MARK 13

WBT

‹ Chapter 12 MARK — All Chapters Chapter 14 ›

1 Jesus koditan pu�a�a naa Tominkaru Dapu iki, bauda�apa utominapa-kidanii kian u�ati, “Putukapa Tiichaa! Konaunam mishi kabaun na�iki ukorarannaa toma-kao, kaiman mishi ĩtomanuzu udaru kida�o kuba idi!" 2 Sariapa Jesus kian u�ati, “Putukapa wuru�u udaru�oraz kabaun na�iki ukorarannaa kidaz? Aona�o nii bauda�apa kuba mashaapan pamuuda-kizinaoa�a, ipai�o nii ĩkaboobi�ii-kao kida." 3 Uruu dauna�an Jesus sakanatapan Olive Naawa ii Tominkaru Dapu pa�inamun, sariapa Peter, James, John na�iki Andrew pishaan uruu pairibannao daida�an, 4 “Pukowaada wa�ati na�apainim nii zii di�ora�a sha�apanu�u. Kanoma�o nii sha�apa, waaitapa-kinaa nii usha�apa�azon naa." 5 Jesus kian ĩ�ati, “Uzaudin pa�i, aonaa utaapada�ana�a pidan mariidan unao. 6 Iriba pidannao kaiwaan nii õ�uu, ‘�garu uruu!’ ĩkian nii, ĩmariidan nii kapam iriba ba�oran pidannao kida. 7 Mana�a utaria�ana�a uabatan dono tarubainao mizaataakapan, na�iki uabatan dono kadakotin-karu munapo�o tarubainao mizaataakatinan dau�u. Na�apa kida�o aimaakan sha�apan nii, mazan aonaa zii amazada ikoda�azon patokon mani wuru�u. 8 Wiizai kida mizaataakan nii pa�atiaaka; donoi kida mizaataakan nii pa�atiaaka. Kaina�a�o nii imi�i nakainan ipai amazada kawana�ati, kaina�a�o nii zamazi-karu kida kapam. Mazan baiatin-karu kida sakadinan zii karikaonan wuru�u. Shakata�azo�o koraidaonaa kaziwan sakadinan kawanu�u zii wuru�u. 9 “Ukau�an uzaudinpa�a naa pa�i. Usha�apanum kau�an uzaamata-kao nii, na�iki una�aka-kao nii kootowapa-kizai iti. Uba�izii-kao nii synagogue ii kida; ukadishitan nii kazowautapainao wiizai kida na�iki kingnao kanaapu ati õgaru dikin ii; ukowaada kizi kapam Kaimana�o Kuwai õdau�ana�o. 10 Mazan amazada tokon kaawan ua�ii, marii kizi kiwiin Kaimana�o Kuwai kowaada-kao ipai wiizai kawana�ati. 11 “Aizii uzaamata-kao dono, na�iki ukootowapa-kida-kao dono, mana�a udi�itinpa�ana�a upishaa-kao ua�ii na�apam nii ukian. Mazan upishaa-kao dono�o naa, ukowaada�aka kanom dyuuda-kariwai ukowaadan. Usha�apanum kau�an aonaa unaou�o nii mani parada, mazan Kaimana�o Doronaa taan nii uaitapa-kinaa nii na�apam nii ukian. 12 “Uruu dono pidannao zowii-kidan nii pa�inawuzunao. Daruinao na�apa�o nii ĩzowii-kidan paudainao. Daniinao kashadapan nii padarunao na�iki padaronao, na�iki ĩzowii-kidan nii ĩdyaun. 13 Ipai�o nii pidannao to�ora-kizaitapan unao õgaru dikin ii. Mazan kanom tuuda�o ipai wuru kida�a atii utokon iti, kazannaata-karu nii uruu. 14 “Mazan utukapan dono�o naa kachama�idiikia�o aimaakan muuda-kao aonaa uaiapa-kizinaou�u mani, na�iki umana�idii-kidan amazada pidan ai.” (Marii awunuutapa�o kaarita di�itapan na�apa�oram saada-kariwaiz.) “Ukau�an marii mashaapainao Judea Baara ii kidoopan naa midukuo kida iti. 15 Pidan sookapa�o paniba ii, marii kizi aonaa umorotan padapu nazo iti powaa iti aimaakan pana�aka�azoonii dau�ati. 16 Pidan kaudina�o pazakapun ii, marii kizi aonaa ukiwan padapu iti pachaakitan dau�ati. 17 Kasha�ora�o nii manawun aimaakan sha�apan ki�iwi-ziiwanao ati uruu dono, na�iki daroinao biidapainaouz zii ĩdainao ati, uruu kamoon kida kaawan dono. 18 Utoriinapa Tominkaru ati aonaa kizi usha�apan amazada wadidiizon dono! 19 Usha�apanum kau�an wuru�u kichana�iki-kii kida�oraz aimaakan sha�apan dono, powa�a�o nii zii manawun ukichana�iki-kian aimaakan sha�apa�o, amazada sakadin-kizi iki�o ai, na�iki kai�i aimaakan sha�apan ai. Na�iki aona�o nii aimaakan sha�apan na�apa powa�a koshan. 20 Mazan Naobanai awutapadan nii wuru�u usha�apan kamoon kidaz, aonaan an mani, aona�o nii bauda�apa pidan kakupan. Upidanannao kaina�an idi�o wuru�u uawutapadanuz kamoo kida. 21 Uruu dono, na�ia�oram pidan kian an pu�ati, ‘Putukapa, di�i Christ!’ oo ‘Putukapa, kindi�ii zu�u!’ mana�a pa�i pumishida�ana�a uruu. Aonaa mishi�o mani wuru�u. 22 Dakotinpainao Christ nii na�iki dakotinpainao prophetnao nii kaawan nii, ĩmariidapa�anan pidannao karikaonan. Ĩsha�apatan nii umanawun kida�o aimaakan di�itinapa-kida�o nii pidan ĩtanawata-kinaa nii Tominkaru pidanannao pana�iti, ĩturuan an mazan. 23 Uzaudin kizi pa�i! �kowaadan u�ati ipai wuru kida�a, usha�apan ua�ia�o zii wuru�u. 24 “Na�apain uruu dono kichana�iki-kia�o aimaakan sha�apan dauna�an, kamoo marutan nii na�iki kauzu aona�o nii ukanadan powa�a. 25 Wizinao kida waota�o nii aokazi iki, na�iki ipai�o nii aimaakan wuru�u doko ii kida�oraz zikadinan. 26 Uruu dauna�an Daonaiora Aokazi Iki�o aidinan ni�i naa, uwa�atin nii isha�iz bii an, umanawunu�o ma�ozaka-karu na�iki umanawunu�o konaunama-karu ida�an. 27 Udyuudan nii pa�angelinnao ipai amazada shakaru ii aka, imi�i baara ana�oraz, ĩkasaba�uka kizi ipai Tominkaru zaamatanii papidanannao nii. 28 “Marii kizi fig kadunaa tominapa-kidan pugaru. Putukapan dono ukadunaa pa�ishizo-dinan na�iki pa�ina�o uanaba sodi kida koditan, puaitapa pidan paowinpan kamoo maonapatan wuru�u. 29 Na�apa kapam kichana�iki-kia�o aimaakan kida sha�apan dono, puaitapan nii õkaawa�azon kamoon maonapatan naa wuru�u. 30 �kowaadan nii u�ati aimaakan mishi�o, ipai�o nii aimaakan kida sha�apan na�apa, kai�o pidannao mawakan ua�ii ipai. 31 Aokazi na�iki imi�i baara mainaabatinan nii, mazan õparadan kida aona�o nii na�apainim umainaabatinan. 32 “Aona�o nii bauda�apa pidan aitapan na�apainim nii oo na�iam nii kamoo wuru sha�apanu�u, aona�o nii Angelnao aokazi ia�o oo Tominkaru Dani aitapan, soo Tominkaru�o nii aitapa pa�anaz. 33 Puawunuutapa, puzaudin, usha�apanum kau�an aona�o nii puaitapan na�apainim nii wuru sha�apanu�u. 34 Pidan makon kawanu�o padapu iki na�iki uwa�akan papoitorunao awunuutapa�o niizu, ipai ukakaudin-kizitan ĩdyaun, na�iki udyuudan taapa�o nii paniinom mashaapan zaudinapa. 35 Puawunuutapa, ukau�an, aona�o nii puaitapan na�apainim nii kadapu�o kaawan powaa ati, panaadon wachuupunin oo tomun-zikon, oo kuruku ka�aranpanin, oo kamoo koditanin. 36 Ukaawan dono masha�apakiaka, aonaa kizi pa�i uikodan puda�awupan. 37 Na�apam õkian u�ati aizii, õparadan ipai pidan ati�o wuru�u: ‘Uzaudinapa!’ õkianuz."

‹ Chapter 12 MARK — All Chapters Chapter 14 ›

MARK 13

Cite / Share This Page