Yahaya 8

1 Yesu gba u ka̱ra̱ ta̱ a̱ tyo a Masasan ma̱ Zetun. 2 Ana usana u tawai, reve u êya̱wisa̱ a̱ A̱a̱êisamapaÉa na̱ wasasa. Ama suru a̱ ta̱wa̱ ta̱ uba̱ta̱ u na u ri, a̱vu u da̱nu u ka̱ra̱ o ritosu le. 3 Reve munlu n Wila̱ na Afarishi a̱ ta̱wa̱ na̱ ka na e remei e tsipere. A̱vu a zuwa yi wi isawan e memere ma ama. 4 A̱vu a damma, “Manlu, ka nda e reme yi ta̱ a̱tsuma̱ e tsipere. 5 Wila̱ wa Musa u rito tsu ta̱ a na cuêun vu ka ndolo suru a vara yi na atali o una yi! A̱vu gba nye vu dammai?" 6 A yuwan yi ta̱ cuêun yeci i ndolo tsa̱ra̱ a̱ lyungwa̱ yi, waru e reme yi nu unusu. Reve u ka̱Éa̱to reve u yuwan iÉana e iÉa na aakatsu a̱ yi. 7 A̱vu a yuwisan yi yeci adama a kaêa, a̱ tyo o ukosu a̱vu u gaÉuwa ÉaÉa u damma nle, “Na̱ vuma ro a̱tsuma̱ a̱ Éu koto u yuwan unusu shi, lyawa wo oêwo za na aa fara vara yi na aatali." 8 A̱vu u ka̱Éa̱towisa̱ u yuwan iÉana e iÉa. 9 Ana a uwwai ne, reve e beteêwe a̱za̱ a̱ ta̱ ta̱. Aza a kpakpara Éa a fara ka̱ra̱i. A̱ tyo o ukosu Yesu Éa na̱ kaêa a buwai lo goon no oÉoloêo. 10 A̱vu u gaÉuwisa ÉaÉa we ecei kaêa, “Te gba amaêa? Vuma ro buwa lo a na wee geêeto wu shi?" 11 Reve u usu, “Manlu, ko vuma buwa pa shi.” ÆaÉa u damma niyi, “To, ko a̱mu moo kototo wu shi. Wala, agba she vu da̱shi yuwan unusu wan.”] 12 A̱ tyo Ée, a̱vu Yesu damma amaêa, “A̱mu Éa maa casu ama o uvaÉi ekan. Vuma na kuru numu suru u ta̱ tsura̱ ekan a na a tsu ca wuma, waru waa wala a̱tsuma̱ e irumbu shi." 13 Reve Afarishi a damma yi, “Ana vaa yuwusan adanshi a aciya̱wu, a̱vu Éa goon vaa dansa a na ili i nda amayun a Éa. Tsu usu ili i na vu dammai shi." 14 Reve u usu, “Ee, n ta dansa ili i nda adama a aciya̱va̱, amma waru amayun a Éa. N reve ta̱ uba̱ta̱ u na mu uta̱i, waru n reve ta̱ uba̱ta̱ u na mee tyo. A̱Éu gba i reve uba̱ta̱ u na mu uta̱i nu uba̱ta̱ u na mee tyo shi. 15 A̱Éu Éa yee geêetosu cine vaÉilima̱ ee geêetosu. A̱mu gba mee geêetosu vuma shi. 16 Agba ko na̱ n geêeto, ure u na mee geêetosu amayun a Éa, adama a na a̱mu Éa a̱ ndeêen shi. Dada na lyungu numu to oÉolo na̱ a̱mu. 17 Wila̱ u Éu u damma ta̱, na ama e re a yuwan adanshi a̱ ta̱ adama e ili i ro, i ciga i êyuwan i usu ili i na a dammai. 18 A̱mu Éa vuma na yuwain adanshi adama a aciya̱va̱, waru Dada na lyungu numu ta yuwusan adanshi a aci a̱ va̱." 19 Reve e ece, “Te Éa dada va̱ wu?” A̱vu u usu, “I reve mu shi, agba i reve Dada va̱ shi. Ni i shi i reve mu, i shi te reve Dada va̱ fo." 20 U damma ta̱ ili i nda suru a mantsa ma na u yuwusain uritosu a̱ A̱a̱êisamapaÉa, zuzu nu uba̱ta̱ u na a̱ shi a zuwusa ikebe. Agba babu za na reme niyi, adama a na mantsa ma̱ yi ma buwai. 21 Yesu dammisa ta̱ Afarishiêi, “N ta̱ ka̱ra̱ n lyawa Éu, i ta zami mu, ne Éa waru yaa lyuwa elime nu unusu u Éu, reve i kuwa̱. Ya̱a̱ êya̱wa̱ uba̱ta̱ u na mee tyo shi." 22 A̱vu azagbain a Israêila a damma, “U damma ta̱ tsa̱a̱ êya̱wa̱ uba̱ta̱ u na wee tyo shi. U ta a majiyan wu una aciya̱yi?" 23 Reve u damma, “A̱Éu ama o uvaÉi a na a̱ ri za̱la̱ Éa, agba a̱mu o uvaÉi wa zuva u Éa n ri. A̱Éu a̱za̱ o uvaÉi a nda a Éa, agba a̱mu za vu uvaÉi u nda u Éa n ri shi. 24 A̱yi Éa i zuwai n damma nÉu i ta̱ kuwa̱ oÉolo nu unusu u na yaa yuwusan. Nni i êyuwan a̱ usu a na a̱mu ÉaÉa za na n dammai n ri, babu ili i ro i ta̱ kuwa̱ a̱tsuma̱ a̱ nusu Éu." 25 Reve e ece, “A̱vu gba zane Éa vu ri?” A̱vu u usu, “A̱mu Éa vuma na n tsu dansaa Éu n ri. 26 N ta̱ ni ili i na maa damma aci a̱ Éu, waru ni ili ya̱ a̱bunda̱ i na mee geêeto a aci a̱ Éu. Amma maa damma ili i na n ri ne ele shi. Adama a na za na lyungu numu amayun a Éa u tsu dansa kuci, waru n damma ta̱ a̱za̱ o uvaÉi ili i na u damma numu goon." 27 Ama e reve a na waa dansaa le adama a Dadaêa shi. 28 Adama o ndolo a Éa u damma nle, “Ni i êya̱sa̱n Mawun ma Vuma zuva va akpata,â  i ta̱ reve a na a̱mu ÉaÉa za na maa dansaa Éu n ri. I reve waru n tsu yuwan ili nu ucira u va̱ shi. Ili i na Dada va̱ rito numu Éa goon n tsu damma. 29 Za na lyungu numu to oÉolo na̱ a̱mu. Koto u ka̱ra̱ u lyawa mu a̱ ndeêen shi, kuci Éa waru n tsu yuwan ili i na waa uwwa uyoêo u va̱." 30 Ama a̱ a̱bunda̱ a na a uwwai ili i na Yesu dammai, a̱ usu yi ta̱. 31 A̱vu Yesu damma aza a na a̱ usu niyi, “Ni i lyuwa elime ni itoni yu uritosu u va̱ a̱za̱ e itoni ya amayun a Éa i ri. 32 Ne Éa yee reve amayun, waru amayuêun u ta̱ ba̱Éa̱ Éu." 33 Reve a̱ usu, “A̱tsu muwun n tsukaya ma Ibrahim n Éa, koto tso oêwo agbashi a ama o ro shi. Cine vu dammai a̱ ta̱ ba̱Éa̱ tsu?" 34 Reve u usu, “N damma Éu amayun, vuma na yuwain unusu suru aagbashi o unusu a Éa. 35 Aagbashi a̱ tsu da̱nu o uêwa wu zagbain suru suru shi, amma ulobo wu uêwa kuci o uêwa wa dada va̱ yi Éa u tsu da̱na̱. 36 Adama o ndolo na̱ Mawun u ba̱Éa̱ Éu, i to oêwo fa̱a̱n na amayun. 37 N reve ta̱ a na a̱Éu muwun n tsukaya ma Ibrahim n Éa, agba i ciga ta̱ yu una mu adama a na i usuyi uritosu u va̱ shi. 38 N ta dansaa Éu ili i na Dada va̱ roco numu, agba i ta yuwusan ili i na dada Éu damma nÉu." 39 Reve a̱ usu, “Ibrahim Éa dada tsu.” A̱vu u damma, “Na̱ a̱Éu muwun ma Ibrahim n Éa na amayun, i ta yuwan ili i na Ibrahim yuwain. 40 Amayun a Éa maa dansaa Éu, amayun e ili i na mu uwwai uba̱ta̱ wa̱ A̱sula̱, a̱Éu Éa nda gba i cigai yu una mu. Ibrahim aa yuwan cuêun vi ili i ndolo shi. 41 Agba a̱Éu i ta yuwusan ili i na dada Éu yuwain foyi.” Reve a̱ usu, “A̱tsu a̱girutu a Éa shi! A̱sula̱ a Éa Dada va amayun tsu." 42 A̱vu u damma le, “Na̱ A̱sula̱ a Éa Dada Éu, i shi ta ciga mu, adama a na n ta̱wa̱ ta̱ uba̱ta̱ u Éu diga a̱ A̱sula̱. Agba a̱mu Éa n ta̱wa̱toyi aciya̱va̱ shi, a̱yi Éa u lyungu numu. 43 I reve ili i na n damma nÉu shi, adama a na i usuyi uritosu u va̱ shi. 44 Mekerenkesu ma Éa dada Éu, i tsu yuwan ta̱ ili i na u cigai foyi. Diga o ufaru za mona Éa waru za ve epen Éa. Babu ili ya amayun a aci a̱ yi. Ili ya aciya̱yi a Éa u tsu yuwan adanshi, waru ili i na u dammai suru epen a Éa. Za ve epen Éa goon shi, amma waru dada ve epen Éa. 45 Amma amayun a Éa maa dansaa Éu, a̱yi Éa waru ili i na i zuwai i usu numu shi. 46 A̱tsuma̱ a̱ Éu, zane Éa na amayun aa gura reme mu nu unusu? Waru ana maa dansaa Éu amayun, nye i zuwai i usuyi shi? 47 Vuma na A̱sula̱ a Éa Dada va̱ yi, u tsu zuwa ta̱ atsuvu a Adanshi a̱ A̱sula̱. A̱Éu gba a̱za̱ a̱ A̱sula̱ a Éa shi, a̱yi Éa i zuwai i zuwai atsuvu a̱ Éu shi." 48 A̱vu aza a Israêila a̱ usu, “Tsu ta̱ mejege na̱ tsu damma a̱vu vuma va Samariya â  Éa, waru vu ta̱ no otoni a̱ lima̱ a̱tsuma̱ a̱ wu!" 49 Reve Yesu usu, “N ri no otoni a lima̱ shi. N ca ta Dada va̱ tsugbain, a̱vu i êyuwan a ca mu tsugbain. 50 N ri e izami i tsugbain tsa aciya̱va̱ shi. Amma za na cigai n ushi tsugbain ta̱ lo, a̱yi Éa waru za na aa yuwan ugeêetosu. 51 Amayun a Éa maa dansaa Éu, vuma na yuwain itoni nu uritosu u va̱, wa̱a̱ kuwa̱ shi." 52 A̱vu a damma yi, “Gogo tsu reve ta̱ a na vu ri no otoni a̱ lima̱! Ko Ibrahim na ama̱sula̱ a̱ kuwa̱ ta̱. A̱vu gba vu damma ta̱, ‘Vuma na yuwain itoni nu uritosu u va̱, wa̱a̱ kuwa̱ shi.’ 53 A̱vu vu laêa ta̱ dada tsu Ibrahim a̱tsuma̱ a tsugbain? U kuwa̱ ta̱, ne Éa fo ama̱sula̱. A majiyan ma̱ wu, zane Éa vaa tarasa vu ri?" 54 Reve u usu, “Na̱ n ca aciya̱va̱ tsugbain, tsugbain tso ndolo ili i Éa shi, ko keêen. Dada Éa vuma na ca numu tsugbain, waru i damma ta̱ a na a̱yi Éa A̱sula̱ a̱ Éu. 55 Koto i reve yi shi, amma a̱mu n reve yi ta̱. Na̱ n damma koto n reve yi shi, n to oêwo za ve epen tsa̱ a̱Éu. Amma n reve yi ta̱, waru n tsu yuwan ta̱ itoni ni ili i na u dammai biti. 56 Dada Éu Ibrahim yuwan ta̱ ma̱za̱nga̱ a na wee ene mantsa ma na ma̱a̱ ta̱wa̱. We ene yi ta̱ waru u yuwan ta̱ ma̱za̱nga̱." 57 A̱vu a damma, “Cine vu yuwain ve enei Ée Ibrahim? Koto vu rawa aêwan kupoton shi." 58 Reve u usu, “Amayun a Éa maa dansaa Éu, kafu a matsan Ibrahim, A̱mu ÉaÉa za na n ri lo."â  59 Ana Yesu yuwain adanshi a nda, a̱vu ama a̱ ta̱Éa̱ atali tsa̱ra̱ o una yi. Reve Yesu wo oÉoru o uta̱, u lyawa A̱a̱êisamapaÉaêa.