ACTS 14

WBT

‹ Chapter 13 ACTS — All Chapters Chapter 15 ›

1 Paul na�iki Barnabas kaawan Iconium iti. Na�apa koshan aimaakan sha�apan Antioch ia�o kawan. Ĩmorotan synagogue iti Sookapa-karu Kamoon dono. Ma�ozaka ĩkowaadapan Kaimana�o Kuwai Jesus dau�u. Uruu dono iriba, iriba Jewnao na�iki Gentilenao mishidan wuru�u kaimana�oraz kuwai. 2 Mazan kaina�a pabi�i kida Jewnao, aona�o pa�an ĩmishidan. Uruu idi ĩto�oradan tuukii Gentilenao Paul na�iki Barnabas ati. 3 Upu�u mazan Paulnao na�ian kotua�iki zaa pidannao tuma. Aonaa ĩtarian, mazan ma�ozaka ĩkakuwaapan, ipai ĩkowaadan ĩ�ati Naobanai kamunanun, na�iki ukamarainapanun dau�an. Naobanai Tominkaru aipan idi pidannao aitapan mishi�o wuru�u Paulnao kuwaa kidaz, sariapa uma�ozakadan ĩdyaun. Uruu idi ĩsha�apata umanawun kida�o aimaakan wuru�u aona�oraz pidan ka�iitan pasha�apatan. 4 Uruu dono, uruu wiizai di�ii aonaa pidannao mishidan patumaaka. Ba�orainao na�apa ĩnyukunuu Jewnao paradan kawana�ati, ba�orainao apostlenao paradan kawana�ati. 5 Udauna�an pabi�i kida Gentilenao na�iki Jewnao wuru�u to�orainaouz, miitiniipan naa ipai pazowaunaanao tuma. Ĩaipan pa�antamikitan na�iki pazowian Paulnao, paboowan ida�an ĩdyaun kuba idi. 6 Mazan Paul na�iki Barnabas abatan idi na�apam pasha�apata�azoo-kao, sariapa ĩmakon atii Lystra na�iki Derbe iti, Lycaonia Baara ii aka�oraz wiizainao, na�iki ĩmakon kapam ba�oran wiizainao sodi kida di�iti, maonapainaouz udazaba an kida. 7 Na�ii aka�a naa ĩkowaadapan Kaimana�o Kuwai. 8 Lystra ii, kaina�a daonaiora aonaa na�apainim uchi�ikauzon pashakatan di�iki�o. 9 Aizii Paul kakuwaapatinan dono, na�ia�o wuru�u machi�ikaka�oraz daonaiora sakanatapan, uabatapan wuru�u kaimana�oraz kuwai. Paul tukapa, na�iki uaitapa tuukii umishidan wuru�u kuwaiz, na�iki uaitapa, umishidan idi turua�o nii uchi�ikan. Uruu idi Paul awunuupan sariapa uawun iti. 10 Na�apain ukian u�ati ma�ozaka�o ida�an, “Pukadishita!” Sariapa mishi ukadishita�akan na�iki uchi�ikaadanaa�akan naa. 11 Pidannao tukapan idi Paul sha�apatan aimaakan na�apa, tuukii ĩdi�itinpan na�iki ĩparadan diiwa pa�atiaaka kida, paparadan Lycaonian ida�an. Kaikapa�a wuru�u ĩkianuz: “Aaa, watominkarunnao wuru�u kaawa�oraz wa�ida�ati aokazi iki, na�apa pidan kawan ĩaidinpan." 12 Uruu idi ĩdakotan Barnabas Zeus kii, patominkarun uu kawan. Aizii Paul Hermes kii ĩdakotan, ba�oran patominkarun uu kawan. Usha�apanum kau�an Paul uruu wuru�u kakuwaapatina�oraz manawun. 13 Kaina�a faadaa, uruu tominkaruniitapa�o Zeus. Kaina�a utominkarun dapu paniba itinapu wiizai ai. Uruu faadaa baokopa pidannao tuma, ĩna�akan naa kazotinao na�iki soosoi kida wiizai awautapa-kinao paniinomizinaa di�iti. Uruu ĩkawaoda�azon naa kazotinao Paulnao ati, na�apa pasha�apatauzon kawan patominkarunnao ati. 14 Paul na�iki Barnabas abatan idi wuru�u ĩsha�apata�azoonuz aimaakan kaikapa�a, sariapa ĩkuzuuan pakamichan pakasha�oran idi. Udauna�an kadimana�o ida�an ĩmako�okan pidannao bii iti. Na�ia�a naa ĩkian pidannao ati ma�ozaka�o ida�an. 15 “Kandii nii usha�apata�azon aimaakan wa�ati kaikapa�a? Waunao pidannao kapam na�apa�o unao kawan. Wakaawan da�ati�i wana�akan Kaimana�o Kuwai, umarina�ata kizi na�iki umuuda kizi�i naa oia�o, na�iki wuru�u mazan-kida�oraz karikaonan aimaakan usha�apaapan. Utanawatin kizi�i naa pa�an mishi�o Tominkaru di�iti, uruu karikaonanu�oraz ukakupan. Uruu toma�oraz aokazi na�iki imi�i baara, paran na�iki ipai aimaakannao wuru�u mashaapainaouz wunu baoko�o, na�iki imi�i baara an kida�oraz. 16 Kotua�a naa Tominkaru kashaapa pidannao mashaapan na�apam karikaonan paaipan kawana�ati, 17 mazan karikaonan utukapa-kidan pakaina�an ĩ�ati pakamunan-kidan ida�an ĩdyaun. “Atii di�i, udyuuda wunu unao paoriba kida kaaka-kinaa nii, na�iki utaa pabi�inaaka kida uwanyukunuu nii. Na�iki utaa konaukii-kinai unyukunuu iti,” ukian ĩ�ati. 18 Paul kowaadan pu�u kaikapa kida�o aimaakanu�u, mazan upu�u kasha�apannaa pidannao sookadan wuru�u pakawaoda�azoonuz kazoti Paulnao ati. 19 Kaina�a Jewnao wa�atiinao Antioch iki, Pisidia Baara ia�oraz na�iki ba�orainao wa�atin Iconium iki. Ĩnao kaawan naa Lystra ati, na�ia�a naa ĩkakinaowan pidannao ĩto�ora kizi Paulnao ati. Atii mishi pidannao na�apatan panyukunuu ĩparadan kawana�ati. Uruu idi ipai baokopa pidannao to�oradinan, na�iki ĩboowautapan naa Paul tuukii kuba kida idi. Udauna�an ĩkozoota�akan naazu na�iki ĩkabootankan naazu donoi dawun itinapu ĩ�itiiman mawaka�ora�a naa uruu. 20 Sariapa mishidainao makon ĩtukapa�ananuzu na�iki ĩkasaba�ukinan naa u�ida�ati, upu�a�a naa mazan ukadishitan koshan. Udauna�an ukiwan naa powaa iti donoi iti. Ba�oran kamoo Paulnao makon naa Derbe iti. 21 Derbe ii ĩkowaadapa�akan Kaimana�o Kuwai, na�iki iriba, iriba pidannao mishidan ĩkuwaa Jesus dau�u. Udauna�an ĩkiwan naa koshan Lystra iti, udauna�an Iconium iti, udauna�an Antioch iti wuru�u Pisidia Baara ia�oraz wiizai. 22 Ipai uruu wiizai kida di�ii, ĩma�ozakadan mishidainao kida nyukunuu, ma�ozaka kizi ĩmishidapan. Kaikapa�o wuru�u ĩkianuz ĩ�ati: “Ipai waunao wabaiaapan nii kasha�ora kida�o aimaakan, na�iki wapataka�uta-kao nii kaimana�o dikin ii karikaonan. Wabaiatan bii a�o nii kasha�ora�o wuru�u wamoro-tinanuz Tominkaru naobanai-tinapa-kizi." 23 Ipai mishidainao wiizi kida kawana�ati, Paulnao zaamatan naa pabi�i kida mishidainao choochi zowaunaanao nii. Ĩzaamatan dauna�an wuru�u kazowautapainao nii, ĩtoriinpan naa Naobanai Tominkaru ati, marii kizi utaapan ĩdyaun na�iki ukazannaatapa kizi ipai wuru�u mishidainaouz. Uruu dono ĩsanadinpan Tominkaru ati patoriinpan pu�u. 24 Ĩipaian dauna�an pakakuwaapatinan wiizai kida kawana�ati wuru�u Pisidia Baara ii aka�oraz, ĩmakon naa ba�oran amazada iti dakota-kariwaiz Pamphylia kii. 25 Uruu amazada baara di�ii kaina�a wiizai dakotapa-kariwai Perga kii. Na�ii aka�a naa koshan ĩkowaadapa�akan kuwai Jesus dau�u. Uruu dauna�an ĩdobatan naa koshan atii paran danoma itinpu�u wiizai di�iti, dakota-kariwaiz Attalia kii. 26 Na�iki�i naa ĩzaamatan udaru�o kanawa, na�iki ĩkiwan naa koshan Antioch iti, wuru�u Syria Baara ia�oraz. Na�ia�o sha�atii tawuru�u pidannao toriinapanuz na�iki ĩpishaanuz Tominkaru, marii kizi ukamunanun na�iki ukaminka�utan Paulnao. Uruu kaudin-kizai�i naa wuru�u ĩipaianiaz. 27 Ĩkaawan dono�o naa Antioch iti, ĩbaokopatin-kidan naa ipai wuru�u mishidainaouz, ĩkowaadan naa ĩ�ati ipai daunuuda�u na�apam Tominkaru kaiwaan ĩdyaun na�iki na�apam usha�apatan aimaakan kida ĩnao ida�an. Ĩkowaada kapam na�apam Naobanai Tominkaru taa�a naa aizii Gentilenao mishida-kinaa nii Kaimana�o Kuwai, uruu idi iriba ĩmishidan. 28 Kotua�iki Paulnao na�ian mishidainao tuma.

‹ Chapter 13 ACTS — All Chapters Chapter 15 ›

ACTS 14

Cite / Share This Page