ACTS 2

WBT

‹ Chapter 1 ACTS — All Chapters Chapter 3 ›

1 Aizii Pentecost kamoon kaawan dono�o naa, ipai mishidainao kasaba�ukinan baokopa, bauda�apa�o kabaun nazo ii. 2 Masha�apakiaka ĩabata aimaakan wa�atin diiwa aokazi iki, ma�ozaka�o awaru wa�atin kawanu�o. Ipai pidannao, sakanatapainao kabaun nazo ii abatanuz. 3 Upu�a�a naa ĩtukapa�akan iriba tikazi pu�ukapan kawan sodi kida�o aimaakan, na�iki ĩtukapan naa ĩbuutinan ipai pidannao kawana�ati kida. 4 Uru�u dono Kaimana�o Doronaa morotinan na�iki uma�ozakadan naa ipai ĩdyaun. Sariapa ĩparadan pabi�inaaka�o parada-karu kida ida�an, Kaimana�o Doronaa aipan kawana�ati. 5 Uruu dono iriba�o Jewnao, Tominkaru-tapainao, kasaba�uinpan Jerusalem ii. Ĩnao wa�atin munapo kida�o wiizai di�iki. 6 Ipai ĩnao, masha�apakiaka ĩabatan diiwa�o aimaakan wuru di�ia�a mishidainao kasaba�ukinapa-kizi ii. Uruu idi iriba ĩdiman na�iti, ĩtukapa�ananuzu. Uru�u naa mazan ĩabatan mishidainao paradan paparadan kaduz kida ida�an. 7 Tuukii ĩdi�itinpan ĩdau�u. Sariapa ĩkian pa�atiaaka kida, “Ei, ipai sha�atii wunaou�u pidannaouz Galilee Baara sannao pa�idiwaru, 8 mazan na�apa di�i naa mooko waabatan ĩparadan kaiman, waparadan kaduz ida�an kida? Ipai waunao di�i pana�a kida�o waparadan, na�iki ba�oran wiizai iki kida�o pa�idiwaru wawa�atin. Kaina�a wa�atiinao Parthia Baara iki, ba�orainao Media Baara iki, na�iki Elam Baara iki, ba�orainao Mesopotamia Baara iki, Judea Baara iki, Cappadocia Baara iki, ba�orainao kida Pontus Baara na�iki Asia Baara iki. 10 Kaina�a ba�orainao kida wa�atiinao Phrygia Baara iki na�iki Pamphylia Baara iki, ba�orainao kida Egypt Baara iki, pabi�i kida pidannao wa�atin Libya Baara iki, maonapa�oraz donoi Cyrene itinapu. Kaina�a kapam Rome ikiinao, 11 Jewnao kaawan na�iki ba�oran kaduz pidannao, zaamatinainaouznaa Jewnao kaduz di�iti. Na�iki kaina�a kapam Crete Baara na�iki Arabia Baara ikiinao. Ipai waunao wawa�atin ba�oran amazada iki kida�o, mazan upu�u zii waabatan kaimanaiman ĩkowaadan Tominkaru sha�apatanii, umanawun kida�o aimaakan, waparadan kida ida�an." 12 Tuukii, tuukii ĩdi�itinpan, aonaa ĩsookadan papishaan pairibannao kida. “Kandii ni�o wuru�u aimaakan sha�apanuz na�apa?” ĩkian. 13 Mazan ba�orainao, ĩbankiitan mishidainao, kaikapa�a: “Ashu, ĩpo�idin karikaonan wuru�u,” ĩkian. 14 Udauna�an Peter kadishitan naa baokopa wunao tuma�a, 11 apostlenaouz. Na�iki ukian naa ĩ�ati, ma�ozaka�o ida�an, “�iribannao Jewnao, tawarainao, na�iki Jerusalem sannao. Uabata õparadan. �kowaada�azon u�ati wuru dau�ana�a aimaakan uabataniaz aizii. 15 Unao kian, ‘Wunao po�idin wuru�u.’ Aonaa wapo�idin, aizii zii wakanada�akan, na�iki waoko ii zii kamoo. 16 �aipan uaitapan wuru dau�ana�a utukapaniaz sha�apan aizii, tawuru�u naa wuru�u mishiina�oraz, prophet Joel saadauzoniaz kotua�a naa. Kaikapa sha�atii tawuru�u ukiauzonuz. 17 Tominkaru kian pidannao ati: ‘Kaikapa�o nii õsha�apatan aimaakan diina�iti�i, amazada tokon ua�ii, õtaan nii õDoronaa ipai pidannao ati. Na�iki udainao daonaioranao na�iki zunnao, kowaadapan nii õparadan; na�iki tominnarunao ati, õtukapa-kidan nii mishi�o aimaakan zanda�awunii ia�o kawanu�o nii. Aizii tunarunaonao ati, õtukapa-kidan nii mishi�o aimaakan ĩzanda�awun ii. 18 Uruu dono õtaan nii õdoronaa õpoitorunao nyukunuu iti, daonaioranao na�iki zunnaouz. Na�iki ĩkowaadan nii õparadan kida. 19 Uruu dono õaidan nii umanawun kida�o aimaakan di�itinapa-kinai ni�o, doko ii na�iki imi�i baara�a. Uruu dono pidannao tukapan nii izai, tikazi, na�iki podidi�o tikazi shan. 20 Uruu dono maruta�o nii kamoo, na�iki kauzu wuza�o nii izai kawan. Wuru�u aimaakan kida sha�apan nii kaikapa�a, umanawunu�o kamoo, õgaru Naobanai Kamoon kaawan ua�ia�o nii. 21 Na�ia�oram pidan pishaa�o Naobanai kazannaatan paugaru, kazannaata-karu niiz.’ Kia�o wuru�u Joel saadauzoniaz. 22 “�iribannao Israelitenao, uabata õparadan. Kaimanaiman Tominkaru kainaabatan unao ati mishi�o udyuudanii wuru�u Jesus Nazareth sanaz, usha�apata-kidan ida�an u�ati umanawun kida�o aimaakan. Unao, uaitapa mishi�o kaiwuru�u õparadanuz, usha�apanum kau�an utukapani�i naa usha�apatan na�apa kida�o aimaakan, da�ana�a uwiizi an. 23 Paaipan kawana�ati�o wuru�u Tominkaru zaamata-kidanuz Jesus unao ati. Uaitapanii kotua�a naa, unao zaamatan niizu na�iki uzowii-kidan niizu, udyuudan ida�an oia�o pidannao taukanuzu cross di�iti. 24 Mazan Tominkaru kadishita-kida uruu mawaka-kizai iki. Ukakuda uruu powaa iti, aonaa mawaka-karu ka�iitan pataratapan uruu mawakainao bii ii. 25 Kaikapa sha�atii tawuru�u David saadauzoniaz Christ paradan. ‘�aitapa karikaonan kaina�a Naobanai Tominkaru õtuma, maonapa umashaapan õdazaba�a. Uruu idi aona�o nii kanom ai õtarian. 26 Ukau�an tuukii manawun õkonaukian, na�iki karikaonanu�o nii õkonaukii-kidan Naobanai. �aitapa na�iki õmishida pukadishita-kidan nii õnanaa powaa iti. 27 Aona�o nii pukashaapan õna�ian karikaonan mawaka-kizai ii. Na�iki aona�o nii putaapadan kaimana�o manawun pupoitoru nanaa dyupushan baaranai ii. 28 Pukowaadauzonii õ�ati, pukadishita-kidan nii õgaru powaa iti õmawakan dauna�an. �konaukian nii manawun putaapan idi õgaru pudazaba�a,’ kia�o David saadauzon. 29 “��inawuzunao, õkowaada�azon u�ati kaimanaiman, wadokozu-daun King David dau�an. Uruu kotua�a naa umawakan, kaina�a watukapan ubaaranaa kaida�a�a, atii kai. 30 Mazan prophet uruu. Uruu idi uaitapa na�iki umishida wuru�u Tominkaru kowaadauzoniaz pasha�apata�azon u�ati. Ukiauzonuz, uzaamatan nii bauda�apa David takaan-daun king nii, na�apa�o nii uruu kawan. 31 Tominkaru aipan ati, David aitapa na�apam nii aimaakan sha�apan diina�iti�i. Uruu idi�o ukowaadanuz Tominkaru kakudan nii Christ powaa iti pamawaka-kizi iki. Aona�o nii ukashaapan una�ian mawakainao bii ii, na�iki aona�o nii ukashaapan udyupushan baaranai ii. 32 Ukau�an uru�u naa wuru�u Jesus, Tominkaru kadishita-kidaniaz pamawaka-kizi iki. Mishi�o wuru�u ukakudanuz powaa iti, ipai waunao apostlenao tukapanuz. 33 Tuukii Tominkaru naubaan Jesus, uruu idi usakanata-kidanuz padiwa�ora antanapu Naobanai nii. Na�iki Tominkaru taa�a naa Kaimana�o Doronaa Jesus ati, ukowaadauzoniaz pataa�azon u�ati. Uruu Kaimana�o Dorona�a naa wuru�u Jesus taaniaz waunao mishidainao ati aizii, wuru�u unao tukapanii kidaz, na�iki unao abataniaz kapam. 34 Aonaa David sawatauzo-kao aokazi iti. Mazan upu�u zii ukian. ‘Naobanai Tominkaru kian õNaobanaa ati. Pusakanata õdiwa�ora antanapu, 35 atii õwaranuita-kidan putarubanao pu�ati.’ 36 “Ukau�an, marii ipai unao na�iki ipai ba�oran Israelitenao aitapan kaimanaiman, tawuru�u Jesus, unao tauka-kidaniaz cross di�iti, uru�u naa Christ, Tominkaru zaamataniaz Naobanai nii, kazannaata�o nii papidanannao." 37 Pidannao abatan dauna�an ipai wuru�u Peter paradanuz pa�ati kaikapa�a, tuukii ĩnyukunuu kasha�oran. Sariapa ĩpishaan Peter, na�iki ba�oran apostlenao kapam. “Wairibannao, na�apam nii dii washa�apatinan aizii?” ĩkian. 38 Peter kian ĩ�ati, “�iribannao, ipai unao, utanawatin u�oian ai na�iki uchikaawunuu-kidina�a naa umishidan idi�i naa Jesus Christ, Tominkaru mainaabata kizi ipai u�oian. Na�iki Tominkaru taa kizi�i naa u�ati Kaimana�o Doronaa. 39 Uruu wuru�u Tominkaru kowaadauzoniaz pataa�azon unao ati, na�iki utakaannao ati, na�iki Gentilenao ati. Mazan soo padapadaniinao pidannao ati�o nii wuru�u Naobanai waTominkarun taanuz Kaimana�o Doronaa." 40 Peter kakinaowan ĩdyaun kaimanaiman, na�iki powa�a zii koshan uparadan ĩ�ati, kaikapa�a: “Umuuda�a naa oia�o kai, aonaa kizi upataka�uta-kao diina�iti�i oiainao pidannao pataka�uta-kao dono�o naa." 41 Uruu idi iriba, iriba pidannao mishidan ukuwaa, na�iki ĩchikaawunuinan naa kapam. Uruu dono 3,000 pidannao mishidan Jesus, na�iki ĩbaokopatinan naa wunao bii iti�i mishidapainaouznaa. 42 Uruu dauna�an karikaonan da�i ĩbaokopainpauzon. Minziiwa ĩtominpan apostlenao di�iki, na�iki ipai ĩbauda�apatan panyukunuu Tominkaru dau�ati. Ĩnikan bread baokopa, ĩnyukunuitapa-kinaa nii Jesus mawakan, na�iki ĩtoriinpan baokopa kapam Tominkaru ati. 43 Uruu dono, Tominkaru aipan ati apostlenao sha�apatan umanawun kida�o aimaakan, aona�oraz turuu usha�apatauzo-kao. Tuukii pidannao di�itinpan wuru dau�a�a ĩsha�apatanii kidaz. 44 Na�iki mapuda ĩbaokopainpan ba�oran mishidainao kida tuma. Na�iki karikaonan da�i ĩka�idiwaakapan pa�atiaaka kida. 45 Na�ia�oram pidan sellian dono pasha�apauz, utaan nii wuru�u pasha�apauz winipinaaz ipai mishidainao kawana�ati, ĩtorii-kinaa nii paaiapanii manawun aimaakan. 46 Ipai kamoo mishidainao baokopatinauzon Tominkaru Dapu ii. Panaadon ĩbaokopatinan nii mishidainao dapu ii kapam, konaukii ĩaroopan baokopa, na�iki ĩnikan nii kapam bread panyukunuitapa-kinaa nii Jesus mawakan. 47 Karikaonan ĩkonaukiitin-kidan Tominkaru. Uruu idi tuukii pidannao naudapan wuru�u mishidainaouz. Ipai kamoo Jesus kazannaatan pidannao ĩ�oian ai. Uruu idi powa�a zii manawun mishidainao iribainan.

‹ Chapter 1 ACTS — All Chapters Chapter 3 ›

ACTS 2

Cite / Share This Page