ACTS 3

WBT

‹ Chapter 2 ACTS — All Chapters Chapter 4 ›

1 Bauda�apa kamoo wachuupun ua�ii, Peter na�iki John makon koshan Tominkaru Dapu iti, ĩtoriinpa�anan Tominkaru ati, Jewnao toriinpauzon kawana�ati. 2 Aizii kaina�a daonaiora kaawa-kida-kariwai Tominkaru Dapu paniinomizinaa di�ii, dakota-kariwaiz Konaunama�o Paniinom kii. Wuru�u daonaioraz aona�o uchi�ikauzon pashakatan iki�o. Ipai kamoo pairibannao na�akauzonuzu Tominkaru Dapu paniinomizinaa di�iti, upishaa kizi puraata pidannao ai, ĩmorota�anan pu�u Tominkaru Dapu iti. 3 Aizii wuru�u daonaioraz, utukapa Peter na�iki John morota�anan Tominkaru Dapu iti. Sariapa ukian ĩ�ati, “Utaa shoman õpuraatan sodi nii." 4 Sariapa ĩawunuupa�akan u�idi�iti, na�iki Peter kian, “Puabata." 5 Sariapa daonaiora awunuupa�akan ĩ�idi�iti, aonaa upanadankan paawun ĩ�ai, uzauda-kidan ĩtaa�azon puraata pa�ati. 6 Mazan Peter kian u�ati, “Aonaa õpuraatan nii, mazan õtaan nii aimaakan kaina�a�o õ�ida�a. �kian pu�ati, puchi�ika Jesus Christ, Nazareth san uu ida�an." 7 Uzaamatanuzu paka�u kadu iki ukadishita-kidanuz. Masha�apakiaka daonaiora kidiba na�iki utaba�u kida ma�ozaka�akan, 8 uru�u naa ukadishitan, na�iki uchi�ika�akan naa kapam. Sariapa umorotan Peter na�iki John tuma Tominkaru Dapu iti. Na�ii uchi�ikaadanaan na�iki uzaka�uudanaan, ukonaukii-kidan Tominkaru. 9 Aizii pidannao tukapan idi na�iki ĩabatan idi wuru�u ukonaukii-kidanuz Tominkaru kaimanan pa�ati, 10 sariapa ĩaitapa�akan uru�u naa tawuru�u sakanatapauzoz Tominkaru Dapu paniinomizinaa ii, pishautauzoz puraata pidannao ai. Tuukii pidannao di�itinpan patukapan idi aimaakan sha�apan u�ati. 11 Aizii wuru�u daonaioraz, na�a uzaamatinpan Peter na�iki John kadu iki, Solomon�s Porch di�ii. Iriba pidannao diman ĩ�ida�ati, ĩtukapa�anan ĩdyaun. Tuukii ĩdi�itinpan udau�u. 12 Peter tukapan idi iriba pidannao, sariapa uparadan ĩ�ati, kaikapa�a: “�iribannao, Israelitenao, kanom ni�o uawunuutapan na�iki udi�itinpan wadau�u? U�itiiman wakaimanan ida�ana�o manawun oo wama�ozakan ida�ana�o karikaonan wuru�u wachi�ika-kidanuz di�ora�a daonaiora? Aonaa turuu washa�apatan aimaakan kaikapa�a wa�ida�a! 13 Mishi wadokozu-daunnao Abraham, Isaac, na�iki Jacob, na�iki ipai wairiban-daunnao Tominkarun. Uruu tuukii pa�an ukonaukii-kidan na�iki unaubaan papoitoru Jesus. Mazan unao, tuukii uaipan uzowii-kao, na�iki tuukii ukashadan, na�iki udakoopan uruu Pilate kanaapu�u, umuuda�azon pu�u padamatazu. 14 Mazan aonaa unao nyukunuu na�apan, aonaa uaipan wuru�u kaimana�oraz pidan aona�oraz usha�apatan oia�o muuda-kao. Soo uaipan pa�an Pilate muuda-kidan zowii-miki pidan. 15 Uruu idi uzowii-kidan wuru�u taa�oraz kakupa-kinai. Mazan Tominkaru kakuda na�iki ukadishita-kida uruu pamawaka-kizi iki. Ipai waunao watukapa uruu, ukadishitan dauna�an. 16 Uruu Jesus uu ida�ana�o wuru�u wachi�ika-kidanuz machi�ikaka�o, wamishidan idi Jesus tuukii manawun, na�iki machi�ikaka�o mishidan idi kapam uruu tuukii. Ipai unao utukapa aizii di�i ukadishitapanu�u. 17 “Uabata õiribannao! �aitapa unao na�iki uzowaunaanao sha�apatan Jesus kaikapa�a, usha�apanum kau�an umaaitapakan idi Tominkaru dyuudanii wuru�u uruuz. 18 Tominkaru kowaada-kidani�i naa sha�atii kotua�a naa prophetnao ida�an, wuru�u padyuudan nii Christ, mazan pidannao pataka�utan niizu na�iki ĩzowian niizu. Aizii watukapa na�apa�a naa mishi Tominkaru mishii-kidan paparadan. 19 “Ukau�an umuuda�a naa na�iki utanawatina�a naa usha�apaapan ai oia�o, umashaapa kizi�i naa pa�an Tominkaru aipan kawana�ati, umainaabata kizi ipai u�oian u�ai. Na�iki Tominkaru tiwaa-kida kizi unao ati kaimana�o na�iki konaunama�o mashaapa-karu unyukunuu ii. Na�iki udyuudan nii koshan Christ da�ati�i unao na�iki waunao ida�ati. Usha�apanum kau�an uruu Jesus, Tominkaru zaamataniaz kazannaata�o nii na�iki kazowautapa�o nii ipai daunuuda�u waunao. 21 “Jesus na�ian nii zii aokazi ii, atii Tominkaru pa�inaadan ipai wuru�u patomanii kidaz aimaakan. Na�apa sha�atii ukowaada-kidauzon kotua�a naa kaimanainao prophetnao ida�an. 22 Kaikapa sha�atii tawuru�u Moses kiauzonuz Christ dau�an, ‘Naobanai waTominkarun zaamatan nii pidan unao bii iki prophet nii, ukowaadapan nii Tominkaru paradan na�apa õgaru kawan. Uabata kizi pa�i ipai aimaakan ukowaadanii u�ati, uizo�ati kizi na�iki usha�apatin kizi uparadan kawana�ati. 23 Na�ia�oram pidan aona�o uabata�azon na�iki aona�o uizo�atin uparadan, Tominkaru mainaabatan niizu papidanannao bii iki.’ 24 “Na�apa sha�atii Prophet Samuel kowaadauzon, na�iki ipai ba�oran udawu�ati kidainao prophetnao, ĩkowaadapauzonii kapam ipai wuru kida dau�ana�a, watukapanii kidaz naa usha�apaapa-kao da�ana�a. 25 Uru�u naa tawuru�u prophetnao ida�ana�oraz Tominkaru kowaada-kidan pasha�apata�azon na�iki pataa�azon wadarunnao ati. Ipai waunao Jewnao ati�o kapam wuru�u utaa-kaoaz, usha�apanum kau�an ĩdani-daunnao wuru�u waunaouz. Ukiauzon Abraham ati, ‘�kamunan-kidan nii ipai pidannao imi�i baara anainao, bauda�apa�o putakaan-daun ida�an.’ 26 “Aizii Tominkaru dyuudan dono�o naa papoitoru, udyuudan uruu kiwiin waunao Jewnao ida�ati kaminka�uta�o nii waunao, utanawatin-kidan ida�an waunao, washa�apaapan ai oii kida�o aimaakan,” Peter kian ĩ�ati.

‹ Chapter 2 ACTS — All Chapters Chapter 4 ›

ACTS 3

Cite / Share This Page