MATTHEW 13

WBT

‹ Chapter 12 MATTHEW — All Chapters Chapter 14 ›

1 Na�apain uruu kamoo dono, Jesus makon na�ia�o kabaun di�iki karishii za�iti, na�iki na�ii usakanatan udanoma ii. 2 Iriba pidannao kasaba�ukinan u�ida�ati, uruu idi upaidinan kanawa zo�iti, na�iki usakanatan na�ii pidannao na�ian pu�u karishii za�a. 3 Udauna�an uparadan, ukaiwaa di�itinapa-kinai kuwai kida, patominapa-kida-kinaa nii ĩdyaun. Ukian, “Baukapaiman, pidan makon pazakapun iti upaopa�anan papaoriba uuda kida. 4 Pabi�i kida upaoriba uuda upararaanii kida waotan dobaapa-kizai an, kotu�uznao kaawan na�iti, sariapa ĩnikanuzu. 5 Ba�oran kida upararaan kubata�o imi�i ida�an. Kadiman usoda�akan padamata, mazan kamoo wiicha�akan idi, sariapa uzowian wuru�u soda�aka�oraz zii paoribai sodi kida. Usha�apanum kau�an aonaa na�itim u�ishataba�u zaamatinan. 7 Pabi�i kida upaoriba uuda waotan kaiwada-karu bii an. Sariapa ukau�an kaiwada-karu bazobatanuzu. 8 Mazan pabi�i upararaanii papaoriba uuda kida kaimana�o imi�i ida�an. Uruu idi ukaakan powa�a zii uka�uudan diri�i kida, ba�oran kida uka�uudan diri�i kida manawun. 9 Pukakinaon an puabata�a naa kakinaorii!" 10 Uruu dauna�an patominapa-kidaniinao pishaan Jesus. Ĩkian u�ati, “Kanom nii pukakuwaapan pidannao ati di�itinapa-kinai kuwai kida ida�an?" 11 Udako�atin ĩdyaun, ukian, “Unao ati�o karikaonan utaa-kao wuru�u aitapaaba-karuz Tominkaru naobanai-tinpan daua�oraz aona�oraz uaitapanata-kao, mazan wunao ati�i, aonaa utaa-kao wuru�u aitapaaba-karuz. 12 Ukau�an pidan kaina�a�o aimaakan u�ida�a, aimaakan taa-karu nii diri�i powa�a zii u�ati. Uruu idi powa�a�o nii zii udiri�in u�ida�a. Powa�a zii manawun udiri�in uaiapa-kao ai. Mazan wuru�u pidan, aona�oraz kanom u�ida�a, kanom masakauda�u sodi�i u�ida�a, kazata-karu nii u�ai. 13 Uruu idi�o õkaiwaan wuru�u di�itinapa-kinai kuwai kidaz õkakuwaapan dono ĩ�ati. Uruu idi awunuutapa padamata ĩdyaun, mazan aonaa ĩtukapan, na�iki ĩabatapan padamata, mazan aonaa ĩabatan, na�iki aonaa ĩaitapan. 14 Ĩnao ukau�an wuru�u mishia�oraz Tominkaru poitoru Prophet Isaiah paradan. Ukianuz kaikapa�a: ‘Uabatapan nii mazan aona�o nii uaitapan uabatanii, uawunuutapan nii padamata, mazan aona�o nii utukapanuz. 15 Usha�apanum idi wuru�u pidannaouz ĩdadaradan panyukunuu, aonaa ĩabata�azon na�iki aonaa ĩtukapa�azon. Mazan ĩtukapa�azon an mani, ĩabata�azon an mani, na�iki ĩaitapan an mani kaiman panyukunuu ii, uruu idi ĩtanawatin mani õ�ida�ati, na�iki õkakuda mani ĩdyaun.’ Tominkaru kian. 16 “Kaiman zii unao ati, utukapan idi uawun idi, na�iki uabatan idi ukinao idi. 17 Mishi�o õkian u�ati. Iriba Tominkaru prophetinnao na�iki kotua�o kaimanainao pidannao, tuukia�o padamata ĩtukapa�azon wuru�u utukapaniaz usha�apata-kao, mazan aonaa ĩtukapanuzu. Na�iki ĩabata�azon uabatanii, mazan aonaa ĩabatauzonuzu. 18 “Aizii uabatapa uaitapa kizi na�apam õkainaabatan paopa�o daua�oraz kuwai. 19 Pidannao abatainaouz kuwai, Tominkaru naobanai-tinan dau�an, mazan aonaa ĩaitapanuz. Ĩnao na�apa�o uudai kawan pararaa-kariwaiz dobaapa-kizai an. Satan kaawa�akan na�an, masha�apannaa uzaamata�akan wuru�u paowa-kariwaiz na�an kida. 20 Uudai kida pararaa-kariwaiz kuba baawu an, kainaabata na�apa�o pidannao, ĩabatan dono sodi�o karikaonan, ĩkonaukii-kida�akan Tominkaru daua�oraz kuwai. 21 Mazan aonaa ĩtaapan kuwai kaimanaiman pa�ida�a, uruu idi aonaa umashaapan kotua�iki ĩ�ida�a. Ukau�an na�apainim ĩbaiaapan dono oo ĩpataka�uta-kao kuwai dikin ii, sariapa ukaakinpan. 22 Aizii uudai kida pararaa-kariwaiz kaiwada-karu baawu an, kainaabatan na�apam pidannao abatainaouz kuwai padamata. Mazan ĩdi�itinpan aimaakan aiapa-kao dau�u, na�iki kasha�apauzi-karu dau�u. Uruu idi ĩmanyukunuutan naa wuru�u kuwaiz. Na�iki aona�a naa ĩsha�apainpan kaiman kuwai kawana�ati. 23 Na�iki wuru�u uudai kida paowa-kariwaiz kaimana�o imi�i ida�an, uruu kainaabatan wunaou�u abatainaouz kuwai na�iki kaiman ĩaitapanuz. Uruu idi ĩmashaapan naa ukawana�ati, paka�iitinan kawana�ati kida, na�apa paoribai kida kawan kaaka�oraz kaiman, ba�oran kaakan powa�a zii udiri�in kida." 24 Aizii Jesus kowaadan ba�oran di�itinapa-kinai kuwai ĩ�ati. Ukian, “Kaikapa�o wuru�u Tominkaru naobanai-tinapanuz: pidan paowan kawan kaimana�o paoribai uuda kida pazakapun ii. 25 Aiwaka�an ipai pidan da�awun pu�u, utaruba kaawan uzakapun ii. Upaowankan kazamaka�o uuda kida upaoriba wheat bii an, udauna�an umako�okan naa. 26 Paoribai sodan dono�o naa na�iki ukaakan dono�o naa, kaina�a kazamaka�o kida sodan ĩbii an kapam. 27 Upoitorunao kaawan u�ida�ati, na�iki ĩkian u�ati, ‘Naobanai, kaimana�o paoribai uuda kida sha�atii pupaowanii, mazan diina�a�a naa kazamaka�o kida aidinanu�u.’ 28 “’�taruba wuru�u paowanka�oraz na�apa�o,’ ukian ĩ�ati. “Upoitorunao kian u�ati, ‘Puaiapa waso�otan wuru�u kazamaka�oraz?’ 29 “‘Aonaa,’ ukian ĩ�ati. ‘Panaadon uso�otan dono kazamaka�o, uso�otan nii paoribai kida kapam. 30 Marii zii paoribai na�iki kazamaka�o sawatan baokopa atii paoribai dukutapa-kao dono. Aizii udukutapa-kao ua�ii, õdyuudan nii dukutapainao so�otan kazamaka�o na�iki ĩkasaba�uunuzu, na�iki udauna�an marii ĩkawaodanuzu. Mazan õpaoriba aka, õdyuudan nii ĩsaabaanuz padapunaa di�iti.’" 31 Jesus kowaadan ĩ�ati ba�oran di�itinapa-kinai kuwai. Ukian, “Kaikapa�o wuru�u Tominkaru naobanai-tinapanuz: mustard uuda paowa-kao kawan zakapu ii. 32 Wuru�u mustard uudaz, uruu duusodi�o manawun ipai ba�oran paoribai uuda kida ai. Mazan usodan dono, udyaupain nii udaru ba�oran paoribai kida ai. Udaru�o paoribai nii utominan, uruu idi kotu�uznao kaawan ĩkashimakainpan uwaoda an kida." 33 Jesus kowaadan ĩ�ati powa�a zii ba�oran di�itinapa-kinai kuwai. Ukian, “Kaikapa�o wuru�u Tominkaru naobanai-tinapanuz: pidan muudan kawanu�o masakauda�u yeast diri�i�o poroom-bi�iti, atii upoodadan ipai diri�i�oraz poroom." 34 Jesus kaiwaan di�itinapa-kinai kuwai kida pakakuwaapa-kinaa nii iriba�o pidannao ati. Aonaa na�apainim ukakuwaapauzon ĩ�ati makaiwaaka-daun uruu kaduz kuwai. 35 Ukakuwaapauzon na�apa umishii-kinaa Tominkaru prophetin kianuz. “�kaiwaan nii di�itinapa-kinai kuwai kida õparadinan dono ĩ�ati. �kowaadan nii ĩ�ati aimaakan kida aona�o ĩaitapauzo-kao kida, amazada tominan di�iki�o." 36 Jesus mako�okan dauna�an iribainnao pidannao di�iki, uru�u naa umorotan kabaun nazo iti. Utominapa-kidaniinao kaawan u�ida�ati, na�iki ĩkian u�ati, “Pukowaada wa�ati na�apa�oram wuru�u di�itinapa-kinai kuwai kainaabataniaz zakapu ia�o kazamaka�o daua�oraz." 37 Jesus kian ĩ�ati, “Wuru�u paowa�oraz kaimana�o paoriba uuda kida, uruu Daonaiora Aokazi Iki�o. 38 Wuru�u zakapuz, uruu imi�i baara. Kaimana�o paoribai uuda kida, uruu pidanannao naobanaitapainao ni�o Tominkaru. Wuru�u kazamaka�oraz, uruu Satan pidanannao. 39 Na�iki wuru�u utarubaz paowanka�oraz kazamaka�o, uruu Satan. Wuru�u paoribai so�otapa-kao, uruu amazada katokon-tinan dau�ana�o. So�otapainaouz paoribai, ĩnao angelnao wuru�u. 40 Aizii wuru�u kazamaka�o kasaba�uu-kaoaz na�iki ukawaoda-kaoaz, na�apa�o nii aimaakan sha�apan di�ora�a amazada katokon-tinan dono. 41 Daonaiora Aokazi Iki�o dyuudan nii papoitoru angelnao kaboota�anan panaobanai-tinapa-kizi ai ipai aimaakan sha�apata-kida�oraz oia�o pidannao ati, na�iki ipai sha�apatainaouz oii kida�o, 42 ĩkabootan nii ĩdyaun Tuubaru�o Tikazi wu�iti. Na�ia�o nii ĩzaadan tuukii na�iki ĩkuzowan nii paudako padopian idi. 43 Mazan kaimanainao, Tominkaru pidanannaouz, ĩkanadapan nii na�apa kamoo kawan paDaru naobanai-tinapa-kizi ii. Pukakinaon an puabata�a naa kakinaorii!" 44 “Kaikapa�o wuru�u Tominkaru naobanai-tinapanuz: kawinipina�o aimaakan dizapa-kao kawan zakapu ii. Pidan ikodanuzu, sariapa udida�akan powaa itiz. Tuukii ukonaukian, uruu idi usellian ipai pasha�apauz. Udauna�an utorian wuru�u zakapuz pa�idiwau nii. 45 “Kaikapa�o kapam wuru�u Tominkaru naobanai-tinapanuz: pidan dorotapa�o kawan kawinipina�o aimaakan, pearl kia�o u�uu. 46 Aizii uikodan dono bauda�apa dobata�o uwinipinaa, uru�u naa usellia�anan ipai pasha�apauz, na�iki utorian naa wuru�u pearl pasha�apauz winipinaa ida�an. 47 “Kaikapa�o kapam wuru�u Tominkaru naobanai-tinapanuz: na�apa�o kopautapainao sairoopan kawan karishii ii, na�iki ĩzaamatan pabi�inaaka kopau. 48 Aizii ĩsairon paidan dono�o naa, ĩmaaratan naazu unaawa iti, na�iki ĩwidauan naa wuru�u kopau kidaz. Kaiman kida�o kopau, ipai ĩpaidan pakinnaa kida zo�iti. Mazan dikauda kida�o kopau, aonaa ĩaipan, ipai ĩkabootan kidaz. 49 Na�apa�o nii di�ora�a amazada katokon-tinan dono. Angelnao makon nii di�itinapa kida�a ĩwidaua�anan oiainao pidannao kaimanainao pidannao ai. 50 Na�iki ĩkabootan nii ĩdyaun Tuubaru�o Tikazi wu�iti, na�ia�o nii ĩzaadan tuukii na�iki ĩkuzowan nii paudako padopian idi." 51 Aizii Jesus kian ĩ�ati, “Uaitapa na�apa�oram dau�ati�o kaiwuru�u õkuwaa kidaz?” “Oo,” ĩkian u�ati. 52 Na�iki ukian ĩ�ati, “Ukau�an pidan tiichaapauzo Moses kakinaori dau�u, aitapa�oraz naa kapam Tominkaru naobanai-tinpan dau�u, na�apa�o uruu pidan kawan saabaa�o umanawun kida�o aimaakan, kotu�u kida�o na�iki pa�inaa kida�o aimaakan pakaiwaan nii." 53 Jesus mako�okan naa paipaian dauna�an pakakuwaapan di�itinapa-kinai kuwai ida�an. 54 Ukiwan padyaupai-kizi donoi iti. Na�ia�a naa utominapa-kidan pidannao synagogue ii. Aizii abatainaouz ukakuwaapan, tuukii ĩdi�itinpan, na�iki ĩkian, “Na�iki�oram uikodan wuru�u aitapa-karuz, na�iki wuru�u umanawun kida�oraz sha�apainapa-karu? 55 Aonaa mooko uruu mani carpenter daniz? Aonaa mooko Mary mani udaro nii? Na�iki aonaa u�inawuzunao mani James, Joseph, Simon na�iki Judas? 56 Aonaa udadakoonao mani watumainaouz? Na�apa dii mooko uka�iitan pasha�apatan ipai kaikapa kida�ora�a?" 57 Uruu idi pidannao to�ora-kizaitapanuz. Jesus kian ĩ�ati, “Ipai na�ia�akan prophet taapa-kao umanawunu�o nii, mazan pawiizi�i na�iki pairibannao bii�i, aonaa utaapa-kao na�apa." 58 Ĩmamishidakan idi, aonaa Jesus sha�apatan iriba umanawun kida�o aimaakan na�ii.

‹ Chapter 12 MATTHEW — All Chapters Chapter 14 ›

MATTHEW 13

Cite / Share This Page