve a uwa mpolo a na ee remishe Yesu, a̱vu gba u laêa. 40 Reve u êya̱wa̱ u pasa UÉolu wa̱ Urdu a̱ tyo uba̱ta̱ u na Yahaya farai urumbusu, reve wi isawan Ée neêen. 41 A̱vu ama na̱ a̱bunda̱ a̱ ta̱wa̱ uba̱ta̱ wa̱ yi, adansa va̱ni le, “Yahaya yuwan ulinga wa asalama ko za ta̱ shi, amma ili i na u dammai adama a vuma nda suru amayun a Éa." 42 Reve ama a na a̱ ri lo na̱ a̱bunda̱ a̱ usu Yesu.