MATTHEW 25

WBT

‹ Chapter 24 MATTHEW — All Chapters Chapter 26 ›

1 Jesus kian koshan, “Uruu dono kaikapa�o nii wuru�u Tominkaru naobanai-tinapanuz: na�apa�o nii 10 pa�inainao zunnao kawan, na�akapainao palampan kida ĩzaudapa�anan mazida�o daonaiora. 2 Aizii baka�iauda�u ĩdyaun, aonaa ĩaitapinan, ba�oran baka�iauda�uinaouz, aitapina�o ĩdyaun pa�an. 3 Maaitapin-kainao zunnao na�akan palampan kida, mazan aona�a naa ĩna�akan palampan uu nii patuma. 4 Aitapinainao zunnao, ĩna�aka pa�an palampan uu nii powa�a zii. 5 Tomunu�iki zii aonaa mazida�o daonaiora kaawan, uruu idi zaudapainao zunnao da�awununun naa na�iki ĩda�awu�ukan naa. 6 “Tomun-zikon di�iti uru�u naa pidan kian diiwa�o ida�an, ‘Wa�ati�i naa mazida�o daonaiora. Uwa�ati�i naa, uikodapa�an kizi�i naa uruu.’ 7 “Ipai pa�inainaouz zunnao pokoda�akan, na�iki ĩkadishitan ĩpu�ukadan naa palampan kida. 8 Aizii maaitapin-kainao zunnao kian aitapinainao ati, ‘Walampan kida makada�anan naa, ukau�an utaa ulampan uu masakauda�u wa�ati, waka�uuta-kinaa nii walampan kida.’ 9 “Aitapinainao zunnao kian, ‘Aonaa. Aona�o nii walampan uu turuan wataan an u�atiz. Mishi�oraiman utoriinaka ulampan uu kida nii.’ 10 Mazan ĩtoria�anan pu�u zii palampan uu kida nii, mazida�o daonaiora kaawa�akan naa. Aitapinainao zunnao zaudapainaouz morota�akan naa pa�an mazida�o daonaiora tuma aroopa�azoo-kizai iti, na�iki paniinom tarata�aka-kaoa�a naa. 11 Udauna�an zii maaitapin-kainaouz zunnao kaawan powaa ati. Sariapa ĩkian mazida�o daonaiora ati, ‘Naobanai, Naobanai, puda�atin wa�ati.’ 12 Mazan ukian, ‘�kowaadan u�ati mishi�o, aonaa õaitapan unao.’" 13 Udauna�an Jesus kian naa patominapa-kidaniinao ati, “Ukau�an uzaudinapa umashaapa, usha�apanum kau�an aonaa uaitapan na�apainim nii Daonaiora Aokazi Iki�o kaawan." 14 “Kaikapa�o nii koshan Tominkaru naobanai-tinapanuz: na�apa umanawunu�o daonaiora makon kawan munapo�o wiizai di�iti. Pamakon ua�ii udapadan papoitorunao, na�iki utaan naa ĩkaudin-kizi nii, marii kizi ĩdiri�idan upuraatan pamakon daida. 15 Utaa ĩ�ati papuraatan ĩka�iitan kawana�ati kida pasha�apatanuzu. Bauda�apa�o ati utaa baka�iauda�u saako puraata, gold idi�o utoma-kao. Ba�oran ati utaa dya�utam saako puraata, na�iki ba�oran ati utaa bauda�apa saako. Uruu dauna�an umakon naa. 16 Poitorui zaamata�oraz baka�iauda�u saako puraata, makon sariapa ukaudina�anan ukaiwaan naa wuru�u puraataz. Uruu idi udiri�idan papuraatan ikoda baka�iauda�u�a naa saako powa�a zii. 17 Ba�oran poitorui zaamata�oraz dya�utam saako puraata, na�apa kapam, ukaudinan ukaiwaan puraata taa-kariwaiz, na�iki uikoda dya�utama�a naa saako puraata powa�a zii. 18 Mazan poitorui zaamata�oraz bauda�apa saako puraata, umakon sariapa udidan wuru�u panaobanaa taaniaz puraata pa�ati, aonaa ukaiwaanuzu. 19 “Kotua�iki udauna�an uru�u naa ĩnaobanaa kaawan powaa ati, udapadan ĩdyaun koshan. Na�iki upishaan ĩdyaun na�apam naa ĩsha�apatan papuraatan. 20 Poitorui zaamata�oraz baka�iauda�u saako puraata na�akan naa 10 saako puraata panaobanaa ida�ati. Sariapa ukian panaobanaa ati, ‘�naobanaa, putaanii sha�atii õ�ati baka�iauda�u saako puraata. Putukapa na�apam õdiridanuz. �ikoda powa�a zii baka�iauda�u saako u�ida�an.’ 21 Sariapa unaobanaa kian u�ati, ‘Pugaru, kaimana�o pusha�apatinan. Kaiman pusha�apatan masakauda�u�o aimaakan õtaanii pu�ati, ukau�an õtaan nii pu�ati powa�a zii aimaakan kida pusha�apatan nii. Puwa�ati�i naa, pukonaukii kizi�i naa õtuma.’ 22 “Udauna�an poitorui zaamata�oraz dya�utam saako puraata kaawan panaobanaa ida�ati. Ukian, ‘�naobanaa, putaanii õ�ati dya�utam saako puraata, putukapa na�apam õdiridanuz powa�a�o zii, õikoda dya�utama�a naa saako u�ida�an.’ 23 Sariapa unaobanaa kian u�ati, ‘Pugaru, kaimana�o pusha�apatinan. Kaiman pusha�apatan masakauda�u�o aimaakan õtaanii pu�ati, ukau�an õtaan nii pu�ati powa�a zii aimaakan kida pusha�apatan nii. Puwa�ati�i naa pukonaukii kizi�i naa õtuma.’ 24 “Udauna�an poitorui zaamata�oraz bauda�apa saako puraata kaawan panaobanaa ida�ati. Ukian panaobanaa ati, ‘�naobanaa, õaitapa dadara�o pidan pugaru, pukasaba�uan paoribai aka kida aonaa pupaoriba kida mani. 25 Uruu idi õtarian pu�ai, ukau�an õdidanaka wuru�u pupuraatanuz imi�i ka�azo ii. Mazan putukapa, di�i naa pakawan wuru�u pupuraatanuz.’ 26 Sariapa unaobanaa kian u�ati, ‘Pugaru maturuauka�o, na�iki zoonzio poitorui. Puaitapanii padamata õkasaba�uan paoribai aka kida aonaa õpaoriba kida di�iki�o mani. 27 Mazan upu�u aonaa putaan õpuraatan puraata dapunaa iti udiri�idin kizi na�ii. Di�i õkawanu�o diri�idina�a naa mani õikodan õpuraatan.’ 28 Uruu idi unaobanaa kian ba�oran papoitorunao ati. ‘Uzaamata bauda�apa�oraz saako puraata u�ai na�iki utaa arawu atizu�u, kaina�a�oraz 10 saako u�ida�a. 29 Usha�apanum kau�an ipai pidan kaimana�o ukaiwaan taa-kariwai pa�ati, powa�a�o nii zii utaa-kao u�ati, dobata�o nii manawun. Mazan pidan aona�oraz ukaiwaan kaiman taa-kariwaiz pa�ati, kanom taa-kariwaiz u�ati, zaamata-karu nii u�ai.’ 30 Ukau�an ukaboota wuru�u maturuauka�oraz poitorui paniba iti, maruta�o-karu iti. Na�ia�o nii uzaadan na�iki ukuzowan paudako padopian idi." 31 “Daonaiora Aokazi Iki�o kaawan dono umanawunu�o naobanai nii, ipai pa�angelinnao tuma. Uruu dono usakanatan nii umanawunu�o pataba ida�a, king nii. 32 Ipai�o nii pidannao baokopata-kao u�ida�ati. Uru�o ni�i naa ubuutan ĩdyaun, na�apa kaznizo taapiki buutan kawan kaznizonao booginao ai. 33 Umuudan nii kaznizo kawanu�o pidannao padiwa�ora antanapu. Boogi kawanuinao pidannao pa�ashabaron antanapu. 34 Udauna�an king kian ni�i naa padiwa�ora antanpu�o pidannao ati, ‘Uwa�ati, õdaru kamunan-kidaniinao, uzaamata kizi�i naa kaiman kida�o aimaakan õnaobanaitapa-kizi ii, minziiwa-kida-kariwaiz naa u�ati amazada toma-kao di�iki�o. 35 Usha�apanum kau�an unao utaauzonii da�i õwanyukunuu nii õzamazin dono. Utaauzonii da�i õtuzan nii õmaradakon dono, na�iki kaiman da�i udapaapan õgaru õtawaraitan dono u�idi�iti. 36 �makamichaniitan dono, utaauzonii da�i õkamichan nii. �karinaan dono, uawunuutapanii õgaru. Na�iki utukapa da�i õgaru õtaraapa-kao dono.’ 37 “Uruu idi kaimanainao kian nii u�ati, ‘Naobanai, na�apainim da�i watukapauzon puzamazin na�iki wataan puwanyukunuu nii, oo pumaradakon na�iki wataan putuzan nii? 38 Na�apainim da�i watukapan putawaraitan wa�ida�ati na�iki wadapaapan kaiman pugaru, oo pumakamichaniitan na�iki wakakamichantan pugaru? 39 Na�apainim da�i waawunuutapan pukarinaan, oo watukapa�anan pugaru putaraapa-kao dono?’ 40 “King kian nii ĩ�ati, ‘�kowaadan u�ati mishi�o, na�apainim usha�apatan na�apa�o aimaakan bauda�apa�o õpidanan ati, aona�oraz umanawunun padamata, õgaru ati�o wuru�u usha�apatanuz aimaakan.’ 41 “Udauna�an king kian nii pa�ashabaron antanpu�o pidannao ati, ‘Unao Tominkaru dakotanii papataka�utan nii, umako õ�ai mamakadauzoko tikazi wu�iti, minziiwa-kida-kariwaiz Satan na�iki uangelinnao ati. 42 Usha�apanum kau�an unao, aonaa da�i utaauzon õwanyukunuu nii õzamazin dono; aonaa da�i utaauzon õtuzan nii õmaradakon dono. 43 Na�iki aonaa da�i udapaapan kaiman õgaru õtawaraitan dono u�idi�iti; õmakamichaniitan dono, aonaa da�i utaauzon õkamichan nii. �karinaan dono, aonaa da�i uawunuutapan õgaru; na�iki aonaa da�i utukapa�anauzon õgaru õtaraapa-kao dono.’ 44 “Udauna�an ĩkian nii u�ati, ‘Naobanai, na�apainim da�i watukapauzon puzamazin, pumaradakon oo putawaraitan oo pumakamichaniitan oo pukarinaan oo putaraa-kizai ii, na�iki wamanyukunuuapakan pugaru?’ 45 “Ukian nii, ‘�kowaadan u�ati mishi�o, kanom umasha�apatakanii bauda�apa�o õpidanan ati, aona�oraz umanawunun kowas, umasha�apatakan aimaakan õ�ati wuru�u. 46 Ukau�an ĩdyuuda-kao nii karikaonanu�o pataka�utin-kizai iti. Mazan kaimana�o pidannao, karikaonanu�o kakupa-kizai iti�o nii pa�an.’"

‹ Chapter 24 MATTHEW — All Chapters Chapter 26 ›

MATTHEW 25

Cite / Share This Page