ACTS 13

WBT

‹ Chapter 12 ACTS — All Chapters Chapter 14 ›

1 Kaina�a mishidainao mashaapainao Antioch ii, Syria Baara ia�oraz. Ĩnao mishidainao bii�i kaina�a prophetnao, na�iki ba�orainao kida tominapa-kidauzo mishidainao. Kaikapauda�u�o wuru�u kaudinainaouz: kaina�a Barnabas, Simeon miikoroz, Lucius Cyrene sanaz, Manaen, Herod dyaupaitaniaz, na�iki Saul. 2 Bauda�apa kamoo ĩchoochiapatinan pu�u na�iki ĩsanadinpan pu�u Tominkaru ati, Kaimana�o Doronaa kian ĩ�ati, “Uzaamata shoman Barnabas na�iki Saul kaudina�o nii õ�ati. Kaina�a kaudin-kizai õaiapanii ĩsha�apatan õ�ati." 3 Uruu idi ĩsanadinpan na�iki ĩtoriinpan naa koshan. Udauna�an ĩtoriinapa-kidan naa Saul na�iki Barnabas, na�iki ĩmuudan paka�u ĩ�ida�a. Udauna�an ĩdyuudan naa ĩdyaun. 4 Aizii Kaimana�o Doronaa dyuudan kawana�ati ĩdyaun, ĩmakon naa wiizai Seleucia iti paran danoma ia�oraz. Na�iki�i naa ĩzaamatan udaru�o kanawa, mako�ozo�o Cyprus iti, uruu udaru�o katonaru, paran zikon ia�o. 5 John Mark makon kapam ĩminka�u nii. Ĩkaawan dono�o naa wiizai Salamis iti, na�ia�a naa ĩkowaadapan Tominkaru Paradan Jewnao ati, synagogue kawana�ati kida. 6 Uruu dauna�an ĩdobatan pakidiba ida�ana�a naa. Ĩmakon atii ĩkaawan ba�oran wiizai di�iti, Paphos kia�oraz u�uu, uruu katonaru danoma ia�oraz mazan. Na�ia�a naa ĩikodan pidan marunao-tinpa�o Bar-Jesus kia�o udakotapa-kao, uruu Jew, dakotinpauzo prophet nii kaikini�i. 7 Aizii wuru�u marunaouz, upaonaruitapanii naobanai wuru�u kazowautapa�oraz ipai amazada na�ii, Sergius Paulus kia�o u�uu. Aitapa�o na�iki kaimana�o udi�itinpauzon wuru�u naobanaiz. Sariapa udapada-kidan pa�ida�ati Barnabas na�iki Saul, uabata�azon idi Tominkaru Paradan. 8 Tuukii mazan marunao towauda�utan naobanai abatapan ĩkuwaa, aonaa uaipan umishidan ĩkuwaa, wuru�u Jesus dau�u kida�oraz. (Elymas kia�o kapam udakotapa-kao Greek ida�an wuru�u marunaouz.) 9 Kaimana�o Doronaa ma�ozakadan idi Saul, Paul kia�oraz naa u�uu, sariapa uawunuupa�akan ma�ozaka�o ida�an marunao ati. Ukian u�ati, 10 “Pugaru na�apa Satan kawan manawun, usha�apanum kau�an tuukii puawauta�azon ipai wuru�u kaiman kida�oraz kuwai na�iki kaiman kida�oraz mashaapa-kinai. Pugaru mariidinauzo, puaitapa na�apam pupana�adan na�iki putanawatan Tominkaru paradan dikauda�o nii. 11 Mazan Tominkaru sha�apatan nii na�iki upataka�utan nii pugaru aizii, ishaawun-karu ida�an, aona�o nii kanom putukapan, aonaa kanada�o atii diina�iti zii�i.” Sariapa mishi Elymas awun maruta�akan, uruu idi aona�a naa powa�a utukapa�akan aimaakan. Sariapa uchi�ikaadanaan naa udorotan pidan ka�uta�o nii paugaru. 12 Naobanai tukapan idi aimaakan sha�apata-kao na�apa, tuukii umishidan, na�iki tuukii udi�itinpan wuru dau�a�a paabataniaz kaiman kida�o kuwai, Naobanai Jesus daua�oraz. 13 Uruu dauna�an Paul na�iki uminauda�unao dobatan naa Paphos iki, wuru�u katonaru ia�oraz wiizai. Na�iki�i naa ĩmakon kanawa ida�an atii ĩkaawan Perga iti, Pamphylia Baara ia�oraz. Na�ia�a naa John Mark wa�akan ĩdyaun. Upadantan naa powaa iti Jerusalem iti. 14 Uruu dauna�an ĩdobatan naa pakidiba ida�an atii ĩkaawan Antioch iti, Pisidia Baara ia�oraz. Na�ii Paulnao morotan naa synagogue nazo iti, Sookapa-karu Kamoon dono, na�iki ĩsakanatan naa na�ii. 15 Upu�a�a naa synagogue zowaunaanao aitaapan wuru�u kakinaorii Moses saadanii kidaz, na�iki Tominkaru prophetinnao saadauzonii kidaz kapam. Uruu dauna�an ĩpishaa-kidan naa Paul na�iki Barnabas. Ukian, “Wa�inawuzunao, ukuwaa kaina�an dono ma�ozakada�o nii wairibannao nyukunuu, turuu ukakuwaapan." 16 Sariapa Paul kadishita�akan na�iki usawadan paka�u ĩ�ati, uaipan idi mashaa pidannao abatapan. Kaikapa�a wuru�u ukianuz ĩ�ati: “Ipai unao Israelitenao na�iki unao kapam Gentilenao taapainaouz Tominkaru umanawunu�o nii, uabata õparadan aizii. 17 Wuru�u Israelitenao Tominkarunuz, uruu tawuru�u zaamata�oraz wadokozu-daunnao kotua�a naa ĩmashaapauzon dono zii Egypt ii. Uruu aipan ati�o kapam tawuru�u kadiman ĩiribainan na�iki ma�ozaka utaapan ĩnyukunuu, ĩkaudin-kida-kao pu�u ba�izi ida�an na�ii. Mishi�o wuru�u Israelitenao Tominkarun ma�ozakanuz manawun. Usha�apanum kau�an pama�ozakan ida�an masha�apannaa uso�otan ĩdyaun Egypt iki. 18 “Udauna�an una�akapan naa ĩdyaun 40 wunu mapidantaka�o amazada baara ii aka. Aonaa ukashadinan ĩ�ai ĩdikintapan pu�u padamata uruu. 19 “Na�iki Tominkaru zowii-kida ĩ�ati ipai daunuuda�u 7 pidannao tonaazinaa, pana�a kida�o ĩparadan, Canaan Baara ii aka kida�oraz ĩmashaapan. Ukau�an ipai utaan wuru�u amazadaz papidanannao ati ĩwiizi ni�i naa. 20 Aizii wuru�u aimaakan kida sha�apaapa-kaoaz kaikapa�a, 450 wunu ukotua�ikin. “Uruu dauna�an, Tominkaru zaamatan naa pidannao kazowautapa�o nii papidanannao, ĩdakota-kao Judges kii. “Uruu dauna�an ĩkazowautapan atii Tominkaru zaamatan prophet Samuel kazowautapa�o nii ĩdyaun. 21 Uruu dono tuukii ĩpishaan Samuel, marii kizi uikodan king nii pa�ati. Uruu idi Tominkaru taan naa ĩ�ati Saul, Kish daniz, Benjamin di�ikiinao kidaz ĩiribainan. Saul kazowautapan ĩdyaun 40 wunu. 22 Na�apain ni�i naa Tominkaru muudan uruu. “Uruu dauna�an Tominkaru zaamatan ba�oran king, u�uu David, Jesse dani uruu. Tominkaru kian David dau�an. ‘Aizii õikoda pidan õnaudapanii, na�iki õnyukunuu kawana�ati�o. Usha�apanum kau�an usha�apatan nii ipai aimaakan na�apa õaipan kawana�ati.’ 23 “Kotua�iki uruu dauna�an Jesus shakatan, uruu King David Takaan-daunu�u naa. Uru�u naa tawuru�u Tominkaru kowaadauzoniaz padyuuda�azon kazannaata�o nii papidanannao Israelitenaouz. 24 Jesus sakadan ua�ii pakaudinan, John chi�ikapan na�iki ukakuwaapatinan ipai Israelitenao ati. Udyuudan ĩtanawatinan ipai oia�o ai, na�iki ĩchikaawunuin kizi. 25 John ipaian ua�ii pakaudin-kizi, ukian pidannao ati. ‘Kanom uzauda-kidan õgaru? �garu u�itiiman tawuru�u Tominkaru kowaadauzoniaz padyuuda�azon? Aonaa uruu mani õgaru, mazan kaini�iki�o ni�i naa pa�an uwa�atin. Uruu umanawunu�o manawun pidan. �garu aonaa manawun õturuan õso�otan udazkidi u�ati.’ 26 “Uabata õkuwaa õiribannao, ipai unao Abraham dani-daunnao! Na�iki unao Gentilenao, taapainaouz Tominkaru umanawunu�o nii, uabata õkuwaa kapam! Di�oraz kuwai kazannaatin-karu daua�oraz, ipai waunao ati�o udyuuda-kao. 27 Jerusalem sannao, na�iki ĩzowaunaanao aonaa ĩaitapan Jesus wuru�u kazannaatin-kinaiz. Na�iki aonaa ĩaitapan na�apa�oram daua�o tawuru�u Tominkaru prophetin saadanii kida kianuz, tawuru�u ĩabatautaniaz padamata uaita-kao ipai Sookapa-karu Kamoon dono. Mazan upu�u zii ĩmishian naa tawuru�u prophetnao saadauzonii kidaz, pazowii-kidan ida�an Jesus. 28 Aonaan pu�u ĩikodan dikauda�o nii aimaakan usha�apatan, pazowii-kida-kinaa niizu. Mazan upu�u zii tuukii ĩdyuudan Pilate zowii-kidan Jesus, atii mishi uzowii-kao. 29 Ĩipaian dauna�an pasha�apaapan ipai aimaakan wuru�u Tominkaru paradan kowaadauzoniaz udau�an. Uru�u naa ĩtoka-kidan naa unanaa cross paawa iki, na�iki ĩmuudan naazu pabaaranaa iti. 30 Mazan Tominkaru kakuda uruu powaa iti, na�iki ukadishita uruu pabaaranaa iki. 31 Jesus kadishitan dauna�an, mapuda utukapa-kidinan pidannao ati wuru�u wa�atiinaouz utuma Galilee Baara iki Jerusalem ati. Ĩnaou�u naa kai kakuwaatina�o nii udau�u ipai Jewnao ati. 32 “Aizii di�i õgaru, na�iki Barnabas kaawan, wakaawa-kidan Kaimana�o Kuwai unao ida�ati: Tawuru�u Tominkaru kowaada-kidauzoniaz pasha�apata�azon wadokozu-daunnao ati, aizii kai�i naa umishian wuru�u pasha�apata�azooniaz. 33 Waunao ĩdani-daunnaou�u naa, uruu idi aizii watukapa�a naa mishi umishian paparadan, ukadishita-kidan ida�an Jesus pabaaranaa iki. Kaina�a sha�atii saada-kariwai Jesus daua�o Psalm 2 ida�a, kaikapa�a: ‘Pugaru õdani, pudaruitan õgaru aizii.’ 34 “Na�iki Tominkaru kian koshan ukadishita-kidan dauna�an uruu pabaaranaa iki, aonaa na�apainim nii umawakauzon powa�a. Kaina�a usaadinpan udau�u kaikapa�a: ‘Mishi�o nii õtaan pu�ati wuru�u kaimana�oraz manawun aimaakan, õkowaadauzoniaz õtaa�azon King David ati.’ 35 “Na�apa sha�atii tawuru�u saadapa�o Psalms kianuz pasaadanii ida�a: ‘Aona�o nii pukashaapan wuru�u kaimana�oraz manawun pupoitoru dyupushan pabaaranaa ii.’ 36 “Mishi David kaimana�o ukazowautapan papidanannao na�apa Tominkaru aipan kawana�ati. Mazan bauda�apa kamoo umawakan. Na�iki unanaa muuda-kao padarunnao baaranaa ii. Atii udyupushan na�ii. 37 Mazan Jesus, wuru�u ukadishita-kidaniaz pabaaranaa iki, aonaa pa�an ukashaapan udyupushan pabaaranaa ii. 38 �iribannao, õaipan ipai unao aitapan, Jesus ida�ana�o pidan oian mainaabata-kao. 39 Aonaa turuu pu�oian kida mainaabata-kao pumishidan ida�an Moses kakinaori kida. Mazan soo pumishidan ida�an Jesus pu�oian mainaabata-kao, na�iki Tominkaru dakotan pugaru kaimana�o pidan nii. 40 Uzaudinpa�a naa pa�i, umamishidakan an mishi�o nii aimaakan sha�apan u�ati na�apa Tominkaru prophetinnao saadauzonii kawana�ati. 41 Tawuru�u ĩkianuz. ‘Uabata, unao dakoopainao Tominkaru, Tuukia�o nii udi�itinpan. Kai õsha�apatan nii umanawunu�o aimaakan. Pidan tiwaan an pakowaadanuzu, upu�u aona�o nii umishidanuzu, atii na�apa�o nii umawakan.’" 42 Udauna�an Paul na�iki Barnabas ipaian naa pakakuwaapan. Ĩkoditan pu�u synagogue iki, pidannao pishaan ĩdyaun, marii kizi ĩwa�atin koshan ba�oran Sookapa-karu Kamoon dono, usha�apanum kau�an ĩabata�azon powa�a zii wuru�u ĩkuwaa kidaz. 43 Ĩkoditan dauna�an iriba Jewnao da�anan Paulnao, na�iki iriba kapam Gentilenao wuru�u mishidainaouznaa Tominkaru Jewnao kawan, ĩnao da�anan kapam Paulnao. Na�ia�a naa Paulnao paradan pidannao ati na�iki ĩkakinaowan naa ĩdyaun. Marii kizi ma�ozaka ĩtaapan panyukunuu, panyukunuitapan ida�an Tominkaru kamunanun pa�ati. 44 Ba�oran Sookapa-karu Kamoon dono iriba, iriba kawiiziinao wa�atin synagogue ati, ĩabata�anan Naobanai Tominkaru Paradan. 45 Kaina�a pabi�i kida Jewnao, ĩtukapan idi wuru�u iriba, iriba pidannao kaawan, sariapa ĩkishauzin Paulnao ati. Uruu idi tuukii ĩdakoopan Paulnao kuwaa na�iki tuukii kapam ĩdakoautapan Paulnao kakiba�azonna�o ida�an. 46 Mazan ma�ozaka Paul na�iki Barnabas paradan ĩ�ati kaikapa�a: “Unao ati�o mishi�oraiman wakowaada�azon kiwiin wuru�u Tominkaru Paradanuz, mazan tuukii ukashadanuzu. Ukau�an uaipan ati�o karikaonan wuru�u umaaiapakanuz karikaonanu�o kakupa-kinai. Ukau�an wamakon ni�i naa unao ai, na�iki watuzutinan ni�i naa aizii Gentilenao di�iti. 47 Kaikapa sha�atii tawuru�u Naobanai Tominkaru paradan kiauzonuz padamata ipai waunao ati. Ukian, ‘�zaamatan pugaru kanadapa�o nii Gentilenao ati, pugaru kizi tukapa-kida kazannaatin-kinai ipai pidannao ati, ĩkazannaatin-kinaa nii pa�oian ai.’" 48 Gentilenao abatan idi wuru�u parada-karuz na�apa, tuukii ĩkonaukian na�iki tuukii ĩnaubaan wuru�u Naobanai Tominkaru Paradanuz. Na�iki wunaou�u zaamata-kariwainaouz karikaonanu�o kakupa-karu di�iti, ĩnao pa�an tuukii ĩmishidan. 49 Uruu idi kuwai Naobanai daua�o iribainan uruu wiizai baara ii aka. 50 Mazan Jewnao, wuru�u mamishida-kainaouz kuwai, tuukii ĩto�oran. Uruu idi ĩkimudan naa na�ii sannao, daonaioranao umanawun-tinpainao kidaz, na�iki zunnao, kapuraataniinao kidaz na�iki toriinpauzonaouz Tominkaru ati. Ĩkimudan ĩdyaun tuukii, ĩto�ora kizi Paul na�iki Barnabas ati. Mishi�i naa mishi pidannao to�oradinan Paulnao ati, atii ĩkashanauan ĩdyaun pawiizi iki. 51 Uruu idi Paul na�iki Barnabas wao-kidan kaiman-daun imi�i padazkidi di�iki. Uruu ida�an ĩtukapa-kidan aonaa mishi pidannao aipan na�iki aonaa ĩabata�azon ĩkuwaa. Udauna�an ĩmako�okan naa Iconium iti. 52 Mazan konaukii pa�an ĩwa�akan wuru�u mishidainaouz na�iki wuru�u zaamatainao kidaz Kaimana�o Kuwai panyukunuu iti. Usha�apanum kau�an kaina�a�a naa pa�an Kaimana�o Doronaa ĩnyukunuu ii.

‹ Chapter 12 ACTS — All Chapters Chapter 14 ›

ACTS 13

Cite / Share This Page