MARK 3
WBT1 Jesus makon naa powaa iti synagogue iti, naźiaźo pidan aonaźo kanom ushaźapatan pakaźu mawakan idi. 2 Naźaźo pidannao Phariseenao biiźi, Ä©aipan patukapan Jesus shaźapatan panaźitiźo aimaakan pakakinaorinaa ai. Uruu idi Ä©aipan naa patukapan ukakudan nii mani wuruźu pidanaz Sookapa-karu Kamoon dono oo aonaa. 3 Jesus kian wuru atiźi pidanaz aonaźoraz ukaźu kaimanan, “Puwaźati daźatiźi pidannao kanaapu ati." 4 Udaunaźan Jesus pishaan pidannao kaikapaźa: “Naźapa dii kakinaorii aipan washaźapatinan Sookapa-karu Kamoon dono? Wakaminkaźuta oo wapatakaźuta wairiban? Wakakuda oo wazowii pidan?” Mazan aonaa karikaonan Ä©dakoźatin uparadan. 5 Uruu idi Jesus toźoran, uawunuudanaan Ä©źati. Unaźapan puźu tuukii ukashaźora-kidan Ä©dyaun, Ä©kashadamikin puźu. Uruu daunaźan ukian pidan ati, “Putunuuta puanoba.” Utunuutaźakanuzu, sariapa ukaźu saabainaźakan. 6 Uruu idiźi naa Phariseenao makoźokan naa synagogue iki, Ä©miitiniipan Herod pidanannao tuma, naźiki Ä©baokopatan padiźitinpan Ä©aipan pazowian Jesus. 7 Jesus makon patominapa-kidaniinao tuma Galilee Karishiiz danoma iti, naźiki iriba pidannao daźanpan uruu naźiti. ÄØwaźatin Galilee Baara iki, Judea Baara iki, 8 naźiki Jerusalem iki kida. Naźiki baźorainao waźatin kida Idumea Baara iki, waoko itanpuźoraz Jordan Waźo ai baara iki, naźiki baźorainao Tyre naźiki Sidon Baara iki kida. Ipai wuruźu pidannao kaawanuz naźati Ä©abatan idiźo Jesus shaźapatan kaiman kidaźo aimaakan. 9 Pidannao iriban idi utukapan, udyuudan patominapa-kidaniinao naźakan kanawa paźidaźati, aonaa uaipan pidannao chakatinan paźidaźati. 10 Ushaźapanum kauźan ukakudan daunaźan iriba karinainao pidannao, naźiki baźorainao dikintinan Ä©aipan papishatan uruu. 11 Naźapainim karikaonan pidan kainaźaźo oiaźo doronai uźidaźa tukapan Jesus, sariapa udorautaźakan ukanaapu ati pakadakoinan tuma, ukian uźati, “Pugaru mishi, mishiźo Tominkaru Dani!" 12 Mazan Jesus kakinaowan oiaźo doronainao maźozakaźo idaźan. Ukian, “Manaźa paźi ukowaadaźanaźa kanom kaduz wuruźu Ƶgaruz." 13 Jesus makon naawazi paawa iti, naźikiźi naa udapadan paźidaźati pidannao paaiapaniinao. Uruu idi Ä©makon uźidiźiti. 14 ÄØbii ikiźi naa uzaamatan 12 pidannao. Udakotan Ä©dyaun apostlenao nii. Jesus kian pazaamataniinao ati, “Ćzaamatan unao mashaapaźo nii Ƶtuma. Ćdyuudan nii unao kakuwaapatinaźo nii kaimanaźo parada-karu dauźu, 15 naźiki Ƶtaan nii umaźozaka-kinaa nii uwaata-kinaa nii oiaźo doronainao." 16 Kaikapaźo Ä©źuu kida wuruźu 12 uzaamataniinaouz: Simon (Jesus kaźuutaniazu Peter kii), 17 James naźiki John, Zebedee dainao (Jesus kaźuutan Ä©dyaun Boanerges kii, “Toroanaru kawanuinao” kiaźo wuruźu Ä©dakota-kaoaz), 18 Andrew, Philip, Bartholomew, Matthew, Thomas, James Alphaeus daniz, Thaddeus, Simon uruu zaamatinpauzoz pidannao diźiti, tiwautauzonaouz pawaatan Romannao, 19 naźiki Judas Iscariot, kaakapaźoraz Jesus. 20 Udaunaźan Jesus kiwan pasookapauzo-kizi kabaun itiźi naa. Naźii iriba pidannao kasabaźukinan uźidaźati koshan; uruu idi Jesus, patominapa-kidaniinao tuma, aonaźa naa Ä©aitapan naźapam panikan pawanyukunuu. 21 Uiribannao abatan idi uunamunaa, sariapa Ä©makon Ä©naźananuzu, “Madoronaitaźa naa uruu, padiźitinpan idi tuukii!” pidannao kian idi. 22 Tiichaapauzonao Moses kakinaori dauźu, waźatiinao Jerusalem iki, kian, “Kainaźa Beelzebul uźidaźa, oiaźo doronainao naobanaaz, uruu taaźoraz pamaźozakan uźati, uwaata-kinaa nii oiaźo doronainao." 23 Jesus dapadan pidannao paźidaźati, uparadan Ä©źati diźitinapa-kinai kuwai idaźan, “Naźapam nii mooko Satan kodita-kidan Satan? 24 Aizii wiizai buutinan an mani naźiki Ä©mizaataakan paźatiaaka, aonaźo nii Ä©mashaapan kaiman. 25 Pidannao mashaapainao baudaźapaźo kabaun idaźa buutaakapan an mani naźiki Ä©mizaataakan paźatiaaka, aonaźo nii Ä©mashaapan kaiman. 26 Ukauźan Satan tonaazinaa mizaataakapan an paźatiaaka, katokon-tinaźo nii unaobanai-tinpan. 27 “Aonaa turuu pidan morotinan naźiki ukoidapan maźozakaźo pidan dapu iki, soo udodoo-kao an kiwiin zii, udaunaźan turuu ushaźapauz kida koidapa-kao. 28 Ćkowaadan nii puźati turuu pidannao shaźapatanii oii kidaźoraz soźota-kao Ä©źai naźiki ipai wuruźu Ä©dakomikitinanuz. 29 Mazan naźiaźoram pidan dakoopaźoraz Kaimanaźo Doronaa, aonaźo nii uźoian soźota-kao uźai, karikaonanuźo nii uźoian naa." 30 Jesus kian kaikapaźa, pidannao kian idi, “Kainaźa oiaźo doronai uźidaźa." 31 Udaunaźan Jesus daro naźiki uźinawuzunao kaawan, Ä©naźian paniba ii Ä©kadishitapan. ÄØdyuudan paparadan uźidiźiti, Ä©aipan uwaźatin paźidaźati. 32 Iribaźo pidannao sakanatapainaouz udazaba an kian uźati, “Kainaźa pudaro, puźinawuzunao naźiki pudadakoonao paniba ii, Ä©aipan pugaru." 33 Jesus dakoźatin naźiki upishaan Ä©dyaun, “Kanom Ƶdaro nii? Kanom Ƶźinawuzunao nii?" 34 Uawunuupan padazaba ainao ati, “Dii Ƶdaro naźiki Ƶźinawuzunao. 35 Kanom shaźapataźo Tominkaru aiapanii, uruu Ƶźinawuzu, Ƶdadakoo, naźiki Ƶdaro."