Menu

MATTHEW 26

WBT

1 Aizii Jesus ipaian naa pakakuwaapan ipai aimaakan kida dauêan patominapa-kidaniinao ati. Uruêu naa ukian Ä©êati. 2 “Uaitapanii shaêatii dyaêutam kamoo daunaêanaêo niêi naa Passover Kamoon. Naêiki Daonaiora Aokazi Ikiêo taa-kao niêi naa tauka-karu nii cross diêiti." 3 Uruu dono Faadaanao zowaunaanao naêiki kazowautapainao Jewnao baokopatinan Caiaphas, Umanawunuêo Faadaa dapu ii. 4 Ĩkadakotinan naêii pazowiaêazon dauêu Jesus, Ä©aitapaêazon naêapam nii pazaamatan Jesus pidannao daidaêan. 5 Ĩkian, “Mazan aonaa washaêapataêanaêa uruu amazada konaukii-kida-kao dono, panaadon watoêorataaka-kidan nii pidannao." 6 Aizii Jesus sookadinpan Bethany ii pidan Simon kiaêo uêuu dapu ii, kabishopankauzo kichanaêiki-kizai bishoi idi. 7 Jesus naêian dono zunaaba kaawan uêidaêati, onaêakapan kawinipinaêo kaduunuribai pakinnaa zoêan, kuba idiêo utoma-kao. Sariapa oshootan ipai wuruêu kaduunuribai Jesus zowau an uaroapatinan puêu. 8 Jesus tominapa-kidaniinao tukapan wuruêu oshootanuz kaduunuribai, uruu idi tuukii Ä©toêoran udauêan. Sariapa Ä©kian, “Ei! Kanom niêi naa owakudanuzu. 9 Wuruêu kaduunuribaiz, turuaêo utaa-kao dobataêo puraata dikin ii, naêiki upuraatannaa taa-kao mapuraataniinao ati." 10 Jesus aitapa naêapaêoram Ä©kian, uruu idi ukian Ä©êati, “Kanom nii ukian aonaa ukaimanan oshaêapataniaz? Kaimanaêo aimaakan mishiêoraiman wuruêu oshaêapataniazu õêati. 11 Karikaonanuêo nii Ä©naêan utuma wuruêu mapuraataniinaouz, mazan õgaru, aonaa karikaonanuêo nii mani õnaêan utuma. 12 Wuruêu oshootanuz õnanaa an kaduunuribai, ominziiwatan naa õnanaa õdida-kao uaêii. 13 Mishiêo õkowaadan uêati, ipai naêiaêakam amazada kawanaêati, diêoraz Kaimanaêo Kuwai kowaadapa-kao an, ipai wuruêu oshaêapataniaz õêati, ukowaada-kao nii kapam. Naêiki karikaonanuêo nii onyukunuitapa-kao wuru idaêanaêa oshaêapataniaz õêati." 14 Udaunaêan baudaêapa pidan 12 Jesus tominapa-kidaniinao bii ikiêo, Judas kiaêo uêuu, makon faadaanao zowaunaanao diêiti. 15 Naêiki upishaan Ä©dyaun, ukian, “Kanomaêo nii utaa õêati õzaamata-kidan winipinaa nii Jesus uêati?” Sariapa Ä©aitaan 30 wiziêi kidaêo puraata, naêiki Ä©taan naa uêatizu. 16 Uruu naêikiêo Judas diêitinpan naa naêapam nii naêiki naêiam nii pazaamata-kidan Jesus Ä©êati. 17 Kiwiitapaêo kamoo Mawikiêinaêo Bread Nikauzo-kao Kamoon kida dono, Jesus tominapa-kidaniinao waêatin uêidaêati, naêiki Ä©kian uêati, “Naêiam nii puaipan waminziiwa-kidan Passover Kamoon wanyukunuunaa niêo puêati?" 18 Jesus kian Ä©êati, “Umako donoi iti Jerusalem iti. Kainaêa pidan naêii, naêiki ukii uêati, ‘Tiichaa kian, Aizii amazada aitinpaêo õêati kaawan naa, ukauêan õtaapan nii Passover Kamoon õtominapa-kidaniinao tuma pudapu ii.’" 19 Uruu idi Ä©makon Ä©shaêapataêanan naa Jesus paradan kawanaêati. Ĩminiziiwa-kidan naa Passover wanyukunuunaa. 20 Aizii masakaudaêu kamoo tipitan daunaêan, Jesus sakanatan naa 12 patominapa-kidaniinao tuma Ä©aroopaêazon naa. 21 Ĩaroopan puêaêa naa Jesus kian, “Ãkowaadan nii uêati mishiêo, baudaêapa pidan unao bii ikiêo zaamata-kidan nii õgaru õtarubanao ati." 22 Tuukii utominapa-kidaniinao kashaêoran unaêapan idi paêati, uruu idi padawuêatiaaka kida Ä©kian uêati, “Aonaa mazan õgaru mani, mishii õnaobanaa?" 23 Sariapa Jesus kian Ä©êati, “Baudaêapa pidan unao bii ikiêo, damotaêoraz bread patumaaka õtuma, uruu zaamata-kidaêo niêoraz õgaru. 24 Mishi aimaakan shaêapan nii Daonaiora Aokazi Ikiêo ati, wuru kawanaêatiêo Tominkaru Paradan saada-kariwaiz udauêu. Mazan dikaudaêo nii manawun wuru baiaapanuêu pidan zaamata-kidaêoraz Daonaiora Aokazi Ikiêoraz. Kaiman zii mani aonaa ushakatauzon." 25 Udaunaêan Judas, zaamata-kidaêo niêoraz uruu kian, “Kanom mookoz, õgaru shaêa, Tiichaa?” Sariapa Jesus kian uêati, “Oo, naêapaêo pukianuz." 26 Ĩaroopan puêaêa naa, Jesus zaamatan bread naêiki utoriinapa-kidanuz. Udaunaêan udushoonuzu, uruêu naa utaanuzu ipai patominapa-kidaniinao kawanaêati, naêiki ukian Ä©êati, “Unika diêi, õnanaa wuruêu õtaaniaz uêati." 27 Udaunaêan uzaamatan koopo kawazoêo wine idi, naêiki utoriinapa-kidanuz. Udaunaêan utaanuzu Ä©êati naêiki ukian Ä©êati, “Ipai unao utuza diêi. 28 Diêoraz õizain kainaabataêo mishiêo nii Tominkaru shaêapatan pashaêapataêazooniaz pidannao ati. Uruu õizain shootan idaêan Tominkaru marinaêatan iriba pidannao oian. 29 Ãkowaadan uêati aonaêo nii õtuzan wine powaêa atii õtuzan paêinaêo wine utuma õdaru Tominkaru naobanai-tinapa-kizi ii." 30 Aizii Ä©ipaian daunaêan paaroopan, Ä©kunuiaêakan naa Tominkaru ati. Uruêu naa Ä©makon Olive Naawa iti. 31 Udaunaêan Jesus kian Ä©êati, “Aizii wuru wamarutan idaêa, ipaiêo nii uwaêakan õgaru. Naêapa usaadinpan kawan kotuaêoraz Tominkaru Paradan idaêa, ukianuz: ‘Ãzowian nii kaznizonao taapiki, naêiki ipaiêo nii kaznizonao makoodanainan.’ 32 Mazan õkadishitan daunaêan õmawaka-kizi iki õmakon nii uêuaêati Galilee Baara iti." 33 Sariapa Peter kian uêati, “Baokoinao mani waêakan nii pugaru, mazan õgaru, aonaêo nii õwaêakan pugaru!" 34 Jesus dakoêatin Peter, ukian uêati, “Ãkowaadan puêati mishiêo, wuru marutaêo idaêa, kuruku kaêaranpan uaêii, idikinauêo nii pukian pidannao ati, aonaa puaitapan õgaru." 35 Mazan Peter maêozakadinan powaêa zii. Ukian, “Aonaa naêapainim nii õkian aonaa õaitapan pugaru, atii õzowii-kao putuma!” Ipai baêoran tominapa-kida-kariwainao, naêapa Ä©kian kida kapam. 36 Udaunaêan Jesus naêiki utominapa-kidaniinao makon naa Gethsemane iti. Naêii ukian Ä©êati, “Daêaêa naa zii paêi usakanatapaêa õtoriinpan puêu diêitanpuêu." 37 Unaêaka Peter naêiki dyaêutam Zebedee dainao, James naêiki John patuma. Uruu naêiaêa naa Jesus kashaêoran tuukii, udopian panyukunuu ii. 38 Sariapa ukian patumainao ati, “Ãkaikapanuzuêu tuukii kashaêora-karu dikintan õgaru, mawaka-karu diêiti manawun õabatanuz. Unaêa daêaêa upokodapa kizi õtuma." 39 Jesus makon masakaudaêu umunapodinan Ä©êai, naêiaêa naa ukodoruêukan udawukan uawun imiêi baara iti, naêiki utoriinpan. Ukian, “Ãdaru, turuu mani, udobata-kida-kao õêai wuruêu diêoraz õbaiaapaêazooniaz, mazan aonaa õaipan kawanaêati mani, soo puaipan kawanaêati paêan." 40 Udaunaêan ukaawan powaa ati patominapa-kidaniinao idaêati, uikodan Ä©dyaun daêawuêu naa. Uruu idi ukian Peter ati, “Aonaa mooko turuu upokodapan uawunuutapan masakaudaêu karikaonan õtuma?" 41 Naêiki Jesus kian Ä©êati, “Upokodapa naêiki utoriinapa aonaa kizi ukaakinpan oiaêo tiwaa-kidapan an unao. Udoronaa minziiwa padamata, mazan unanaa ii aonaa uturuuan." 42 Udaunaêan Jesus makon koshan utoriinpaêanan. Ukian, “Ãdaru, aizii aonaa naêitim dono udobata-kida-kao õêai wuruêu õbaiaapan niêoraz, ukauêan marii mooko õbaiaapanuz, ushaêapa kizi puaipan kawanaêati." 43 Ukaawan powaa ati Ä©êidaêati, uikodan Ä©dyaun daêawuêu naa koshan, aonaêa naa Ä©kaêiitan papokodapan. 44 Uruu idi umakon koshan baukapaêa naa. Uruu idikinautan naa utoriinpaêanan. Utoriinpan naêapa kiwiitapaêo patoriinpan kawan. 45 Udaunaêan ukaawan naa powaa ati patominapa-kidaniinao idaêati koshan, naêiki ukian Ä©êati, “Ei, pakawan zii udaêawupan, usookapan zii? Uabata, kaawaêa naa aita-kariwai amazada aizii, naêiki Daonaiora Aokazi Ikiêo kaakapaa-kaoaêa naa oiainao pidannao ati. 46 Ukauêan ukadishitaêa naa, wamakoêo naa. Kaawaêa naa kaakapaêoraz õgaru!" 47 Jesus kadakotinan puêu zii, Judas kaawaêakan naa. Uruu 12 Jesus tominapa-kidaniinao bii ikiêo. Unaêaka patuma iriba pidannao kamarian zaêabaêi kidaêo naêiki kazowintinapa kidaêo atamun idi. Faadaanao zowaunaanao naêiki kazowautapainao Jewnao dyuudanii Ä©nao zaamataêo nii Jesus. 48 Aizii Judas kowaadaêakaniêi naa naêapam nii pakainaabatan Jesus Ä©êati. Ukian Ä©êati, “Pidan õkissitaniaz ukaozoo, uruu wuruêu uaipaniaz." 49 Ukauêan sariapa Judas makon Jesus diêiti, ukian uêati, “Kaiman, Tiichaa,” naêiki ukissitaêakan naa ukaozoo. 50 Uruu idi Jesus kian uêati, “Ãpaonaru, pushaêapataêa naa wuruêu pushaêapataêazooniaz.” Uruuêu naa Judas naêakapaniinao pidannao kaawaêakan naêiki Ä©zaamataêakan naa Jesus. 51 Unaêapan idi baudaêapa Jesus tominapa-kidaniinao bii ikiêo soêotaêakan pamarian zaêabaêi naêiki usaêukan Umanawunuêo Faadaa poitoru tain, uwaotaêaka. 52 Sariapa Jesus kian uêati, “Pupaida pumarian powaa iti, ushaêapanum kauêan kanomanao mizaataakaêo marii idaêan, Ä©mawakan nii marii idi. 53 Aonaa mooko puaitapan turuu õdaru dyuudan iriba angelnao kaminkaêutaêo nii õgaru õpishaan an uruu? 54 Mazan unaêapan dono, aonaêo niêi naa kotuaêo prophetnao saadanii kidaz Tominkaru Paradan mishiinan, wuruêu shaêapaêo niêoraz uaita-kao." 55 Udaunaêan Jesus kian zaamatainao ati paugaru, “Kandii nii uwaêatin õdauêati kaikapaêa, zaamataêanaêo kawan zowii-miki pidan? Wuruêu unaêakanuz marii zaêabaêi kida naêiki uzowin kida? Ipai kamoo õgaru Tominkaru Dapu ii õtominapatin-kidan pidannao, mazan aonaa uzaamatan õgaru naêapain. 56 Mazan diêoraêa aimaakan shaêapan kaikapaêa, Tominkaru prophetinnao saadanii kida mishiin-kinaêa naa,” ukian. Udaunaêan utominapa-kidaniinao kidoopan naa, Ä©waêakaêakan naa uruu. 57 Udaunaêan pidannao zaamatainaouz Jesus naêakan naa uruu Caiaphas Umanawunuêoraz Faadaa dapu iti. Naêiaêa naa tiichaapauzonao Moses kakinaori dauêu naêiki baêorainao kazowautapainao Jewnao baokopatinan. 58 Peter naêiti udaêanan Jesus, mazan munapo uwaêakinpan. Umakopaanan atii ukaawan Umanawunuêoraz Faadaa panibazoota iti. Umorotan panibazoo ati, naêii usakanatan watchmannao tuma, utukapaêazon naêapam Jesus shaêapata-kao. 59 Aizii naêiaêa naa faadaanao zowaunaanao naêiki ipai kootowapa-kidauzonao pidannao tiwaan paikodan pidannao mariidinaêo nii Jesus dauêu, pazowii-kida-kinaa niiz, 60 mazan aonaa Ä©ikodan. Iriba padamata pidannao mariidinan Jesus dauêu, mazan upuêu aonaa Ä©ikodan naêapa kidaêo Ä©mariidinan. Udaunaêan zii dyaêutam daonaioranao kadishitan naêii Ä©kakuwaapan, naêapa kida Ä©mariidinan Jesus dauêu. 61 Ĩkian, “Waabatanii diêoraz daonaiora kian, ‘Turuu õmainaabatan Tominkaru Dapu, naêiki õkadishita-kidanuz powaa iti idikinaudaêu kamoo idaêa.’" 62 Sariapa Umanawunuêoraz Faadaa kadishitaêakan naêiki ukian Jesus ati, “Aonaêo nii karikaonan naêapam pukian kaiwuru dauêanaêa pukaakapaa-kaoaz?" 63 Mazan aonaa Jesus dakoêatin uparadan. Udaunaêan Umanawunuêoraz Faadaa kian uêati koshan, “Ãpishaan pugaru kakupaêoraz Tominkaru awun zaêa, pukowaada waêati mishiêo mishi pugaru Christ, Tominkaru Dani?" 64 Jesus kian, “Oo, naêapaêo kaiwuruêu pukianuz. Wuru daunaêanaêa utukapan nii Daonaiora Aokazi Ikiêo sakanatapan Tominkaru diwaêora antanapu naêiki uwaêatin nii aokazi iki ishaêiz paawa an." 65 Sariapa Umanawunuêoraz Faadaa kuzuutaêakan pakamichan patoêoran idi, naêiki ukian, “Uabata naêapam uwazootapaêazon Tominkaru! Ukauêan kanom zii wazaudapa kaakapaêo nii uruu, waabatan puêaêa naa naêapam uwazootapaêazon Tominkaru! 66 Aizii mani naêapam ukian udauêan?” Pidannao kian, “Turuu uzowii-kao." 67 Udaunaêan Ä©sopiautapanuzu paawun baara ati naêiki Ä©tiniautapanuz, baêorainao taêianuzu. 68 Ĩkian Jesus ati, “Pugaru Christ, ukauêan pokowaada waêati naêiaêoram pidan tinikaêoraz pugaru?" 69 Aizii Peter unaêian usakanatapan panibazoo ii. Poitoruiaba waêatin uêidaêati naêiki okian uêati, “Pugaru kapam Jesus, Galilee Baara san, tumaêo daêi." 70 Mazan Peter taapa-kidapa paaitapan Jesus. Ipai naêiainao kanaapu ati ukian, “Aonaa õaitapan kanom dauaêo kaiwuruêu pukadakotinanuz." 71 Udaunaêan umakon panibazoo paniinomizi itinapu. Naêii baêoran poitoruiaba tukapanuz naêiki okian naêiainao ati, “Diêoraz pidan, Jesus Nazareth san tumaêo uruu." 72 Peter taapa-kida koshan, ukian, “Mishiêo õparadan, aonaa õaitapauzon wuruêu pidanaz." 73 Masakaudaêu udaunaêan pidannao naêiainao Ä©kadishitapan waêatin Peter idaêati naêiki Ä©kian uêati, “Mishiêo uiriban wuruêu pugaruz, ushaêapanum kauêan naêapa pukaduz, puparadan idaêan pukainaabatinan." 74 Udaunaêan Peter kian “Mishiêo kaiwuruêu õkianuz aonaa õaitapan wuruêu uruuzu, aizii aonaa õparadan mishiin dono, marii Tominkaru patakaêutan õgaru.” Mashaêapakii kuruku kaêaranpaêakan naa. 75 Sariapa Peter nyukunuuaêakan naêapam Jesus kiauzon paêati, “Kuruku kaêaranpan uaêii, idikinauêo nii putaapa-kidan puaitapan õgaru.” Uruu idi Peter koditaêakan naa paniba iti naêiki uzaadan tuukii.

Everything we make is available for free because of a generous community of supporters.

Donate