MARK 4

WBT

‹ Chapter 3 MARK — All Chapters Chapter 5 ›

1 Jesus kakinaopan koshan Galilee Karishiiz danoma ii. Pidannao iriban idi, Jesus paidinan kanawa zo�iti, na�ia�a naa usakanatapan. Kanawa mashaapan munapo zaa karishii danoma ai, na�iki iribainao pidannao ipai ĩkadishitapan karishii danomata kida. 2 Jesus tominapatin-kidan pidannao di�itinapa-kinao kuwai kida ida�an. Ukian ĩ�ati, 3 “Aizii uabata! Kaina�a pidan makon upaowinpa�anan. 4 Zakapu baara ia�a naa upararaan naa uudai kida. Ba�oran uudai kida waotan dunapota karikaonan. Udauna�an kotu�uznao kaawan na�iki ĩnika�akan naa kidaz. 5 “Ba�oran kida waotan kuba baara iti, kaina�a�o kapam masakauda�u imi�i upaawa an. Uruu idi kadiman uudai kida sodan. 6 Mazan udauna�an kamoo wiichan tuukii, sariapa uaradadan pa�ina�o paoribai kida. Kadiman paoribai mawaka�akan, usha�apanum kau�an aonaa ĩishataba�u kida morotan munapo imi�i ka�azo iti. 7 “Na�iki ba�oran kida waotan kaiwada-karu bii an. Soda padamata ĩdyaun, mazan aona�a naa ĩkaakan, kaiwada-karu dikinidan idi ĩdyaun kamoo ai. 8 “Mazan ba�oran kida waotan kaimana�o imi�i baara iti. Uruu idi uudai kida sodan na�iki ĩtuubarun atii ĩkaakan: bauda�apa�o kaakan u�aka 30, ba�oran 60, na�iki ba�oran aka 100." 9 Jesus kian, “Pukakinaon an puabata�a naa kakinaorii!" 10 Pidannao kiwan dauna�an, Jesus wa�akinan 12 patominapa-kidaniinao tuma, na�a�o kapam baokoinao utominapa-kidaniinao. Ĩaipan ukowaadan pa�ati masha�apanna�o ida�an wuru�u di�itinapa-kinai kuwai kidaz. 11 Ukian ĩ�ati, “�kainaabatanii u�ati wuru�u aona�oraz ukowaadauzo-kao, na�apam Tominkaru naobanaitapa-kao, mazan ba�orainao ati õkakuwaapan nii soo di�itinapa-kinai kuwai kida ida�an pa�an. 12 Ukau�an, ‘Ĩtukapan nii kanom õsha�apatanii, mazan aona�o nii ĩaitapanuz. Ĩabatan nii õparadan kida, mazan aona�o nii ĩtaapanuzu. Ĩaitapan an maniz, ĩtanawatin mani Tominkaru di�iti, na�iki uso�otan mani ĩ�oian kida ĩ�ai.’" 13 Udauna�an Jesus kian patominapa-kidaniinao ati, “Aonaan an uaitapan wuru�u di�ora�a di�itinapa-kinai kuwai, na�apam nii mooko uaitapan ba�oran di�itinapa-kinai kuwai kida? 14 Paopauzo paowan kaimana�o kuwai Tominkaru di�iki�o. 15 Pabi�i kida pidan na�apa wuru kawanu�u uudai kida waota�oraz dunapota; ĩabatan pu�a�a naa Kaimana�o Kuwai, Satan kaawa�akan ĩ�ida�ati, ipai ukazata�akan ĩ�ai wuru�u kaimana�oraz kuwai paowa-kariwaiz ĩ�ida�a. 16 “Baokoinao pidannao, ĩnao uudai kida kawanu�o, waota�oraz imi�i di�iti, kuba baara paawa ana�oraz. Ĩabatan dono Kaimana�o Kuwai, konaukii ĩzaamatanuzu, 17 mazan aonaa ĩtaapan wuru�u kakinaorii kotua�iki pa�ida�a kida. Masakauda�u karikaonan ĩtaapanuzu. Na�apainim ĩsha�apata�azoo-kao an oo ĩpataka�uta�azoo-kao an Kaimana�o Kuwai dikin ii, sariapa ĩtanawatinan powaa iti pamishidan ai wuru�u kaimana�oraz kuwai. 18 “Baokoinao pidannao, ĩnao uudai kida kawanu�o, waota�oraz kaiwada-karu kida sakodata. Ĩnao, ĩabata wuru�u kuwaiz, 19 mazan ĩdi�itinpan aimaakan aiapa-kao dau�u, na�iki kasha�apauzi-karu dau�u, na�iki ĩaipaa-bi�ian ipai pabi�inaaka sodi kida�o aimaakan. Uruu idi ĩmanyukunuutan naa wuru�u kuwaiz. Na�iki aona�a naa ĩsha�apainpan kaiman kuwai kawana�ati. 20 “Mazan baokoinao pidannao, ĩnao uudai kida kawanu�o waota�oraz kaimana�o imi�i baara iti. Ĩabata wuru�u kuwaiz na�iki ĩmishida, tuukii ĩtaan panyukunuu atiz. Ĩkaakan bauda�apa�o aka 30, ba�oran 60, na�iki ba�oran 100 manawun." 21 Udauna�an Jesus kian ĩ�ati, “Pidan suuan an lamp kabaun nazo ii, na�iam umuuda-kao, boon waranu�u oo bed waranu ii? Aonaa doko�o mani umuuda-kao, aimaakan paawa�a? 22 Kanom dizinpa�o utaapa-kao, na�aka-kao nii kanada�o ida�ati. Na�iki kanom taratapa-kariwai, da�ata-kao niiz. 23 Pukakinaon an puabata�a naa kakinaorii!" 24 “Punyukunuuapa pakawan puabatanii; puna�apan an, uruu kawana�ati�o nii puaitapan. Na�iki powa�a�o nii zii manawun puaitapan taa-kao. 25 Pidan zaamata�o õkakinaori, powa�a�o nii zii uaitapan taa-kao. Mazan pidan aona�oraz uabatan õkakinaori, aona�o nii na�apainim uaitapan taa-kao." 26 Jesus kakinaopan koshan, ukian, “Tominkaru Naobanai-tinan kaikapa�ora�a. Wuru kawanu�u pidan paowanuz uudai pazakapun ii. 27 Udauna�an uda�awun aiwaka�an, wakanadan pu�u upokodapan, mazan uudai sodan naa. Aonaa uaitapan na�apam dii usodan. 28 Paaipan ati�o imi�i soda-kidan uudai, atii ukaakan. Kiwiin shomada sodi�o nii zii ukadunaa koditan atii udyaupain, udauna�an ukaakan. 29 U�aka dyuuan dono�o naa, pidan dukutan naazu pasooparan idi, ukamoon kaawan idi�i naa." 30 “Kanom kawanu�o dii wuru�u Tominkaru Naobanai-tinanuz?” Jesus kian. “Kanom kaduz di�itinapa-kinai kuwai mani turuu wakaiwaan wakowaada-kinaa niizu? 31 Kaikapa�o wuru�u: Pidan paowan papaoriba mustard uuda imi�i di�iti, uruu duusodi�o ipai ba�oran paoribai kida uuda ai. 32 Usodan dono�o naa powa�a zii utuubarun ipai paoribai paowa-kariwaiz zakapu ia�o ai, na�iki ukawaodainan iriba. Uruu idi iriba kotu�uz toman pashimaka kida na�apain ĩdikindinan uwaranu�u." 33 Jesus tominapa-kidan pidannao soo di�itinapa-kinai kuwai kida ida�an, wuru kida kawanu�u. Utominapa-kidan ĩdyaun masakauda�u ĩaitapan kawana�ati. 34 Aonaa na�apainim umakaiwaakan di�itinapa-kinai kuwai pakakinaowapa-kinaa nii, mazan paba�oranin dono patominapa-kidaniinao tuma, na�apaini�o nii zii ukowaadan ĩ�ati masha�apanna�o parada-karu ida�an wuru�u kuwai kidaz. 35 Na�apain uruu wachuupunin, Jesus kian patominapa-kidaniinao ati, “Wamako�o naa karishii baza iti." 36 Uruu ĩwa�aka�akan naa pidannao, ĩpaidinan naa kanawa zo�iti, uruu ĩmakon naa. Kaina�a kapam ba�orainao kanawa zo�an kida makon ĩtuma. 37 Masha�apakiaka ma�ozaka�o awaru kaawan na�iki sariapa udaru�o wunu paran kida daawadaan kanawa, maonapa kida unaraadanuzu. Atii wunu paidina�aka kanawa zo�iti. 38 Jesus, uda�awun pa�an, kaimanaiman ukawiizi-baaratan pazowau kanawa tokon itinapu. Sariapa utominapa-kidaniinao pokowauanuzu, na�iki ĩkian u�ati, “Tiichaa. Aonaa mooko pudopii-kidan waunao? Taa�azo�o naa wanaraan." 39 Sariapa Jesus pokoda�akan na�iki ukian awaru na�iki wunu paran ati, “Pumashaadin!” Sariapa awaru mashaadina�akan na�iki wunu paran sooka�akan naa kapam. 40 Udauna�an sariapa Jesus kian patominapa-kidaniinao ati, “Kanom nii dii utarian? Aonaa zii mooko umishidan?" 41 Mazan tuukii ĩtarian manawun, na�iki sariapa ĩkian pa�atiaaka kida, “Kandii kaduz dii pidan uruu? Atii awaru na�iki wunu paran izo�ati zii uparadan."

‹ Chapter 3 MARK — All Chapters Chapter 5 ›

MARK 4

Cite / Share This Page