REVELATION 1

WBT

‹ Chapter 0 REVELATION — All Chapters Chapter 2 ›

1 Di�ora�a kaarita ida�a Jesus Christ aida-kidan aimaakan kida aona�oraz uaitapauzo-kao. Tominkaru aida-kidan Jesus ida�an papoitorunao ati kanom sha�apa�azon maonapa�a naa. Jesus dyuudan pa�angelin papoitoru John di�iti. Uaipan John aitapan ipai aimaakan, 2 na�iki John kowaada kizi ipai kanom patukapanii. Di�i wuru�u mishi�oraz kuwai Tominkaru Paradan di�iki�oraz Jesus Christ aida-kidaniaz. 3 Konaukia�o nii wuru�u pidan aitaapa�oraz di�ora�a kaarita�a na�iki konaukia�o nii wunaou�u abatainaouz na�iki taapainaouz ukuwaanaa, usha�apanum kau�an maonapata�a naa usha�apan kamoon. 4 Parada-karu kida John di�iki�o, 7 choochi kida ati�o Asia Baara ia�oraz. Marii Tominkaru kamunanun unao ati, na�iki utaa kizi unyukunuu kaiman-kinaa nii. Uruu na�auzoz amazada toma-kao ua�ii, atii kai, na�iki karikaonanu�o nii una�an. Na�iki 7 doronainao di�iki�o mashaapainaouz Tominkaru Taba kanaapu ii, 5 na�iki Jesus Christ di�iki�o kapam. Uruu karikaonanu�o ukuwaa mishiin, na�iki uruu kadishita�oraz kiwiin pamawaka-kizi iki, na�iki uruu Naobanai ipai kingnao ati imi�i baara�a. Jesus Christ marainpan idi waunao umawakan wa�ati, uso�otan wa�oian paizain ida�an. 6 Utoman ipai waunao Faadaanao nii pa�idiwaru, na�iki taainainao nii Tominkaru uDaru ati. Marii kizi utaapa-kao umanawunu�o nii na�iki ma�ozaka�o nii, karikaonan na�iki karikaonan. Amen! 7 Uabata, utukapan niiuwa�atinisha�iz tuma, ipai�o nii pidannao tukapan, atii wunaou�u dakatainaouz uruuchipirari idi kapam. Ipai�o nii pidannao zaadanda�a�a imi�i baara�a ĩtukapan dono uruu. Na�apa�o nii mishizi! Amen! 8 “�garu Alpha na�iki Omega,” Naobanai Tominkaru umanawunu�oraz kian padau�an, “�garu na�auzoz amazada toma-kao ua�ii, atii kai, na�iki karikaonanu�o nii õna�an." 9 �garu John unao inawuzu wamishidan idi Jesus kaimanaiman baokopa, watuudan nii ipai kasha�ora kida�oraz baiaapa-kao baokopa wazaamatinpan pu�u Tominkaru kazowautapa-kizi di�iti. Uruu idi�o õmuuda-kao paran ia�o wiizai Patmos ii, õkowaadapauzon idi Tominkaru Paradan, na�iki õkakuwaapan idi Jesus dau�u. 10 Naobanai kamoon dono�o, Tominkaru Doronaa kazowautan õgaru, na�iki õabata diiwa�o parada-karu na�apa kuwudii pootapa-kariwai aran kawan kadakotinan õbarau ikinapu. 11 Parada-karu kian, “Ipai pusaada putukapanii kida, udauna�an pudyuuda�a naazu 7 choochinao di�iti, di�ora�a donoi kida di�ia�oraz ati, Ephesus, Smyrna, Pergamum, Thyatira, Sardis, Philadelphia na�iki Laodicea ia�oraz." 12 Uruu dauna�an aka õtanawatina�akan naa õtukapa�azon kanom wuru�u kadakotina�oraz õ�ati, õtukapa 7 lamp saabatinapa-kizi kida toma-kariwai gold idi. 13 Ĩbii�i õtukapa pidan kawanu�o, kaiwadapa�o dawuu za�aba�i�o kamicha kaawa�o atii ukidiba di�iti, na�iki zadawii kawanu�o toma-kao gold idi ukaiwadapaniaz padokori�i ida�an, didimai morokoda-kao kawan. 14 Uzowaud baraka, baraka na�apa kinaridi baraka�oraz kawan, na�iki uawun pururu�ukappan na�apa tikazi kawan. 15 Ukidiba wizi�i, na�apa tawuru kawanu�u chipirari tikazi wizi�idaniaz. Na�iki uparadan abata-kao na�apa tozowan shaokodappan kawan. 16 Uzaamatapan 7 wizinao padiwa�ora antanpu�o paka�u ida�a, na�iki marii dimana�o dya�utama�o udabaazi kida dimanainpan kodita�akan udako iki. Uawun baara kanadan, kanada na�apa kamoo kanadan kawan, sakitapa kamoo dono�oraz. 17 �tukapan idi�i naa uruu, õwashatina�akan naa õawun baara iki ukanaapu�u ukidiba dazaba�a ikoda tawuru�u mawaka�oraz naa. Upu�u mazan upishatan õgaru padiwa�ora antanpu�o paka�u idi, ukian õ�ati, “Mana�a putaria�ana�a! �garu kiwiitapa�oraz na�iki dawu�itiini�o, 18 na�iki karikaonanu�o nii õkakupan. �garu mawakauzoz da�i, mazan aizii õkakupan nii karikaonan na�iki karikaonan. Kaina�a õma�ozakan õwazoota-kinaa nii mawaka-karu na�iki õtaa-kinaa nii kakupa-karu mawakainao ati kapam. 19 Aizii pusaada�a naa ipai aimaakan putukapanii kida, sha�apa�o ni�oraz kai na�iki diina�iti�i. 20 �kainaabatan nii pu�ati wuru�u aona�oraz uaitapauzo-kao, wuru kida daua�orazu�u: wuru�u 7 wizinao õzaamatapaniaz õdiwa�ora antanpu�o õka�u ida�a, na�iki wuru�u 7 lampanao saabatinapa-kizi kidaz toma-kariwaiz gold idi. Aizii wuru�u 7 wizinaouz, Angelnao wuru�u, ĩnao wuru�u awunuutapa�o nii 7 choochinaouz, na�iki wuru�u 7 lamp saabatinapa-kizi kidaz, ĩnao wuru�u 7 choochi kidaz."

‹ Chapter 0 REVELATION — All Chapters Chapter 2 ›

REVELATION 1

Cite / Share This Page