1 JOHN 5

WBT

‹ Chapter 4 1 JOHN — All Chapters Chapter 6 ›

1 Ipai pidan mishida�oraz Christ wuru�u Jesus, uruu Tominkaru dani. Na�iki pidan marainpa�o waDaru Tominkaru, umarainapa kapam udainao. 2 Kaikapa�o wuru�u waaitapanuz wamarainpan Tominkaru dainao: wamarainpan ida�an Tominkaru, na�iki washa�apaapan ida�an udyuudaniaz sha�apata-kao. 3 Umishiin an wamarainpan Tominkaru, washa�apaapan nii udyuudaniaz sha�apata-kao. Na�iki aonaa kasha�apanna�o mani wuru�u udyuudaniaz sha�apata-kao, 4 usha�apanum kau�an ipai Tominkaru dainao, turuu ĩdikintan oia�o. Na�iki ĩwazootanuz pamishidapan idi Jesus Christ. 5 Aonaa kanom ka�iitan padikintan oia�o, soo pidan, mishida�oraz Tominkaru Dani wuru�u Jesus. 6 Jesus Christ, uruu kaawa�oraz aokazi iki, uruu chikaawunuu-kidina�oraz wunu idi, na�iki uruu shoota�oraz uizain umawakan dono. Aonaa soo wunu ida�an mani karikaonan ukainaabata-kao Christ wuru�u uruuz, mazan uizain shootan ida�an kapam. Na�iki Kaimana�o Doronaa kainaabata kapam mishi�o wuru�u na�apa�oraz aimaakan kida. Usha�apanum kau�an Kaimana�o Doronaa, ukaduz ukainaabatauzon mishi�o aimaakan Tominkaru di�iki�o. 7 Ukau�an kaina�a idikinauda�u aimaakan kainaabata�o wa�ati Jesus daua�o [aokazi ii: waDaru Tominkaru, Parada-karu, na�iki Kaimana�o Doronaa; ipai idikinauda�u ĩdyaun, ĩkainaabata bauda�apa�o aimaakan Jesus dau�u. 8 Na�iki kaina�a idikinauda�u aimaakan kainaabata�o wa�ati Jesus daua�o imi�i baara�a:] Kaimana�o Doronaa, na�iki uchikaawunuu-kidinan wunu idi, na�iki uizain shootan umawakan dono; ipai idikinauda�u ĩdyaun, ĩkainaabata bauda�apa�o aimaakan Jesus dau�u. 9 Pidan kakuwaapan an paaitapanii dau�u, wamishida�aka ukuwaa. Ukau�an Tominkaru kuwaa umanawunun idi pidan kuwaa ai, wamishida pa�i ukainaabataniaz aimaakan kida wa�ati. Aitaniiman ukuwaa umanawunun, usha�apanum kau�an uruu Tominkaru, na�iki pauDani daua�o wuru�u ukakuwaapanuz. 10 Ukau�an pidan mishidan an Jesus, Tominkaru Danin, uaitapa mishi�o wuru�u Tominkaru kuwaa kidaz. Mazan pidan, aona�oraz umishidan Tominkaru kuwaa, udakotan Tominkaru mariidinauzonii wuru�u, usha�apanum kau�an, aonaa umishidan Tominkaru kuwaa pauDani daua�oraz. 11 Kaikapa�o wuru�u ukuwaaz: Tominkaru taani�i naa wa�ati karikaonanu�o kakupa-karu, na�iki wazaamatanuzu Tominkaru Dani ida�an. 12 Pidan zaamatinpa�o Tominkaru Dani ida�ati, kaina�a�ora�a naa karikaonanu�o kakupa-karu u�ida�a. Mazan pidan, aona�oraz uzaamatinpan Tominkaru Dani ida�ati, aonaa karikaonanu�o kakupa-karu nii u�ida�a. 13 �saadan di�ora�a kaarita unao ati, mishidainao Jesus Tominkaru Danin, uaitapa kizi kaina�a�ora�a naa karikaonanu�o kakupa-karu u�ida�a. 14 Ukau�an aonaa kandii nii wakiba�azon wawa�atin Tominkaru ida�ati, waaitapan idi unyukunuupan nii waunao na�apainim dono wapishaan aimaakan u�ati, unyukunuu aipan kawana�ati. 15 Waaitapan idi unyukunuupan nii waunao, wapishaan dono aimaakan u�ati, waaitapa utaan nii wa�ati wapishaaniaz. 16 Aizii bauda�apa unao, utukapan an mani umin-mishidan sha�apatan oia�o, mazan aonaa tawuru kaduz oia�o mani�i, buuta-kida�oraz pidan karikaonanu�o mawaka-karu di�iti, marii upishaan Tominkaru kazannaatan wuru�u sha�apata�oraz oia�o, Tominkaru taan nii u�ati karikaonanu�o kakupa-karu. Kaiwuru�u õna�apanuz, pidannao sha�apatainao oia�o dau�ati�o, mazan aonaa tawuru kaduz oia�o mani�i buuta-kida�oraz pidan karikaonanu�o mawaka-karu di�iti. Kaina�a mishi oia�o, uruu buuta-kida�o pidan karikaonanu�o mawaka-karu di�iti. Mazan aonaa õkian mani, upishaa kizi Tominkaru kazannaatan sha�apata�oraz uruu kaduz oia�o. 17 Ipai aimaakan sha�apata-kariwaiz pana�iti Tominkaru aipan ai, oia�o wuru�u. Mazan kaina�a oia�o kida, aonaa ubuuta-kidan pidan karikaonanu�o mawaka-karu di�iti. 18 Waaitapa, Tominkaru dainao, aona�a naa ĩsha�apaapan oia�o, usha�apanum kau�an Tominkaru Dani, Jesus Christ, kazannaatapani�i naa ĩdyaun, ukau�an aonaa Satan ka�iitan pakaziwan ĩdyaun. 19 Waaitapa, Tominkaru dainao waunao, mazan ipai pidannao aona�oraz ĩaitapan Tominkaru, Satan kazowautapanii ĩdyaun. 20 Waaitapa mishi�o Tominkaru Dani kaawan imi�i baara ati, na�iki ukainaabata aimaakan kida wa�ati, turuu kizi waaitapan wuru�u mishi�oraz Tominkaru. Wazaamatinpan mishi�o Tominkaru ida�ati, usha�apanum kau�an uDani, Jesus Christ ida�ati�o wazaamatinpan. Soo uruu bauda�apa mishi�o Tominkaru, na�iki uruu bauda�apa karikaonanu�o kakupa-kinai. 21 Ukau�an õkian u�ati õmarainapanii koraiziannao, uzaudin, mana�a utaaina�ana�a wuru ati�i tanawata�o ni�oraz pana�iti unyukunuu mishi�o Tominkaru ai.

‹ Chapter 4 1 JOHN — All Chapters Chapter 6 ›

1 JOHN 5

Cite / Share This Page