ACTS 28

WBT

‹ Chapter 27 ACTS — All Chapters Chapter 29 ›

1 Wamaaratinan dauna�an unaawa ati, ukowaada-kao wa�ati, katonaru Malta Baara�a�o wuru�u wamaaratinanuz. 2 Tuukii kawiiziinao konaukii-kidan patukapan waunao. Upu�a�a naa wunu kaawan, na�iki wadidi amazada. Sariapa ĩpu�ukadan tikazi wa�ati. 3 Paul zowaidan naa zowaakaru na�iki udokobatan naazu, na�iki usharawaan naa tikazi. Tikazi wiichan idi, sariapa kowazaz mawaka-kinai, koditan zowaakaru bii iki, na�iki sariapa uarotan Paul paka�u ida�a, aonaa umuudinan una�an ukazadinpan uka�u kadu iki. 4 Aizii kawiiziinao tukapan idi wuru�u kowazaz arotanuz Paul ka�u, sariapa ĩdi�itinpan udau�u, na�iki ĩkian pa�atiaaka kida, “Ei, zowia�o pidan arawu�u! Aonaa umawakan oo unaraan paran baoko�o, mazan watominkarun, wuru�u sha�apata�oraz pa�an pidan pa�oian dikin ii, mishi�o nii uzowii-kidan uruu kowazaz arotan ida�anazu." 5 Sariapa Paul ra�oka�akan kowazaz tikazi wu�iti, mazan aonaa usha�apan paarota-kao pu�u. 6 Ĩzaudapan naa Paul poodan, na�iki ĩtukapa�azon naa udorautan masha�apakiaka oo umawaka�akan naa, mazan tomunu�u naa uarota-kao dauna�an, aonaa kanom sha�apan u�ati. Uruu idi ĩpana�adan naa padi�itinpan, na�iki ĩkian, “Ei, tominkaru pa�i uruu!" 7 Maonapa wamaaratin kizi amazada iki, kaina�a udaru kida�o zakapu baara, Publius paoriba baawu kida, uruu kazowautapa�o wiizai uruu katonaru baara ii. Wamorowautapankan dono udapu ii, tuukii ukonaukii-kidan waunao, idikinauda�u kamoo utaapan waunao padapu ii. 8 Uruu dono tuukia�o Publius daru karinaan, umada wiichan na�iki utyoodapan izai. Uruu idi Paul morotan uda�awupa-kizi iti, na�iki umuudan paka�u u�ida�a, na�iki utoriinpan, upishaan Tominkaru marii kizi karina�o kakudan, sariapa mishi ukakuda�akan. 9 Ipai pidannao kawiizi-tinpainaouz katonaru di�ii abatan wuru�u usha�apatanuz aimaakan na�apa, uruu idi na�apainim ĩiribannao karinaan dono, ĩna�akan nii ĩdyaun Paul ida�ati, na�iki ipai ukakudan ĩdyaun. 10 Idikinauda�u kauzu wana�ian ĩtuma, kaiman ĩtaapan waunao, ĩtaa wa�ati aimaakan mawinipinaa-daun kida. Aizii wadobata�azon dono�o naa, iriba pidannao na�akan aimaakan kida wa�ati wakaiwaan nii, na�iki wanikan nii wamakopa-kizi an. 11 Idikinauda�u kauzu dauna�an, wamakon naa ba�oran kanawa ida�an, “Shamaannao Tominkarunao” kia�o u�uu. Wuru�u wiizaiz wamaratin-kiziz, di�ia�a naa kanawa na�akapikinao mashaadinan amazada wadidiizon dono. Alexandria iki�o wuru�u kanawa na�akapikinao wa�atipaanuz. 12 Uruu idi baokopa�a naa wamakon ĩtuma atii wakaawan Syracuse iti, idikinauda�u kamoo wana�ia�akan. 13 Na�iki�i naa koshan wamakopaanan atii wakaawan kanawa sookadinauzo-kizi iti, Rhegium ia�oraz. Ba�oran kamoo wadobatan koshan, uruu dono awaru kaawan wabarau ikinapu. Uruu idi dya�utam kamoo ida�a wakaawa�akan naa donoi Puteoli iti, Italy Baara ia�oraz naa. 14 Uruu wiizai di�ii waikoda mishidainao Jesus. Ĩpishaan waunao ĩaipan wana�a�akan zii patuma bauda�apa soondii sakodaz. Uruu idi wana�ia�akan zii ĩtuma. Uruu wiizai di�iki wakidiba ida�ana�a naa wamakopaanan Rome iti. 15 Aizii mishidainao Rome iainaouz abata�aka�a naa wuru�u wawa�atipanuz, sariapa ĩwa�atin ĩikodapa�anan waunao. Waikoda pabi�i kida mishidainao zaudapan waunao market ii, Appius ia�oraz. Na�iki�i naa wadobatan baokopa ĩtuma, atii wakaawan wiizai di�iti dakotapa-kariwaiz Idikinauda�u Sookapa-kizai kii. Na�ii ba�oran mishidainao zaudapan waunao. Paul tukapan idi ĩdyaun, tuukii ukonaukii-kidan Tominkaru. Uruu idi powa�a zii uma�ozakadan panyukunuu Tominkaru ati. Atii baokopa�a naa wakaawan ĩtuma donoi Rome iti. 16 Aizii wakaawan dono�o naa Rome iti, aonaa Paul taratapa-kao na�ii. Kashaapa-kao umashaapan pa�ida�a, mazan kaina�a soldyaa muuda-kao awunuutapa�o nii uruu. 17 Idikinauda�u kamoo Paul kaawan dauna�an, udapada-kidan naa kazowautapainao Jewnao Rome ainao kidaz. Aizii ĩbaokopatinan dauna�an u�ida�ati, ukadakotinan naa ĩtuma. Ukian, “��inawuzunao, Jewnao, õkia�azon unao ati, aonaa õsha�apatan dikauda�o aimaakan wairibannao Jewnao ati, na�iki aonaa õpana�adan oo õdakoopan waunao Jewnao kaduz kida, wuru�u wadokozu-daunnao dyuudauzonii kidaz washa�apatan. Mazan upu�u Jewnao zaamatan õgaru Jerusalem ii, atii ĩtaraa-kidan õgaru Rome iki�o naobanainao ati. 18 Aizii õkootowapa-kida-kao dono�o naa, aonaa kanom Rome ikiinao ikodan dikauda�o nii õsha�apatan, õzowii-kida-kinao nii. Uruu idi ĩaipan padamata õmuuda-kao. 19 Mazan aonaa Jewnao aipan õmuuda-kao. Uruu idi õpishaan õdyuuda-kao da�ati�i Rome ati. Mazan aonaa õkadakotina�anan mani dikauda õiribannao Jewnao dau�an, soo õparada�azon idi õdau�an naobanai Caesar kanaapu�u, da�a�a õkootowapa-kida-kao dono. 20 Uruu idi�o õdapada-kidan unao, õkakuwaapa�azon na�iki õkowaada�azon idi u�ati kanom dikin ia�o wuru�u õzaamata-kaoaz. Utukapa di�i, õanoba sukuruutapa-kao chain idi, aonaa kanom dikin ia�o mani, soo õmishidan idi�o Christ, tawuru�u tuukia�oraz naa Israelitenao zaudapan." 21 Sariapa ĩkian Paul ati, “Aonaa zoobaba kaarita dyuuda-kao wa�ati, Judea Baara iki pudau�an. Na�iki aonaa kapam wairibannao kaawainao kida na�iki kakuwaapan pudau�an. Uruu idi aonaa kanom dikauda�o nii waabatan pudau�an. 22 Waunao, waabata�azoo kapam na�apa�oram wuru�u pumishidanii kidaz. Usha�apanum kau�an ipai amazada kawana�ati waabatan dikauda kida pa�idiwaru pidannao kadakotinan wuru dau�ana�a pumishidaniaz." 23 Uruu idi ĩkainaabatan naa kanom dono�o nii ĩabata�azon wuru�u ukuwaa kidaz. Paainaa kamoo dono�o naa, iriba pidannao kaawan Paul mashaapa-kizi ati. Uruu idi ukakuwaapan ĩ�ati chaapi�iki, atii wachuupun di�iti. Kaimanaiman ukowaadan ĩ�ati na�apa�oram manawun wuru�u Tominkaru naobanaita-kaoaz naa. Na�iki kaimanaiman ukowaadan ĩ�ati, ipai aimaakan tawuru�u Jesus sha�apatanii kidaz, na�iki kasha�ora kida�oraz ubaiaapauzon na�apa manawun tawuru kawana�ati�i, Moses na�iki Tominkaru prophetinnao saadauzonii kidaz Christ dau�u. 24 Pabi�i kida pidannao tuukii ĩmishidan wuru�u ukuwaa kidaz, ba�orainao aonaa ĩmishidauan. 25 Uruu dikin ii tuukii ĩkashadaakapan pa�atiaaka kida. Mazan ĩkoditan ua�ii paniba iti, Paul kian ĩ�ati, “Mishi�o mishi tawuru�u Kaimana�o Doronaa kiauzonuz wadokozu-daunnao ati, prophet Isaiah ida�ana�oraz ukowaada-kidauzon. 26 Kaikapa sha�atii tawuru�u ukianuz: ‘Pumako di�oraz pidannao di�iti, na�iki pukii ĩ�ati: Uabatautan nii kuwai powa�an kida, mazan aonaa na�apainim nii uaitapan wuru�u parada-karuz. Utukapautan nii aimaakan kida sha�apaapa-kao, mazan aonaa na�apainim nii uaitapanuzu. 27 Usha�apanum kau�an, tuukii manawun unyukunuu dadaran. Na�iki tuukii u�inidan ukinao umaabata�azookan idi parada-karu. Na�iki uawun utarata umatukapa�azookan idi. Aata utukapa mani, na�iki uaitapa mani padamata wuru�u utukapa�azooniaz. Na�iki sariapa mani padamata utanawatinan powa�a ati õ�ida�ati. Uruu idi õkakuda mani na�iki õsaabaa mani padamata unao, kia�o wuru�u Tominkaru kiauzonuz.’" 28 Uru�u naa Paul katokonta�akan naa paparadan kaikapa�a: “Ukau�an, õaipan unao Jewnao aitapan, Tominkaru dyuuda-kidan parada-karu wuru�u kazannaatin-karu dau�u kida�oraz, Gentilenao ati�o. Usha�apanum kau�an ĩnao, ĩabata na�iki ĩmishida pa�an wuru�u kuwai kidaz!" 29 [Sariapa Jewnao kodita�akan ĩabatan idi Paul paradan na�apa, tuukii na�iki ma�ozaka ĩkashadaakapan naa pa�atiaaka kida.] 30 Dya�utam wunu Paul mashaapan kabaun pakawinipinaapanii di�ii. Ipai umorota-kidan, na�iki unaubaan pidannao morowautapainao kida pa�ida�ati. 31 Kaimanaiman ukowaadan ĩ�ati na�apa�oram manawun wuru�u Tominkaru naobanaita-kaoaz, na�iki ipai ukowaadapan pidannao ati Naobanai Jesus Christ dau�an. Mabaa�azoo ukakuwaapan na�iki ma�ozaka kapam. Na�iki aonaa kanom mashaatan ukakuwaapatinan.

‹ Chapter 27 ACTS — All Chapters Chapter 29 ›

ACTS 28

Cite / Share This Page