LUKE 12

WBT

‹ Chapter 11 LUKE — All Chapters Chapter 13 ›

1 Aizii pidannao kaawan ĩkasaba�uinan Jesus ida�ati iriba, iriba, atii ĩkida�uaakapan. Pidannao kasaba�uinpan pu�u, Jesus kian patominapa-kidaniinao ati, “Uzaudin pa�i, aonaa kizi utamakapan wuru�u Phariseenao kaduz kidaz, kadimana�oraz uiribainan na�iki utuubarudinan, na�apa yeast tuubaruda�akan kawan poroom-bi�i. Ĩaipan karikaonan patukapa-kao kaimanainao pidannao kawan, mazan aonaa mishi�o mani wuru�u. 2 Mazan ipai dizapa-kariwai kidaz, ipai�o nii uaida-kida-kao. Na�iki ipai wuru�u taapa-kariwaiz mashaa, ipai�o nii uaitapa-kida-kao. 3 Ukau�an na�apam pukiauzon maruta�o-karu�u, ipai�o nii uabata-kida-kao kanada�o-karu�u. Na�iki kanom mashauda�u�o pukowaadan kabaun nazo ii, diiwa�o nii ukowaada-kao pidannao baokopainapa-kizi ii. 4 “Aizii õkian unao ati õpaonarunao. Mana�a utaria�ana�a wunao aia�a, zowia�oraz pidan. Ĩzowian dauna�an pidan, uruu ukaduz ĩsha�apatanii. 5 Mazan õkian u�ati, utarii pa�an Tominkaru ai, uruu mishi�o pa�an uma�ozakan. Uzowian dauna�an pidan, ukabootan niizu Tuubaru�o Tikazi wu�iti. Ukau�an õkian unao ati, uruu ai pa�an utarii. 6 Aonaa mooko baka�iauda�u parikowarunao selliauzo-kao dono, ĩwinipinaa soo dya�utam puraata sodi kida karikaonan? Mazan upu�u zii aonaa bauda�apa Tominkaru manyukunuutan ĩdyaun. 7 Na�iki atii uaitapa zii na�apauda�um uzowauda kida uzowau ida�a. Ukau�an mana�a utaria�ana�a. Aitaniiman unao, powa�a�o zii manawun umarainapa-kao, iriba�o parikowarunao ai." 8 “�kowaadan nii u�ati aimaakan mishi�o. Na�ia�oram pidan kowaada�o õpidanan paugaru ipai pidannao kanaapu�u, na�apa�o nii kapam Daonaiora Aokazi Iki�o, kowaadan upidanan uruu, ipai Tominkaru angelinnao abatapan pu�u. 9 Mazan na�ia�oram pidan kowaada�o pidannao kanaapu�u pamarina�atan õgaru, na�apa�o nii kapam õmarina�atan uruu Tominkaru angelinnao kanaapu�u. 10 “Na�ia�oram pidan dakoopa�o Daonaiora Aokazi Iki�o, upu�a�o nii mazan uDaru mainaabatan wuru�u dikauda kida�oraz uparadan udau�an. Mazan aizii pidan wuru�u dakoopa�oraz Kaimana�o Doronaa, aonaa na�apainim nii umainaabata-kao wuru�u uparadanuz. 11 “Aizii, uzaamata-kao dono, na�iki una�aka-kao dono synagogue iti kida, na�ii kizi upishaa-kao. Oo una�aka-kao dono naobanainao kanaapu iti. Aizii ĩpishaan dono�o naa unao na�ii, mana�a utaria�ana�a, oo udopiidina�ana�a udawatan dau�u na�apam nii udako�atin ĩparadan. 12 Usha�apanum kau�an Kaimana�o Doronaa kaminka�utan nii pugaru. Uruu ida�ana�o nii puaitapan na�apam nii pudako�atin pidannao paradan uruu dono." 13 Aizii pidannao bii iki, bauda�apa pidan kian Jesus ati, “Tiichaa, pudyuuda õ�inawuzu buutan kapam õidiwau nii, wuru di�iki�i aimaakan kida wadaru wa�akaniaz pamawakan idi." 14 Mazan Jesus kian pidan ati, “Kanom zaamatanii mooko õgaru buuta�o nii aimaakan patumaaka pugaru na�iki pu�inawuzu ati?" 15 Uruu idi powa�a zii koshan Jesus kian ipai pidannao ati, “Asaki�i, uzaudinapa pa�i. Aonaa kizi uaipaabi�ian na�iki una�azootapan pabi�inaaka sodi kida aimaakan. Usha�apanum kau�an kasha�apauzi-karu ida�an aonaa pidan ikodan konaukii-karu na�iki kaimana�o mashaapa-karu,” ukian ĩ�ati. 16 Udauna�an Jesus kowaadan naa ĩ�ati di�itinapa-kinai kuwai. Kaikapa�o wuru�u kuwai ukowaadaniaz ĩ�ati: “Kaina�a pidan kapuraatanu�o, na�iki kaina�a utaapanii udaru�o amazada, uzakapun wiizi kida. Uruu dono ipai upaoriba kida kaakan madowaaka kida pa�idiwaru. 17 Uruu idi udi�itinpan, na�iki ukian panyukunuu ii. ‘Na�apa dii pa�i õsha�apatinan, aonaa na�iam nii õkasaba�uan õpaoriba aka kida.’ 18 Udauna�an ukian panyukunuu ii. ‘�aitapa na�apam nii õsha�apatinan. �so�oobi�ian nii ipai wuru�u õsha�apauz dapunaa kidaz, õtoma kizi powa�a zii udaru kida�o manawun uwadaun nii. Uruu kaimana�o ni�i naa na�ii õkasaba�uan ipai õpaoriba aka, na�iki ipai ba�oran kaduz kida aimaakan. 19 Uruu dauna�an õkian nii õnyukunuu ii. Aizii kaina�a�a naa diri�i, diri�i wanyukunui, na�iki aimaakan kida kasaba�uu-kao. Turua�o nii õmashaapan u�ida�an kotua�iki, iriba�o nii wunu õdobatan u�ida�an. Aizii aona�o ni�i naa kanom dau�ati õdopian. �na�an ni�i naa kabaunu�u, soo õaroapatinan naa, na�iki õtuzapatinan naa na�iki õkonaukiitinan ni�i naa karikaonan.’ 20 “Mazan uruu dono Tominkaru kian u�ati. ‘Mishi pugaru maaitapin-ka�o pidan. Aizii wuru wamarutan ida�a�a õso�otan nii punizowan na�iki pumawakan nii. Aizii ipai pupaoriba aka na�iki ipai aimaakan wuru�u pukasaba�uunii kidaz, kanoma�o ni�i naa zaamataz?’" 21 Udauna�an Jesus kian naa koshan pidannao ati, “Na�apa kapam wuru�u pidannao, di�itinpainaouz soo pakapuraatanun dau�u. Kaina�a diri�i�i naa ĩkasaba�uan papuraatan na�iki pasha�apauz kida diina�iti�o tannaa ni�i. Mazan Tominkaru tukapan ĩdyaun mapuraatan ziwunao nii, usha�apanum kau�an aonaa ĩsha�apatinan Tominkaru aipan kawana�ati." 22 Udauna�an Jesus kian patominapa-kidaniinao ati, “Aonaa ukaziwadapa�ana�a uzowau udi�itinpan ida�an kanoma�o nii unika na�iki utuza ukakupa-kinaa nii, oo kamicha ukaiwadan nii dau�an. 23 Mishi�oraiman kakupa-karu, powa�a�o umanawunun wanyukunui ai, na�iki nanai, powa�a�o umanawunun kamicha ai. 24 Aushaa udi�itapa watonao. Aonaa ĩpaowinan, aonaa ĩkasaba�uan papaoriba aka, aonaa ĩdapu nii oo aonaa ĩtoman kabaun kida pakasaba�uu kizi nii papaoriba aka. Mazan Tominkaru taapanii, na�iki upaapanii pa�an ipai ĩdyaun. Aitaniiman unao, powa�a�o zii umanawunun kotu�uznao ai. 25 “Turuu mani pidan ikodan pakakupa-kinaa nii kotua�iki zaa, padi�itinpan ida�an tuukii wuru dau�a�a aimaakan kidaz? 26 Aizii pumaturuukan an puikodan masakauda�u pukakupa-kinaa nii, pudi�itinpan ida�an kaziwa. Kandii nii mooko pukaziwadapa�azon zii puzowau ba�oran aimaakan kida dau�ati? 27 “Aushaa udi�itapa amazada ii aka�o soosoi, konaunam kida utukapa-kao. Padamata aonaa ĩkaudinan, aonaa ĩtoman pakamichan nii. Mazan õkowaadan nii unao ati, upu�u zii King Solomon, umanawun kida�o usha�apauz, umanawunu�o umashaapan. Mazan upu�u zii aonaa ukamichan konaunaman wuru kawanu�u konaunam kida�oraz soosoi. 28 Tominkaru taapanii na�iki ukakamichantapanii konaunam pinidi kida baara ii aka�o. Aizi�o putukapa�akan baara ii aka�o pinidi, kaiman na�iki ziwu. Mazan waikana�an ipai�o nii ukawaoda-kao, tikazi sharawaa-kao nii u�idi. Aona�o nii mooko Tominkaru saabaan na�iki ukakamichantan unao powa�a zii? Mishi unao masakauda�u sodi�o karikaonan umishidan. 29 Ukau�an aonaa ukaziwada�ana�a uzowau, udi�itinpan idi tuukii, uaitapa�azon idi kanoma�o nii unika, oo kanoma�o nii utuza. 30 Soo wunaou�u maaitapa-ka�oraz mishi�o Tominkaru, ĩnao pa�an kaziwadapauzonao pazowau na�apa. Udaru Tominkaru, ipai uaitapan wuru�u uaipanuz na�apa kida�o aimaakan. 31 Mishi�oraiman udi�itinapa tuukii Tominkaru naobanai-tinan dau�u, na�iki umashaapa kaiman uparadan kawana�ati. Uruu idi utaan nii u�ati wuru�u na�apa kida�oraz aimaakan. 32 “�dainao, aonaa utaria�ana�a una�apauda�u sodin idi karikaonan. Konaukia�o nii pa�an udaru Tominkaru taan kaiman kida�o aimaakan unao ati, wuru�u zaamatainaouz uruu panaobanaa nii. 33 Usellia�a naa usha�apauz kida, utaa kizi puraata pataka�utinainao ati. Ukapuraatan kizi na�iki ukasha�apauz kizi aokazi ii pa�an. Na�ii aona�o nii pa�an uipaiuzon, na�iki aona�o pa�an koidimikinao koidapan wuru�u usha�apauz kidaz. Na�iki aona�o nii pa�an mazinao nikan wuru�u usha�apauziz. 34 Aizii na�iam an pidan taapan pasha�apauz, karikaonanu�o nii utaapan panyukunuu wuru di�iti�i, utaapa-kiziz pasha�apauz. 35 “Zaudinpa�a naa pa�i pumashaapa, pukaiwadapa�a naa pukamichan, na�iki tuudinpa�a naa putaapa puzadao. Na�iki maodapa�a naa putaapa pulampan. Panaadon masha�apakiika�o nii aimaakan sha�apa�akan. 36 Na�apa puzaudapatin, poitoruinao zaudapauzon kawan panaobanaa kaawan, mazidainao aroapa-kizi iki. Aizii ĩnaobanaa kaawan, udau-dauan paniinom, kadiman ĩda�ata�akan paniinom u�ati. 37 Kaimana�o nii manawun wunao nyukunuu�u poitoruinaouz, ĩnaobanaa ikodan idi ĩdyaun pokodapa, na�iki zaudinapa. �kowaadan nii unao ati na�apam nii ĩnaobanaa sha�apatinan. Uso�otan dauna�an pachaakitan, udyuudan nii ĩsakanatan. Udauna�an umaokodan ni�i naa poitoruinao wanyukunuu nii miisa baara�a. Na�iki udyuudan ni�i naa ĩaroopan. 38 Kaimana�o nii manawun poitoruinao nyukunuu, panaobanaa ikodan idi ĩdyaun zaudinapa, na�iki pokodapa, ukaawan pu�u tomun-zikon oo tomun-zikon dauna�an. 39 “Aizii pidan kadapu�o aitapan an mani na�apainim koidimiki morotina�azon padapu, aona�o nii uwa�akan padapu. Mazan una�ian nii uzaudapan oo uawunuutapan, na�iki aona�o nii ukashaapan koidimiki shaazoan papaniinomiz na�iki aona�o nii ukashaapan umorotan padapu nazo iti. 40 Aizii unao, na�apa�a naa pa�i kapam umashaapa zaudinapa. Usha�apanum kau�an aona�o nii uaitapan na�apainim nii Daonaiora Aokazi Iki�o kaawan. Ukaawan nii umazaudinapakan pu�u." 41 Sariapa Peter kian Jesus ati, “Wanaobanaa, kaiwuru�u pukakuwaatinanuz di�itinapa-kinai kuwai ida�an, soo waunao ati�o kaiwuru�u? Oo ipai�o baokopa waunao na�iki pidannao ati�o kapam?" 42 Jesus kian u�ati, “Na�ia�oram poitorui zowaunaa kaina�a mishi�o ukaudinauzon kaiman, izo�atiaaba�o, na�iki aitapaaba�o kapam. Uruu�o nii naobanai zaamata kazowautapa�o nii ipai aimaakan, na�iki pidannao wuru�u mashaapainao kidaz udapu ii. Taapa�o nii kaiman ba�oran poitoruinao na�iki taa�o nii ĩwanyukunuu nii kaiman na�iki patumaaka, wanyukunui maokodauzo-kao kawana�ati, na�apa panaobanaa aitan kawana�ati u�ati. 43 Kaimana�o nii manawun poitorui nyukunuu, unaobanaa kaawan an na�iki uikodan uruu kaiman ukaudinan, ipai usha�apatan wuru�u panaobanaa dyuudanii kidaz usha�apatan. 44 �kowaadan u�ati mishi�o, unaobanaa dyuudan nii uawunuutapan ipai aimaakan wuru�u pa�idiwau kidaz. 45 “Mazan aizii wuru�u poitoruiz, zaamata-kariwaiz poitoruinao naobanaa nii, kian an panyukunuu ii, ‘Ei, kotua�a naa õnaobanaa makon, atii di�i aonaa zii ukaawan.’ Uruu dauna�an upataka�utan naa na�iki uba�izitapan naa wuru�u ba�oran poitoruinaouz, daonaioranao na�iki zunnao. Aizii uruu, umashaapan uaroapatinan naa, utuzapatinan naa, na�iki upo�idipan naa karikaonan. 46 Mazan bauda�apa kamoo unaobanaa kaawan nii. Ukaawa�akan nii masha�apakiaka, poitoruinao naobanaa mazaudinapakan pu�u, aona�o nii uaitapan panaobanaa kaawan. Uruu dono upataka�utan nii wuru�u poitoruinao naobanaaz tuukia�o ida�an manawun. Na�apa�o nii upataka�uta-kao pidannao dikintapainao kawan, aona�oraz ĩmishida�azon. 47 “Aizii poitorui, wuru�u aitapa�oraz padamata ipai kanom panaobanaa aiapanii, oo dyuudanii kida usha�apatan pa�ati. Mazan upu�u aonaa usha�apatinan sakita, padyuuda-kao kawana�ati. Uruu dikin ii uba�izii-kao nii tuukii. 48 Mazan aizii poitorui, aona�o uaitapan kanom panaobanaa aiapanii sha�apata-kao pa�ati, mazan upu�u kowas utiwaan pasha�apatan aimaakan, mazan usha�apatanuzu pana�iti karikaonan. Aizii usha�apatan idi aimaakan pana�iti, uba�izii-kao nii udikin ii masakauda�u. Aizii na�apam udiri�in aimaakan taa-kao pidan sha�apatan nii, na�apa�o nii kapam uaiapa-kao usha�apatan aimaakan, utaa-kao kawana�ati u�ati. Aizii pidan wuru�u taa-kariwaiz u�ati powa�a zii aimaakan usha�apatan nii, powa�a�o nii zii kapam uaiapa-kao usha�apatan aimaakan, utaa-kao kawana�ati u�ati." 49 Jesus kian, “�wa�atin da�ati�i, õdyuuda-kao idi õpu�ukada�anan tikazi imi�i baara an. Kadimana�ora�a naa padamata õaipan õmaoda-kidanuz. 50 Na�iki kaina�a zii kapam kasha�ora�o baiaapa-kida�azoo-kao õ�ati. Na�iki õapichauta-kida-kao nii ubaoko iti, pidan apichauta-kida-kao kawan wunu baoko iti uchikaawunuu-kao dono. Kasha�ora utaapan õnyukunuu, kadimana�ora�a naa padamata õaipan usha�apata�aka-kao, uipai aka kizi�i naa. 51 Kanom uzauda-kidan õsha�apata�anan wuru�u õkaawanuz da�ati�i? �na�akan kaimana�o mashaapa-karu, pidannao mashaapa kizi kaiman baokopa wuru amazada baara ana�a? �kowaadan nii unao ati kanom dau�ati�o wuru�u õwa�atinuz. �wa�atin da�ati�i imi�i baara ati, aonaa õbaokopata�anan mani pidannao, mishi�oraiman õbuutaaka-kida�anan pa�an pidannao pairibannao kida ai. 52 Uruu idi pidannao buutaakapan ni�i naa pairibannao kida ai. Panaadon kaina�a baka�iauda�u pidannao mashaapainao baokopa paudainao tuma bauda�apa�o kabaun ida�a. Panaadon idikinauda�u�o nii pidannao ĩnao bii iki zaamatan õgaru panaobanaa nii, uruu dikin ii wuru�u dya�utamainaouz to�oran ni�i naa ĩ�ati. Panaadon dya�utama�o nii ĩzaamatan õgaru panaobanaa nii, uruu dikin ii wuru�u idikinauda�uinaouz to�oran nii ĩ�ati. 53 Na�iki daruinao to�ora-kizaitapan nii paudainao daonaioranao, õgaru dikin ii, panaadon ĩdainao kida�o nii to�ora-kizaitapa padarunao õgaru dikin ii. Na�iki daroinao to�ora-kizaitapan nii paudainao zunnao õgaru dikin ii. Panaadon ĩdainao zunnaou�o nii to�ora-kizaitapa padaronao. Na�iki zunnao to�ora-kizaitapan nii padinizonao õgaru dikin ii, panaadon ĩdinizonaou�o nii to�ora-kizaitapa paimauzonao, õgaru dikin ii." 54 Udauna�an Jesus kian ipai pidannao abatapainao ati, “Aizii na�apainim utukapan isha�iz marutadinan wakadapu iki, sariapa ukian. ‘Akaa wa�ati wunu.’ Atii kaawa mishi wunu. 55 Aizii na�apainim utukapan an awaru wa�atin udaba ikinapa. Uruu idi ukian nii, ‘Akaa wiicha�o nii amazada aizii.’ Atii wiicha mishi amazada na�apain. 56 Unao taapinpainao kaimana�o kaikini�i! Uaitapa ukowaadan aimaakan sha�apa�azon. Aizii utukapan ida�an isha�iz marutan uaitapa wunu wa�atin. Na�iki awaru ida�an, uaitapa amazada wiichan nii. Mazan kanom ni�o mooko aonaa uaitapan ukowaadan, kanom ni�o wuru�u õsha�apaapanuz aimaakan kida kai, da�ana�a imi�i baara an?" 57 Jesus kian koshan, “Kandii nii mooko aonaa uaitapan uaipan ati, na�apam aimaakan sha�apata-kao kaiman na�iki sakitapa? 58 Aizii pukasharutaakapan an pidan tuma. Uruu dikin ii una�akan pugaru kootowapa-kizai iti. Mazan ukaawa-kidan ua�ii pugaru na�iti, putiwaa pusaabaa-kidan punyukunuu utuma. Aonaan an pusha�apatinan na�apa, mishi�o nii uawautan pugaru kootowapa-kidauzo pidan kanaapu iti. Udauna�an kootowapa-kidauzo pidan taan ni�i naa pugaru police ka�u iti, uru�o ni�i naa kaboota pugaru taraa-kizai iti. 59 �kian pu�ati, puna�ian nii, atii pukawinipinaatan ipai daunuuda�u aiapa-kariwai pukodita-kinaa nii."

‹ Chapter 11 LUKE — All Chapters Chapter 13 ›

LUKE 12

Cite / Share This Page