2 CORINTHIANS 5

WBT

‹ Chapter 4 2 CORINTHIANS — All Chapters Chapter 6 ›

1 Uruu idi wananaa wiizibai kawanu�oraz, mashaapa-kizaiz kai, umainaabata-kao dono, waaitapa Tominkaru taan nii wa�ati wamashaapa-kizi nii aokazi ii, karikaonanu�o pa�an mashaapa-kizai, aonaa pidan tomanii mani. 2 Mazan kai, wana�an idi zii wananaa zo�o, tuukii wadopitan, na�iki tuukia�a naa wazaudapan, wakananaata-kao wuru idi�i pa�ina�oraz nanai aokazi iki�oraz. 3 Usha�apanum kau�an wakananaata-kao dono�o naa pa�ina�o nanai idi, aonaa mananaa-daunu�o nii mani wadoronaa. 4 Mishi�o wuru�u, wana�an idi zii da�a�a wananaa zo�o, tuukii wadopitan. Mazan aonaa wamawaka�azon dau�ati�o mani kaiwuru�u wadopitanuz, mazan waaipan naa pa�an wananaa wuru�u baiatina�oraz pana�ada-kao pa�ina�o nanai di�iti aona�oraz umawakauzon. 5 Mishi na�apa�o wuru�u Tominkaru aipanuz papa�inaadan wananaa. Uruu idi�o uzaamatan na�iki usaabaan waunao. Na�iki Tominkaru taa paDoronaa wa�ati, uruu ida�an kizi waaitapan mishi�o nii wuru�u usha�apatanuz wa�ati aimaakan na�apa pakian kawana�ati. 6 Ukau�an ma�ozaka wataapan wanyukunuu, waaitapan idi mishi�o nii utaan pa�ina�o wananaa nii, mazan wamashaapan idi zii wananaa zo�o, aona�o nii zii wamashaapan wanaobanaa Jesus tuma. 7 Mazan tuukii wamishidapan uruu, wamatukapakan pu�u padamatazu. 8 Mazan õkian kawan, waaitapa mishi�o nii utaan pa�ina�o wananaa nii, uruu idi kaimana�o nii zii wa�ati waso�otinan di�oraz wananaa aia�a, wamashaapa an kizi�i naa pa�an Jesus tuma aokazi iti. 9 Ukau�an powa�a zii ipai ba�oran kida ai, waaipan wamashaapan kaimana�a naa u�ati, karikaonan kizi ukonaukiitinan wadau�an, wakakupan pu�u zii kai wananaa ida�a, oo wa�aonaan pu�a�a naa wananaa ai, wa�aokazi�ian pu�a�a naa. 10 Usha�apanum kau�an ipai waunao mishidainao, wakadishita-kida-kao nii Christ kanaapu iti ukootowapa-kizi ii. Na�iki ipai�o nii wakawinipinaata-kao washa�apatanii kida kawana�ati da�a�a imi�i baara�a, kaimana�o oo dikauda�o. 11 Tuukii wakichana�ikin washa�apatan dikauda kida�o aimaakan Tominkaru awun za�a. Uruu idi�o wakakinaotan pidannao tuukii, ĩmishida kizi Tominkaru paradan. Tominkaru, uaitapanii mishi�o wuru�u wakowaadapanuz paparadan unao ati. Na�iki na�apa kapam õaipan uaitapan, mishi�o wuru�u wakaudinanuz Tominkaru ati. 12 Mazan aonaa wa�atadinpan mani oo wamanawun-tinpan mani unao ati kaiwuru�u wana�apanuz. Mazan waaipan pa�an uaitapan na�iki umishidan wakuwaa, u�atadinapa kizi wadau�an, na�iki uaitapa kizi na�apam udako�atin pidannao paradan dakoopainaouz waunao. Tuukia�oraz ĩatadinpan pasha�apaapanii aimaakan kida ida�an, mazan ĩnyukunuu ii aonaa mishi�o mani ĩmarainpan Tominkaru. 13 Pabi�i kida ĩnao, ĩkian wadau�an wazowau madorona�o. Una�apan an mishi, aonaa usha�apan, watukapa-kao madorona�o kawan, mazan waaipan idi�o pa�an Tominkaru konaukii-kida-kao. Mazan unao tukapan an aonaa wamadoronan, kaimana�o wuru�u, unao ati�o mishi wuru�u wakaudinanuz, wakaminka�uta�azon idi unao. 14 Mishi�o wuru�u Christ marainpan waunao udawun iti, uruu idi�o wuru�u wakaudinanuz kaikapa�a. Usha�apanum kau�an waaitapa mishi Christ mawakan ipai pidannao oian dikin ii. Uruu idi Tominkaru tukapan ipai waunao mawakainaou�u naa oii-karu ai. 15 Jesus mawakan idi ipai pidannao ati, ukau�an pidannao mishidainaouz uruu, aona�a naa turuu ĩmashaapan paaipan kawana�ati. Mazan ĩsha�apatin kizi soo Christ aipan kawana�ati, uruu mawaka�oraz na�iki kadishita�oraz pamawaka-kizi iki ĩdikin ii. 16 Ukau�an aizii aona�a naa powa�a wadi�itapan pidan, pidannao mamishida-kainaouz Christ di�itapan kawan pidan. Mishi na�apa kowas wataapauzon Christ kiwiin. Mazan aizii aonaa powa�a wataapan uruu na�apa. 17 Usha�apanum kau�an pidan zaamatina�o Christ ida�ati, pa�inaada-kariwai�i naa ukaduz, na�iki wuru�u kiwiitapa kida�oraz ukaduz mainaabata-kaoa�a naa. Mazan pa�ina�ora�a naa pa�an kaduzui taa-kao u�ati. 18 Soo Tominkaru wuru�u pa�inaada�oraz pidannao na�apa. Uruu Tominkaru wuru�u kaimanaaka-kida�oraz waunao patuma Christ mawakan ida�an. Na�iki uruu zaamatanii waunao kaudina�o nii, kowaadapa�o nii pidannao ati, kaimanaaka-karu dau�an Tominkaru tuma. 19 Na�iki wakowaada kizi pidannao ati Tominkaru kaimanaaka-kida�azon ipai pidannao patuma, Christ mawakan ida�an. Aizii ĩnyukunuu na�apan an, ipai�o nii umarina�atan ĩ�oian, na�iki ukaimanaakan nii ĩtuma. Uruu kuwai wuru�u Tominkaru dyuudaniaz wakowaadapan pidannao ati. 20 Ukau�an waunao wuru�u kadishita�oraz Christ ati, parada�o nii pidannao kanaapu ati. Mishi Tominkaru kaiwaan waunao paparada-kinaa nii ma�ozaka unao ati. Uruu idi Christ aipan kawana�ati, wakia�azon u�ati ma�ozaka�o ida�an umishida wuru�u wakuwaaz, ukaimanaaka kizi�i naa powaa iti Tominkaru tuma. 21 Tominkaru aipan ati, ipai wa�oian kaboota-kao Christ di�iti, uruu idi Tominkaru tukapan Christ oia�o kawan, umasha�apatakan pu�u oia�o. Upataka�uta-kao atii uzowii-kao, wa�oian dikin ii. Uruu idi Tominkaru tukapan waunao kaimanainao kawan Christ ida�an.

‹ Chapter 4 2 CORINTHIANS — All Chapters Chapter 6 ›

2 CORINTHIANS 5

Cite / Share This Page