MARK 6

WBT

‹ Chapter 5 MARK — All Chapters Chapter 7 ›

1 Udauna�an Jesus makon padyaupai-kizi wiizai iti patominapa-kidaniinao tuma. 2 Sookapa-karu Kamoon dono utominapa-kidan pidannao synagogue ii. Iriba pidannao na�iainao abatan ukuwaa, tuukia�o ida�an manawun ĩdi�itinpan. “Na�iki dii uaitapan ipai wuru�u?” ĩkian. “Kanom taanii u�ati uaitapa-kinaa nii? Na�apa dii usha�apatan umanawun kida�o aimaakan, aona�o watukapauzon? 3 Aonaa carpenter mani uruu, Mary daniz? Aonaa James, Joseph, Judas na�iki Simon inawuzu mani wuru�u uruuz? Aonaa mooko udadakoonao mashaapan da�a�a?” Aonaa ĩmishidan, na�iki aonaa ĩnyukunuu-atin wuru�u usha�apaapanii kidaz. 4 Jesus kian ĩ�ati, “Tominkaru prophetinnao naubaa-kao ba�oran wiizai ii kida, mazan pawiizi�i, aonaa uiribannao na�iki ba�oran pidannao naubaan uruu!" 5 Uruu idi aonaa Jesus sha�apatan umanawun kida�o aimaakan na�ii, soo masakauda�u karikaonan, upishatan karinainao paka�u idi na�apain ukakuda ĩdyaun. 6 Tuukii manawun udi�itinpan ĩdau�u ĩmamishidakan idi paugaru. Jesus dyuudan12 patominapa-kidaniinao (Matthew 10:5-15; Luke 9:1-6) Udauna�an Jesus makon naa ipai wiizai kida kawana�ati; na�ii ukakinaopan ipai pidannao. 7 Udapadan 12 patominapa-kidaniinao baokopa pa�ida�ati. Udauna�an udyuudan naa ĩmakon dya�utam kida. Utaan ma�ozaka-karu ĩ�ati, ĩkodita-kida-kinaa nii oia�o doronai kida. 8 Udauna�an ukian ĩ�ati, “Mana�a pa�i una�aka�ana�a aimaakan kida utuma umakon an, soo uwadookori pa�an. Aonaa una�aka�ana�a wanyukunui, oo usaakon, oo upuraatan kida. 9 Pukaiwada pudazkidi. Aonaa puna�aka�a naa ba�oran pushooton." 10 Jesus kian ĩ�ati kapam, “Na�iam udapaapa-kao kaiman, na�ii usookadin uruu kabaun di�ii atii udobata�azon kawana�ati ba�oran wiizai iti. 11 Ukaawan an na�ia�oram wiizai di�iti, ĩmadapaapakan an unao kaiman oo ĩmaabata�azookan an ukuwaa, udobata na�iki uparauda�aka imi�i ukidiba iki kida, ĩaitapa kizi papataka�uta-kao nii." 12 Uruu idi ĩmako�okan kida�a naa ĩkakinaopaanan pidannao ĩtanawatin kizi�i naa pa�oian kida ai. 13 Ĩkodita-kidan iriba oia�o doronainao kida pidannao ai, na�apain iriba ĩramaudan pidannao olive oil idi na�iki ĩkakudan ĩdyaun. 14 King Herod abatan Jesus kaunamanaan ipai amazada kawana�ati. Pabi�i kida pidannao kian, “John Chikaawunuupauzo kakuda�oraz powaa iti! Uruu idi�o wuru�u kaina�a uma�ozakan usha�apata-kinaa nii umanawun kida�o aimaakan." 15 Ba�orainao kian, “Uruu Elijah!” Ba�oran kian, “Uruu prophet, kotua�o Tominkaru prophetin kawanu�o." 16 Herod abatan idizu, ukian, “Uruu John Chikaawunuupauzo! �dukuta-kidani�i naa sha�atii ukanau, mazan kaina�a ukakudan powaa iti." 17 Kaikapa�o da�i wuru�u John zowiauzo-kaoaz. Herod dyuudan John zaamata-kao, udodota-kao na�apain utaraa-kao. Herod sha�apatan wuru�u kaikapa�a Herodias aipan ati�o, uzaamataniaz paudaiaro nii, pa�inawuzu Philip daiaroz. 18 John Chikaawunuupauzo aonaa umashaadan pakadakotinan Herod ati kaikapa�a: “Aonaa Tominkaru kashaapan pidan zaamatan pa�inawuzu daiaro!" 19 Uruu idi�i naa Herodias to�ora-kizaitapan John, oaipan pazowii-kidanuzu. Mazan Herod kazannaatapa uruu. 20 Herod tarian John ai, uaitapan idi kaimana�o na�iki umanawunu�o pidan uruu. Una�apan idi utaapan uruu kaiman. Unaudapa paabatapan John paradan pa�ati, panyukunuu kasharutinpan pu�u padamata tuukii, ipai John paradan kawana�ati pa�ati. 21 Herod shakatan kamoo kaawan dono�o naa, Herodias kian, “Aizii turua�o nii õkaunaatinan John ati.” Na�apain, Herod dapadan ipai umanawun-tinpainao pidannao, soldyaa zowaunaanao kida na�iki kazowautapainao pairibannao Galilee Baara ii. 22 Herodias dani mawuusa morotan na�iki okonaupan naa. Tuukii Herod na�iki upidanannao konaukii-kidanuzo. Uruu idi�i naa King Herod kian o�ati, “Na�ia�oram aimaakan puaipan, õtaan nii pu�ati. Pupishaa õ�ai! 23 Mishi�o õparadan, õtaan nii pu�ati kanom puaiapanii, turuu õtaan pu�ati pazikon an õsha�apauz." 24 Na�iki�o mawuusaba koditan opishaa�anan padaro kaikapa�a: “Kanom turuu õpishaan u�ai?” Odaro kian, “John Chikaawunuupauzo zowau, pukii." 25 Kadimana�o ida�an okiwa�akan king di�iti. Okian, “�aiapa putaan õ�ati aizii da�a�a John zowau paraapi nazo�o." 26 Uruu idi tuukii king kasha�oran, mazan aona�a naa turuu upana�adan paparadan: ipai pidannao abatan wuru�u upishaanuz oroo. 27 Sariapa udyuuda�akan soldyaa na�anan John zowau taraa-kizai iki. Soldyaa mako�okan udukuta�akan naa John kanau. 28 Udauna�an ukaawa-kidan naa paraapi ida�anaz utaan naa zun atiz. Udauna�an zun taan naazu padaro ati. 29 John tominapa-kidaniinao abatan idi�i naa uzowii-kao, ĩnankan naa John nanaa, ĩdidan naa kapamazu. 30 Jesus dyuudaniinao kaawan u�ida�ati powaa ati, na�apain ipai ĩkowaadan pakakinaopan dau�u pidannao, na�iki kanom pasha�apata. 31 Iriba pidannao kaawa-kaawan Jesus ida�ati, baokoinao kiwa-kiwan pu�u kapam, aonaa kowas na�apam naa ĩaroopan. Uruu idi Jesus kian ĩ�ati, “Wamako amazada iti pidannao ai, usookapa kizi masakauda�u na�ii." 32 Uruu ĩmako�okan naa baza iti kanawa ida�an pidan aonaa-kizi itinapu. 33 Upu�u iriba pidannao tukapan ĩmakon, na�apain ĩaitapa ĩdyaun. Uruu idi ipai pidannao makon kadimana�o ida�an wiizai kida iki unaawa an. Ĩkaawan kiwiin Jesus makopa-kizi iti. 34 Jesus maaratinan kanawa di�iki, utukapa iriba pidannao, tuukii ukasha�oran ĩdau�an, utukapan idi kaznizonao kawan ĩdyaun, aona�oraz ĩkataapikin. Uruu idi dobata ukakinaotan ĩdyaun. 35 Wachuupun idi�i naa, utominapa-kidaniinao kian u�ati, “Wachuupu�unan naa wuru�u, na�iki da�a�orazu amazada�a�o karikaonan wuru�u waunaouz. 36 Pudyuuda�a naa shoman wuru�u pidannaouz, maonapa�o zakapu oo wiizai kida di�iti ĩtorii�an kizi pawanyukunuu nii." 37 “Unao mishi�oraiman taa ĩwanyukunuu nii.” Jesus kian. Ĩpishaan uruu, “Puaiapa sha�a watoriankan ĩwanyukunuu nii 8 kauzu kaudin-karu winipinaa ida�an?" 38 Uruu idi Jesus pishaan ĩdyaun, “Na�apauda�um bread kaina�a u�ida�a? Utukapanaka.” Ĩawunuutankan dauna�an, ĩkian u�ati, “Kaina�a baka�iauda�u breadnao na�iki dya�utam kopaunao sodi kida." 39 Udauna�an Jesus dyuudan patominapa-kidaniinao sakanata-kidan pidannao, katoontinapa kida ko�ori�o pinidi paawa an. 40 Uruu idi pidannao sakanatan katoontinapa kida, bauda�apa�o ida�a 100, ba�oran ida�a 50. 41 Jesus zaamatan wuru�u baka�iauda�u�oraz breadnao na�iki dya�utama�oraz kopaunao, uawunuupan aokazi iti patoriinpan tuma, “Kaimana�o pugaru Tominkaru, putaan idi wawanyukunuu nii.” Udushowan naa wuru�u bread kidaz, udyuudan naa patominapa-kidaniinao taanuzu ipai pidan kawana�ati. Na�apa kapam ubuutan wuru�u kopau kidaz ipai ĩkawana�ati. 42 Ipai pidannao aroopan abaapa kida. 43 Udauna�an Jesus tominapa-kidaniinao zawadan 12 dazowan kida wanyukunui wa�akun. 44 Daonaioranao paa-kariwaiz na�apain, uikoda mani 5000 ĩdyaun. 45 Sariapa uruu dauna�an aka Jesus dyuudan patominapa-kidaniinao kiwiitan pa�ua�ati baza itinapu kanawa ida�an Bethsaida iti. Uruu una�an zii, udyuuda�azon idi pidannao kiwan padapu iti kida. 46 Pidannao kiwan dauna�an, umakon naawazi paawa iti. Na�ia�a naa utoriinpan. 47 Kamoo tipitanin, karishii zikon ia�a naa kanawa, Jesus na�ian zii pa�an unaawa ii paba�orantin. 48 Utukapa aonaa patominapa-kidaniinao ka�iitan papooratan kanawa kadiman, awaru pootan idi ĩdyaun pakanaapu iki. Aizii wakankanaanin ukaawan ĩ�ida�ati, chi�ikapa wunu paawa an. Uwazoo-wazooan pu�u ĩdyaun, 49 ĩtukapa uchi�ikapan wunu paawa an. “Ma�achai!” ĩkian patarian bii�i. 50 Ipai ĩtarian tuukii ĩtukapan idi uruu. Sariapa Jesus paradan, ukian ĩ�ati, “Mana�a utaria�ana�a. �garu wuru�u!" 51 Udauna�an upaidina�akan naa ĩtuma kanawa zo�iti. Sariapa awaru mashaada�akan, tuukii manawun ĩdi�itinpan udau�u. 52 Usha�apanum kau�an aonaa zii ĩaitapan manawun kanom sha�apa�o 5000 pidannao paa-kao dono�oraz, dadara ĩzaamatan aimaakan panyukunuu iti. 53 Ĩtaraukan karishii wakadapu itinapu Gennesaret Baara iti. Na�ii ĩko�idan pakanawan karishii danoma�a. 54 Ĩmaaratinan kanawa di�iki, sariapa pidannao aitapa�akan Jesus. 55 Uruu idi ipai pidannao makoodanaan wiizai kawana�ati kida, ĩna�akan karinainao pawiizi baara ida�an kida paabata-kizi iti na�iam Jesus kaawan. 56 Jesus makon an na�itim karikaonan, wiizai, donoi, oo zakapu kida iti, pidannao na�akan nii karinainao u�ida�ati, na�apain ĩpishaan uruu tuukia�o ida�an ĩaipan upishata-kidan pakamichan danoma karikaonan karinainao ati. Ipai pishatainao ukamichan kakudan powaa iti.

‹ Chapter 5 MARK — All Chapters Chapter 7 ›

MARK 6

Cite / Share This Page