LUKE 9

WBT

‹ Chapter 8 LUKE — All Chapters Chapter 10 ›

1 Jesus dapadan 12 patominapa-kidaniinao baokopa pa�ida�ati. Na�iki utaa ĩ�ati ma�ozaka-karu, ĩka�iita-kinaa nii paso�otan oia�o doronai kida pidannao ai, na�iki turuu kizi ĩso�otan pabi�inaaka kida�o rinai pidannao di�iki. 2 Udauna�an udyuudan naa ĩmakon ĩkowaada�an kizi�i naa kuwai Tominkaru naobanai-tinan dau�u, na�iki ĩkakuda�an kizi ipai karinaapainao kida pidannao. 3 Aizii padyuudan ua�ii ĩdyaun, ukian ĩ�ati, “Mana�a pa�i una�aka�ana�a aimaakan kida utuma umakon an. Mana�a una�aka�ana�a uwadookori, oo usaakon, oo uwanyukunuu, na�iki aonaa una�aka�ana�a upuraatan kida, na�iki aonaa una�aka�ana�a ba�oran ushootan. 4 Na�iam udapaapa-kao kaiman, na�ii usookadin uruu kabaun di�ii, atii udobata�azon kawana�ati ba�oran wiizai iti. 5 Mazan na�ia�oram pidannao aona�o ĩnaubaan oo ĩaipan ukaawan pawiizi ati, mana�a usookadina�ana�a na�ii, mazan uparauda�aka imi�i ukidiba iki kida umakon ua�ii ĩwiizi iki. Uruu ida�an utukapa-kidan ĩ�ati ĩpataka�uta-kao nii." 6 Jesus ipaian dauna�an pakakinaopan ĩdyaun, ĩmakon naa. Na�iki ĩkowaadapan naa Kaimana�o Kuwai Jesus dau�u ipai wiizai kida kawana�ati, na�iki iriba ĩkakudan karinainao pidannao ipai amazada kawana�ati. 7 Aizii naobanai Herod kazowautapa�oraz ipai amazada Galilee Baara ii aka, uabatan naa kadakotin-karu ipai wuru dau�ana�a Jesus sha�apaapanii kidaz aimaakan. Tuukii kowaadapa-kariwaiz kida kasharutapan unyukunuu. Usha�apanum kau�an kaina�a pabi�i kida uabatan pidannao kian, “John tawuru�u chikaawunuupauzoz, uruu wuru�u kakuda�oraz powaa iti." 8 Aizii uabatan ba�orainao kian, “Elijah wuru�u kakuda�oraz powaa iti.” Ba�orainao kian, “Kotua�o Tominkaru prophetin wuru�u kakuda�oraz powaa iti,” ĩkian. 9 Uruu idi Herod kian, “Ei, õdukuta-kida�a naa sha�atii John kanau. Kandi�i naa mooko pidannao kadakotin-kidaniaz?” Uruu idi tuukii Herod aipan patukapan Jesus. 10 Aizii wuru�u 12 Jeusu tominapa-kidaniinaouz, udyuudaniinaouz kaawan naa powaa ati. Uruu idi ĩkakuwaapan naa Jesus ati. Ipai ĩkowaadan u�ati pasha�apatanii kida aimaakan dau�an, pachi�ikapa kizi wiizai kida kawana�ati. Uruu dauna�an Jesus na�akan ĩdyaun, ĩmakon naa ba�oran pidannao ai. Una�akan ĩdyaun munapo�o wiizai di�iti, Bethsaida kia�o udakotapa-kao wiizai dawun itinapu. 11 Iriba pidannao abatan wuru�u Jesus makonuz na�iti. Uruu idi iriba, iriba pidannao da�anan Jesus na�iti. Aizii ĩkaawan na�iti tuukii Jesus konaukii-kidan ĩdyaun. Na�ia�a naa ukakuwaatinan ĩ�ati, ukowaadapan naa ipai daunuuda�u Tominkaru naobanai-tinan dau�u. Na�iki ukakuda ipai daunuuda�u pidannao wuru�u aipainao kidaz pakakuda-kao parinaa ai. 12 Ĩna�ian utuma atii wachuupun. Aizii 12 Jesus tominapa-kidaniinaouz, tuukia�a naa ĩdopian ĩtukapan idi�i naa wachuupun. Sariapa ĩwa�atin Jesus ida�ati, na�iki ĩkian u�ati, “Pudyuuda�a naa shoman wuru�u pidannaouz marii kizi�i naa ĩmakon ĩdawata�an kizi pada�awu-kizi nii na�iki pawanyukunuu nii wunao di�iti�i kawiizi-tinpainao kidaz kaida�ana�a, na�iki ba�orainao mako kizi maonapa zaa kida�o wiizai di�iti. Usha�apanum kau�an da�a�orazu�u amazada�a�o karikaonan wuru�u waunaouz,” ĩkian u�ati. 13 Mazan Jesus kian ĩ�ati, “Unao mishi�oraiman taa ĩwanyukunuu nii.” Mazan ĩkian u�ati, “Kaina�a baka�iauda�u sodi karikaonan bread, na�iki dya�utam kopaunao sodi kida. Oo puaiapa sha�a watoriankan wanyukunui wapaa-kinaa nii ipai daunuuda�u wuru�u iriba�oraz pidannao?” ĩkian. 14 Uruu dono iriba, iriba pidannao kaawan, aonaa ĩaita-kao kawana�ati. Daonaioranao pa�idiwaru ikoda mani 5000 ĩdyaun. Udauna�an Jesus kian patominapa-kidaniinao ati, “Udyuuda ipai pidannao katontinan pana�a kida, marii 50 kida ĩkasaba�ukinan. Na�iki marina�a naa ĩsakanatan kida na�ii." 15 Aizii ĩipaian dauna�an pakatontin-kidan pidannao, 16 uru�u naa Jesus zaamatan wuru�u baka�iauda�u�oraz breadnao na�iki wuru�u dya�utama�oraz kopaunao sodi kida. Uzaamatan dauna�anazu, sariapa uawunuupan aokazi iti patoriinpan tuma, “Kaimana�o pugaru Tominkaru, putaan idi wanyukunui.” Udauna�an udushowan naa wuru�u bread na�iki kopaunao kidaz, na�iki utaan naaz patominapa-kidaniinao ati, marii kizi�i naa ĩtaanuzu ipai pidannao kawana�ati kida. 17 Uruu dono ipai pidannao aroopan abaapa kida, atii 12 dazowan udiri�in zii Jesus tominapa-kidaniinao zawadan wanyukunui wa�akun. 18 Bauda�apa kamoo Jesus toriinpan pu�u paba�oran, utominapa-kidaniinao kaawan u�ida�ati, sariapa upishaan ĩdyaun kaikapa�a: “Na�apa dii pidannao kian õdau�an, kanom ĩkowaadan õgaru?" 19 Aizii ĩkian u�ati, “Pabi�i kida pidannao kian pugaru, John Chikaawunuupauzo. Ba�orainao kian pugaru Elijah. Ba�orainao kian pugaru kotua�o Tominkaru prophetin wuru�u, kadishita�oraz pamawaka-kizi iki." 20 “Aizii unao mani, kanom uaitapan õgaru?” ukian ĩ�ati. Sariapa Peter dako�atin uparadan, “Pugaru Christ, Tominkaru di�iki�o,” ukian u�ati. 21 Mazan Jesus kian, “Mana�a pa�i ukowaada�ana�a pidannao ati õgaru dau�an." 22 Na�iki ukian ĩ�ati, “Daonaiora Aokazi Iki�o kasha�ora�o nii manawun ubaiaapan. Na�iki tuukia�o nii ukashada-kao, aona�o nii uaiapa-kao. Kazowautapainao Jewnao, faadaanao zowaunaanao, na�iki tiichaapauzonao Moses kakinaori dau�u, ĩnaou�o nii wuru�u kashada�oraz uruu. Atii uzowii-kao nii, mazan idikinauda�utan kamoo ida�a ukadishitan nii ubaaranaa iki,” ukian ĩ�ati. 23 Uruu dauna�an Jesus kian ipai ĩnao ati, “Kanom da�ana�azo�o õgaru, marii umarina�atan panaudapanii pasha�apaapan, na�iki marii una�akan pacrossannaa, na�iki marii uda�anan õgaru. 24 Usha�apanum kau�an na�ia�oram pidan mamuuda�azoo-ka�o wuru�u pamashaapanuz panyukunuu aipan kawana�ati kai, mazan upu�a�o nii uwaziwadan ipai wuru�u pamamuuda�azookanii. Mazan pidan marina�ata�o wuru�u pamashaapanuz panyukunuu aipan kawana�ati kai, na�iki kashaapa�o pazowii-kao õdikin ii. Mishi�o nii pa�an udoronaa kazannaata-kao, na�iki karikaonanu�o nii pa�an umashaapan Tominkaru tuma. 25 Aonaa kanom pidan ikodan uzaamatan an ipai aimaakan imi�i baara an kida�o, uwaziwainan pu�u karikaonanu�o kakupa-karu ai. 26 Na�ia�oram pidan kiba�azoo-kida�o pada�anan õgaru, na�iki kiba�azoo-kida�o õkakinaori kida, na�apa�o nii kapam Daonaiora Aokazi Iki�o kiba�azoo-kidan uruu, ukaawan dono pamanawunun tuma, na�iki udaru umanawunun tuma, na�iki kaimanainao angelnao tuma. 27 Mishi õkowaadan nii u�ati aimaakan mishi�o. Kaina�a pabi�i kida pidannao kaida�a�a, aona�o nii zii ĩmawakan, atii ĩtukapan nii zii Tominkaru naobanai-tinan." 28 Aizii bauda�apa�a naa sondii dobatan Jesus kadakotinan dauna�an, uru�u naa una�akan Peter, John na�iki James patuma. Una�akan ĩdyaun naawazi paawa iti, utoriinpa�anan. 29 Aizii utoriinpan pu�a�a naa masha�apakiaka uawun baara pana�adina�akan, na�iki ukamichan wizi�i, wizi�i. 30 Masha�apakiaka dya�utam daonaioranao kaawa�akan u�ida�ati, udauna�an ĩkadakotinan naa utuma. Moses na�iki Elijah wuru�u kaawa�oraz. 31 Ĩkaawa�akan aokazi iki, konaunam na�iki kanada ĩaidinpan. Na�ia�a naa ĩkadakotin-kidan na�apam nii Jesus mawakan Jerusalem ii, maonapa�o ni�i naa umishian wuru�u Tominkaru aipaniaz usha�apata-kao. 32 Aizii Peter na�iki uminauda�unao ipai daunuuda�u ĩda�awun. Aizii ĩpokoda�akan ĩtukapa kanada Jesus umanawunun kanadapan, na�iki ĩtukapa dya�utam pidannao kadishitapan utuma. 33 Aizii ĩtukapan naa pidannao mako�ozon. Sariapa Peter kian Jesus ati, “Wanaobanaa, kaiman zii wuru�u wana�anuz putuma. Turua�o nii watoman idikinauda�u sookapa-kizai, bauda�apa pugaru ati, ba�oran Moses ati, na�iki ba�oran Elijah ati,” ukian. Mazan aonaa Peter aitapan na�apa�oram aimaakan wuru�u pakadakotin kiziz. 34 Ukadakotinan pu�u zii, isha�iz kaawa�akan, na�iki sariapa ushibatan Jesus, Moses na�iki Elijah. Tuukii Peter na�iki uminauda�unao tarian ĩtukapan idi isha�iz shibatan ĩdyaun. 35 Udauna�an ĩabatan parada-karu kian isha�iz bii�i, “Di�oraz õdani õzaamatanii, ukau�an uizo�ati uparadan." 36 Aizii parada-karu mashaadan dauna�an, ĩtukapa Jesus paba�orantina�a naa. Mazan mashaa ĩtaapan wuru�u patukapaniaz aimaakan, aonaa kanom ati ĩkowaadan wuru�u patukapaniaz na�apain. 37 Ba�oran kamoo Jesus, Peter, John na�iki James tokapaanan zii naawazi paawa iki. Na�ia�a naa ĩikodan iriba pidannao. Sariapa ĩikodapan Jesus, 38 na�iki masha�apakiaka pidan kadako�okan pidannao bii iki, “Tiichaa, tuukii manawun õaipan putukapan õdani, ubauda�apan õdani daonaiora wuru�u. 39 Masha�apakiika�o da�i oia�o doronai zaamata�akauzonuz, na�iki ukadakoin-kida�akan niiz diiwa. Udauna�an ukaboota�akan niiz imi�i baara iti, na�iki umawakaziita�akan naa, atii ipai�o nii da�i udako bozowan. Karikaonan ubaiata-kidauzon kaziwa�o u�ati, umuudan niiz, atii ukapatin ana�o nii zii tuukii. 40 Tuukia�o da�i õpishaan wuru�u putominapa-kidaniinaouz, õaipan idi ĩso�otan u�aiaz, ĩtiwaa padamata paso�otanuz mazan aonaa uso�otina�azon u�ai." 41 Sariapa Jesus dako�atin uparadan na�iki ukian ipai pidannao ati, “Maam, pakawan zii mooko umamishidakan, pakawan umashaapa�azon oia�o ati. Na�apam nii zii ukotua�ikin õna�an utuma, õbaiatan unao? Puna�aka wuru�u pudaniz da�ati�i,” ukian pidan ati. 42 Aizii udani wa�atin pu�a�a naa, uru�u naa koshan oia�o doronai zaamata�akanuzu, ukaboota�akanuzu daam kii imi�i baara iti, mazan umawakaziita�akan naa. Mazan upu�a�a naa Jesus dyuudan oia�o doronai so�otinan u�ai. Uruu idi kaiman ukakuda�akan wuru�u daonaioraz. Udauna�an utaan padaru atiz kaimana�a naa. 43 Ipai pidannao, wuru�u na�iainaouz, tuukii ĩdi�itinpan, Tominkaru tukapa-kidan idi ĩ�ati mishi pama�ozakan, usha�apatan ida�an aimaakan kaikapa�a. Jesus kakuwaapan pamawakan dau�u (Matthew 17:22-23; Mark 9:30-32) Pidannao kadakoinapa-kidan pu�u zii wuru�u Jesus sha�apataniaz aimaakan, uru�u naa Jesus kian patominapa-kidaniinao ati. 44 “�aiapa uabatan õparadan kaimanaiman aizii, aonaa kizi umanyukunuutanuz. Aizii Daonaiora Aokazi Iki�o, uzaamata-kida-kao nii, atii utaa-kao nii naobanainao ka�u iti, ma�ozaka-tinpainao kidaz." 45 Mazan aonaa utominapa-kidaniinao aitapan na�apa�oram daua�o manawun wuru�u ukadakotinanuz. Usha�apanum kau�an dizapa-kariwai ĩaitapan ai wuru�u aimaakanuz, aonaa kizi ĩaitapan kanom daua�o wuru�u ukadakotinanuz. Na�iki tuukii ĩtarian papishaan uruu na�apa�oram manawun wuru�u ukadakotinanuz. 46 Baukapaiman Jesus tominapa-kidaniinao kashadaakapan, ĩnao pa�idiwaru pa�atiaaka kida. Ĩkadakoinapa-kidan na�ia�oram pidan kaina�a ĩbii�i, umanawunu�o ipai ba�orainao ai. 47 Mazan Jesus, uaitapa ipai ĩdi�itinpan. Aizii ĩbaokopatinpan pu�a�a naa utuma, sariapa una�akan koraidaonaa na�iki ukadishita-kidanuz padazaba�a. 48 Udauna�an ukian patominapa-kidaniinao ati, “Na�ia�oram pidan konaukia�o udapaapan wuru�u di�oraz koraidaona�a õ�uu ida�an, konaukia�o kapam udapaapan õgaru wuru�u. Aizii na�ia�oram pidan konaukia�o udapaapan õgaru, konaukia�o kapam udapaapan wuru�u dyuuda�oraz õgaru. Aizii na�ia�oram pidan unao bii�i waranuitapa-kariwai, mazan Tominkaru ati umanawunu�o pa�an wuru�u uruuz." 49 Sariapa John kian Jesus ati, “Wanaobanaa watukapanii pidan so�oopan oia�o doronainao pidannao di�iki pugaru uu ida�an. Na�iki wadyuuda usookadan wuru�u una�apainapanuz, usha�apanum kau�an aonaa waunao bii iki�o mani wuru�u uruuz." 50 “Mana�a umashaata�ana�a uruu,” Jesus kian John na�iki ba�oran patominapa-kidaniinao ati. “Na�ia�oram pidan aona�a uto�ora-kizaitapan unao, upaonaru wuru�u,” Jesus kian ĩ�ati. 51 Aizii maonapata�a naa kamoo wuru�u Jesus makon aita-kaoaz aokazi iti. Uruu idi Jesus di�itinpan pamakon dau�u Jerusalem iti. 52 Na�iki udyuuda pidannao kiwiitan pa�ua�ati kakuwaapa�ana�o nii pidannao di�iti, pawa�atipan dau�u kaina�iki. Uruu idi pidannao kiwiita�akan naa wiizai iti, Samaria ia�oraz. Aizii na�ii�aka�a naa ĩkowaadan pidannao ati wuru�u Jesus wa�atinuz kaina�iki, na�iki marii kizi ĩsaabaan usookapa kizi nii. 53 Mazan aonaa na�iainao pidannao taa�azon usookapa kizi nii, usha�apanum kau�an ĩaitapa umakopan Tominkaru Dapu iti wuru�u Jerusalem ia�oraz. 54 Aizii utominapa-kidaniinao James na�iki John abatan idi�i naa wuru�u pidannao mataa�azookanuz Jesus sookapa kizi nii. Sariapa ĩkian u�ati, “Wanaobanaa, puaiapa watoriinpan Tominkaru ati, marii kizi uwaota-kidan tikazi aokazi iki, umainaabata kizi wuru�u pidannaouz?" 55 Mazan Jesus tanawatinan ĩ�idi�iti sariapa ukashadakowauan ĩdyaun. 56 Udauna�an Jesus na�iki utominapa-kidaniinao kora�uka�akan naa ba�oran wiizai iti. 57 Aizii Jesus makopaanan pu�a�a naa patominapa-kidaniinao tuma, bauda�apa pidan kian Jesus ati, “�da�anan nii pugaru na�iti�oram pumako-kizi iti,” ukian. 58 Sariapa Jesus kian u�ati, “Waruzonao kaina�a ĩ�uun kida, kotu�uznao kaina�a ĩshimaka kida kapam, mazan Daonaiora Aokazi Iki�o, aonaa na�iam uwashatin kizi nii, na�iki aonaa usookapaka-kizi nii." 59 Jesus kian ba�oran pidan ati, “Pumako õtuma.” Mazan pidan kian, “Naobanai, õdidanaka kizi zii õdaru mawakan kiwiin." 60 Mazan Jesus kian u�ati, “Marii mawakainao didan pairiban mawakan, mazan pugaru pumako pa�an, pukakuwaapa�an kizi�i naa Tominkaru naobanai-tinan dau�u,” ukian u�ati. 61 Ba�oran kian Jesus ati, “Naobanai, õgaru õmakon nii putuma, mazan õmakon ua�ii, õkowaadinankan nii zii kiwiin õiribannao di�ii,” ukian. 62 Uruu idi Jesus kian u�ati, “Pidan sakada�o pakawiiziipan, udauna�an awunuupa�o powaa iti, madiwautapa-ka�o karikaonan uruu wunao bii ia�a naobanaitapainaouz Tominkaru."

‹ Chapter 8 LUKE — All Chapters Chapter 10 ›

LUKE 9

Cite / Share This Page