ACTS 18

WBT

‹ Chapter 17 ACTS — All Chapters Chapter 19 ›

1 Udauna�an Paul dobatan naa Athens iki, na�iki umakon atii Corinth iti. 2 Aizii Corinth ii kaina�a pidan paudaiaro tuma, Aquila kia�o u�uu, Pontus ia�o ushakatauzon, udaiaro uu Priscilla. Diiki�i�o zii ĩkaawa�akanu�u Italy iki. Usha�apanum kau�an tuubaru�o naobanai Claudius dyuudan idi ipai Jewnao koditan Rome iki, donoi Italy ia�oraz. 3 Paul sookadinpan Aquilanao tuma. Usha�apanum kau�an ĩkaudin-kizi soo ĩtomapan na�iki ĩkanoopan madai tent dapunaa kida nii, uruu kaduz daua�o kapam Paul kaudinauzon. Uruu idi na�ia�a naa ukaudinan ĩtuma. 4 Aizii ipai Sookapa-karu Kamoon dono, Paul morotauzon na�iki ukakuwaapan ĩ�ati synagogue ii. Tuukii uaipan pana�apatan ĩnyukunuu pakuwaa dau�ati. Uruu idi ukakuwaapan kaimanaiman Jewnao ati na�iki Greeknao ati kapam. 5 Aizii Silas na�iki Timothy kaawan dauna�an Macedonia iki, Paul kaudinan soo pakakuwaapatinan dau�a�a naa karikaonan. Kaimanaiman ukakuwaapan Jewnao ati Jesus dau�an. Ukian, “Mishi�o uruu Christ, Tominkaru kowaadauzoniaz padyuudan nii kazannaata�o nii ipai pidannao." 6 Mazan aonaa ĩmishida�azon, tuukii ĩdakoopan Paul kuwaa dikauda kida�o ida�an. Uruu idi sariapa uso�otan pashooton, na�iki uziianuzu ĩkanaapu iti, na�iki ukian ĩ�ati, “Tominkaru pataka�utan dono unao u�oian dikin ii, uaipan ati�o wuru�u. Aonaa õgaru aipan ati�o mani. Mazan aizii õmuudan nii unao, na�iki õmakon ni�i naa Gentilenao di�iti, ĩnao ati�o ni�i naa pa�an aizii õkakuwaapan." 7 Udauna�an umakon naa, usookadina�anan Gentile dapu iti, Titius Justus kia�o u�uu. Uruu toriinpauzo Tominkaru ati. Na�iki maonapa�o udapu synagogue dazaba�a. 8 Mazan kaina�a Jew, Crispus kia�o u�uu. Uruu kazowautapa�o synagogue dapunaa. Uruu tuukii pa�an umishidan Paul kuwaa Jesus daua�o. Na�iki ipai pidannao, mashaapainao kida udapu ii, ĩmishida kapam wuru�u kuwai kidaz. Na�iki iriba kapam Corinth sannao abatan Paul kuwaa na�iki tuukii ĩmishidanuzu. Uruu idi ĩchikaawunuinan. 9 Baukapaiman, aiwaka�an Tominkaru paradan Paul ati, uzanda�awun ii. Kaikapa�a wuru�u kii-karuz u�ati: “Mana�a putaria�ana�a, na�iki mana�a pusookada�ana�a wuru�u pukakuwaapatinanuz pidannao ati. 10 Aona�o nii õmuudapan pugaru, na�iki aona�o nii kanom sha�apatan pugaru. Usha�apanum kau�an di�oraz donoi ida�a kaina�a iriba õpidanannao." 11 Uruu idi Paul na�ian Corinth ii utominapa-kidan pidannao Tominkaru Paradan dau�u, bauda�apa wunu pazikon an powa�a. 12 Na�apaini�i naa Gallio zaamata-kao tuubaru�o naobanai nii pidannao ati, wuru�u mashaapainao kidaz ipai Achaia ii aka. Uruu dono Jewnao baokopatinan na�iki ĩzaamatan Paul. Udauna�an ĩna�akan naa uruu tuubaru�o naobanai kanaapu iti, marii kizi ukootowapa-kida-kao na�ii. 13 Ĩkian Paul dau�an, “Di�oraz pidana�a, uaipan papana�adan pidannao nyukunuu, ĩtoriinapa kizi Tominkaru ati, pana�a�o wakakinaorinaa ai." 14 Paul parada�aka�azon padamata, upu�a�a naa mazan naobanai Gallio parada�akan Jewnao ati. Ukian, “Di�oraz pidan sha�apatan an mani dikauda kida�o aimaakan, minziiwa mani õabatapan ukuwaa. 15 Mazan õabatan kaiwuru�u, soo ukashadaakapan parada-karu dau�an, pidan uu dau�an, na�iki unao kakinaorinaa sodi kida dau�ana�o karikaonan. Marii unao sakitapadan uaipan ati wuru�u aimaakan kidaz. �garu aonaa turuu õkootowapatin-kidan pidan kaikapa�o dikin ii karikaonanu�u!" 16 Uru�u naa mazan uwaata�akan naa pidannao kootowapa-kizai iki. 17 Sariapa na�iainao Greeknao zaamata�akan naa Sosthenes, kazowautapauzo synagogue. Na�iki ĩba�iziautapa�akan naa kowas uruu na�ii, maonapa kootowapa-kizai paniinomizinaa ida�a. Mazan aonaa Gallio nyukunuupan wuru�u ĩba�izimikipanuzu. 18 Mazan upu�u Paul na�ian zii kotua�iki zaa Corinth ii, mishidainao tuma. Uruu dauna�an umakon naa udaru�o kanawa ida�an, mako�o Syria iti, Aquila na�iki Priscilla mako�o kapam kanawa ida�an. Cenchreae iki�o wuru�u ĩzaamatanuz kanawa. Mazan pamakon ua�ii Paul madii-kida�akan pazowaud, paipaian idi�i naa wuru�u pakowaadauzoniaz pasha�apata�azon Tominkaru ati. 19 Ephesus ii kanawa sannao mashaadina�akan. Uruu idi na�ii Paul maaratina�akan zii kanawa di�iki. Aizii Priscilla na�iki Aquila na�ia�o ni�i naa pa�an ĩmaaratinan. Uruu idi na�ii Paul miitiniipa�akan Jewnao tuma, synagogue ii. Tuukii padamata ĩaipan Paul na�ia�akan zii tomunu�iki zaa patuma, mazan aonaa Paul nyukunuu na�apan. Uruu idi ukian ĩ�ati, “Tominkaru aipan an õwa�atin da�ati�i, õwa�atin nii koshan unao ida�ati,” ukian ĩ�ati. Na�ia�a naa pa�an Priscilla na�iki odaiaru wa�akinan. Aizii Paul udobatan naa koshan kanawa ida�an. 22 Na�iki�o umakon atii ukaawan Caesarea iti. Na�ia�a naa umaaratinan kanawa di�iki. Na�iki�i naa umakon pakidiba ida�an Jerusalem iti, utukapa�anan mishidainao. Uruu dauna�an udobatan naa koshan atii ukaawan powaa iti Antioch iti. 23 Masakauda�u una�ia�akan, udauna�an umakon naa koshan. Umakon ipai pakakuwaapatin-kizi kida amazada kawana�ati, Galatia Baara ii aka na�iki Phrygia Baara ii aka. Uma�ozakadan ipai mishidainao nyukunuu na�ii�aka. 24 Uruu dono Jew, Apollos kia�o u�uu, Alexandria ia�o ushakatan, kaawan Ephesus ati. Uruu paraaba�o manawun pidan. Na�iki kaiman-daunu�o uaitapan saada-kariwaiz kida Tominkaru paradan. 25 Na�iki kaimanaiman kapam utominapa-kida-kao Naobanai Jesus kaduz kida dau�u. Uruu idi ma�ozaka ukakuwaapan na�iki kaiman utominapa-kidan pidannao Jesus dau�u, na�iki usha�apaapanii kida dau�an. Mazan chikaawunuuapa-karu dau�u, uaitapa soo bauda�apa John chikaawunuupan dau�u karikaonan. 26 Mazan ma�ozaka ukakuwaapan Jewnao ati synagogue ii. Priscilla na�iki Aquila abata wuru�u ukakuwaapanuz. Uipaian dauna�an pakakuwaapan, sariapa ĩna�akan uruu padapu iti. Na�ia�a naa ĩkakuwaapan u�ati kaimanaiman uaitapa-kinaa nii powa�a zii na�apam Tominkaru aipan pamishida-kao. 27 Uruu dauna�an Apollos di�itinpan, ukakuwaapatina�ana�azon Achaia iti. Uruu idi Ephesus ikiinao mishidainao kaminka�utan Apollos, pasaadan ida�an kaarita ba�oran mishidainao di�iti, Achaia iainaouz, marii kizi ĩdapaapan uruu ukaawan an. Aizii ukaawan dauna�an na�iti, kaiman mishi ukaminka�utan mishidainao, wuru�u Tominkaru kamunanun ida�ana�oraz ĩzaamatan Jesus panaobanaa nii. 28 Na�iki ma�ozaka Apollos kashadaakapan Jewnao tuma na�ii. Iriba�o pidannao abatapan pu�u, utukapa-kidan ĩ�ati Tominkaru paradan di�iki, mishi�o wuru�u Jesus, uruu Christ.

‹ Chapter 17 ACTS — All Chapters Chapter 19 ›

ACTS 18

Cite / Share This Page