1 JOHN 4

WBT

‹ Chapter 3 1 JOHN — All Chapters Chapter 5 ›

1 �marainapanii õmin-mishidannao, mana�a umishida�ana�a ipai pidannao dakota�oraz Tominkaru Doronaa kaina�an pa�ida�a. Mazan utiwaa-kidapa pa�an kaimanaiman ĩdyaun, uaitapa kizi mishi�o Tominkaru Doronaa wuru�u ĩ�ida�a�oraz. Usha�apanum kau�an iriba�a naa dakotinpainao prophet nii makon ipai wiizai kawana�ati. 2 Kaikapa�o ida�ana�o nii uaitapan Tominkaru Doronaa kaina�an pidan ida�a: pidan mishida�oraz Jesus Christ kaawankan pananaa zo�o, Tominkaru Doronaa wuru�u uruu ida�a�oraz. 3 Mazan pidan aona�oraz umishidan Jesus Christ kaawankan pananaa zo�o, aonaa Tominkaru Doronaa mani wuru�u uruu ida�a�oraz. Mazan Christ taruba di�iki�o doronai wuru�u uruu ida�a�oraz. Uabatauzonii kaini�iki�o nii uwa�atin, wuru�u oia�oraz doronai, aizii kai, kaina�a�a naa pidannao bii an uruu. 4 Mazan unao, õmarainapanii koraiziannao, Tominkaru dainao pa�an unao. Kaakinapa u�ati madiwautapa-ka�oraz ĩdakotinpan prophet nii, usha�apanum kau�an ma�ozaka�o manawun unao ida�a�oraz Kaimana�o Doronaa, wuru aia�a Satan di�iki�oraz doronai kazowautapa�oraz pidannao imi�i baara an. 5 Aizii madiwautapa-ka�oraz ĩdakotinpan prophetnao nii, aonaa ĩaitapan Tominkaru, ukau�an ĩkakuwaapan na�apa maaitapa-kainao Tominkaru kawan. Ukau�an pidannao maaitapa-kainaouz Tominkaru, ĩmishida ĩkuwaa. 6 Mazan waunao, Tominkaru dainao pa�an, ukau�an pidannao aitapainaouz Tominkaru, kaiman ĩ�ati wakuwaaz. Mazan pidannao, aona�oraz Tominkaru dainao mani ĩdyaun, aonaa ĩnaudapan wakuwaa. Na�apa�o ida�an waaitapan Kaimana�o Doronaa kainaabata�oraz mishi�o kuwai Tominkaru daua�o kaina�an pidan ida�a, oo oia�o doronai, mariidapa�oraz pidannao. 7 �marainapanii õmin-mishidannao, pakawan pa�i wamarainpaaka, usha�apanum kau�an Tominkaru wuru�u wamarainpaaka-kinaaz. Ukau�an, pidan marainpa�oraz pamin-mishidannao, Tominkaru dani uruu, na�iki uaitapanii Tominkaru. 8 Pidan aona�oraz umarainpan pamin-mishidannao, aona�o uaitapan Tominkaru, usha�apanum kau�an Tominkaru, uruu kamarainpanu�o. 9 Kaikapa Tominkaru aidan wa�ati na�apam pamarainpan pidannao: Udyuudan paudani bauda�apauzon imi�i baara ati, turuu kizi waikodan uruu ida�an karikaonanu�o kakupa-karu. 10 Kaikapa�o wuru�u kamarainpan-karuz: Aonaa waunao marainpan kaduz mani Tominkaru, mazan Tominkaru marainpan kaduz pa�an waunao. Uruu idi udyuudan pauDani mawakan waunao dikin ii, turuu kizi wa�oian kida mainaabata-kao. 11 �marainapanii õmin-mishidannao, Tominkaru marainpan kau�an waunao tuukii manawun, na�apa pa�i ukau�an wamarainpaaka kapam. 12 Aonaa bauda�apa pidan tukapauzon pu�u padamata Tominkaru, mazan wamarainpaakan an, Tominkaru kaina�an wa�ida�a wuru�u. Na�iki wamarainpaakan ida�ana�o nii ukamarainapanun ikodinan ba�orainao pidannao, na�apa uaipan kawan manawun. 13 Waaitapa Tominkaru ida�ati�o wazaamatinpan, na�iki kaina�a�o uruu wa�ida�a, usha�apanum kau�an utaani�i naa wa�ati Kaimana�o Doronaa. 14 Tominkaru dyuudan pauDani Jesus Christ kazannaata�o nii ipai pidannao ĩ�oian kida ai. Watukapanii uruu, na�iki aizii, wakakuwaapan udau�an ba�orainao ati. 15 Na�ia�oram pidan kowaadan an Tominkaru Dani wuru�u Jesus, Tominkaru kaina�an uruu ida�a wuru�u, na�iki Tominkaru ida�ati�o uzaamatinpan. 16 Waaitapa na�apam Tominkaru marainpan waunao, ukau�an u�ati�ora�a naa wanyukunuu. Tominkaru kamarainpanu�o uruu. Ukau�an pidannao karikaonanu�oraz ĩkamarainapanun, Tominkaru ida�ati�o ĩzaamatinpan, na�iki ĩnao ida�ati�o Tominkaru zaamatinpan. 17 Uruu idi�o wuru�u wamarainpaakanuz uruu kawan manawun: ukau�an wamarainpaakan idi na�apa, aona�o nii watarian wuru kamoo dono�o Tominkaru kootowapa-kidanuz pidannao. Usha�apanum kau�an Christ kawanu�ora�a naa wamashaapan da�a�a imi�i baara�a. 18 Waaitapan idi Tominkaru marainpan waunao, aonaa kandii nii watarian u�ai. Tominkaru kamarainapanun ikodinan idi ba�orainao pidannao waunao marainpaakan ida�an, na�apa manawun uaipan kawan, ukau�an aonaa kandii nii watarian Tominkaru ai. Pidan tarian Tominkaru ai, uaitapan idi�o Tominkaru pataka�utan nii paugaru, wuru kamoo dono�o Tominkaru tiwaa-kidaapanuz naa pidannao. Pidan taria�oraz, uaitapan idi�o aonaa pakamarainapanun Tominkaru aipan kawana�ati. 19 Wamarainpaakan, usha�apanum kau�an kiwiini�ora�a naa Tominkaru marainpan waunao. 20 Aizii pidan kian an, “�garu, õmarainapanii Tominkaru,” mazan pakawan zii uto�ora-kizaitapan pamin-mishidan, uruu mariidinauzo wuru�u. Usha�apanum kau�an aonaa umarainpan pamin-mishidan patukapanii padamata, ukau�an aonaa na�itim umarainpan Tominkaru, aona�oraz utukapauzon. 21 Na�iki kaikapa�o Tominkaru kakinaori waunao ati�o: Pidan marainpa�o Tominkaru, marii pa�i umarainpan pamin-mishidannao kapam.

‹ Chapter 3 1 JOHN — All Chapters Chapter 5 ›

1 JOHN 4

Cite / Share This Page