LUKE 5

WBT

‹ Chapter 4 LUKE — All Chapters Chapter 6 ›

1 Bauda�apa kamoo Jesus kadishitapan, Gennesaret Karishiiz danoma�a. Uruu dono iriba, iriba pidannao kaawan u�ida�ati. Na�ia�a naa ĩkasaba�uinan na�iki chakata�a naa ĩkaawan u�ida�ati, ĩabata�azon idi ukowaadan Tominkaru paradan. 2 Upu�u Jesus tukapan dya�utam kanawanao muudapa-kao karishii danoma ii. Kopautapauzonao muudapanii wuru�u pakanawan kidaz. Aizii wuru�u pidannaouz, ĩchikaapan naa pasaironnao na�ii wunu danoma�a. 3 Sariapa Jesus makon na�iki upaidinan Simon kanawan zo�iti, na�iki udyuuda ukida�ukan wuru�u kanawaz masakauda�u karishii danoma ai. Uruu idi Jesus sakanatan naa kanawa zo�ii, na�iki�i naa utominapa-kidan pidannao Tominkaru paradan dau�u. 4 Aizii uipaian dauna�an pakakuwaatinan, sariapa ukian Simon ati, “Ukida�uka kanawa baukapa�a naa kaana�o-karu iti, utunuuta kizi usaironnao na�ii, uzaamata kizi kopaunao." 5 Sariapa Simon kian Jesus ati, “�naobanaa, bauda�apa maruta�o watiwautan wazaamatan kopau da�a�a, mazan aonaa kanom wazaamatan. Mazan aizii pudyuudan idi õgaru, õtunuutan nii wuru�u wasaironnaouz, puparadan kawana�ati,” ukian. 6 Uruu idi na�ia�a naa ĩtunuutan pasaironnao. Na�iki sariapa ĩsaironnao zaamatan diri�i, diri�i kopaunao, aonaa uka�iita-kao kawana�ati. Atii ĩsairon kida aonaa uka�iitan naa pawazoo, maonapa kida ĩsairon dadotan, pawazoo kimishan idi manawun. 7 Sariapa ĩawarian pairibannao, wuru�u ba�oran kanawa zo�iainaouz kaminka�uta�o nii paugaru. Uruu idi baokopa�a naa ĩto�otan wuru�u sairo kidaz, ĩzaamata kopau diri�i, diri�i, ipai ĩpaidadan pakanawannao, maonapa kida ĩkanawan tipitan, uwazoo diri�in idi manawun. 8 Aizii Simon tukapan idi aimaakan sha�apan kaikapa�a, sariapa ukodoru�ukan Jesus kanaapu iti, na�iki ukian u�ati, “Marina�a shoman õgaru, õnaobanaa, usha�apanum kau�an oia�o pa�i manawun pidan wuru�u õgaruz." 9 Tuukii Simon na�iki wuru�u ba�orainaouz di�itinpan, patukapan idi pazaamatan diri�i manawun kopaunao. 10 James na�iki John wuru�u Zebedee dainaouz na�apa kapam, tuukii kapam ĩdi�itinpan. Sariapa Jesus kian Simon ati, “Mana�a putaria�ana�a, aizii puzaamaapan ni�i naa pa�an pidannao." 11 Udauna�an ĩkozootan naa pakanawan kida karishii danoma ati, na�iki ĩwa�aka�akan naa ipai pa�aimaakanutu kida, na�iki ĩmako�okan naa Jesus dawu�ati. 12 Aizii Jesus kaawan wiizai iti, na�ii kaina�a�o pidan baiatina�o kichana�iki-kia�o bishoi idi. Utukapan idi Jesus, sariapa ukodoru�ukan ukanaapu iti, uawun baara imi�i baara iti. Na�iki ukian Jesus ati, “�naobanaa, õpishaan pugaru tuukii manawun, punyukunuu na�apan an, pukakuda shoman õgaru, puso�ota wuru�u bishoizi õ�ai." 13 Sariapa Jesus pishatanuz na�iki ukian u�ati, “Na�apa mishi õnyukunuu, aizii marii pumada saabainan.” Sariapa mishi pidan mada saabaina�akan. 14 Udauna�an Jesus kakinaowan uruu. Ukian u�ati, “Mana�a zii pa�i pukowaada�ana�a pidan ati, wuru dau�ana�a õsha�apataniaz pu�ati. Mazan pumako pa�an kai, faadaa di�iti, marii kizi uawunuutan pumada, utukapa kizi mishi pumada saabainan. Uruu dauna�an putaa�a naa pa�i pu�uza faadaa ati, utaa kiziz na�iki ukawaoda kiziz Tominkaru ati, Moses kakinaori kawana�ati. Uruu ida�ana�o nii pidannao mishidan kaimana�a naa pumada saabainan powaa iti." 15 Mazan kii�an kuwai Jesus dau�ana�o iribaa�aka-kaoa�a naa manawun ipai di�ii�aka kida�a. Uruu idi pidannao kaawan aonaa masakauda�u mani Jesus ida�ati, ĩabata�azon idi ukuwaa. Ba�orainao ĩkaawan ĩaipan idi kapam pakakuda-kao, parinaa kida ai. Uruu idi ipai ukakudan ĩdyaun. 16 Mazan panaadon Jesus makon nii da�i, utoriinpa�anan mapidantaka�o amazada iti. 17 Aizii bauda�apa kamoo, Jesus tominapa-kidan dono pidannao, kaina�a pabi�i kida Phariseenao sakanatapan na�ii, na�iki na�ii kapam tiichaapauzonao Moses kakinaori dau�u. Ba�oran wiizai iki kida�o ĩwa�atin wuru�u ĩnaouz, tawuru�u Galilee Baara na�iki Judea Baara ii aka kida�oraz wiizainao, na�iki Jerusalem ikiinao kida na�ii kapam. Ĩnao kida wuru�u sakanatapa�oraz na�ii. Mazan Tominkaru taani�i naa pama�ozakan Jesus ati, ukakuda-kinaa nii karinainao pabi�inaaka kida�o rinai ai. 18 Na�apain pidannao kaawan Jesus ida�ati, ĩna�akan pairiban machi�ikaka�o. Ĩna�akanuzu pawashatinapa-kizi baara an. Ĩaipan pamorota-kidanuz kabaun nazo iti, Jesus kanaapu iti. 19 Mazan pidannao iriban idi manawun, aonaa na�itim ĩmorota-kidanuzu. Uruu idi sariapa ĩzaida-kidanuz kabaun zowau iti. Udauna�an ĩso�owan naa kabaun zowau, na�iki�i naa ĩtoka-kidanuz pawashatinapa-kizi baara an, atii pidannao sakoda iti, na�iki ĩmuudanuzu Jesus kanaapu�u. 20 Aizii Jesus tukapan idi ĩmishidan tuukii manawun, sariapa ukian machi�ikaka�oraz pidan ati, “�paonaru, aizii ipai pu�oian mainaabata-kao pu�ai." 21 Sariapa tiichaapauzonao Moses kakinaori dau�u, na�iki Phariseenao kian pa�atiaaka kida, “Kandii mooko arawu�u, uwazootapa�azon Tominkaru paparadan ida�an? Soo bauda�apa Tominkaru turua�o umainaabatan pidan oian." 22 Mazan Jesus aitapa na�apam ĩdi�itinpan. Uruu idi ukian ĩ�ati, “Kandii nii udi�itinpan õdau�u kaikapa�a? 23 Na�ia�oram masha�apannaa: ‘ipai pu�oian mainaabata-kao’ kii, oo ‘pukadishita na�iki puchi�ika’ kii? 24 Mazan õaidan nii u�ati wuru�u Daonaiora Aokazi Iki�o, kaina�a uma�ozakan umainaabata-kinaa nii pidannao oian da�a�a imi�i baara�a.” Uru�u naa Jesus kia�akan naa machi�ikaka�o pidan ati, “�kian pu�ati pukadishita, puzaamata wuru�u puwashatinapa-kiziz na�iki pumako�o naa pudapu iti." 25 Sariapa mishi pidan kadishita�akan ipai awunuutapainao awun za�a, uzaamata�akan naa pawashatinapa-kizi baara, na�iki umako�okan naa padapu iti konaukii. Tuukii ukonaukii-kidan Tominkaru. 26 Aizii wuru�u awunuutapainao kidaz, tuukii ĩdi�itinpan, na�iki tuukii kapam ĩtarian, na�iki tuukii ĩkonaukii-kidan Tominkaru. “Ei, watukapa zii aizii konaunam kida�o na�iki umanawunu�o aimaakan sha�apata-kao, wuru�u aona�oraz watukapauzon usha�apata-kao kida,” ĩkian. 27 Udauna�an Jesus koditan naa kabaun iki na�iki umako�okan naa. Pamakopa-kizi an utukapa pidan Levi kia�o u�uu, uruu zaamaapauzo tax puraatannaa. Jesus ikodan usakanatapan pazaamaapa-kizi ii puraata. Sariapa ukian u�ati, “Puwa�ati õtuma, õtominapa-kida kizi pugaru." 28 Sariapa Levi wa�akan wuru�u pakaudinkiz na�iki umako�okan naa Jesus dawu�ati. 29 Aizii padapu ii Levi toman naa udaru�o aroapa-karu Jesus ati. Kaina�a iriba ba�orainao zaamaapauzonao kapam tax puraatannaa aroopa�azon ĩtuma, na�iki kaina�a iriba kapam ba�oran pidannao kida aroopa�azon ĩtuma. 30 Kaina�a na�ii pabi�i kida Phariseenao awunuutapan, na�iki na�ii kapam ĩiribannao tiichaapauzonao Moses kakinaori dau�u awunuutapan. Sariapa ĩkian utominapa-kidaniinao ati, “Kandii nii arawu aroopa�azon na�iki utuza�azon wunao tuma�a oiainaouz, zaamaapauzonao kidaz tax puraatannaa, na�iki wuru�u oiainao kidaz pidannao?” Kia�o wuru�u ĩkiainapanuz. 31 Sariapa Jesus kian ĩ�ati, “Pidannao ziwuinao, aonaa kanom nii ĩaipan daakataa, soo karinainao pa�an tuukii ĩaipan daakataa. 32 Ukau�an na�apa�o kapam wuru�u õwa�atinuz da�ati�i, aonaa kaimanainao ida�ati�o mani, soo oiainao ida�ati�o pa�an wuru�u õwa�atinuz ĩtanawatin kizi pa�oian ai." 33 Pabi�i kida pidannao, kaawainao kidaz Jesus ida�ati, kian u�ati, “John Chikaawunuupauzoz tominapa-kidaniinao mapuda pa�an ĩsanadinpauzon, na�iki ĩtoriinpauzon Tominkaru aipan kawana�ati. Na�iki wuru�u tominpauzonao kidaz Phariseenao di�iki, na�apa kapam ĩsanadinpan na�iki ĩtoriinpan. Mazan aizii wuru�u putominapa-kidaniinaouz, aonaa ĩsanadinpauzon, mazan ĩaroopan nii na�iki ĩtuzan nii atii ĩshiitan." 34 Sariapa Jesus kian ĩ�ati, “Turuu mani u�itiiman pidannao wa�atiinao mazida-karu dau�ati baiatan pazamazin mazida�o daonaiora na�an pu�u ĩtuma? Aonaa turuu ĩbaiatan pazamazin. 35 Mazan bauda�apa kamoo na�aka-karu nii wuru�u mazida�oraz daonaiora ĩ�ai, uruu dono�o ni�i naa pa�an ĩsanadinpan na�iki ĩbaiatan pazamazin." 36 Udauna�an Jesus kowaadan naa di�itinapa-kinai kuwai. Ukian ĩ�ati, “Aonaa na�iam zii pidan kuzuutauzon pa�ina�o chaakita pazimindota-kinaa nii uzaama�ora�a naa chaakita. Mazan aizii pidan kuzuuan an pa�ina�o chaakita pazimindoapa-kinaa nii, upataka�uan pa�ina�o chaakita, na�iki pana�a�o nii uaidinpan uzaama�o ai. 37 Na�iki aonaa na�apainim pidan paidauzon, pa�ina�o zii wine toma-kao, uzaama�ora�a naa wine kinnaa zo�iti. Usha�apanum kau�an pa�ina�o wine paida-kao an, upoodan nii uma�ozakan ana�a naa, na�iki utada�okan nii wuru�u uzaama�oraz naa riwunii kinnaaz. Uruu idi ipai�o nii riwunii wakudinan. Aizii wuru�u ukinnaaz ukaboota�aka-kao ni�i naa. 38 Mishi�oraiman pa�ina�o wine paida-kao pa�ina�o ukinnaa zo�iti. 39 Na�iki aonaa kanom tuza�azon pa�ina�o zii wine toma-kao, patuza�akan dauna�an ma�ozaka�ora�a naa wine. Aizii pidan tuzan an wuru�u ma�ozaka�oraz wine, ‘Kaiman pa�an wuru�u ma�ozaka�oraz wine, pa�ina�o utoma�aka-kao ai,’ ukian nii.” Uruu kia�o wuru�u Jesus kowaadaniaz kuwai.

‹ Chapter 4 LUKE — All Chapters Chapter 6 ›

LUKE 5

Cite / Share This Page