Yahaya 9

1 Yesu pe a̱tsuma̱ a mmalu, a̱vu we ene vuma na a matsain irumba̱. 2 A̱vu ojoro a̱ yi e ece yi, “Manlu, nye i zuwai a matsain vuma nda irumba̱? Adama o unusu wa̱ yi u Éa ko adama o unusu u nan dada va̱ yi?" 3 Reve u usu, “Vuma nda ri irumba̱ adama o unusu wa̱ yi ko o unusu u nan dada va̱ yi shi. Ne Éa a matsan niyi tsa̱ra̱ A̱sula̱ o roco ucira wa̱ yi a̱ tyo e ekere a̱ yi. 4 Nu urana, tsu êyuwan tsu ciga tsu lyuwa elime nu ulinga wu za na lyungu numu. Ayin o ta̱ lo a̱ ta̱wa̱ na vuma aa gura linga shi. 5 A̱mu pa a̱tsuma̱ o uvaÉi u nda, a̱mu Éa n tsu ca ama o uvaÉi ekan." 6 Ana u dammai ne, a̱vu u tsuwa̱n ma̱tsa̱n e iÉa, a̱vu u sukuta̱ yi, reve u kene yi ÉaÉa u putalayi vumaêa e esu. 7 Reve u damma vumaêa, “êYa̱wa̱ vu saêa esu a̱ wu a Mabata ma Siluwamu.” (Urevu wa “Siluwamu” a̱yi Éa “Lyungu.”) A̱vu vumaêa u ka̱ra̱ u saêa. Ana a̱ ka̱mba̱i o uêwa, reve we ene ure. 8 A̱vu ama o uba̱ta̱êa̱ na akapi a na e revei u da̱na̱ ta̱ irumba̱ a yuwusan ipati reve e ece, “Vuma ndeÉe ÉaÉa, za na tsu da̱nusu a yuwusan ipati shi?" 9 A̱vu ozo o ro a damma, “A̱yi ÉaÉa.” Akapi gba a damma, “Oêo, u rotso ta̱ vuma ndeÉeêe.” Reve zavipatiêi u reme adansa, “A̱mu ÉaÉa!" 10 Reve e ece yi, “Cine vu yuwain ÉaÉa ve eneshe gogo?" 11 ÆaÉa u usuyi, “Vuma na a̱ tsu Ée Yesu Éa reêwetoi ma̱bula̱ a̱vu u putala mu e esu. Reve u damma mu, ‘êYa̱wa̱ a Mabata ma Siluwamu vu saêa esu a̱ wu.’ Ana n êya̱wa̱ n saêai, reve me ene." 12 A̱vu e ece yi, “Te Éa vumaêa?” A̱vu u usu, “N reve shi." 13 A̱vu amaêa a̱ êya̱wa̱a̱ Afarishi na̱ vuma na da̱na̱i irumba̱êa̱. 14 Urana u na Yesu foÉoi ma̱bula̱ a̱vu u ka̱mba̱to yi gbaga Ashibi a Éa a̱ shi. 15 ÆaÉa Afarishi o ro e ecei vumaêa, “Te Éa vu tsura̱i yeni ya̱ wu?” Reve u usu, “Vuma ro putala mu ta̱ ma̱bula̱ mo uta̱nu e esu, a̱vu n saêa le, gogo a̱mu Éa nda e eneshe." 16 A̱vu Afarishi o ro a damma, “A̱yi vuma nda Yesu, wu uta̱ uba̱ta̱ wa̱ A̱sula̱ shi, adama a na u yuwan tsutoni na̱ wila̱ wa Ashibi shi.” Ozo o ro gba a damma, “Vuma na ri nu unusu waa gura yuwan cuêun vi iroci yi ili ya asalama o ndolo shi.” Adama o ndolo a̱ usula̱i shi. 17 A̱vu e ecishe vumaêa, “Nye vaa damma adama a vuma na ka̱mbuwa̱i esu a̱ wu gbaga?” A̱vu vuma u usu, “A̱yi vumava̱sula̱ Éa." 18 Agba azagbain a Israêila a̱ usu a na u da̱na̱i irumba̱ shi, a̱vu u ka̱ra̱ eneshe gogo shi. Reve a̱ lyungu e Éewe le nan dada va̱ yi. 19 A̱vu e ece le, “Ulobo u Éu u Éa ndaêa? I damma u da̱na̱ ta̱ irumba̱ ana i matsan niyi. Cine tsa Éa u yuwain ÉaÉa we eneshe gogo?" 20 Reve nan dada va̱ yi a̱ usu, “Tsu reve ta̱ a na a̱yi mawun ma̱ tsu ma Éa, waru tsu reve ta̱ tsu matsan yi ta̱ irumba̱. 21 Amma tsu reve ko cine tsa Éa u yuwain we eneshe gogo shi. Waru tsu reve za na ka̱mba̱to niyi gbaga shi. Ece niyi. U rawa ta̱ aêwan a na waa gura damma Éu na aciya̱yi." 22 A damma ta̱ ne adama a na a ta uwwusa wovon wa aza a Israêila. Aza a Israêila a damma ta̱ Ée vuma na dammai Yesu Zamawawa Éa, wa̱a̱ da̱shi uwisa a̱ a̱a̱êisa̱ shi. 23 A̱yi Éa i zuwai nan dada va̱ yi a dammai, “U rawa ta̱ u yuwan adanshi na aciya̱yi. Ece niyi!" 24 A̱vu aza a Israêila e Éewishe yi we ire a̱vu a damma, “Kucina na̱ A̱sula̱ reve vu damma tsu amayun! Tsu reve ta̱ vuma na ka̱mba̱to nuwu gbaga nda za vu unusu Éa." 25 A̱vu u usu, “N reve ko za vu unusu Éa shi. Apa ili i ta̱ i na n revei: N da̱na̱ ta̱ irumba̱ agba gogo n te eneshe." 26 A̱vu e ece yi, “Nye u yuwaan nuwu? Cine tsa Éa u ka̱mba̱toi esu a̱ wu gbaga?" 27 Reve u usu, “N damma Éu ta̱ Ée, agba i zuwaa mu atsuvu shi. Cine i cigai yu uwwisa? I ciga ta̱ yoo oêwo a̱za̱ e itoni a̱ yi fo?" 28 A̱vu e isula yi adansa, “A̱vu Éa za vi itoni va̱ yi, agba a̱tsu a̱za̱ e itoni ya Musa a Éa. 29 Tsu reve ta̱ A̱sula̱ a yuwaan ta̱ Musa adanshi, agba a̱tsu tsu reve lyuci na vuma nda uta̱i shi." 30 A̱vu u usu, “Ili ya asalama i Éa ndaêa! U ka̱mba̱to ta̱ esu a̱ va̱ gbaga, agba a̱Éu i reve uba̱ta̱ u na wu uta̱i shi. 31 A̱tsu tsu reve ta̱ A̱sula̱ a tsu zuwaa a̱za̱ o unusu atsuvu shi. Amma u tsu zuwaa ta̱ aza a na a yuwusaan yi a̱ga̱nda̱ a̱vu waru a yuwan ili i na u damma nle atsuvu. 32 Ana A̱sula̱ a yuwain uvaÉi, koto a̱ tsura̱ vuma na kpa̱tuêwa̱i esu a vuma na a matsain irumba̱ shi. 33 Na̱ vuma na A̱sula̱ a̱ lyunguyi Éa shi, ko ili i ta̱ waa gura yuwan shi." 34 Reve a damma yi, “A̱vu za vu unusu Éa diga urana u na a matsan nuwu! Vu ta a majiyan vu to rito tsu ili i ro?” A̱vu a damma yi wa̱a̱ da̱shi uwa a̱ a̱a̱êisa̱ shi. 35 Ana Yesu uwwai ili i na i farai, a̱vu u zami vumaêa, a̱vu we ece yi, “Vu usu ta̱ Mawun ma Vumaêa?" 36 Reve u usu, “Zagbain, damma mu ko zane Éa u ri, tsa̱ra̱ n usu yi fo." 37 Reve u damma yi, “Ve ene yi ta̱ Ée, a̱yi Éa waru vuma na a yuwusan adanshi na̱ a̱vu gogo." 38 ÆaÉa u dammai, “Zagbain, n usu ta̱!” A̱vu u yuwaan Yesu a̱ga̱nda̱. 39 A̱vu Yesu damma yi, “N ta̱wa̱ ta̱ tsa̱ra̱ n zangaÉa ama o uvaÉi a nda. N ta̱wa̱ ta̱ tsa̱ra̱ n ca nrumba̱ yeni, waru n roco aza a na a yuwusan majiyan a̱ te inda ele gba nrumba̱ n Éa." 40 Afarishi a na a̱ ri lo a uwwa yi ta̱, a̱vu e ece yi, “Vu ta dansa a̱tsu nrumba̱ n Éa?" 41 A̱vu u usu, “Na̱ nrumba̱ n Éa i ri, a̱ shi a̱ tsura̱ Éu nu unusu shi. Amma ana i dammai i te inda, u ta dansa i buwa ta̱ pe a̱tsuma̱ o unusu u Éu."